رواية قمر اسود ج 2 الفصل الثاني
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ودخل نسيم للاوضة علشان يلاقي حنان قاعدة في وسط السرير وبدخل خصلة الشعر في بوقها وكانت بتبص لسقف الاوضة وبدات تتخنق ورائحة الموت بتفوح في الاوضة جري باقصي سرعة نسيم ناحيتها ومسك خصلة الشعر وطلعها من بوقها ورماها علي الارض وفضلت حنان تكح وقت ما كان نسيم بيصرخ فيها قائلا
انتي اية اللي بتعملي دة
حنان بصت وماكنتش عارفة هو بيتكلم عن اية وقالت
مالك يا نسيم انا كنت نايمة
نسيم باستغراب
نايمة اية دة انا دخلت عليكي وانتي بتموتي نفسك وبتحطي خصلة الشعر دي في بوقك
وشاور علي خصلة الشعر اللي رماها علي الارض فقالت حنان وهي بتبص ل خصلة الشعر
انا عملت كدة
نسيم
اة عملتي انا مش هضحك عليكي يعني
وهنا يخرج صوت اميرة من الموبيل وهي بتقول بقلق لانها سمعت الحوار اللي دار
حنان ردي عليه حنان انتي كويسة
بص نسيم للموبيل اللي كان في ايدة وقال
خدي كلمي صاحبتك اميرة
ومسكت حنان الموبيل وقالت
ايوة يا اميرة
اميرة بقلق
مالك في اية
حنان
انا بخير انتي بتتصلي في اية
اميرة
هند عزام فاقت وعايزاكي
حنان
بالليل
اميرة
دي عارفة مين اللي عملت العمل ل اختك
حنان انتبهت للكلام وقالت
انتي بتقولي اية
اميرة
هي قالت كدة
حنان
انا جاية حالا
وراحت جري ناحية الدولاب ولبست بسرعة وبص لها نسيم وهو مستغرب وقال
دة اية اصله دة
حنان
مريضة يا نسيم انا متابعة حالتها ومحتاجني
نسيم
مش محتاجة تكذبي لان صاحبتك قالت لي انها عارفة مين اللي عملت العمل ل اختك
حنان وهي بتلبس جذمتها قالت
ودة كفاية اوي بالنسبة لي علشان اروح لها
وخرجت من الاوضة ونسيم كان باصص لها مش عجبة اللي هي بتعمله ،،،،،،،
ومن جوة الاوضة المحجوزة فيها هند كانت اميرة واقفة و حنان جنب منها وبتبص ل هند وبتقول بلهفة شديدة
انتي صحيح تعرفي مين اللي عمل في اختي كدة
بصت لها هند وقالت
اعرف كل حاجة بس لازم تسمعي حكايتي من الاول للاخر علشان تقدري تعرفي الحقيقية كاملة وياريت تخرجي موبيلك وتشغلي قران بصوت واطي وتخلي اميرة تخرج وتسينا
بصت حنان ل اميرة اللي قالت
انا هخرج وطالما هتقعدي انتي معها ف انا هستاذن من دكتور شهاب وامشي
وخرجت اميرة وحنان بصت ل هند اللي قالت
شغلي القران خلي يبعد عننا
حنان
هو مين
هند وهي بتبص في السقف
هتعرفي لما احكي لك
وفعلا حنان خرجت موبيلها من شنطتها وشغلت القران وبدات هند تحكي ،،،،،،
ونرجع بالسنين واحنا دلوقتي قصاد مجموعة من اهل الشارع اللي قصاد منهم الطفلة هند عزام وكلهم كانو مستغربين الاسم المكتوب علي ذراع هند وواحد من الواقفين قال
هند عزام ودة مين بقي اللي كتب الاسم دة علي ذراعها
واحد تاني قال
اكيد ابوها ولا امها
واحد تالت قال
وازاي دة حصل وامتي والبيت كان بيقع والينت باين عليها لسة مولودة حالا
نرجع ل اول واحد قال
انا عارف بقي هي حكاية تحير
واحد منهم مسك ذراع هند وبص للاسم اللي مكتوب وقال
دة الاسم محفور في ذراعها مش مكتوب وكانها مولودة بي
الثالث قال
ومن امتي العيال بتتولد باساميها
الاول قال
ما احنا في اخر الزمان وكل شئ بقي وارد يحصل
الثاني قال
طيب احنا هنعمل اية دلوقتي
الثالث قال
ما فيش غير الملجاة ،،،،،،،،،،،
وفعلا راحو ب هند الملجاة وهند بدات تكبر وسط بنات يتامي كتير زيها وكانت ديما قاعدة لوحدها وبترسم صورة ل شخص ملامحة حادة ودة كان غريب بالنسبة ل طفلة في عمرها طفلة عندها
10 سنين وتشوف مديرة الدار مدام سميرة الرسمة وتستغرب جدا وتمسك الرسمة وتقول
صورة مين دي يا هند
هند بصت لها وقالت
ماعرفش بس ديما بشوفو كل ما بص للقمر وهو معتم
سميرة استغربت اكتر وقالت
باين عليكي يا هند خيالك واسع
هند
دة مش خيال دة حقيقية دة حتي بالامارة هو دلوقتي واقف وراء منك وبيقولي انك لسة عذراء رغم سنك الكبير وهو بيحب اللي زيك جدا وبيفكر ياخدك
سميرة بصت وراء منها بسرعه وماشفتش حد لكنها بصت من الشباك وشافت الدنيا ظلمت بعد ما كانت الشمس في قلب السماء اتصدمت وحست بايد بتمسك ايدها صرخت من الخضة وبصت للي ماسكة ايدها لقتها هند كانت بتقول
بصي للقمر الاسود لو عايزا تشوفي
سميرة بصت للقمر وما شفتش حاجة فقالت بخوف شديد
مافيش حد
هند
ركزي وانتي تشوفي
ركزت سميرة في القمر علشان تلاقي القمر الاسود بيتحول ل ملامح حادة ملامح تشبه اهل البشر لكنها مش من البشر واستغلت هند تزكيز سميرة في القمر ومسكت مقص وقصة خصلة من شعر سميرة ومسكت الخصلة وخبتها وراء ظهرها والنهار رجع تاني والشمس خرجت من وراء القمر في شكل غريب ومريب وسميرة بصت ل هند اللي رجعت تكمل الرسمة وخافت ومشيت من قدام منها وهند طلعت خصلة الشعر بتاعت سميرة وحطتها علي اللوحة والشعر بطريقة مريبة اختلطت بالرسمة وبقي الشعر والرسمة شكل واحد،،،،،،
وتاني يوم يصحي كل الموجودين في دار الايتام علي خبر انتحار سميرة اللي رمت نفسها من البالكونة واتصدمو كلهم ماعدا هند اللي كانت قاعدة قصاد الرسمة وبعدها حطتت الرسمة علي ودانها وقالت
بتقول اية عايز شعر تاني انت تامرني وانا انفذ
وبصت للبنات اللي كانو موجودين في دار الايتام وضحكت بمنتهي الشر وبمجرد ما جي الليل والبنات نامو تصحي هند وفي ايدها المقص علشان تعدي علي بنت بنت وتقص خصلة من شعرهم وما تعديش الليلة قبل ما هند تكون لمت خصلات شعر من 20 بنت وبدات تحطهم فوق الصورة اللي رسمتها والصورة اختلطت اكتر واكتر بخصلات الشعر وتتحرق الصورة وتتحول ل رماد اسود يخرج منه شيطان رجيم في صورة انسان اسمه هجين بص ل هند وضحك ،،،،،،،،،،،
وتاني اليوم الصبح يخرج فرد الامن المسئول عن دار الايتام من الاوضة اللي بينام بيها وكان لسة بيفوق وما فتحش عيونه لدرجة انه وهو ماشي اتكعبل في شئ علي الارض وقع علي الارض وفتح عيونه علشان يشوف هو اتكعبل في اية لقي نفسه قصاد جثة بنات من بنات الدار وكانت غرقانه في دمها صرخ وقام وقف علشان يشوف اللي ابشع من كدة 20 جثة ل 20 بنت غرقانين في دمهم ،،،،،،،
