رواية قمر اسود ج 2 الفصل الرابع
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وسابها فيصل ومشي وهند فضلت واقفة في الشارع مش قادرة تصدق او تستوعب اللي حصل وبصت تاني ناحية العمارة علشان تشوف كراسة رسم بتقع من فوق بصت ل فوق ما شافتش حد جريت ناحية كراسة الرسم ومسكتها وعرفتها دي كراستها اللي كانت بترسم فيها صورة الشيطان هجين فرحت لما اتاكدت انها صح وهنا تسمع صوت جاي من فوق بصت ل فوق شافت نفسها وهي صغيرة شافت هند الطفلة بنت 10 س وكانت بتقول
ماما هتسيبي ياخدني
هند باستغراب شديد
هو مين
هنا الطفلة شاورت ناحية القمر بصت هند مطرح ما الطفلة شاورت وشافت قمر اسود شكله يرعب وفجاة هند الطفلة تقف وراء منها وفي ايدها مقص وبتستعد ل قص شعرها ،،،،،
لكن هنا هند تفتح عيونها تلاقي نفسها واقفة جوة كوافير وفي ايدها مقص وقصاد منها زيزي صاحبة الكوافير وكانت بتقول
هند المدام عماله تقول لك علي اللي عايزا تعمله في شعرها وانتي واقفة وساكتة وكمان غمضي عينكي
هنا تقول الزبونة اللي قاعدة علي الكرسي
دي نامت وهي واقفة
بصت لهم هند وقالت
انا جيت ازاي
ضحكوا الاثنين باستهزاء وقالت زيزي
جيتي بتاكسي هتيجي ازاي يعني
هند بحدة وهي بترمي المقص
انا ما بهزرش انا من ثانية كنت في مكان غير دة خالص
زيزي
هند انتي رجعتي تاني للجنان ما انتي خلاص كنتي خفيتي اية اللي حصل
هند
اللي حصل اني ،،،،،،،
وسكتت هند لما شافت في المريا نفسها وهي طفلة وماسكة مقص وواقفة وراء زبونة قاعدة علي كرسي تاني وبتبص لها الطفلة وهي بتحط المقص في رقبه الزبونة دي وبتقطع في لحم الزيونة هنا جريت هنا وزقت الطفلة بعيد عن الزبونة وهي بتصرخ وبتقول
انتي بتعملي اية
لكن ما بين غمضة عين وتفتحها المشهد يتغير وهند ما تلقيش الطفلة واللي زقتها كانت زميلتها في الكوافير اللي كانت بتقص شعر الزبونة عادي هنا وقفت زيزي قدام هند وقالت بعصبية
انتي تاخدي حسابك وتمشي
هند بصت لها وهي بتكمل وبتقول
ما انتي مش علشان احسن بنت عندي في الكوافير اشغلك معايا وانتي في الحالة دي
هند حست ان رجليها مش قادرة تشيلها فقعد علي اقرب كرسي ليها وهنا تسمع صوت في ودانها بيقول
ارجعي ليا وكوني عبدا من عبادي ارفع عنك الجنان واخليكي تعيشي السنين اللي ضاعت من عمرك من وقت ما خرجتي معايا من دار الايتام لغاية النهاردة
هند اتفزعت وقالت
انت مين
وما بين غمضة عين وتفتحتها يتبدل المشهد كله وهند تلاقي نفسها في صحراء وقمر اسود بيخرج منه كيان مظلم بيقف قدام منها وبيقول
انا هجين زي ما جيتي الدنيا بخيانة اخ ل اخوة في عرضه انا جيت احنا الاثنين زي بعض
ول بعض ولولا انا كان زمانك ميته معاهم تحت الانقاض
هند عماله تعصر دماغها وبعدين قالت
انا مش فاكرة غير اخر حاجة حصلت في دار الايتام ونهاية 20 بنت ب سببي وبقيت من طفلة عتدها 10 س ل ست متجوزة وشغاله في كوافير
هجين اللي بدا يلف حوالين منها زي عقارب الساعة
اصل الجن اللي زيي يقدر يلعب في الزمن ويتحكم في الماضي والحاضر يقدر يرجع بيكي ل وراء ويطلع بيكي ل قدام اخليكي وانتي صغيرة اكبر اخواتك واخليهم يعجزوا ويموتو وانتي زي ما انتي جن الكواكب والمجرات يقدر علي اللي ما يقدرش عليه اي جن تاني دة مصيرك تكوني ملكي يعد ما خليل الدجال باع دم اهلك ليا والدم الزفر ملك ليا لاني انا كمان دمي زفر
هند باستغراب
خليل اية انا مش فاهمة اي حاجة
هجين
يبقي لازم تفهمي وبعديها اتمني انك تختاري صح والا عذابي هيكون شديد ،،،،،،،
وهنرجع بالزمن ل سنين كتير وخليل الدجال قاعد في اوضة وقت ما سمع صوت خبط علي باب الاوضة وعرف ان اللي علي الباب حكومة فقام وقف وراح فتح الباب وبص لهم وقال
اللي بعتكم عندي سوحكم
مسكو امين الشرطة من قفاة وقال
قدامي يا انجس خلق الله
ابتسم خليل وسنانة السوداء بانت ونزل معهم وهو بيركب البوكس بص ناحية عزام وقال
عملتها وبلغت عني
عزام
ما انا مش هسيبك تنشر الدحل والشعوذاء بين الناس واقف اتفرج عليك
ضحك اوي وبص له بصة اخيرة ترعب وركب خليل البوكس ،،،،،،،،،
بعدها ب كام ساعة بالظبط بيفتحوا الحجز علشان يجهز خليل للاستجواب لقي هدومة بس وهو مش موجود سالو الموجودين في الحجز فقالو انه فضل يتمتم بكلام مش مفهوم وفجاة اختفي ،،،،،،،،،،
ونرجع ل خليل من مكان مهجور وكان قدام منه هجين وكان بيقول
زي ما قدرت تهربني من سجني انا كمان هقدر اهربك من سجنك وتكون حر طليق
هجين
ودي هتعملها ازاي
خليل
بنت هتتولد من خيانه اخ ل اخوة في عرضه
هجين
ويكون اسمها هند
خليل
مش قادر تنسي بنت الشيخ اللي سجنك وقلل كتير من قدرتك
هجين
انسي ازاي الشيخ حسن اللي خلاني سجين ومحروم من نص قدراتي
خليل
ما السبب عشقك بجنون ل بنته هند
هجين
وهفضل اعشقها حتي لو انكتب عليه اعمل بايدي هند غير بنته تكون ملكي ودلوقتي سييك من اللي فات وقولي ناوي تعمل اية
خليل
مش انا اللي ناوي دول هما عزام ومراته خديجة ودلال مرات اخوة
هجين
ناوين علي اية
خليل
قدرت اسيطر علي القرين بتاع كل واحد منهم وعرفت اللي بيخططوا لي وبمجرد ما يتم الحمل الدم هيكون زفر ووقتها حلال عليك بنت الحرام
هجين ضحك بمنتهي الشر ،،،،،،،،،
ونرجع تاني ل هند اللي قدام منها هجين وكان بيقول
وفعلا حملت دلال فيكي وبعد ولادك قررت انتقم منهم كلهم هديت البيت فوق دماغهم بما فيهم خليل علشان ما حدش فيهم يعرف سرك وافضل انا المتحكم الاول والاخير فيكي لكنك قدرتي تهربي مني بمجرد ما خرجنا من دار الايتام لكن الدنيا واللي فيها ما حدش يقدر يهرب من هجين
لكن الغريب انك هربتي ازاي عملتي كدة ومين ساعدك في الهروب
هند
ما عرفش ومش فاكرة اي حاجة
هجين بغضب شديد
لسة ما تخلقش اللي يضحك علي هجين وانتي هتشوفي شئ بسيط من عذابي ،،،،
وبين غمضة عين وتفتحها تلاقي هند نفسها في اوضة نوم وقصاد منها فيصل مربوط في كرسي وبيقول بترجي
هند اللي هتعملي دة ما ينفعش دول ولادك
وهنا تسمع صوت بنتين تؤام بيعيضو ومربوطين وقصاد الدولاب وعندهم اربع سنين بصت لهم وبلا اي رحمة راحت ناحية دولاب اوضة النوم ومسكت الدولاب بايدها من وراء وقالت
لازم يموتو. دول ولاد هجين
وفضلت تزق في الدولاب بمنتهي القوة قوة لا تليق معها ك ست وبدا الدولاب يميل ناحية التؤام لغاية ما الدولاب وقع عل،،،،،،،،،،،،،،،،
