رواية حين تتغير الاقدار الفصل الخامس والثلاثون بقلم سناء الهموندي
شبيها عيونچ تريدين تبچين
سواد بـ عينچ و بـ الگوة تحچين
شبيچ إحچيلي لـ تخافين
ليش هواي ذبلانة
شنو متعب معانيچ
أول مرّة أشوفچ حيل كبرانة
أول مرّة أحس مكسورة تمشين
و آني الي أعرفچ أقوة إنسانة!
نوره : ضلت ضرب بي لحد ما نوص بصوت ناصي كوه ينسمع من الفرح حمدت الله وشكرته ضليت أردد الحمد والشكر الك يارب حولوني بغرفه ثانيه انا والطفل اجوي طبو امي وخالتي جوري وابويه باركولي أبويه بأس راسي خالتي طايره من الفرح للعصر كلش طلعنه من المستشفى بس وضع الولد معاجبني كلساع اسال امي ليش هيج يتنفس بالكوه وهيه تكلي شي طبيعي لتخافين رجعنه وانا الوب من أشوفه شون يتنفس بقوه صدره يعله وينزل ليل كله كاعده ويا بيت اهلي بقيت وشمس وأمي ويايه معافني غفيت شويه وحلمت جن لازمه بيدي طير ابيض يخبل بس شكل الطير تعبان شويه والطير طار مني وانا كمت اصيح عليه بكل حسي ماكو اختفه الطير كعدت ابجي واكح كح فزت شمس على صوتي جتي يمي ونطتني ماي شربت .
شمس : اسم الله شبيج نور خوفتيني عليج .
نوره : باوعت على الولد وكتلهه شمس هل طفل مو إليه .
شمس : شبيج نوره شنو مو الج غير ابنج شوفي حتى يشبهج خصوص العيون الزرك حجيت وياهه بضحك بس هيه شكلهه ميطمن ابد كلش خفت عليهه هيه والطفل .
نوره : شلت الولد وحضنته قوي وكتلهه شمس راح اسمي موسى .
شمس : اي كلش حلو شبيج نور ليش هيج حزينه المفروض هسه انتي طايره من الفرح واليوم راح يجي غلام وشوفي شون يفرح بيكم .
نور : طكيت من البجي ابجي بحركه شمس غصه غصه واكفه بصدري ماعرف شنو سببهه حاسه راح يصير شي يكلب حياتي .
شمس : بستهه براسهه وكتلهه تعوذي من الشيطان قريت ايات عليهه لحد ما غفت بدلت للولد بس صدك شكله ميطمن تعبان وخامل حتى كوه يبجي شربته شويه مي وشكر ونيمته كعد اصيل رضعته وطلعت بي لكيت خالتي تصلي انا هم خليته يمهه وصليت طلع الصبح واجه الضهر وغلام ماجه ونور كلساع تسال ماجه غلام ونجاوبهه لا امي اجتي يمهه بقت للعصر وراحت للبيت عبن اخواني وحدهم .
نور : حاولت أقنع روحي انو اني مابيه شي ولازم افرح واكوم على ابني بس من الزمه راسن كلبي يقبضني غلام اليوم ما اجه هوه كل مره يتأخر يوم او يومين اجه اليل رضعت موسى كوه رضع ونام انا هم غفيت اجتي امي كعدتني الولد يبجي كمت رضعته ورجعت نمت ثاني يوم حسيت شي يجكج خدي وايد تمسد على شعري راسن فزيت على عطره اي والله هذا عطره اول مشفته بجيت وهوه حضني حضنته قويه وانا اكله ليش تاخرت مو كلت ما اتاخر .
غلام : بسج يروحي هاي أنا يمج والله صارت ضروف وتاخرت بعدين شنو هاي حليانه على الولاده بستهه براسهه وكتلهه الف مبروك يا عيون غلام .
نوره : ابتسمت وكتله شتاقيتلك .
غلام : مو بكد شوقي صدكي وينه هذا الفصعون الشلع كلبج .
نوره : اول ما باوعت على الولد عيوني دمعو غلام كاعد بصفي شال الولد وابتسم وعيونه لمعت بس من التفت عليه وشاف دموعي تلاشت ابتسامته وكال .
غلام : شبيج رويحتي ليش هل دموع .
نوره : بجيت وكتله ماعرف غلام ماعرف ليش حاسه ضيق بصدري .
غلام : لتحجين هيج أبويه انتي اتعوذي من الشيطان وذكري الله لج دشوفي لهل فصعون شون حلو يروحلك فدوه ابوك ولك شنو هل جمال نور هذا ملاك مو طفل .
نور : ابتسمت وحاولت اهدي بالي وافرح لفرح غلام شون يبوس بالولد طلبت منه اسمي موسى ومعترض مشت الايام وصار عمر موسى شهر كلش فرحانين بي اول وره ولادتي بسبوع رجعت للبيت وخالتي جوري تحير شسوي وداريني أنا وموسى حتى تهاني بالبدايه جان عدهه شويه نوع من الغيره بس هسه هواي احسن غلام مستمر بشغله من يروح اكضيهه باليل احضن مخدته وانام وانتضره على نار صار كلشي بحياتي وماكدر بدونه احجيله كل تفصيله صغيره او جبيره وأخذ رأيه بكل شي
باجر أربعين موسى بس بعده كوه يتنفس نايمين سمعت صوت الأذان كعدت خليت الجاي على النار ورحت توضيت وجيت كعدت غلام غلام كوم صلي إذن .
غلام : صباح الخير .
نوره : ابتسمت وكتله صباح الورد كوم صلي حتى تطلع للزرعات هم ياله .
غلام : كعدتي امي تصلي .
نوره : خالتي كاعده من زمان تصلي صليت وغلام هم صله صبيت ريوك وكعدنه أنا وخالتي وغلام نتريك غلام كمل وكام كمت ورا لزمت قمصلته لبس حذائه (مكرم القارء) ولبسته قمصلته لتفت عليه بتسم ولزم خدي وكال
غلام : لشوكت اضلين هيج دلليني تره اتعلم واتعبج .
نوره : ضحكت وكتله ابقى ادللك لاخر نفس بيه .
غلام : غلام تقربت بستهه خطف وكتلهه اروح فدوه لعيونج السنين صافن بيهن وماعرفت شنو لونهن الحقيقي عبن بكل موقف يتغيرن شكل بفرحج شكل وبالحزن شكل وبالشوك شكل نور .
نوره : دخت بكلامه وجاوبته هممم .
غلام : ولج لا تسوين هيج بشكلج لا تخليني اعوف ابو الشغل .
نوره : ضحكت وكتله لا لا روح حتى تجي من وكت اليوم أربعين موسى .
غلام : ياله حبي في امان الله .
نوره : الله وياك راح غلام وانا رحت شفت موسى بعده نايم شو ليل كله ما كعد رحت فليته وكعدته كوه ينوص ارضعه ميقبل يرضع خفت عليه كلش بدلت هدومه ونيمته كمت على شغلي وكملته من وكت وانا كلساع امد راسي للغرفه أشوف موسى خاف بجه صارت تقريبا ساعه 9خالتي كالت روحي جيبي الولد نسبحه طبيت للغرفه حسيت بنغزه بصدري كلت يمكن جي مراضع تقربت على مهده ولن اشوفه صاير ازرك رجعت ليوره وراسا ذكرت الحلم ودكيت على صدري وصحت لالالالااااا تقربت شلته اضرب بي بس هوه ماكو لا حس ولا نفس عطت بكل حسي ولجججججج يممممهههه لحكييييلي غلالااااااممم وينك تعال الحكلي .
جوريه : حاطه طشت ودفيت بي ماي حتى اغسل لموسى كلت الاحلام ولج يمه روحي المرت اخيج كلهه جيب الولد اغسله كملت كلامي وسمعت عيطه نور الي خلتني نشليت بمكاني احلام راحت تركض أنا كوه كمت على حيلي ومشيت واتمنا ما اوصل وأشوف الي صار .
احلام : ركضت لغرفه غلام طبيت شفت نور كاعده بالكاع وحاضنه موسى وتصيح رحت يمهه وكتلهه نور شبيج ولج نور موسى بي شي .
نور : راححح احلام راحح موسى ولكم راح مني .
جوري : طبيت شفت نور تخبلت وعرفت موسى مات من صياحهه ردت اخذه منهه مقبلت مجلبه بي وتبجي وانا متحملت وضليت انعي وابجي دزيت على اهلهه اجه غلام وشمس وام علي وأبو علي تخبلو عليهه وياهو يتقرب منهه تجلب بالولد وتصيح .
شمس : حاله نور ما اتمناهه العدويني بجتنه كلنه عمي وخالتي يتوسلون بيهه حتى يأخذون الولد وهيه قافله تمار حاول وياهه مقبلت وره نص ساعه طب غلام مصدوم تقرب منهه وكللهه .
غلام : نور أبويه انتي انطيني الولد حجيت بغصه وأحس نفسي ضاق .
نور : هزيت براسي وكتله لا غلام بارده وين مودي عفيه عوفه والله مابي شي .
غلام : نور اروحلج فدوه لتسوين هيج انطينيا مو مضل عندي كلب .
نور : لالا والله جوعان غلام موسى جوعان مراضع ولكم ابني جوعاننننننننن صحت بصوت وغلام اجه حضني وعيونه صارت دم وكلساع يمسحهن خاطر محد يشوف دموعه كعد غلام بالساعه يقنعني وابويه وأمي وخالتي وانا احس روحي راحت ويا من غلام شاله مني وأخذه هوه تمار وطلعوا وانا ملخت روحي بعد ماحسيت بنفسي .
شمس : البيت عم بالحزن راح غلام يدفن الولد ونور فقدت ضلت دك وتلطم كعدت ابجي وياهه وأقره ايات عليهه بالكي تهدء .
غلام : دفنت قطعه من روحي واجيت محني ضهري تمار ويايه دقيقه معافني حتى من طبيت اغسل واكفلي باب الحمام ردت اطب اشوف نور بس وين اطب والبيت عباره عن نسوان طلعت وتمار لزمني ومشاني مشيت ويا بدون حتى ما اساله وين رايحين ماحسيت اله واحنه واكفين على النهر الكل مره نكعد يمه تمار كال .
تمار : غلام خويه ماعرفتك هيج هاي انت الجبل اليوم مهدود .
غلام : جريت نفس وكتله لك تمار قطعه من روحي دفنتهه بيدي ولك ماشفته شون جنه نايم والله ممصدك ميت لو ما أخذنا للمستشفى واكدو وفاته .
تمار : اذكر الله يمعود لا تنسه ربك مخلي الكل بشر امتحان وانت لازم تنجح بامتحانك .
غلام : ونعم باله الحمدلله على كل حال بس انا ماكاسر ضهري غير نور تمار نور شون راح ارجع للبيت وأيدي فارغه وانا كتلهه اخذه المستشفى وارجعه .
تمار : ربك هوه الي يصبرهه ويصبرك بعدين انتو بعدكم بعز شبابكم يعني تعيشون وتخلفون أنشأ لله وترسون البيت جهال .
غلام : رجعت للبيت باليل لكيت العالم فاضه طبيت للغرفه لكيت نور كاعده تصلي ودموعهه تارسه عينهه كملت صلاة شالت سجادتهه كمت وراهه وكفت يمهه باوعتلي وعينهه تلالي من الدموع وكالت .
نور : غلام الجو بارد شون أنا مدفيه وهوه بين التراب .
غلام : متحملت حضنتهه ودموعي أعلنت استسلامهه ونزلت وهيه فرفحت من البجي وفرفحت كلبي وياهه كوه هديتهه ونامت .
نور : ثاني يوم الصبح اجتي امي وشمس وخواتي معافوني كلهم اجوي يواسوني لليل كاعد أنا وشمس وخالتي جوري شمس باتت يمنه عبن تمار التحق للدوام بيت فالح طبو الغرفتهم وسلطان بغرفته يقره خالتي جوري سولف شون فقدت امهه وتذكر ماسيهه حتى تواسيني حسيت صدري نغزني وثوبي تبلل عرفت در حليبه راسن بجيت .
شمس : مندمجين بسوالف امي وسمعت نور بجت تقربت عليهه نور حبيبتي شبيج .
نور : بدموع شمس حليبي در والله سلطان جوعان التفتت على غلام وكتله غلام الولد جوعان .
غلام : نور اذكري الله ولتنسين قوله تعالى يا أيها الذين آمنوا استعينوا بالصبر والصلاة أن الله مع الصابرين صدق الله العظيم العضيم يعني الله مخلينه وسيله ننسه بيهه وهيه ذكر الله والصلاة .
نور : مو بيدي غلام والله مو بيدي .
غلام : الله يصبرنه حبيبه .
شمس : مرت الايام والأشهر ومر على وفاة ابن غلام تقريبا 6اشهر ونور بعدهه تذكره بصلاة وتثوبله حياتنه تمشي ومتوكف على حاجه اصيل كبر وتمار صاير روحه من الدنيه اول ميطب من الباب يصيح عليه وهوه يركضله وطبعا اني الي جزء كبير من حب تمار ودلاله إليه .
بغداد عام 1977
هناء : كاعده بعياده الدكتوره ومنتضره سرايه يجي مثل كل فتره اجي فحص وكشوفات وأنور كاعد بصفي ونسولف وطبعا كل ما اشوف وحده حلوه لازم اضرب انور برجله حتى ميباوع وهوه ميت من الضحك عليه ويكلي ولج انتي مخبله انتي عندي بالدنيه كلهه ما ابدلج اباوع على الحوامل واتامل بيهن واكول عسى ولعل الله يجبر بخاطري فد يوم من الايام ونوب اكول يجوز الله سبحانه ضاملي شي زين كل ما اذكر ابن غلام كلبي يفرفح عليه وأحمد الله واكول الله يكون بعونه هوه ونور يمكن اني لو مكانهم ماتحمل فزيت من صفنتي على صوت السكرتيره وهيه تصيح اسمي كمت كل عاده ودخلت للدكتوره ومثل كل مره فحص وكذا وسالتني على موعد شهريتي كتلهه مثل كل مره متاخره عليه صارلهه شهرين غايبه وهيه تفحص باوعتلي بتفاجا وكالت مستحيللللل .
هناء : شكو دكتوره .
الدكتوره : هاج هاي تحاليل ضروري تسويهه هسه وجيبيهه .
هناء : اخذت التحاليل وطلعت الانور لكيته واكف اول مشافني اجه بتجاهي وكال .
انور : ها حبي للصيدليه مو .
هناء : لا طلبت مني تحاليل .
انور : ها خوش دمشي نروح هذا هنا المختبر .
هناء : سويت التحاليل وأخذت الاوراق وديتهن للدكتوره اول مقرتهن ابتسمت وكالت الف مبروك انا ضليت متصنمه على شنو مبروك معقوله البالي لا ممعقوله اشو لا اتنسه ولا شي رجعت كتلهه شنو طلع دكتوره .
دكتوره : ماما انتي حامل ومكمله شهرين وماشيه بالثالث .
هناء :من فرحتي كعدت بالكاع وبجيت بجي طلعت ضيم السنين كله اجتي الدكتوره تكوم بيه ونطتني ماي وكعدت تشرح لي انو ماكو شي بعيد على الله سبحانه وتعالى ونطتني تعليمات طلعت لانور لكيته يسولف ويه رجال جبير بالعمر ويبتسم وانا دموعي امسح بيهه وترجع تجري عبالك نهر متخلص انور شافني اشرلي رحت بتجاهه هوه ترخص من الرجال ونزلنه من عماره الدكتوره وحنه على الدرج ننزل لزم ايدي وكال.
انور : كافي دموع فدوه لدموعج ربج كريم لتعترضين على حكمه لا بد يجي يوم ويفرحنه .
هناء : هوه يحجي عباله ابجي مثل كل مره جي ما احبل وكفت على الدرج وكتله انور اني حامل كلتهه بدون مقدمات هوه أنصدم باوعلي وعيونه رأسن دمعت وكال .
انور : هناء انتي متاكده .
هناء : اي وروح ابوي الدكتوره كالت أنا حامل وبشهرين هم رجع عليه وكال.
انور : ولج امشي للبيت عبن من الفرح مادري شسوي امشي لا اتهور بالشارع .
هناء : ابتسمت ورحنه للبيت خالتي كاعده تلكط تمن انور اول مطب صاح بصوت .
انور :يمهههه ولج يمه راح اصير اب يمه وينج .
هناء : اجتي خالتي ممصدكه ضلت تبارك النه وتبجي من الفرح مشت الايام جنت مقرره اروح الاهلي بس خفت من الطريق طويل غلام اجه زارني وكلش فرحلي كتله يكل الامي على حملي بس ضاهر الفرح ما مكتوب النه طبيت بشهر الرابع اسبوع وانا نايمه حسيت شي نزل عليه كعدت مرعوبه وتخبلت من المنضر الشفته لا يربي لا انشالله مو البالي صحت على انور وكعد شغل الضوه وجان انشوفففففف.
