رواية حين تتغير الاقدار الفصل السادس والثلاثون بقلم سناء الهموندي
اغزل بالمصايب والقصيدة اتحوچ
ياروحي العزيزة ابيا عطش ذبحوچ
الراحل محسن الخياط 💔
قطار العمر يمشي ما يتاني
تعال أنظر لحالي ميت اني
تانيت أهواي شخصك ما أتاني
لما طلعن گصايب شيب بيه
💔💔
هناء: تخبلت من المنضر ومن حركت كلبي كمت اصيح ولازمه انور واهز بي .
انور : على كيفج هناء بس خل افتهم يمعوده .
هناء :هناء :بصياح لالالالاااااااا انور راح راح والله راح ابني انور سنين وانا احلم بي وتالي يروح بلمح البصر .
انور : من شفت انهيار هناء أيقنت فعلا خسرنه الطفل بس اني كل همي هيه ليصير بيهه شي ولج هناء كافي كومي اساعدج بدلي هدومج ونروح للمستشفى .
هناء : بانهيار انوررررر ميفيد راح راحححح .
انور : طبت امي برعب جتي على صوتنه .
ضويه : ولك يمه انوير شصاير تقربت شفت هناء وانا تسودنت ولطمت على صدري يمه صخام الصخمني شصاير .
هناء: راح خاله راح ابني .
انور : اخذناهه اني وأمي للمستشفى وبالغتنه الدكتوره اي اثر للطفل ماكو هناء انهارت و3ايام هيه بالمستشفى اجتي خالتي جوريه سلطان مبلغهه جان بغداد وابويه وأمي معافونه أيام صعبه كوه عديناهه وهناء ضلت متكائبه فتره طويله .
نوره : بعد وفات ابني نفسيتي كلش تعبت غلام كدر يحتويني ويطلعني من حزني .
غلام : ها حبيبي جاهزه الفجر نطلع اني وياج وإمي .
نوره : ابتسمت وكتله اي جاهزه .
غلام : تقدمت عليهه وكتلهه شنو رائيج اقرالج قصه والي حلب .
نوره : ضحكت وكتله لا طبعا ماريد عفته وردت اطلع جرني من ايدي وكال .
غلام : ليش ولج شنو ميعجبنج قصصي شو تعالي .
نوره : غلااااااام عيبببب من سلطانه جايه خطار وانا مكاعده يمهم .
غلام : اي عادي اسولفلج القصه وعود نروح نكعد سوه .
نوره : بكل الأحوال اني الخسرانه ياله يا اميري اني أعلن لك الاستسلام .
غلام : بضحكه تعالي بصفي و وسمعي القصه .
نوره : كعدت على صوت دكه الباب كمت فتحتهه وأشوف خيط الفجر مبين وخالتي تكلي .
جوريه : شني حبيبه خذتكم نومه غلام يروح للزياره لاله .
نوره : بخجل اا اي خاله هسه نص ساعه ونكمل .
جوريه : كعدي غلام وتعالوا تريكو جاي حار .
نوره : راحت خالتي وانا كعدت غلام غلام كوم غلام تاخرنه كلب روحه وسحبني عليه وحضني يمعود غلام ساعه ب8 هوه سمع هيج وفز فزه على السريع كام كعد وكال .
غلام : لا بربج صدك تحجين .
نوره : بضحك لا اشاقه ساعه ب5 كوم صلي راح صير قضاء .
غلام : شون قصه البارحه جانت .
نوره : بفضل هل قصه راحت علينه نومه ياله حبيب هم ياله .
غلام : كمنه صلينه وتريكنه وبعدهه طلعنه لكربلاء طلعنه ساعه ب6وصلنه ساعه ب10 أنا وأمي وعمران .
نور : طبينه سوه نسوان وزلم داخل الحضره ومثل كل مره احساسي وانا داخل الضريح من اجمل الاحاسيس وكانما داخله الجنه بجيت وانا داخل الضريح غلام واكف يدعي وخالتي لازمه الشباج حالهه من حالي وتبجي ناس قليله موجوده صلينه وطلعنه من أبي عبدالله الحسين وتوجهنه القمر بني هاشم الي ميبعد عنه غير مسافه قصيره كلش طبينه وكفت بابه وغلام وكف بصفي دموعي نزلت ومسحتهه التفتت الغلام هوه هم التفت عليه وابتسم وكال .
غلام : فرغي همج وكلي امرج الله ودعي الله يقدملنه الي بي خير .
نوره : امين يارب ....طبينه جوه وزرنه وصلينه وكعدنه الاذان الضهر صلينه وطلعنه تغدينه وشترينه حلاوه وللعصر رجعنه للبيت بعد زياره بشهر وكم يوم بدت عندي أعراض نفسي تلعب ودوخه سكتت ومحجيت لحد ما بيوم اني يم اهلي عازمينه اني وغلام تغدينه وكعدنه سوالف وضحك بس اني كوه متحمله امي حاطه الستكانات الجاي يمهه والقوري وصبتلنه جاي بس شتميت الريحه ركضت للحمام وذبيت من راسي ياله رتاحيت غلام وشمس اجوي واختي هدى هم يردون يعرفون شبيه طلعت من الحمام لزمني غلام وحجه بهمس شبيج نوره شجاج أبويه .
نوره : اشرتله بايدي مابيه شي بس اني الدنيه تفتر بيه شمس كالت خلي ناخذهه للمستشفى .
غلام : اي شمس لبسيهه خلي اخذهه .
نوره : مابيه شي والله .
غلام : روحي لبسي بدون نقاش احسن ما اضل قلق عليج وانا باجر اروح للدوام .
نوره : رحنه للمستشفى طبينه للدكتوره غلام واكف بره سالتني الدكتوره اذا متزوجه اولا وشماكله عبالهه متسممه كتلهه أنو اني شاكه بنفسي حامل كتبتلي تحليل وبعد نص ساعه تقريبا طلع التحليل وفعلا طلعت حامل بعد ما تأكدت من شكوكي يمكن جنت اسعد انسانه بالعالم ومن فرحتي عفت شمس يم الدكتوره وطلعت ركض الغلام اجه تقرب عليه .
غلام : كاعد بالانتضار وطلعت نوره تتلفت دور عليه راسن كمت عليهه تقربت وانا اشوفهه شون ملهوفه وعيونهه وخشمهه دم تخبلت عليهه وكل ضني بيهه شي لزمت ايدهه ومنتضر تحجي جرت نفس وكالت .
نور : حامل غلام حامل الدكتوره كالت أني حامل .
غلام : من الفرحه مادري شحجي لو ما العيبه من العالم جان حضنتهه بنص المستشفى رجعنه للبيت والكل يباركلنه وفرحانين .
شمس : تمار كوم تمار مو كلت كعديني الصبح اروح للزرعات .
تمار : مطيت ايدي وكتلهه ساعه بيش .
شمس : ساعه بال4 كوم على ما تتريك وتبدل .
تمار : جريتهه وكتلهه دتعالي خل اتريك بيج الاول .
شمس : تمار تتأخر .
تمار : قابل هوه دوام شو دتعالي .
شمس : بعد الريوك على كولته كمت غسلت وضرتله الحمام طب يسبح وانا سويت ريوك راح كعد انمار واجوي كعدو يتريكون وطلعوا خلصوا ريكوك وراحو للبستان .
تمار : ادري يعني صارله 3ايام معرفتو تصلحو .
انمار : تعرف بيه أنا ماعرفله .
تمار : بضحك هوه انت شتعرف .
انمار : اعرف اكل و انام .
تمار : لا عاب حلكك بهاي صدكت.
انمار : كعد تمار بنص الزرع وهوه يفصخ ويشد البراغي وكلساع كايلي ناوشني فلان شي انا هم ندمجت ويا وصافن عليه شيسوي .
تمار : انطيني البلايس من العده .
انمار : نطيته البلايس وانا لزمت الكتر ودرنفيس واخذني الواهس ويا افتح بالبراغي ولزمت الكتر وكعدت اجر بالواير البطن الماطور المي كلش ضخم وجبير يزكي المزرعه كلهه تمار شافني اجر بالواير كالي.
تمار: اي عفيه كطعه كطعه .
انمار : أخذني الوهس وضليت اضغط عليه عبالي مكيف بيه جي اعاونه .
تمار : عفيه بالسبع اكسرهه .
انمار : تحمست زايد وضغطت بقوه ما احس اله واجتنه كفخه على علباتي خلتني اطفر من مكاني كلت انوخذنه .
تمار : بضحك لك وين عقلك بس كلي يعني لو كاسرهه جان ابوك كسرنه وراهه .
انمار : بربك هيج تفززني كلي مو هيج .
تمار : وانت تفتهم شو طلعت مهندس ميكانيكي وكعدت تفصخ كلت خل نستكشف مواهبك .
انمار: بضحك توبه بعد لو عاونتك على هل كفخه .
تمار : رجعت وره الضهر هلكان من التعب تلكتني شمس بوجهه اليشرق والإبتسامة التنسيني ابو التعب لكيتهه مضرتلي الحمام غسلت وتغديت وكعدنه ويه اهلي وره يومين التحقت الدوامي بغداد الحمدلله مرتاح بي .
نور : سنه 1977شهرال12بالتحديد ولدت بنتي وقره عيني سبأ ولدتهه بالمستشفى وغلام متركني وفرحته جانت أكثر مني حسيته طاير بيهه الله عوضني بيهه وصارت كل حياتي .
شمس : عدت الايام والسنين وهسه احنه بسنه ال1979اوضاع العراق متدهوره كلش وانا خايفه على تمار وغلام بس همه يكولون مكانه زين وماكو شي غلام بعده شرطي بالمطار وتمار حارس بيت أحد الوزراء .
تمار : جيبيلي ماي بطه .
شمس : منين اجيب .
تمار : بضحك من الشط حبي انتي .
شمس : فتحت عيني صدك .
تمار : ضحكت عليهه اروح فدوه لبطتي الماشي صدك جيبيلي من الحب من البستوكه من اي شي حبيبتي انتي .
شمس : جبتله ماي وانا حاطه ايدي على ضهري عندي وجع قليل .
ام علي : ها يمه جنج ناويتهه علينه اليوم .
تمار : ياريت والله اجيبين قبل لا اروح حتى اشوف بنيتي قبل لا اروح .
إم علي : ومنو يكول بنيه .
تمار : احساس يمه اريدهه كون بحلاة امهه .
ام علي : بضحك أنشأ لله يمه الله يفرحك بس جيب بسلامه .
تمار : امين يارب .
نوره : غلام كافي هيج دللهه تره اني بديت اغار ها .
غلام : انتي الاصل حبيبه .
نوره : يا أصل وانت وبنتك مستحلين الجربايه وشامريني على الحافه حجيتهه والله ميصير هيج تره هذا اسمه ضلم .
غلام : شفتي بابا سباوي امج شون تغار منج ومتحبج .
سبأ : روحي يم بيبي .
نوره : سبأ عمرهه تقريبا سنتين وشويه والسانهه بطولهه فدوه لكلبهه بس شنو استحلت مكاني يم غلام وهوه متخبل بسوالفهه ويضحك عليه جي اغار منهه .
غلام : شفتي تكلج روحي يم بيبي اروح فدوه لحبيبه ابوهه .
نوره : يعني انت مايدهه اخذت مخدتي ورحت يم خالتي جوري لكيتهه تصلي خليت مخدتي ونجطلت وادردم عليهم خلصت صلاة وباوعتلي بابتسامه وكالت .
جوري : ها اليوم هم زعلانه من هل فصعونه .
نوره : لعد تقبليهه تطردني وابوهه يايدهه .
جوريه : لا طبعا ما اقبل شنهي هاي ام نص السان تسوي هيج بيج .
نوره :خالتي تحجي وطب غلام وهوه شايل بيده سبأ وهيه ميته من الضحك وهوه مدري شاورهه وخلاهه بالكاع جتي باستني وتكلي افو عود العفو ام السان .
جوري : ها خير ابو سباوي شعندك جاي بنتك يمك شكو بعد .
غلام : بضحك جيت أخذ بنتي الثانيه زعلت علينه .
جوريه : وانت ليش زعلهه روح حضر عمامك وخوالك حتى ناخذ فصل .
غلام : بابتسامه عمي قابل بكلشي هسه شنو ما بيهه مجال للتفاوض ام سباوي .
نوره : يحجي ويغمزلي وانا مغطيه حلكي واضحك .
غلام : عمي بعد ما اضوجج وحتى سبأ راح نطردهه واحجيلج قصه والي حلب .
نوره : ضحكت بصوت وكتله كلشي ولا قصصك ماريدهن خليهن الك .
غلام : يعني هيج صارت مو يمه والله اني زعلان وجاي يمج اليوم ابات .
نوره : ضحكت على سوالفه وخالتي عاطت بينه بضحك .
جورية : ولكم جاي تنصبون عليه زعلانين ثنينكم وجايين تباتون يمي هاي مو زعله هاي لواته ياله كوموا الغرفتكم خل أكمل صلاتي .
غلام : هيج احسلج مو اكلج الطلع من داره قل مقداره لو باقيه بغرفتج .
نوره : من وراك انطردت غير .
غلام : واحلا طرده عشتي يا ام فالح جثريلنه طرداتج .
نوره : يصنف عليه ويضحك وانا داخلي هم اضحك على سوالفه خالتي كالتله .
جوري : يمه غلام مريت على اخيتك .
غلام : اي يمه وتسلم عليج وتكول كل الأمي لا تشيل همي أنا بخير وخالتي وأنور هم معايفيهه وياهه وياهه .
جوريه : بس كون الله يفرحهه مثل مفرحكم بسباوي .
نور وغلام : امين يارب .
غلام : ياله كومي مو انطردتي شنو لزكه .
جوريه : لا أنا قصدي عليك انت وبنتك نوره بنتي شون ازعلهه .
غلام : طكيتهه بضحكه لا خاينه يا يمه بسرعه قلبتي عليه .
نوره : ضحكت وهوه هم ما قصر جاب مخدته واجه ناموا هنا بيومهه كلنه نمنه يم خالتي وهيه خلصت صلاة وكعدت تحجيلنه سوالفهه ما تنمل .
شمس : مرت يومين وصارت عندي ولاده امي وخالتي و تمار ويايه الله سهلي وجبت بنيه مثل الكمر ولادتهه سهله ربي سهلي بيهه تمار من شافهه كل الامه .
تمار : شفتي يمه حساسي ما يخيب وجتني كمره أنا أعلمه الغلام الخابصنه بنته وهاي اجتي التكسر بنته .
شمس : رجعنه للبيت كتله التمار اروح يم اهلي معترض واخذني لبيت اهلي وبحكم هوه رابي ويانه فا عادي ماخذ راحته ومناكر هوه وغلام هذا يكول بنتي وهذا يصيح بنتي وانا ونوره ضالات وحده تباوع على الثانيه ونضحك لسوالفهم .
سنه 1979
بغداد بدت انتشار الاخبار واشاعات الحرب بعد سقوط الرئيس الإيراني الشاه بعد ما بدو بثوره واعتصامات راح ضحيتهه العشرات ونفس الوقت استلم حكم العراق الرئيس صدام حسين .
هناء : بعد صبر وتعب كل هل سنين الله سبحانه اكرمني وحبلت للمره الثانيه وهسه اني بشهر السابع وأنور عايش بخوف مو عل طفل لا وانما يخاف لا هم اخسره وتتازم حالتي مثل ذيج المره سلطانه صار عدهه ولد ثنين وشمس بنيه ولد وغلام بنيه وفالح ثنين بنات ولد ازهر تزوج وزوجته هم حامل اتزوج زميلته جانت بالجامعه بينه حبابه ومعتز يحب وحده على طول يحجي بيهه بس ماعرف ليش انور يكول خايف من تاليت هل حب ازهر تعين بأحد دوائر الدولة ومعتز صار استاذ جامعي وآله كلمته بس على طول ذاب روحه بأمور السياسه وبس الله اليستر عمتي ام صادق الله يرحمهه توفت اثر ارتفاع السكر من كم سنه حياتي هادئه ويه انور ومستحيل الكي واحد مثله دائما بالصلاة اكعد احمد الله وأشكره لان صرت من قسمته كاعدين كلنه بالهول خالتي وعمي صادق وازهر وزوجته عمي صادق صاير عصبي ويحجي .
صادق : وتالي وياكم يعني فهموا الاخوكم كلوله اذا ميبطل من هل سالفه أنا اتبره منه .
انور : اهدء يأبه على كيفك هسه نحجي ويا معتز شني السالفة صدك جذب يعني انت محد يوكف بعينك جاي نكلك راح تعم علينه كلنه .
ازهر : خويه والله خايفين عليك انعل الشيطان وعوف هل سالفه .
معتز : انتو ليش محد بيكم يفهمني انتوا مو كلكم تعرفون بالدين ليش الدين مو يكول الساكت عن الحق شيطان اخرس .
انور : احنه وياك بس يا خويه خايفين عليك .
معتز : بويه صدك هل حاكم الجاي ضالم وكل الاساتذه الويايه معارضين عليه .
صادق : ابني أنا خايف عليك وكلبي لاعب .
ضويه : شوف يمه معتز أنا ساكته عبن اعرفنك البراسك برأسك بس يايمه خلينه بين عيونك ولا تنسانه .
معتز : جيت كعدت يم رجل امي ولزمت ايدهه وبستهه وكتلهه يمه والله انتو كل حياتي بس يايمه اذا أنا اسكت وذاك يسكت منو اليدافع على الوطن .
صادق : ميخالف جيت وياك بس بطل عتصاماتك ضد الريس الجديد عبن يكولون عنه قوي .
معتز : تره القوي بس الله سبحانه .
هناء : وبعد نقاش وحجي معتز متغير قراره وأستمر بتضاهراته هوه ومجموعه ويا خصوص بعد ما انقصفت الجامعه المستنصرية سنه 1979من جهه غير معروفه ناس تكول إيران وناس تكول هاي موامره من الحكومه الجديده حتى يتهمون بيهه ايران الي سمعته وعرفته من سوالف معتز بالسياسة انو ألغت اتفاقيت الجزائر وهذا الي زيد الخلافات بين الدول وسقوط الرئيس الشاه هم جزء من هل خلافات بيوم كاعدين واجه معتز يصيح .
معتز : سمعت جنت اكللكم محد يصدك ولكم صدكوا بدء العد التنازلي للعراق على هل الاخبار المتداولة بين الدول وحتى إلغاء اتفاقيه الجزائر متاكد بسبب صدام .
انور : بعصبيه هسسسس اسكت بس كلنالك عوف السياسه ياخي مالنه بيهه ولا كدهه .
ازهر : معتز أنا ويه كلام انور انت غلطان انت استاذ جامعي والك مقامك عوف سالفه السياسية .
جامعه المستنصرية عام 1979
معتز : استاذ ايهم اليوم انتضروني اطلع وياكم بساحه الاعتصامات .
استاذ ايهم : معتز ابني انت بعدك شاب وكدامك مشوار طويل احنه كبار السن ماعدنه شي نخسره .
معتز : لا استاذ مستحيل أتنازل وياكم للحد حاول استاذ ايهم ويايه واني قافل لحد ما صار الي صار .......
الى هنا ونختم بارت اليوم انتضروني بلاحداث المقبله حبايبي اتفاعلوووووا رجاء
شكرا لزيارتكم عالم روايات سكيرهوم
