رواية قمر اسود ج 2 الفصل السابع
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ولفت الايام قولو السنين وهند عزام بقت اشهر كوافيرة في مصر ودي بقي حقيقية مش خيال مني وما حدش يعرف ان اشهر كوافيرة في مصر بتكون السبب في موت اي عروسة بتاخد خصلة من شعرها قبل دخلتها بكام ساعة والفلوس كترت في ايد هند وهجين جالها في صورة انسي واتجوزها واتمكن منها اكتر من الاول ورغم ان روح هند التانية حاولت كتير تلحق وتمنع هند من جهنم اللي داخلة فيها برجليها الا انها ما قدرتش وما عرفتش لان ببساطة هند باعت نفسها للشيطان ودي بالنسبة ليها بداية النهاية لغاية ما جه يوم وجت ل هند الكوافير ست في الستينات من عمرها وقعدت قصاد هند وقالت الست دي اللي كان اسمها زهرة
انا جاي لك علي السيط وعارفة انك تقدري تعملي اللي هطلبة منك
هند
قرنيك تحت ايدي وسيطرتي وعرفت منه انتي عايزا اية من اول ما طلبتي مقابلتي
زهرة
مش للدرجة دي انا سمعت من ناس شمال كتير علي قدرتك لكن مش لدرجة انك تعرفي انا عايزا منك اية من قبل ما اطلبه
هند
لا عارفة
ومالت هند ناحية زهرة وقالت
عايزة تجيبي اجل مرات ابنك عزة بنت دلال وسيد
اتصدمت زهرة وقالت
انتي عرفتي ازاي
هند
ما انا قولت لك قرينك تحت ايدية ومنه عرفت كل اللي انتي عايزا
زهرة
طالما عرفتي يبقي ليكي كل اللي تطلبي وزيادة بس اخلص منها
هند
للدرجة دي بتكرهيها دة انتي حماتها يعني في مقام امها
زهرة
انا مش ام حد دي بت طالعة فيها وشايفة نفسها عليه وعلي ابني مش عارفة علي خيبة اية انا عايزها تموت وابني يتجوز علي ذوقي انا واحدة تليق بي
هند
هيحصل المهم اللي بعاتوكي عرفوكي انا باخد كام
زهرة حطت ايدها في شنطتها وطلعت رزمة فلوس وحطتها قصاد هند وقالت
عارفة وجهزتهم ليكي لاني عارفة انك كمان بتاخديهم مقدم
هند مسكت الفلوس بطمع شديد وزهرة قالت
فرحها علي ابني كمان تلت ايام انا عرفتها اني هحجز لها عندك هدية مني ليها وهي ما تعرفش ان دخولها هنا هيكون سبب نهايتها
ابتسمت هند بمنتهي الشر وماقالتش اي كلمة لكن عيونها كانت بتقول كلام كتير اول ما زهرة طلعت صورة ل عزة وبمجرد ما بصت هند للصورة حست انها تعرف عزة انما تعرفها ازاي وهي عمرها ما شافتها وابتسامة الشر اختفت واتولد في ملامحها فيضان من القلق اللي هي مش عارفة سببه فلحظت زهرة التغير في حاله هند اول ما شافت الصورة وقالت
مالك حاسة انك اتغيرتي اول ما شوفتي صورة مرات ابني
هنا يظهر هجين فجاة في صورة عمار لدرجة ان الست اتفزعت وقالت
بسم الله الرحمن الرحيم انت جيت منين
هجين
من الباب وجاي اقول لك اطمئني هند هتعمل لك كل اللي انتي عايزا امشي انتي دلوقتي وجهزي الاسود اللي هتلبسي علي مرات ابنك
ومشيت زهرة وهند قالت ل هجين
انا مش هعمل كدة انا حاسة اني اعرف البنت دي
هجين
تعرفيها منين بس وانتي دنيتك كلها ما فيهاش غيري
وخدها في حضنه وحط ايدة علي شعرها ولسة هيمارس طقوس شيطانية تصيب هند بالزهايمر خرجت هند من بين احضانة وقالت
لا انا اعرفها وسمعت قبل كدة اسم سيد ودلال بس فين مش قادرة افتكر
هجين
باين عليكي محتاجة ترجعي تاني المصحة اللي كنتي فيها
هند
وارجع المصحة لية انا مش مجنونه ولية انت تتهمني بالجنان كل دة علشان بقول لك اني اعرف البنت اللي في الصورة دي
هجين
شغلنا مافيهوش مكان للقلب والبنت دي مصيرها مكتوب من قبل ما تتولد ونهايتها علي ايدك
هند
طيب قولي مين دي
هجين
دي اللي قتلت بناتك التؤام
هند باستغراب شديد
هو انا كان عندي بنتين تؤام
هجين
واتقتلو علي ايدها
هنا تظهر هند التانية وتقول
كذاب انتي عمرك 10 س وروحك مسجونه جوة جسمي واي حاجة شوفتيها وحصلت قدام منك هي في الحقيقية مجرد سراب ووهم هجين قاصد بيها جنانك اصحي واهربي كتير حذرتك لكنك بعتي نفسك لي
هجين ل هند التانية
انتي لسة موجودة طيب ازاي وجسمك بقي ملكي
هند التانية
ما انا قولت لك حتي لو امتلكت جسمي هتفضل روحي رفضاك لغاية ما جسمي يرجع قبره
هجين بضحكة كلها شر
انتي بتحلمي واللي انتي عايزها تصحي وتهرب تبقي تحت سيطرتي لانها باعت نفسها وانا اشتريت وكل اللي انتي قولتي هخليها تنساه دي مريضة بالزهايمر
صرخت هند التانية في هند وقالت
فوقي انتي اقوي منه ما تخليهوش يتحكم فيكي
وهنا تفتح هند عيونها تلاقي نفسها جوة مستشفي نايمة علي سرير وقصاد منها هجين في صورة دكتور بيبص لها وبيقول
عاملة اية دلوقتي
هند بصعوبه
هو انا فين ولية بحلم بكوابيس كتير
هجين
انتي بخير وعلاجك ماشي زي الفل يلا بقي خفي واخرجي ل حبايبك اللي برة وزباين الكوافير بتاعك انتي ما تعرفيش قد اية الناس بتحبك
هند
تحبني وانا السبب في موت بناتهم
هجين
دي اوهام انتي عمرك ما كنتي السبب في موت اي حد مرضك هو اللي بيوهمك بكدة
هند
مرض اية دة اللي يخليني اعيش الكابوس كانه حقيقية
هجين
مرض التوحد الذاتي والزهايمر المبكر ما احنا اتكلمنا كتير وقولنا لازم تكوني اقوي من المرض هسيبك دلوقتي وكمان ساعة هكتب لك علي خروج
وبمجرد ما لف هجين وشه واداها ظهرها يدخل للاوضة ممرضة يبص لها وقال لها بصوت واطي
زودي لها جرعة العلاج اللي يخليها تجنن اكتر واكتر
وخرج هجين ،،،،،،،،،،
وجه اليوم اللي عزة في تدخل الكوافير وسط الزغاريط وفرحة الاهل واصاحبها واكتر واحدة كانت فرحانه بيها اختها حنان وبدات هند تشتغل في شعر عزة وقصت خصلة الشعر من عزة وراحت بيها ناحية الحمام ورمتها وبدا يخرج من الحمام حشرات لونها اسود وبدات تختلط ب الشعر لكن هنا هند بموس حلاقة كانت مخبية في هدومها قصت كمان خصلة من شعرها ورمته مع خصلة شعر عزة والحشرات بدات تخلط خصلتين الشعر ببعض وهنا ظهر هجين وقال بغضب شديد
اية اللي انتي عملتي دة
هنا تظهر هند التانية وتقول
بدا مثلث النهاية ومعاها نهايتك واستني نهاية تليق بملعونه زيك
