رواية قمر اسود ج 2 الفصل الخامس
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وفضلت هند تزق في الدولاب بمنتهي القوة قوة لا تليق معها ك ست وبدا الدولاب يميل ناحية التؤام لغاية ما الدولاب وقع علي التؤام صرخ فيصل لما شاف الدم بتاع التؤام بينزل من تحت الدولاب وفضل يصرخ وهو بيقول
لية عملتي لية
وبص للدم تاني وصرخ اكتر واكتر وهند بصت ل ايدها وقالت
انا بحلم صح
فيصل وهو بيحاول يفك نفسه
انتي مجنونه وشيطانك خلاكي تعملي كدة في بناتك ازاي هتقدري تعيشي وتكملي بعد اللي عملتي دة
هند وهي بتبعد عن الدولاب
انا ما عملتش حاجة انا ما عملتش حاجة
فيصل
ربنا ينتقم منك بس والله العظيم ل قتلك زي ما انتي قتلتي بناتي
لكن هند خافت علي نفسها وخرجت جري من الشقة وما بقتش عارفة تروح فين لكنها فضلت ماشية في الشارع وبعد ساعة من المشئ تعبت وقررت تقعد تريح علي الرصيف وقعدت ومن شدة التعب نامت علشان تصحي الصبح علي ايد بتزق فيها فتحت عيونها بفزع ورعب وخضة وشافت قدام منها ست بتقول لها
اسم الله عليكي مالك يا بنتي نايمة لية كدة في الشارع وانت باين عليكي انك بنت ناس
هند
انا فين
الست
انتي في شارع الثلاثين هو انتي مش من هنا
ولا اية
هند وقفت وقالت
انا لازم امشي
ومشيت هند وما بقتش عارفة المفروض تروح فين لكنها قالت ل نفسها
هو انا بجد قتلت بناتي ولا هجين قاصد يجنني
وكان سؤالها من غير اي اجابة ولفت الايام وبدا الجوع ياكل في بطن هند وما بقتش عارفة تعمل اية فكرت ترجع ل فيصل لكنها خافت من اللي هيعملو فيها ففضلت تمشي لغاية ما لقت نفسها في محطة رمسيس وبتركب القطر مش مهم رايح فين المهم انها تبعد وخلاص وهي في القطر لقت واحد بيقراء جرونال فلفت نظرها خبر المجزرة اللي اتعملت في الدار وصورة ليها وهي صغيرة ومكافاة للي يبلغ البوليس باي معلومة عنها فقالت للراجل اللي بيقراء الجرونال
هو دة جرونال امتي
بص لها باستغراب وقال
جرونال النهاردة
فرحت وقالت ل نفسها
يعني انا صح مش مجنونه وكل اللي بيحصل دي مجرد اوهام من هجين انا لازم اسلم نفسي للحكومة
ونزلت من القطر قبل ما يتحرك ب لحظات ،،،،،،،
ومن جوة مديرية امن القاهرة وبعد ما هند سلمت نفسها تقف هند جوة احدي المكاتب قصاد اثنين مفتشين مباحث وهما شريف وايمن اللي بيحقق في القضية من الاول وكان ايمن بيبص ل هند من فوق ل تحت وبيقول
ازاي بقي انتي هي
هند
والله العظيم انا البنت اللي انت بدور عليها ابوس ايدك ساعدني اوصل للحقيقية
ايمن
يا انسة
قطعته هند وقالت
انا مدام
ايمن
كمان
هند
هما اللي بيقولو كدة اني مدام وكان عندي بنتين وقتلتهم بايدية
ايمن بحدة
اسمعي يا مدام لو انتي حابة الشهرة ف بلاش تكون علي قفانا والا قسما برب العزة اخليكي تكرهي اليوم اللي شوفتيني في
هند
انت لية مش عايز تصدقني
ايمن ضرب ايدة علي سطح المكتب وقال
اصدق اية ان عيلة بنت 10 س بعد كام يوم بقي عندها 30 س وزيادة
هند
ما كل دة بسبب الجن
ايمن باستهزاء
اة دة اللي هو هجين اللي انتي حكيتي حكايته
هند
اة هو
ايمن اتنهد وقال
مشكلتك مع الجن اللي لبسك حلها مش عندنا احنا انتي تروحي الجامع اللي جنب مننا وهناك بقي شوفي حد يرقيكي
هند
ابوس ايدك صدقني و ساعدني انا ماليش حد
ايمن
انا لو صدقتك ابقي مجنون او انتي مجنونه ووقتها هحطك بايدي في العباسية انا هسيبك تمشي لكن احسن ما شفكيش تاني ودة ل مصلحتك
وخرجت هند من المكتب علشان تلاقي كذا صحفي بيصورها والدنيا مقلوبة واسئلة كتير زي تعرفي اية عن الطفلة اللي مشتبه فيها بانها سبب مجزرة دار الايتام و اللي يقولها انتي مامتها واللي يقول تعرفي مكانها لغاية ما خرج ايمن من المكتب وقال بعصبية
اية اللي بيحصل دة من فضلكم اللي ملهوش لزمة هنا يمشي ،،،،،،،
من الحسين تقف هند مع راجل كبير في السن وكانت بتقول
انا ما عرفش اي حاجة غير ان اسم الاب عزام ومراته خديجة ودلال تبقي مرات اخوة سيد
الراجل بدا يردد الكلام في دماغة وقال
دول اللي ماتو تحت انقاض عمارة شارع المعز من 10 س فاتو او اكتر
هند
هما دول عايز اعرف بقي اي حاجة عنهم
الراجل
سمعنا عليهم كلام كتير وربنا أمر بالستر لكن الشهادة لله بنات سيد ودلال عزة وحنان ما حدش يختلف عليهم أدب واخلاق ربنا يبارك فيهم
هند بفرحة مكسورة
دول اخواتي
الراجل
اخواتك طيب ازاي
هند
وانا اختهم الصغيرة
الراجل بص لها من فوق ل تحت وقال
يا بنتي انتي كويسة عزة اللي بكلمك عليها عندها 20 س وحنان 18 ازاي انتي اختهم الصغيرة
هند بحزن
دي حكاية ليها العجب قولي هما فين واوصل لهم ازاي
هنا يظهر هجين من العدم ويقول
اية فاكراني هسيبك توصلي لهم كدة بسهوله ولا انتي فاكرة انهم هيقبلوكي اختهم عادي فوقي
هند بعصبية شديدة
انت عايز مني اية سيبني في حالي بقي
هجين
مش هسييك واحسن لك،،،،،،،
لكن هجين يصرخ ويصرخ ويصرخ لما يشوف هند تانية بتقرب ناحيته ويقول
مش معقول مش معقول
هند التانية
كنت فاكر انك هتسرق جسمي من قبري وجوة منه تعيش واحدة غيري وهقف اتفرج عليك
ف بصت هند ل شبيهتها واتصدمت من المفاجاة،،،،،،
