رواية حين تتغير الاقدار الفصل الواحد والثلاثون بقلم سناء الهموندي
ابوچهك من اعاین گلشي اشوفن بي
صحتي ولون وچهي وحتی عافیتي 😊
مگالب والليالي تريد وسعة بال ..
وهموم العلي .. ما مرن بواحد ..
كفاني اترفعت عن چلمة الياحيف ..
وسهمي شما نگص من هالوكت زايد ..
تمار : تفاجاة برده فعلهه كلت بداخلي يمكن خايفه خل اسايرهه كتلهه شبيج حبيبتي ليش خايفه انتي تعرفيني كلش زين ااذي نفسي وما ااذيج باوعت عليه بنضرات كلهه خجل ودنجت حطيت ايدي على حنجهه ورفعت راسها وكتلهه احجي شبيج شمس .
شمس : بخجل تمار فدوه خل ناجل الموضوع .
تمار : شمس أبويه انتي ليش التأجيل هيه براسج براسج .
شمس : بارتباك وخجل ممن موو مو ودنجت وسكتت .
تمار : احجي مو شنو شمس متصدكين لهفتي عليج بهل يوم احسبله ساعه ساعه لليوم الي ننجمع بي بفد غرفه .
شمس : وبعد مماطله طويله اخذت بالساعه تقريبا يحاول يهديني ويقنعني اخر شي مد أيده على سحاب البدله أنا طكيتهه بجيه وهوه حار شون يسكتني يربي على هل يوم المخجل يعني وكتهه تجيني بهيج يوم .
تمار : لج شمس صدك تبجين بسببي عمي ملازم والله انا عندي اهم شي نفسج ويايه بالغرفه ارتاحي وجري نفس وبدلي اهدومج بشي مريح .
شمس : ارتاحيت الكلامه وفعلا طلعتلي ثوب ابيض طويل كتله ممكن تطلع شويه بين ما ابدل .
تمار : لااااا شمس عاد مو لهل درجه شون اطلع اهلي شيكولون عليه .
شمس : بحيره كتله جا دير وجهك حتى ابدل .
تمار : بنفاذ صبر امري للواحد القهار وهاي درنه وجهنه .
شمس : بدلت على السريع وراهه بدقايق اندك الباب ام علي جايبه العشه أخذ تمار الصينيه وصاحني كعدت اكباله وبدينه ناكل بحكم رابين سوه اخذت راحتي واكلت بعدهه أخذ الصينيه واجه أنا كعدت على السرير اجه هوه هم كعد بصفي ولزم ايدي وكال .
تمار : ها عيني ما الله هداج عليه وتخلينه نكمل ليلتنه .
شمس : تمار مو اني الصراحه شون اكلك يربي .
تمار : بارتباك احجي شمس انتي شنو مترديني .
شمس : بسرعه جاوبته لالالا والله بس انا عندي عذر شرعي .
تمار : لا يا الله منو داعي عليه ابتسمت وكتلهه نصبر يأبه نصبر شكو ورانه ولا يهمج بس الي اريده منج متخبرين احد بالموضوع .
شمس : سويت مثل مطلب مني تمار وثاني يوم طلعت من الغرفه شفت عمتي تقربت على تمار وهوه ماعرف شهمسلهه وهيه هلهلت اجتي امي وجايبتلي ريوك العرسان وباركتلنه ونطتني هديتي هيه وتهاني وراحن سبحان الغير تهاني وخلاهه تصير للأحسن مرت الايام وتمار يعاملني معامله يحسسني كأنما بعدنه اصغار ويخاف عليه مو عمري 15سنه وهوه عبر ال20سنه تمار اكتفه يوميه باليل يحضني وينام ويشم بشعري خلصت شهريتي خامس يوم عرسي بس استحيت اكله لحد يوم السبعه مالتي عزمنه العالم واجوي باركولنه وجابولنه هدايه بيومهه حطيت مكياج بسيط بوجهي ولبست ثوب زيتوني تمار طلع استحه يبقه بسبب الخاطر أغلبهم نسوان وللغروب كلمن طش البيته تمار تاخر صبوا عشه ساعدتهم خلصنه عشه وتمار ماكو إذن رحت توضيت وصليت خلصت صلاة عدلت نفسي صارت ساعه ب8كلمن دخل الغرفته اجتي نوره يمي سولفنه شويه وراحت الغرفتهه ويه خواتهه تمار عنده 5خوات 3متزوجات باقيه بس نور وهدى و4اخوان وإخوانه بس علي وهوه متزوجين وباقين 3بعدهم رتبت الغرفه وكلت خل اصلي استحباب الابويه الله يرحمه فرشت السجاده وكفت اصلي وطب تمار .
تمار : مضى سبوع على عرسنه شويه شويه بديت اكسر حاجز المستحه البيني وبين شمس وصرت ما اغفه اله على انفاسهه اليوم رحت على شغلي حاسبت الفلح وتاخرت عبن صار سبوع ماجاي رجعت متأخر فتت الغرفتي وتفاجات بشمس تصلي ابتسمت ابمكر والله وكعتي بايدي يا شمس وكفت كبالهه تخوصرت وابتسمت نص ابتسامه هيه وتصلي عيونهه عليه تاخرت بالصلاة وانا افتر بالغرفه رحت غسلت وبدلت اهدومي رجعت لكيتهه بعدهه تصلي لا يالله هاي مبين عليهه راح تصلي للصبح من وره الخوف رجعت وكفت كبالهه شفتهه كعدت سجدت وطولت بسجدتهه كتله ها شموس بشري خلصتي باوعت عليه بخوف وكالت .
شمس : االا بعدني .
تمار : سوتني اعصاب بس ابتسمت وكتلهه شمس خلصتي لموتى النجف وكربلاء يعني ما بقى ميت ولا بقى ايمام اله وما صليتيله .
شمس : بارتباك اااا هسه راح اكمل .
تمار : شمس مو اني جوعان .
شمس : بابتسامه يعني انت تريد تتعشه مو .
تمار : ابمكر اي اريد اكل كلش جوعان .
شمس : كمت لميت السجاده خليتهه بمكانهه توني اطلع اصبله عشى واجه هوه كبالي كطع عليه الطريق وكال.
تمار : يا ضالمه تشردين مني بالصلاة مو حتى صلاتج متنقبل اذا ممرضيتني .
شمس : سلمت نفسي اله وتقبلت الوضع و هوه جان كلش هادء ويايه وعرف شون يمتلكني صرت مرته باسني براسي وكال .
تمار : مبروك يا مرتي ويا روحي .
شمس : ابتسمت بخجل ورحت غسلت ومضت الأيام والأشهر ومر على زواجنه شهرين واحنه متفاهمين وعايشين احلى من العسل .
سلطانه : مضى ثلاث اشهر على خطوبتي وشوكت اجه كم مره انسان محترم كلش وحباب ومثقف تحدد موعد عرسي بعد سبوعين وبدت تحضيرات العرس وأمي حايره بينه .
في بغداد سنه 1974
هناء : بكسران خاله كليلي شسوي مليت من الدكاتره هاي سنتين وانا ما صار عندي طفل .
ضويه : ولج يمه خلي ايمانج باللله قوي ربج ما احب عبد اله ابتلاء .
هناء : بس يا خاله أنا مطالبه شي جبير من ربي أنا طالبه حقي بالامومه .
ضويه : الله كريم انتي ادعي وانا اخذج الاحسن دكتوره بغداد وخل تشوفج .
هناء : بقهر الله كريم أثناء كلامنه طبوا انور ومعتز انور صاير عصبي نار ويصيح .
انور : وتالي احنه وياك معتز كتلك عوف السياسه يعني يوميه طلابه السياسه يوميه مسجون وتعال يا انور روح ادفع كفاله واكتب تعهد .
معتز : ممجبور تسوي كل هذا عوفني مسجون .
انور : لك شون اعوفك .
معتز : لعد خل بعلمكم مستحيل اسكت على الباطل واضل احارب لان الساكت عن الحق شيطان اخرس .
انور : صفكت ايد بايد وكتله متصيرلك جاره صحت ل هناء كومي سويلي لكمه اكلهه حتى اروح الابويه للمحل .
هناء : كمت سويتله غده تغده وبدل وكف يباوع بالمرايه ويمشط ويباوع عليه وكالي .
انور : شبيج اليوم وضعج معاجبني محتاجه شي .
هناء : لا سلامتك بس .
انور : تقدمت عليهه ووكتلهه شبيج عيوني انتي ليش عيونج كلهه حزن .
هناء : هزيت راسي وعيوني دمعت كتله اريد اروح الاهلي .
انور : شبيج هناء ليش هيج مكسوره أحد وياج احجي .
هناء : لا والله بس مخنوكه كلش كلت هم اروح اغير جو ويه اهلي وهم مباقي على عرس سلطانه أقل ال سبوعين .
انور : جريت حسره أنا أعرف شنو بداخلج بس يا حبيبه اروحلج فدوه اتقبلي وضعنه ربج مو بعيد عليه شي يمكن بأي لحضه يفرحج .
هناء : مسحت دموعي وكتله الله كريم .
انور : بستهه براسهه وكتلهه ولو ميهون عليه افوت البيت وانتي مو بي بس اصبري الي هل يومين اخذج لاهلج .
هناء : مرت يومين وأنور أخذني الاهلي وبعد طريق طويل وصلنه تلكتنه امي وخواتي بسلام وفرح .
شمس : صار يومين وضعي كله متخربط ودايخه ونفسي تلعب من اقل شي اليوم مثل كل يوم تمار كعد تريك وبدل وحط من عطره الي كل يوم يخلي منه وقبل ميطلع يجي يبوسني براسي ويطلع تقرب باسني براسي وانا فرحانه بس راسن العطر ضرب براسي ولعبت نفسي مسيطرت على روحي وركضت للحمام هوه اجه يدك باب الحمام عليه ويصيح .
تمار : شمس شمس شجاج يمعوده فكي الباب خل اشوفج على صوتي اجتي امي ونوره امي سالتني .
ام علي : بخوف شبيك يمه ليش صيح شمس بيهه شي .
تمار : ما اعرف يمه صار يومين وضعهه مخربط كلش وهسه ما ادري شصار الهه فجاءه .
ام علي : بابتسامه وفرح ضحكت وكتله روح يمه لا تخاف عليهه .
تمار : شو ضحكين يمه شنو مكيفه شمس مريضه حجيت بابتسامه وتفاجاء .
ام علي : انزول عليك هوه هذا هم حجي شنو اكيف غير هيه بنتي روح انت الشغلك ومعليك .
تمار : باوعت الأمي ودكيت باب الحمام وصحت شمسس طلعي خل انشوف شبيج .
شمس : فتحت الباب بعد احس مصاريني تكطعت ودوخه قويه اول ما فتحت الباب لزمني تمار اجتي نور لزمتني من ايدي الثانيه ومشوني الغرفتي نجطلت على السرير تمار لزم راسي يشوفني مصخنه خالتي ام علي راحت سوتلي نومي بصره واجتي نطتني شربت شويه شويه وتمار عيونه مليانه خوف عليه وكلساع يسألني شون صرتي واهزله براسي أمه كلتله .
ام علي : ولك يمه انت مو كلت اروح اجيب كتاب التقديم مالتك طالع روح لتتاخر .
تمار : يمه الكتاب مطاير مشوفين شمس صاير بيهه شون اعوفهه خل ناخذهه للمستشفى .
ام علي : انت مبين عليك اليوم راح تسبينه خل البس عباتي واصيح ام احمد تجي تشوف مريتك وتريح كلبك .
تمار : اي يمه يرحم موتاج .
شمس : راحت خالتي وانا ما حسيت على نفسي من غفيت دقايق وكعدتني نور كلتلي .
نور : شمس كومي اجتي ام احمد .
شمس : كمت همست النوره لعد تمار وين ابتسمت وكالت .
نوره : واكف بلحوش مقبل يروح ويعوفج .
شمس : طبت خالتي ام علي وام احمد كشفت عليه وابتسمت وكالت صلاوات على النبي خيه جنتج حبله تفاجات وهاي جانت فرحت عمري وثمار حبي لتمار كلش فرحت وخالتي من الفرح ضلت تصلي على محمد وتبوس بيه اخذت ام احمد حقهه وطلعت وخالتي راحت توصلهه للباب .
تمار : واكف بالحديقه ونوره وهدى واكفات يمي كميل طب من الباب تفاجأ بينه تقدم وكال خير شكو نوره باوعتلي وكالت .
نوره : ماكو شي .
كميل : طب بدل هدومه وطلع .
تمار : شو اتخرت نوره انتي بنيه روحي طبي وشوفي شصار .
نوره : والله اني معليه بس اطب امي صيح بيه روح انت .
تمار : لج بابا انتي خبله شون اني اروح هدى انتي روحي .
هدى : تمار والله امي طردتنه من الغرفه واذا طبينه تسحلنه .
تمار : ثنينجن مابيجن خير بس حجي وصدك طلعت امي والمره وانا ركضت للغرفه طبيت شفت شمس صافنه على الحايط ومبتسمه كتله ها شموسه بشري شكلتلج ام احمد .
شمس : توني احجي وطبت خالتي وكالت.
ام علي : ولك يمه تمار راح تصير اب واحلى اب .
تمار: متفاجاء التفتت الأمي بفرح وكتلهه يمه تحجين صدك .
ام علي : بدموع الفرح اي يمه كرت عينك بي .
تمار : رحت بست امي وحمدت ربي وشكرته طلعت امي من الغرفه رجعت على شمس حضنتهه قوي وكتلهه الله يخليج الي يا احلى ام راح صير بالدنيه لزمت بطنهه وكتلهه يعني هسه هنا اكو قطعه مني .
شمس : بدموع هزيت راسي باي .
تمار : زين تحسين بي من يتحرك .
شمس : طبعا لا لان بعده صغير كلش خالتي ام احمد كالت لشهر الخامس ياله تبين حركته .
تمار : حمدت ربي وشكرته وكتلهه الله كريم ثاني يوم اخذتهه الاهلهه .
شمس : اجيت لاهلي وتفاجات بجيه هناء كلش فرحت وكعدنه نسولف ونضحك تهاني بعد سجى صار عدهه سجاد عمره شهر ترددت اخبر اهلي بحملي خفت اكسر كلب هناء بس كلت هيه أول تالي تعرف خل تسمع مني احسن ما تسمع من غيري وتزعل وانا كلشي ولا وحده من خواتي تزعل وره الغده امي حاطه ابن فالح بحضنهه وتناغيله كتلهه يمه ماباقي شي وتخلين ابني بحضنج كلهم التفتوا عليه وأمي كالت .
جوريه : شني قصدج يمه .
شمس : البارحه تخربطت وخالتي جابت ام احمد كشفت عليه وطلعت حبله امي طارت من الفرح وخواتي كلهن واولهن هناء فرحتلي فرحه مصايره وكانو هيه حبله وكعدت تعدد شراح تسوي وجيب .
هناء : شوفي اكلج من هسه جهاز الطفل كله عليه .
شمس : يا ياهناء صدك تحجين .
هناء : جا شعبالج غير أنا خالته ولج ما مصدكه شموسه الذاك اليوم تلعب ويه الجهال كبرت وصارت مره وراح تصير ام .
شمس : كلش فرحت برده فعل خواتي وأمي وحتى الاسم كعدنه نختاره لليل اجه تمار ورجعت ويا مرت الايام وزوجت سلطانه وجان عرسهه ميقل عن عرسي عرس جبير تحجي بي كل الديره زوجهه انسان واعي ومثقف مر على زواج سلطانه شهر وبيوم كاعده ويه خالتي ام علي نثرم خباز واجتي امي مستغربت جيتهه لان على طول لو هيه تجي لو خالتي ام علي تروح يمهه بس هل مره امي جايه بطلب تفاجات بي .
جوريه : خيه ام علي اعتقد اجه الوكت ونوره صارت مره وانتي تعرفين أنا من صغرهه كتلج هاي حصه غلام .
ام علي : بفرح وانا الكي احسن من غلام كبعي واخذيهه بعباتهه بس انتي تعرفين لازم اسال ابوهه وعمامهه .
شمس : نوره جانت كاعده ويانه من حجو بيهه طفرت للغرفه استحت .
جوريه : خيه أخذي راي عمامهه وابوهه و رديلي خبر .
ام علي : أنشأ الله هل يومين الجواب يمج وفعلا راحت جوري واجه ابو علي على الغده تغده وصله وكتله بموضوع غلام كلش فرح وكال .
ابو علي : ام علي غلام ذهب مصفه سبع اخو خيته وانا مستحيل ارفضه العصر أحاجي اخوتي ونردلهم خبر .
شمس : راح عمي على اخوته بس ما اعرف شصار الصبح بعد ما طلعو كلهم للشغل لميت ملابس البيت وكعدت اغسل بالحمام ومااحس اله صوت نور عالي تصيح .
نور : ما اقبللللل لو تذبحوني واللللله ماريدددده ولكم احنه رابين سوه شون اصير مرته شوفي يمه تكلين الابويه نور تفضل اتموت على انو تقبل بيييي خلو بالكم .
شمس : وكفت مصدومه شصاير وليش نوره هيج تحجي عفت الهدوم ورحت للغرفه على صوتهه العالي حتى افتهم شصاير وهيه مستمره تصيح .
نوره : تذبحوني تموتوني تحركوني افضل إليه من انو اتزوجه ولكم افهموا اني مشايفته غير اخ إليه شنو هوه الزواج جبر عمي زواج هم ماريد اتزوج بس فكو ياخه مني .
تتوقعون نور شبيهه وشنو الصار نزلولي توقعاتكم حبايبي القصه راح يبدي بيهه الاكشن
