رواية قط وفار والقلب احتار الفصل العشرون بقلم شيماء يسري زهران
- يعني ايه يعني!!
ردت نوال بتعيط:
- مش عارفة يابني، عشان خاطر خالك مش عشاني، الحقها دور مع سليم اخوك في اي حتة.
قال مراد في خضة:
- ازاي مدورتوش!!!
رد بابا:
- دورنا يابني في الأقسام والمستشفيات مفيش اثر ليها.
اتكلمت انا وقولت:
- عملتوا محضر تغيب؟؟
رد مراد:
- محضر التغيب بيتعمل بعد ٤٨ ساعة...سليم هات عربيتك وتعالى.
اتحرك سليم، قالت هالة وهي بتعيط:
- هاجي معاكم..معلش مش هعرف اقعد.
ركبت معاهم ورا، قربت أركب انا كمان قال مراد:
- ما تطلعي انتي.
- ياعم لأ خليني معاكم هقعد متوترة.
المهم إن العربية اتحركت وفضلنا ماشيين مش عارفين نروح ع فين، اتكلمت هالة:
- هو احنا ازاي مجاش ع بالنا!!!
رد سليم:
- اللي هو ايه؟؟؟
- نروح الكلية!!!
رديت أنا:
- معقولة! تفتكري ايه يخليها في الكلية لحد دلوقتي!
زعقت هالة عليا:
- أنتِ بجد بتسأليني!!! اومال أنا قلقانة ليه!!!
سكت في احراج وبصيت من الشباك تاني، جات مكالمة ع فون مراد من رقم غريب، رد:
- الو؟؟ مين معايا؟
- هقولك مين معاك..بس قبل ما اقولك خليك عارف إن التدوير ده كله مش هيفيدك..هاجر معايا.
وقف سليم العربية وده لأن مراد زعق وقال:
- مين انت قولي وعايز ايه؟؟
- عايز مرام..تديني مرام اديلك هاجر.
- ***** يا ***** مين انت قولي يا جبان يا ****.
- تؤتؤ تؤتؤ، ليه الغلط يا مراد؟ ليه يا *****؟؟
- يا ******.
كنت مفزوعة من الشتا.يم انا وهالة، خد سليم الفون منه وفتح الاسبيكر:
- مين معايا؟؟ في ايه مين انت؟؟؟
- انا حسام..
حطيت ايدي على بوقي في شهقة، كمل حسام:
- قول للحلو اللي جمبك يسيب مرام خالص ويبعد عنها، وانا اديكم هاجر دي، هاجر متلزمنيش بس لو تلزمكم انتوا يبقى المقابل مرام.
- المقابل ********.
رد سليم:
- اهدي يابني انت.
زعق مراد:
- اهدى ايه انت سامع بيقول ايه!!! يعني ايه المقابل مرام!!!
قال حسام:
- يعني هقولك ع المكان دلوقتي، ومن غير شوشرة وفي هدوء كده هسلملك هاجر لكن تديني مرام.
رد سليم:
- طيب فين المكان؟
اتعصب مراد:
- ***** هو ايه اللي طيب؟
قال حسام المكان وقفل السكة، رد سليم:
- انت تعرفي تهدى شوية؟ هو احنا يعني هنسلم مرام بجد؟ هندخل نكـ. سر عضـ. مه وناخد البت منه ونمشي.
رديت وانا عيني مليانة دموع من الخوف:
- وافرض معاه ناس جوا؟
رد مراد في غضب:
- ياستي مش هعمل كده اصلا أنتِ شايفاني ايه! انا هروح لوحدي اكـ. سر جسـ. مه.
زعقت هالة وهي بتعيط:
- يعني ايه مش هتعمل كده!!! وانا اختي ذنبها ايه في كل القر.ف ده!! ذنبها ايه بسبب خطيبك ومشا.كلك!! انا ماليش دعوة يا سليم هاتلي اختي!
رديت وانا بعيط من التوتر:
- طب مانا اختك بردو يا هالة! ايه عرفني حسام ده هيعمل فيا ايه!
زعقت هالة عليا:
- ارجوكي كفاية تمثيل بقى! اختي ايه دلوقتي! انا اختي الحقيقية مخطو. فة ومعرفش فيها ايه! ويمكن أنتِ اللي مسلطة خطيبك اصلا!
- أنتِ بتقولي ايه يا هالة؟؟
- أيوة! مش اخر مرة امبارح قولتي هي السبب في حوار العصير! ليه متكونيش حبيبتي تنتـ.قمي ودي كلها لعبة!
رد مراد:
- ما تسكت خطيبك ياعم! في ايه يا هالة؟ ايه اللي بتقوليه ده؟؟
اتعصب سليم:
- هو ده وقته بجد!!! بتتكلموا في ايه خلونا نلحق البت!
مديت ايدي من ورا الكرسي امسك دراع مراد، مسك كف ايدي من جمب الكرسي وقال:
- متخافيش انا معاكي..مش هسيبك تدخلي.
| في مخزن كبير، قديم|
وقفت العربية، المكان شبه مهجور اصلا، انفاسي كانت عالية مرعوبة حاجة تحصل، فتح سليم باب العربية وقال :
- محدش منكم لا انتي ولا هي يفكر ينزل من العربية مهما يحصل، انا هتربس عليكم فاهمين؟؟
هزت هالة راسها، لكن أنا اللي كنت ميـ. تة في جلـ. دي، مسكت في دراع مراد وهو نازل:
- يا مراد أنا خايفة.
طبطب على كف ايدي وقال:
- متخافيش هنجيب هاجر من غير ما حد يقربلك، بس اوعي تخرجي من هنا.
خرج مراد من العربية وقفل الباب، تربس سليم العربية من برا، ودخلوا في هدوء يتسحبوا ..رن الفون بتاع مراد:
- الو؟
- ايه الاخبار، مرام معاكم؟
- اه معانا..انت فين في المخزن ده بقى؟
- مرام في ايدك جمبك اهم حاجة؟
- أيوة جمبي.
- طب اسمع صوتها..
بص مراد لسليم، لكن فجأة سمعوا صوت صويت هاجر من المكان الضلمة ده بس جاي من فوق:
- مراااد..الحقوني.
جريوا لفوق ينوروا بفلاش تليفوناتهم..ولما لقوها جريوا عليها يحاولوا يفكوها..قرب منهم واحد بيحاول يضر*ب سليم وبالفعل عمل كده، بدء سليم ير*دله الضر*ب..
كان مراد بيحاول يفك الاحبال اللي عليها وهي بتشهلق من العياط، قدر يفك الاحبال بتاعت أيدها وبعدها في احبال رجليها..
ضر*ب سليم الراجل ده لحد ما وقع ع الأرض مغمى عليه، لف سليم لقى مراد شال هاجر ولفت أيديها الاتنين حوالين رقبته وحضنته.
| في العربية|
- هالة أنا خايفة هما اتأخروا ليه؟
- اسكتي بقى متوجعيليش دماغي انا خايفة على اختي.
استغربت من أسلوبها معايا بس قولت اكيد متوترة وحقها.
لكن فجأة ببص جمبي لقيت اللي واقف من ورا الازا.ز وبيبتسملي بكل شر؛ صرخت وقولت:
- هالة الحقيني.
كـ. سر حسام ازا.ز العربية بعصاية كبيرة معاه، صوت انا وهالة، شدني من لبسي جامد عشان يطلعني، لبسي اتقـ.طع، شدني من شعري وصرخت جا.مد وانا بعيط مفزوعة:
- ابعد عني انا بكرهك، هالة الحقيني.
- ليه كده يا اخي سيبها..
استغربت ردها البارد وهي بتلومه ومش بتمسكني حتى، صرخت ومسكت فيها وانا خايفة:
- هالة الحقيني والنبي، اوعى.
قالت في نبرة خايفة شوية:
- هرن عليهم متخافيش..اوعى سيبها.
قدر يمسكني وخرجني برا العربية.
| في المخزن |
كانت بتعيط في حضنه اوي وهو شايلها:
- انا مرعوبة..مراد..
- خلاص مفيش حاجة اهدي.
حضنته اكتر وعيطت:
- من غير كنت زماني ميـ. تة..
حاول يهديها وهو خارج بيها وجمبه سليم لحد ما وصلوا العربية، فتحها سليم بالريموت اللي في ايده وقرب مراد بهاجر لكنها مسكت رقبته جا.مد وقالت:
- عايزة افضل حضناك، خايفة.
اتحرج مراد وقرب يفتح الباب لكن فجأة ملقاش مرام ولقى الاز.از مكسـ. ور، زعق وقال:
- فين مرام!!!!!
ردت هالة مخضوضة وهي هاجر في حضنها بعد ما ركبت:
- الحقها يا مراد..حسام جيه خدها بالغصب.
زعق جا.مد وهو بيخبـ.ط العربية بايده:
- أنتِ بتقولي ايه!!! وأنتِ مقدرتيش تعملي اي حاجة! ترني علينا!!!!!
- محدش فيكم كان فونه بيدي شبكة..
رد سليم:
- اهدى يابني وهنلاقي حل.
- حل ايه يا متخـ.لف انت!!! ههدى لحد ما نلاقي حل!!! بتقولك خدها!!! انا هتجـ. نن..يعني ايه!!! يعني فين مرام!!!!!
ردت هالة وهي بتعيط:
- الفكرة انه خدها في عربية ومشي بيها يعني مش هنا.
حط مراد ايده ع وشه وهو بيمشي ويرجع للعربية ومش عارف يتصرف ازاي.
| في مكان تاني مهجور|
كنت بحاول اخرج بس هو تربس العربية ومكتفي ورا..
نزل من العربية وفتح الباب وشالني وانا بحاول ازقه انزل، كان حاطط لزق ع بوقي..
وصلنا لحد باب المكان وفتحه برجله ورماني ع الأرض، اتو.جعت..نور النور وقرب مني وقال:
- مفكرة نفسك هتقدري تروحي لمراد بعدي؟؟
بصاله وانا عيوني مليانة دموع وجسـ.مي كله في حالة فز.ع..
- مراد ده د.خل تحدي معايا من اول يوم شو.فته فيه..
خرجت بنت من اوضة تانية كده ضلمة وهي بتقول:
- تؤتؤ..ايه هنميل يا حسام؟؟ فين اتفاقنا!
اتفز.عت ...ملك!!!!!!!!
قربت مني وشالت اللز.ق من على بوقي وقالت وهي بصالي:
- ازيك يا مرام؟ فاكراني؟؟ أنا ملك..ملك اللي سلط عليكي دول..
سقفت بايديها، خرج صالح وحليم من الأوضة وهما شمتانين فيا..برقت بعيني وانا ضر.بات قلبي على اخرها..مش قادرة اتكلم من الخوف..انا كده اكيد ده اخر يوم في عمري..
قالت ملك:
- واللي انتِ متعرفيهوش يا حبيبتي إني حسام ده انا اللي سلـ.طته بردو يخـ.بطك بالعربية من الأول..
شهقت وانا مصدومة، كملت:
- ولما الاستاذ معرفش ينفذ الخطة وللأسف معرفش يمو*تك، اتفقت معاه مفيش مبلغ هياخده غير لما يقدر يخطبك ويعمل عملته معاكي وبعدين يرميكي..
عيطت جا.مد في رعب ونبرة رجاء:
- حرام عليكي! انا عملت ايه لكل ده!! أنتِ عمرك شوفتي مني حاجة وحشة!
- اه، يمكن انا اللي سيبت مراد بمزاجي، بس انا عمري ما احب اطلع خسرانة من وانا صغيرة..مش بعد ما اسيبه بكل بساطة تاخديه أنتِ...وده على حسب كلام هاجر بنت عمك.
- هاجر!!!!!
كملت في غِـ.ل:
- دلوقتي اللي انا رجعتله بدل مراد خاني! ومراد عايزك أنتِ!!! قد ايه الدنيا مش عادلة!!! أنا بكرهك من اول يوم مراد خطبني فيه.
رد حسام:
- ملك..هتديني المبلغ دلوقتي وامشوا انتوا.
ضحكت ملك في تريقة بصوت شرير وقالت:
- بجد؟ اصل نسيت اقولك يا مرام..الأستاذ قلبه حن ليكي في نص الخطوبة بعد ما كان الموضوع كله من الأول اتفاق..
بصيت لحسام لقيته مضا.يق، كملت ملك في نبرة تهد.يد:
- هتعمل اللي متفقين عليه يا حسام ولا اخليهم يخلصوا عليك؟
بدأت اشتـ. مهم وانا بترعش :
- انتوا كلكوا عصا.بة، ****** يا ***** هوديكم في ستين د.اهية.
ضحكت ملك وقالت:
- محدش هيسمع صوتك..المكان كله مهجور..يلا يا صالح انت وحليم، حسام..يلا لو عايز تاخد المبلغ اللي وعدتك بيه..
صوت وانا بترعش وبحاول اقوم لكني مربوطة:
- اوعوا، ابعدوا عني...
| في عربية سليم|
قال مراد :
- اهو امشي من هنا، ياعم اللوكيشن ماشي ز.فت يمين.
ردت هاجر وهي بتعيط:
- هو انت متأكد إن اللي بتقوله ده صح؟
- أيوة، هي قالتلي أنه رابط الفون بتاعها بفونه وعامل تتبع، يعني لولا اني هي سابت الفون في العربية كنت زماني مش عارف اروح فين.
زعق ع سليم:
- ما تسوق اسرع ياعم!
جز.ت هالة على سنانها في غيظ من اللي بيحصل، قالت لمراد:
- وريني الفون كده..
بص مراد في المراية عليها لقاها باين على وشها الشر والغـ.ضب، سأل في شك:
- عايزة الفون ليه!
- هتأكد اذا كان اللوكيشن ده حقيقي ولا فيك اصلا.
- يعني ايه اللي بتقوليه ده؟؟
- انا عندي خبرة في الحوارات دي وشاطرة فيها صدقني.
رد في شك:
- لأ اللوكيشن سليم واحنا رايحين اهو..
مردتش هاجر، بص وراه وقال في نبرة تهد.يد:
- أنتِ لو طلع ليكي دخل في كل ده صدقيني مش هيحصل كويس.
- انت بتقول ايه!!! ده بدل ما تشوفني وتطمن عليا في حالتي دي!
ردت هالة:
- ايه اللي اخوك بيقوله ده يا سليم!!
- يا جدعان اسكتوا بقوا خلونا نلاقي اللوكيشن..انا هكلم البوليس اكيد هيسبقنا.
قالت هاجر في خضة:
- بوليس!!!!
ــــــــــــــــــــــــــــــ
قط.ع حسام لبسي، لكني زقيته برجلي حاولت، قرب صالح وحليم عليا وقدروا يتملكوا مني في الأول، طبعًا احبالي الصوتية قربت تت.قطع بس مفيش حد سامعني، ملك وقفت تتفرج في شما.تة..
لقيت ورا ايدي ع الأرض قادرة المس قطعة از.از لأني اتشكيت في الأول حاولت امسكها وانا بحاول اقاومهم وكنت بقـ.طع الحبل اللي ملفوف على كفوفي لورا وانا ع الأرض..
عدى دقيقة وقدرت افك ايدي، وفجأة نزلت بالإزا.زة دي غر. زتها في كتف حسام، اتخض صالح وشدني من شعري.
صرخت وفي نفس الوقت شديتها من كتف حسام اللي وقع يصوت، ودخلتها في رجل صالح، زقيت حليم برجلي لكن شدني منها تاني وبقيت مش قادرة اقوم.
قربت ايدي لتحت افك الحبل وانا بحاول اقاوم حليم، اللي كان شبه الحيوان بيحاول يكون هو الكسبان ويوصل لغرض ملك عشان ياخد مبلغ كبيرة مكافأة..
وبالفعل ربنا عمل معايا معجزة وقدرت افك رجلي معرفش ازاي حقيقي! وفجأة ضر.* بته بقوة في صدره برجلي وصرخت وانا بقوم اجري، جريت ورايا ملك بس أنا مكنتش في وعيي ولا حاسة بحاجة غير اني بجري في مكان ضلمة..
سمعت صوت حليم بيجري ورايا مع ملك..كملت جري وانا بصوت وبصرخ بحاول اخرج من الضلمة دي..مسكني حليم وضر*بني كذا قلم خلل بوقي يجيب د*$*م وحاول يوقعني لكني قلبت حاجات حديد متعلقة عليه وعركلت طريق ملك وكملت جري..
كنت دايخة جدًا..اثر الضر*ب والخضة كملت جري لحد ما سمعت صوت سرينة بوليس برا..كملت جري لحد ما وصلت ولقيت الحكومة..
جريت عليهم مرعوبة وانا هد.ومي مقطعة ومتع*ورة، ساعدوني يخرجوني بعيد عن المكان ودخلوا هما بكشافات وسلا**ـ.ح.
بصيت يمين لقيت عربية سليم جات، نزله كلهم معادا هاجر فضلت قاعدة مرعوبة لما شافت البوليس وفي نفس الوقت مكنتش طايقاني ولا مصدقة اني مراد جيه ينقذني بعدها..كانت عايزة تبقى بطلة الفيلم..بس انا هخليها بطلة الفيلم..مبروك يا هاجر.
جري مراد عليا مخضوض عايز يحضني، زقيته في صدره وصرخت عليه:
- ابعد عني!
اتخض من ردة فعلي، قرب مني تاني وهو مخضوض:
- أنتِ كويسة!! احنا اللي بلغنا وجيت وراكي.
- انا مش عايزة اشوف وشك تاني في حياتي، انا بكرهك..
وقف مصدوم قدامي..بصت هالة لسليم..سمعت هاجر ده من الشباك وابتسمت.
- ليه بتقولي كده!!!
- اللي انت روحت فضلتها عني وانقذتها خليها تنفعك..هي اغلى مني طلعت، ابعد عني يا مراد أنا بكرهك! انا حياتي كانت هتد.مر لولا أني طلعت ارجل منك وعرفت انقذ نفسي بمساعدة ربنا.
قرب مني تاني :
- انا مكنتش اعرف إني ده هيحصل.
زقيته في كتفه تاني في غضب:
- قولتلك ابعد عني!
قربت من عربية سليم وفتحتها وقولتلها:
- مبروك عليكي مراد، مش عايزاه..بس هو بقى يعرف انك أنتِ كنتي بتنقلي اخبارنا لملك؟؟؟
بلعت هاجر ريقها في توتر، قال مراد:
- ملك!!!!
فجأة بص قدامه لقى البوليس خرج من المكان ماسك ملك وباقي العصا.بة.
فضل باصص مراد، قال:
- انا مش فاهم حاجة!!! ده كابوس؟؟؟؟ ايه علاقة ملك!!!
- ابقى اسأل هاجر.
مسكني من دراعي وانا بحاول امشي..زقيت دراعه وقولت في ملامح غضـ.بانة:
- اوعى ايدي، كتك القر.ف!
بعدت عنه ومشيت لقدام، جري ورايا يمسكني في زعيق:
- أنتِ مجنونة؟؟؟ هتمشي لوحدك من هنا ازاي!!
صوت بصوت عالي:
- ابعد عني!!!! هقول للبوليس انك تبعهم وربنا!!!!
ساب ايدي، زقيته وانا بعيط وجريت من المكان ده خالص لحد ما طلعت ع الشارع.
لف وراه لقى هاجر:
- انا معملتش حاجة.
نزل عليها بالقـ.لم.
شكرا لزيارتكم عالم روايات سكيرهوم
