رواية الذكر مشمش الفصل الثاني بقلم منة خلف
عمر ....تاني ما قولنا لسة صغيرة يعم ...الله كرهتني اني اجي يا اخي دا انت زنان
خالد ...يعم دي في آخر سنة كلية ...يعني فضلها سنة وتبقا احسن دكتورة
عمر ....معنديش بنات للجواز ارتحت
خالد ...هو انت هتطلع عقدك علينا ولا ايه
عمر ...ولا اظبط كدا يلا ...واتلم
خالد ...ما انا ملموم اهو شايفني متبعتر ولا ايه
عمر ...طيب متفتحش سيرة الموضوع دا تاني
خالد ...صدقني شهد هتبقا في عيني
عمر ...كمان بتنطق اسمها من غير كسوف قدامي كدا عادي
خالد .....واتكسف ليه ان شاء الله...انا طلبها في الحلال
عمر ...لما تكبر
خالد ...ربنا يهديك وفق راسين في الحلال...ربنا يحل عقدتك يا رب
عمر ....يووووه...وبعدين مش لما توافق العروسة
خالد ...وانت كلمتها اصلًا عشان تعرف
عمر ....ماشي يعم الملزق هكلمها ...بس لو رفضت متفتحش الموضوع دا تاني ..تمام
خالد ....انا مترفضش يسطا وانت عارف
عمر ...اهو غرورك دا اللي موديك لورا ..تبًا لتواضعك ياخي
************************************************************************
***نرجع لفجر
فجر ...كفاية اوي كدا انا سهرت خالص النهاردة
يزن ...يختي اسكتي مش احسن نا انتِ محبوسة في اوضتك لحد ما هيجيلك توحد
عامر بضحك ...خليكِ وسطينا يا فجر ...على رأي يزن القعدة لوحدك وحشة
فريد ...امتى ييجي عريس الغفلة بس يا ربي
فجر ...ليه ان شاء الله..عايز تخلص مني
يزن ...كفاياكِ رفض في العرسان ...انتِ مش انجولينا جولي يعني
عامر ...من حقها تشرط وتتشرط....دي زينة البنات
فريد ...انت مش طبيعي يا حج من امتى وانت منحاز في فريق فجر ضدنا
عامر بتأثر .....من ساعة ما حسيت اني ممكن اخسرها ...لما عرفت كد ايه انا بعيد عنها ...كد ايه انا معرفش هي بتحب ايه وبتكره ايه وعايشة معانا وكأنها ضيفة
****وبص لفجر ......سامحيني يا قلب ابوكي
...نو نو ...اخيرًا بقا ازغرط
فجر اتأثرت من الكلام ...دموعها نزلت لا إراديًا ...جسمها ساب كدا وكأنها متبنجة ...وبدون تفكير حضنت ابوها وعيطت
عامر ...متعيطيش يا قلب ابوكي حقك عليا
فريد....كفايااااا دراما بقا ...هتخلوني اعيط وانا ولد فرفوش
يزن ...استنى بس كدا...على كدا الاوضة ام تكيف وبلكونة وفيشة الشاحن اللي فوق السرير مش هتبقى من نصيبنا ولا ايه
فريد ...ولا الشامبو اللي ريحته فراولة دا ..والحمام اللي جوة الاوضة ....لا يا بابا فجر لازم تتجوز ...هي هتعنس جنبنا ولا ايه
فجر بصدمة ....بقا كدا ...انتوا طمعانين في اوضتي
***ولسة فجر كانت بتهزر واستوعبت اللي فريد قاله
فجر ...انت بتقول شامبو بالفراولة.......انت اللي خلصت الغسول بتاعي ابو 1500 جنيه .....وانا اللي قولت الاوضة ملبوسة يا اللي منك لله
فريد ...احم غسول اتاريه بينشف الشعر ....وايه يعني الله....مش خسارة فيا
فجر ...لكن خسارة ليا ....حرام عليك دا مستورد ...عاجبك كدا يا بابا
عامر ...لا طبعًا ...وعقابًا ليه هيطلبلك واحد على حسابه
يزن في نفسه ...الحمدلله اني مقولتلهاش على معجون الأسنان
فريد ...ظلم دا بقا ....اجبلها غسول بنص مرتبي ...ليه الافترى دا
عامر ...عشان تحرم تسرق حاجة اختك تاني
فريد ...ربنا على الظالم
عامر ....لا عرفت اربي انا ...بتدعي عليا في وشي كمان
يزن ..وهو بيسرب اخوه .....لا لالا ميقصدش يا حج ...دا اهبل هتاخد عليت برضو
فجر ...انا خلاص عرفت نيتكم عايزن تخلصوا مني ...عشان طمعانين في اوضتي
يزن ....احم مش بالظبط يعني
فريد ...هو يعني ....عايزين نفرح بيكي مش اكتر
فجر...واضح واضح ...طيب عن إذنك يا بابا هروح انام قبل ما ارتكب فيهم جناية
عامر ...روحي انتِ وسيبهوملي انا هربيهم
****************************************************************
***دخلت فجر اوضتها ...واتوضت وصلت ...ومسكت فونها....انصدمت من كل المكالمات اللي مش شهد ...فرنت عليها
شهد ....اخيرًا رديتي
***وانهارت شهد في العياط
شهد ...سامحيني يا فجر ...حقك عليا انا ...اوعي تكوني زعلانة مني ....انا لو كنت اعرف انه هيحصل كدا كنت اخدتك وخرجنا على طول
فجر ....بس يا هبلة انتِ ....اي نعم انا زعلت واخدت على خاطري ...بس مش واحد زي اخوكي دا اللي يفرق ما بينا
شهد بفرحة وهي بتمسح دموعها
شهد .....يعني انتِ مش زعلانة مني
فجر ....مقدرش ازعل منك ...بس في نفس الوقت عمري ما هخطي بيتكم تاني
شهد ...قلبك ابيض بقا ...والله عمر قلبه طيب ...بس انتِ بس اللي متعرفوش
فجر ...ومش عايزة اعرفه ....ولا حتى المحه بعد كدا
شهد ...للدرجادي شايلة منه ...دا انتِ حتى قلبك طيب ومبتعرفيش تزعلي من حد ..ولا حتى تشيلي جواكي
فجر ....انا فعلًا طيبة ...بس مش هبلة ...اخوكي قالي كلام خلاني عايزة الأرض تنشق وتبلعني
شهد ...خلاص متزعليش ...غيري الموضوع ...احكيلي عملتي ايه لمل روحتي
*****وهي بتتكلم معاها كان عمر بيسمعها ...وحس بالذنب اكتر
رشا ...ولا يا عمر ...بتتصنت على اختك
عمر ....هششش ....وطي صوتك لتسمعك
رشا بهمس ....طيب وبتتصنت ليه يا عين امك ...هااا ...من امتى وانت بتتصرف زي العيال كدا
***فشدته أمه على البلكونة
رشا ....قولي بقا يا عين امك في ايه
***عمر بتهرب ..وهو بيبص في اي حتى الا عين امه
عمر ...هيكون في ايه يعني .....مفيش كنت بس داخل أطمن عليها
رشا ...عليا انا الكلام دا ...دا انت تعرف تكدب على الكون كله ...إلا أنا..عيونك فضحاك يا عين امك انت
عمر ...انتِ باين عليكِ فايقة يا رشروشة ..وانا هموت وانام
****ومشى عمر من قدامها قبل ما تفضحه
رشا ....ماشي يا ابن بطني ...مبقاش امك لو مخلتكش تتجوزها
*************************************************************
***عند عامر
عامر ...بلاش الكلام اللي بتقولوه لاختكم دا ...وامتى تتجوزي ..وامتى مش عارف ايه ....انتوا مش بتأكل بتأكلوها من جيبكم
كان لسة فريد هيتكلم...راح يزن برقله
يزن ...عندك حق يا حج ...مش هتتكرر تاني
عامر ...يا ريت...لاني انتوا عارفين مبحبش اعيد كلامي
***وقام عامر ينام
فريد ...هو ابوك جاي علينا اوي كدا ليه
يزن .....انا حاسس انه متغير ...بس بصراحة عنده حق ...انا اول مرة احس اننا عيلة متكاملة ...وفجر قاعدة معانا ...وبتتكلم وتضحك
فريد ....بصراحة وانا كمان
يزن ...طيب يلا بقا ...عشان شغلنا ...مش ناقصين يتخصملنا الشهر دا كمان
فريد بضحك .....على رأيك
**************************************************************
***عند خالد
***خالد في نفسه ...وبعدين بقا في عمر ....انا هفضل معنس كدا كتير بسببه ....الولا دا لازم يتاخد على الحامي كدا ...ويتحط أمام الأمر الواقع
***دخلت ام خالد على ابنها
سماح ....ايه يا خالد يا ابني ...ليه صاحي لحد دلوقتي
خالد ...بصراحة في موضوع شاغلني بقالي كام يوم
سماح ...بتضربه على كتفه بخفة ....شهد مش كدا
خالد ...ايه دا انتِ عارفة
سماح ...امال ايه يا واد ...فكرني نايمة على وداني ...دا كل ما اروح أزور ام عمر ...الاقيك بتتلكك وتيجي ورايا ...اجيب سيرتها عنيك تلمع زي النجوم ...اوعى تفتكر اني كبرت يا واد ...انا امك وافهمك من غير ما تتكلم
خالد...احم ...خلاص بقا يا ام خالد متكسفنيش
سماح ...وانت وش كسوف أوي
خالد ...احم ...يعني معايا يا ام خالد
سماح ....معاك يخويا بس في ايه
خالد.............
