رواية قمر اسود الفصل السادس
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
★لكن هجين يصرخ ويصرخ ويصرخ لما يشوف هند تانية بتقرب ناحيته ويقول
مش معقول مش معقول
هند التانية
كنت فاكر انك هتسرق جسمي من قبري وجوة منه تعيش واحدة غيري وهقف اتفرج عليك
ف بصت هند ل شبيهتها واتصدمت من المفاجاة وهجين كان بيقول
قدرتي ازاي توصلي ل هنا وانتي ميته
هند التانية
انا مش بس وصلت ل هنا دة انا كمان اللي هربت الطفلة البرئية دي منك ومن شرك يوم ما خرجت بيها من دار الايتام
وبصت هند التانية ل هند وقالت
متخافيش مش همشي من هنا الا لما يخرجك من جسمي وترجعي تاني ل جسمك وحياتك الطبيعية
هجين
انتي بتحلمي دي خلاص بقت ملكي
هند بحدة
انا مش ملكك وعمري ما كنت ملك حد وابعد عني بقي
هجين
ملكي
وبعدها بص هجين ل هند التانية وقال
انا بعشق جسمك وهعمل المستحيل علشان الجسم دة ما ياكلهوش التراب ولو قدرتي تخرجي روح الطفلة من جسمك هسرق روح تانية وهخليها برضو تعيش في جسمك
هند التانية
وهتفضل روحي رافضة انك تلمس جسمي وهفضل اطاردك واحرمك من كل اللي نفسك في
هجين بعصبية
لية دة انا بعشقك لية قاصدة تدمريني
هند التانية
علشان ما فيش عشق بين انس وجن
هجين بغضب شديد
بس انا مش اي جن دة انا ملك القمر الاسود
هند التانية
برضو جن و شيطان رجيم مسيرك في يوم تتحرق
ونهايتك هتكون قريبه اوي بس لما يكتمل مثلث النهاية مثلث من تلت بنات اخوات اكبرهم هي اصغرهم والموت كاس داير بينهم
هجين
هند بلاش تتحديني انتي مش قدي
هند التانية
قدك وهثبت لك
وبصت هند التانية ل هند وقالت
اهربي بجسمي واوعي تخلي يقرب منك
هند
اهرب ازاي
هند التانية
اصحي وانا هحميكي منه بس مش طول الوقت لازم انتي كمان ما تضعفيش واوعي تكوني ملكة
وبمنتهي السرعة هند التانية تدخل جوة هند وفي الوقت دة هند تفتح عيونها علشان تلاقي نفسها في شارع عمرها ما شافته فضلت تبص حوالين منها وفي الاخر قررت تمشي بس تروح فين وهي ما تعرفش هي فين فكرت تاني تروح ل اخواتها عزة وحنان لكنها خافت من هجين ل يظهر لها تاني وزادتت حريتها وبعدها بكام ساعة جاعت ف راحت ناحية مطعم ووقفت قصاد الفول الطعمية ودورت علي اي فلوس في جيبها لكنها مالقتش فقالت ل صاحب المطعم
عايزا اكل بس انا مش معايا فلوس
الراجل بمنتهي الطيبة
وماله يا بنتي ادخل جوة المطعم وخلي اللي واقف علي السندوتشات يعملك اللي يكفيكي
فعلا دخلت هند وخدت السندوتشات وخرجت وشكرت الراجل جدا وقعدت علي الرصيف تاكل وبدا التعب يتمكن منها وكانت عايزا تنام لكنها هتنام فين وهي ما تعرفش اي حد في المنطقة اللي بقت فيها دي فقامت وفضلت تمشي لغاية ما راحت عند جنينة مفتوحة دخلت ونامت تحت شجرة ومن الساقعة ضمت رجليها عندها صدرها ونامت ،،،،،،،
وتعدي الليلة وتقوم هند جسمها مكسر وتبص حوالين منها تشوف هي في نفس الجنينة اللي نامت فيها ولا حصل اللي يخليها تكون في مكان تاني لكنها لقت نفسها في الجنينة فقامت وقفت وقررت تمشي وهي بتمشي شافت كوافير مقفول ومكتوب عليه مطلوب انسة للعمل فقالت
فرصة اشتغل هنا واكل واشرب من الفلوس اللي هقبضها بس الكوافير يفتح
وفضلت قاعدة قصاد الكوافير لغاية ما جت ست كبيرة اسمها ياسمين عندها شلل في ايدها اليمين لكنها قدرت تفتح المحل بايد واحدة و دخلت وهند دخلت علي طول وراها وقالت
لسة محتاجة انسة معاكي في الكوافير
بصت ياسمين ل هند وقعدت بصعوبه علي كرسي وقالت
اة محتاجة
هند
انا كنت في شغاله في كوافير بتاعت واحدة اسمها زيزي لكن اختلفت معها وعندي استعداد اقف معاكي
ياسمين
انتي منين
سكتت هند فقالت ياسمين
انتي هربانه من البوليس صح
هند
لا مش صح
قامت ياسمين وجابت جرونال وفتحت الجرونال علي صفحة الحوادث وبانت صورة هند وفوق صورتها مكتوب
★ام تقتل بناتها التؤام بلا اي رحمة★
هند قفلت الجرونال وقالت
انا ما عملتش كدة دة كتب
ياسمين
كذب طيب اسمعيني كويس انا ما يفرقش معايا اللي عملتي انا محتاجة الكوافير بتاعي يرجع يشتغل زي زمان واعرف اجيب كل اللي محتاجة واعالج ايدي يمكن اعرف اشتغل زي زمان تقدري توقفي الكوافير دة من تاني علي رجله
هند
اقدر
ياسمين
بس انا ما بدفعش فلوس
هند استغربت
اومال هعيش ازاي واكل واشرب منين
ياسمين
لو علي الاكلة سهلة والنومة كمان موجودة بس ما تطلبيش مني فلوس وفي المقابل انا هتستر عليكي هنا في الكوافير
هند
دة انا وقتها هعيش خدامه تحت رجلك
ياسمين
طيب ابدي شغل واستقبلي اول زبونه هتخش كمان دقيقة
هند استغربت وقالت
انتي عرفت ازاي اني في حد هيخش كمان دقيقة
ياسمين
انا عارفة مواعيد زبايني كويس
وفعلا تعدي الدقيقة وتسمع هند صوت قطة بتنونو بطريقة مزعجة قصاد باب الكوافير بصت ياسمين للباب وقالت
ادخلي ما فيش حد غيرب
ويختفي صوت القطة وتدخل زبونة وتقعد علي الكرسي من غير ما تقول اي كلمة دي حتي عينيها ما كنتش بترمش بصت لها هند وقالت
تحبي اعمل لك اية
بصت الزبونة ل ياسمين فقالت ياسمين
ظبطي لها شعرها
وتبدا هند تظبط لها شعرها ورغم انها عملت شغلها مظبوط الا ان الزبونة بصت ل ياسمين وقالت
البنت دي مش قد كدة
وخرجت الزبونة من غير ما تدفع فلوس واستغربت هند وقالت
الست دي قالت اية دة انا عملتها شعرها زي الكتاب ما بيقول وازاي تخليها تخرج من غير ما تديكي فلوس
ياسمين
ما تشغليش بالك بالفلوس وطالما هي قالت انك مش قد كدة تبقي انتي مش قد كدة وهنا الزبون ديما علي حق
هند
بس انا شايفة انها ظلمتني
ياسمين
كمان دقيقة في زبونة تانية هتخش لما نشوف هتقول عليكي اية
وفعلا تسمع هند صوت قطة بتنونو بشكل مزعج وتأذن لها ياسمين بالدخول وتدخل زبونه تانية وزي ما حصل مع اول زبونة حصل مع تاني زبونه ودخلت زبونه تالته وطبعا هند اتوقعت ان الزبونة دي هتقول نفس اللي قالو الاثنين اللي قبل منها لكنها قالت ل ياسمين
البنت دي شاطرة ولو قصت خصلات الشعر هتكون احسن كوافيرة في مصر
ومشيت الزبونة دي وهند قالت
هي الزبونة دي بتقول اية
ياسمين
انتي سمعتي وافتكر انك فهمتي واللي عملتي زمان عايزينك تعملي دلوقتي
هند
انتي وكل اللي دخلو من الجن صح
ابتسمت ياسمين وبصت ل ايدها المشلولة وقالت
لو كنت منهم ما كانتش هبقي كدة واخر الكلام عايزا تاكلي وتعيشي الصورة اللي اجبهالك تاخدي من صاحبتها خصلة شعر
هند
وبسببي تموت زي ما حصل في بنات دار الايتام
ياسمين
خلاص خليهم عايشين وموتي انتي
هند
انا مستحيل اعمل كدة وانتي اكيد تبع هجين
ياسمين
احنا تبع اللي اقوي من هجين اصل انتي ما تعرفيش القوة اللي فيكي تقدر تعمل اية
هند
ملعون ابوة دي قوة انا ماشية
ياسمين
امشي وضيعي من عمرك 5 س تاني لغاية ما توصلي للي برضو هيطلب منك خصلات شعر العذارا
هند اتصدمت وقالت
5 س اية
ياسمين
هو انتي ما خديش بالك من الجرونال والتاريخ اللي في انتي من يوم ما قتلت بناتك وهربتي لغاية دلوقتي عدي من عمرك 5س
هند وهي هاتجنن
انتي كذابة
وراحت هند بصت في الجرونال ولقت كلام ياسمين صح رمت هند الجرونال علي الارض وقالت وهي بتصرخ
انا في كابوس ولازم افوق منه حرام اعيش كدة حرام
وخرجت هند من الكوافير وفضلت تلف وتلف وتلف وجاعت وتعبت وما بقتش قادرة الدنيا جت عليها اوي وبعدها بيومين لقت رجليها وخداها من تاني وراجعة ل ياسمين ولقت المحل مقفول قعدت قصاد منه مستنية ياسمين تيجي لكن ياسمين مجاتش زهقت من كتر القاعدة قامت تسال صاحب دكان جنب الكوافير وقالت له
هي الست ياسمين ما جتش لية تفتح الكوافير
بص لها الراجل وقال
الست ياسمين تعيشي انتي ماتت من خمس سنين وقالت لي ان واحدة اسمها هند عزام هتيجي تسال عليها في يوم ابقي اديها مفتاح الكوافير واعرفها انها كتبته باسمها
برقت هند وقالت
خمس سنين
الراجل
مالك يا بنتي مستغربه لية عمرها خلص وكان لازم في يوم تموت الا معلش هو انتي تبقي مين
هند
انا هند عزام صاحبة الكوافير دة
الراجل
الحمد لله انك جيتي علشان اديكي المفتاح بتاعك
وجاب لها المفتاح وخدته هند وراحت ناحية الكوافير وفتحته ولقت صورة ل بنت متعلقة علي المريا وتحت منها مكتوب
★كنتي عارفة انك راجعة تاني اصلهم مش هيسبوكي البنت اللي صورتها قدام منك فرحها النهاردة بالليل وهتيجي لك كمان دقيقة زي ما اتفقت معاكي وانتي عارفة هتعملي اية وبعد ما تاخدي منها خصلة الشعر ارميها في الحمام والباقي عليهم هما★
قعدت هند تبص للصورة وهي مش مصدقة انها ممكن تعمل كدة تاني لكنها فجاة لقت الصورة اتحرقت والرماد اللي نزل منها اختفي وباب الكوافير بيتزق وبتدخل البنت ووراء منها الزغاريط اللي خارجة من اهلها واصحابها لكن وسط الفرحة دي شافت وعرفت مين اللي عمل العمل دة للعروسة بنت خالتها اللي غيرانه منها لكن هند قالت ل نفسها
انا ماليش دعوي انا عايزا اعيش
وقعدت العروسة علي الكرسي وهند خدت منها خصلة الشعر وبدأ الشر ،،،،،،،،،،،
