رواية حين تتغير الاقدار الفصل التاسع والثلاثون بقلم سناء الهموندي
مو كتلي ساعه وراد عدلي واردلك
دارت سنة وما جيت ولهسه اعدلك
ياهو مابي حيل يبجي اعلة النسو ؟
ابجي بمكانة ..
ياهو يعرف ثار ميت ماخذو ؟
كتلوني انه ..
انة المشگگ سنينة !
انة ابو دموع الحنينة !
اااخ انة
شمس : حالتنه حاله على غلام نور احوالهه يوم بعد يوم للأسوء وأمي نهار كله تنعي وتدعي بعد روحت تمار للوحده بعشر ايام هم راح تمار واجه فرحان جايب رساله من غلام بيومهه بيت اهلي نكلب هلاهل وفرح عبالك عرس مو رساله .
نوره: الله يفرح كلبك يتمار مثل مفرحت كلبي بمرسال من غلام ادري تعبناك بس تحملنه .
تمار : ولج شنو هل حجي غلام اخويه قبل لا تصيرين انتي اختي .
جوريه : اي والله يايمه اخوك وأكثر وانت بحسبه ولدي .
نوره : همست الشمس ولج شمس كومي نضفي وجهي لا يجي الزلمه يشوفني ويطفر وهل مره مايرد .
شمس : بضحك اخوي يحبج بكل حاللتج حتى لو جنتي سعلوه .
سلطانه : بضحك اي والله .
نوره : يااااا شوف شتكول عليه طبعا شفتوني وحيده وستفردتو بيه خل يجي هيبتي ويأخذ حقي منجن حجيتهه بضحك ونكلب البيت من حزن إلى فرح والحمدلله .
تمار : بعد الرساله أقل من أسبوع كاعد ع نهر وفاتح عبرت المي ع نبعيه ُ....النبعيه مثل البحيره جانت بيه سمج ...وبالي بي الف حسبه بالي يم غلام مابين واثرم خبز لسمج والسمج يجمع وصوت خشخشت المي تملي اذني وباوع بالنبعه واشوف صوره غلام مصدكت عيوني والله أخذته ركضه وحضنته وابجي من الفرحه مصدكت اشوفك والله شنو هاي الاخبار يكولون ناقليكم لنهر جاسم
غلام :اي والله نطونه اجازه سبوع ونرجع اني وثنين وسبعين واحد نتحرك بمهمه سريه اتجاه العدو رصد .
تمار :يمعود غلام والله خايف عليك انت التحق وفر من الجبهه وارجع لبيتك وعيالك الحرب خسرانه مو جاي تشوف الشهداء يوميه ب الالف لا تروح بيه والله محد بحال عبالك منو يستاهل حجيتهه بترجي لتروح خويه روح التحق وراوي وجهك وتعال .
غلام :أكلك تمار الي يسمع كلامك يكول انت مو عراقي ولاتعرف سياسه الحكم يعني كل عقلك اجرجر امي واخوتي با السجون لو اخلي بيت اهلي ينداس من الحزب الي كل رحمه ماكو عدهم وداعتك الركبه هو ياخذه ويله تعال اريد اشوف نواره كلبي وجهالي اللللله شمحله كلمة جهالي .
شمس :كاعده ب الحديقه اغسل حضاين جهال غلام وجهالي واسمع تمار يصيح نورت ابو سبأ كلبي فز من شفته غلام ركضت وماادري نوره شلون وصلت قبلي وشبكته وتبجي ومجلبه بي وهوه حار شون يسكتهه نوب جتي امي تبجي حضنهه وبس اشوف جتافه تنهز وياهه ويبوس بيهه حار بينه يبوس راسي وخد نوره وخواني وجهالهم كلهم التمو ماانسى ذاك اليوم والفرحه الي جانت مسايعتنه .
غلام: خذت ولدي عباره عن عصافير ناعمين حيل فدوه اروح الهم حتى خفت لا ااذيهم بشيلتي الهم يجنون حبايبي لكيت امي مسميتهم رضا وهبه تعرف بيه احب اسم رضا وسباوي معافتني دقيقه تكول سنه مفاركهه مو كم شهر نمت وكعدت العصر اجوني اهلنا يتحمدولي ع سلامه حتى خالتي ام انور وخالي اجوي كله شفته سالت على معتز كالو هرب للخارج فرحتله ازهر جايب ويا كاميرا الفوريه نفس الوقت طلع الصور اخذت صوره لسباوي وخليتهه بمحفضتي واخذنه صور عائليه بيومهه جان البيت مليان بالفرح مر اسبوع يركض ركض وانا ما شبعان من نوره والجهال وأمي اوف يا امي مردت كلبي من تكلي ابقى لا تروح لو نوره الي هل مره أكثر من كل مره بجيهه ونواحيهه كوه حجيت وياهه وقنعتهه ما اطول وذا طولت ادزلهم رسائل نوره حبيبتي بأجر التحق وهاي المره الوضع يختلف أن شاء الله ارجع سالم بس لازم اكلج هل كلمات واريدج تسمعيني بدون بجي اذا ضعفتي ازعل عليج وماحجي كلشي يصير لازم تسمعين مني اكو ناس يجيبولهم أجساد غير أجساد اولادهم حتى يوهم هم انتي شوفي هاي الوحمه بجسمي تعرفينهه كلش زين بس لازم اخليهه بالج وهذا القرص لابسه ومراح انزعه ابد وهاي صورت ساره جيب مخفي با البنطلون وب القميص اريدج قويه واني اوعدج ابتعد قدر المستطاع عن الخطوره اباوع عليهه مخنوكه وكوه لازمه نفسهه متبجي بس تهز براسهه وكلساع تطفر دمعه منهه وتمسحهه على السريع عيونهه وخشمهه دم وانا داخلي يتملخ عليهه بس مابيدي اله اقسه شويه واحجيلهه هل حجي خاطر تستوعب كلشي يصيرلهه نور حب طفولتي عشك صباي روحي ونفسي انتي ركزتيلي بالحجيتهه أبويه انتي اطمئني للعلم هذا الكلام انتي وتمار بس تعرفونه امي مااكدر احجي وياهه خاف يصير ميصير اولادي امانه وروحي عندج امانه نور ضليت سهران وياهه سوالف وساعه اشاقيهه وساعه اشعرلهه في سبيل اطلعهه من جو الكئابه لحد تقريبا ساعه ب2ونص نمت .
نور : ليل كله افكر ومنمت اباوعله وهو نائم ياربي شلون شسوي وخلي ميروح مااعرف شوكت طر الفجر وتريك ودعني ودع جهالي عبالك الوداع الاخير ساعه يبوس برأس خالتي جوري وبالجهال وميت مره وصه سلطان وأمه علينه
تمار: طلعت من الفجر رحت الغلام عسى ولعل ميروح حرت شحجيت وكلت وتوسلت وهوه قافل .
غلام : اخويه الماجابته امي صديق عمري شيال همي كاتم أسراري ماعرف شكلك قليل بحقك .
تمار :كافي غلام لتحجي هيج وضوجني شجاك متكلي صاير هواي عاطفي .
غلام : بابتسامه يأبه شبيك فوك ما جاي امدحك .
تمار : تعرف ماحب الوداع مو تجي تجمل عليه كلمات تكطع بيهه كلبي .
غلام : بجديه حجيت وصوتي شبه اختفه تماررر نور تمار نور امانتك اعتبرهه روحي وحافض عليهه وجهالي ما وصيك بيهم ميعتاز انت كدهه وكدود .
تمار :حضنته ودمعت عيني وكتله ما الله هداك وترد ويايه هز رأسه بلا وصلته للمحطه وصاني على عياله وراح غلام التحق وره ملتحق باسبوعين تقريبا صارت مجزرت نهر جاسم واختفت آثار غلام وياه ملكيناله إثر اشهر ندور اني ولد خالته وخاله حسين وخوانه ماكو اله اي اثر ماكو غلام نفقد ونور وجوري حال الضيم حالهم البواجي والنوح والدك والطم بس شنو الفايده غلام فص ملح وذااااابب جماعته أغلبهم جابوهم شهداء ونص يكولن توجهو بعمليه رصد وهو وياهم والعلم عند الله بقه بس وحد اضل ادور الآخر نفس .
بعد مرور 3سنوات نهايه ال 1984
نور : 3سنين مر على غياب غلام وانا اعدله ساعات وايام وليالي وأشهر والأشهر تحولت سنوات واني مفاقده الامل بغلام بهل فتره 9بالميه من الي يعرفون غلام الاهل والعشيرة فقدو الامل بجيته اله أنا وخالتي جوري وتمار الي معافنه وقايم بكل واجباتنه أنا وجهالي وطبعا ابوي الحجي ويا هم وسلطان روحه بجهالي وموفرلهم كل احتياجاتهم معرفوا معنى كلمه بابا وكلبي ينمرد من اسمعهم يصيحون الواحد بابا هل كلمه من حق غلام الي حتى ملحك يسمعهه سبأ صف ثاني داوم اسويلهه كصايب وعمران يوديهه ويجيبهه للمدرسه والتوم عمرهم 3سنوات وخالتي تواسي بروحهه بيهم حياتي شبه معدومه بس لازم اتقوه واكون سند لجهالي وراح ابقى لو بعد 100سنه انتضره مدام اسم الله عليه مسامعين عنه خبر راح ابقى انتضر وانتضر .
شمس : بعدنه على أمل برجعه غلام رغم كل هل سنين صار عندي تلث جهال وهسه حامل بشهري بطني جبيره كلش حبالتي تبشر بتؤم وانا طايره من الفرح شيجي نعم الله تمار أحسه نكسر ضهره بغياب غلام وعايش بأمل انو يالكي عندي وجع بسيط وغلام جاي يمشيني بالبستان الجهال عفتهم يم زوجه علي غصون وخالتي .
تمار : فتت من النبعه مال الماي وذبيت حسره .
شمس: خيرك أنشأ لله ليش هيج مهموم .
تمار : بخنكه شمس هم يجي يوم والتقي بغلام تدرين أنا صح عايش بأمل بس نفس الوقت أنا واثق غلام مستحيل كل هل سنين ومادز النه مرسال أو حتى لو خبر .
شمس : لا تعصر كلبي انت مو كلت احتمال اسير وعلساس جاي تسال ودور ويه هذا صديقك الواصل بالدوله .
تمار : بحسره الله كريم يصير خير .
شمس : مرت يومين وانا الوجع يروح ويجي تمار كال امشي نروح الامج خل تشربج من الخبطه التسويهه بالكي جيبين صدك اخذت الجهال ورحت وأمي كلساع تفور الكتلي وصبلي كلاص وتكلي كومي فتري وتمار يضحك عليه يكلي جنج طوبه تدعبلين بالحوش للعصر وطبت علينه هناء هيه وأنور وجهالهه الله اكرمهه ب3ولد بعد حرمان 9سنين وهسه هم بدايه حملهه تكول نذر عليه بس صير عندي بنيه اذبح طلي بس الله اكرمهه ب3ولد يخبلون اجتي وكلساع تكوم تمشيني لو توكفني تغسلني تمار وأنور طلعوا ثاني يوم الصبح بتت عند اهلي ضلنه أنا ونوره وهناء وتهاني وأحلام سوالف للفجر نوره متعبر سالفه اذا متذكر غلام بيهه وتبجي إذن كاموا صلوا كمت أنا أصلي لكيت نازله علامه الولاده عرفت اليوم اجيب حضرت غراضي والصبح متحملت كمت اتلوه تمار اجه من الصبح جان بايت بيت اهله من شافني اتوجع تخبل كل ما أعصر وجهي من الوجع هوه هم يعصر وجهه وياي اجه يفرك بضهري وراد ياخذني للمستشفى بس امي تكله لا خل تستوي وانا مو بس ستويت عطبت هم كمت اصيح على كيف وهوه كلما أصيح وصاح وياي ها يروحي اوديج وأمي تكله بعدهه هسه ياله الوجع يجيهه كل
10دقايق خليهه بعد وانا افرفح وهوه وياي اخر شي متحمل لزم ايدي لبسني عباتي وصاح أمه اجتي وهناء امي كالتله ها وين هوه بكلللهه استوت خاله
راح ناكلهه وهمه يضحكون وانا اريد احرك البيت من الوجع وصدك رحنه للمستشفى ومطولت ولادتي ربع ساعة وجان شرفنه ملاك صغير ورهه بخمس دقائق شرفتنه البعدهه بنيه لأخ جبت ثنين بنات ايه من الجمال ناعمات كلش يمكن وحدتهن ميطلع وزنهه الكيلو ونص بس شنو لعابات تمار اول مره أشوفه فرحان ويضحك هيج من بعد غياب غلام فرحان بيهن طلعنه للبيت خالتي وأمي سبحوهن وهنه عياطهن هرج الامه خالتي ام علي فرحانه وتوخر بالجهال من يجون يمهن تخاف عليهن وجهال غلام وجهال سلطانه وهناء ملتمين يردون يعرفون شنو هل مخلوقات الغريبه هناء فرفرحت عليهن وكلساع تكلي والله لو ما اخاف جان عضيتهن وكلساع كابه هيه وتمار بالشقه يتناكرون تمار اختار اسم وانا ختاريت اسم وسميناهن تكتم وختام ليث ابن هناء وكح كلساع ضارب واحد وهناء تكيف الوكاحته تكول خل يموتكم قابل شكو عليكم شنو احنه يوميه جايين وهوه يسبع بحجي أمه ومتولينه دفرات اخر شي شاف أمه شايله تكتم وتبوس بيهه اجه طاير وضرب تكتم خلاهه تفرفح وهوه ولا يمه وامه فرحانه تضحك وتكول ياله من تكبر احذهه اله فصليه تمار فرفح شنو تاخذهه فصليه فوك حكه دكه فوك مضارب بنتي وضلت هيه وتمار يتناكرون وأمي وخالتي يضحكون عليهم وليث الي كله عمره 5سنين وكم شهر حركنه بوكاحته هوه وخوانه مسويلهم عصابه وامهه رائيس العصابه هيه التقودهم وتعلمهم وتضحك سلطان من يجون يصير سور الجهال غلام ويا ويله اليوصل الهم فالح بعده بسوالفه ميهتم بالبيت وكان عايش بغير عالم عمران كبر وصار يدرس ويشتغل هوه وسلطان ويصرفون على البيت من بعد غلام سوده عليه مرت الايام والأشهر والسنين ودخلنه بسنه 1986والحرب مستمره وشهداء تنكل صرنه نصبح ونمسي على جنازه شهيد كل هل سنين ومافقدنه الامل برجعه غلام وضلينه نسأل وندور نور اليشوفهه يكول عليهه عجوز أهملت نفسهه والحزن كبرهه 20سنه امي ضاله عباتهه على راسهه وتفتر ياهو اليجي من الجبهه تروح تسال بالكي تعرف خبر عن غلام وترجع تسحل وراهه ذيال خيبت الامل معتز من يوم الي طلع محد يعرف اله خبر بعد مطلع بكم شهر اجتنه رساله علساس هوه يم عمه واصل بس بعدين طلع جذب اساسا ممسافر ومحد يعرف أراضيه لا هوه ولا زوجته اهلهه كم مره اجوي يسألون عليهه وبدت مسيره البحث عن معتز وغلام من 5سنين يدورون عليهم خالتي وأمي توحد حزنهم على أولادهن وضلن وحده تواسي بالثانيه على فراك ولدهن وطبعا احنه وياهن بس نوره الهه جزء جبير بالمصايبه امي وصلت بيهه المرحله تكول لو جايبي ملفوف بعلم عاد ادفنه وانوح عليه وخالتي نفس الحجي بس بعد ميفيد كلشي يصير ويتغير بحين تتغير الاقدار ومصير البشر بعد أحنه مابيدنه شي شكد منحاول نبني مستقبل ونخطط بس فجاه يتغير قدرك وتنكلب حياتك 180درجه .
سلطان : شبيك خالو كل عقلك تريد أخذ مرت اخويه الي ماعرف عنه ميت أو عدل .
مهدي : وشكو بيهه ابني تكسب بهذول اليتامه اجر .
سلطان : بعصبيه لتكول يتامه خالو ابوهم مفقود وممكن باي ساعه يرجع .
مهدي : لو يرجع جان رجع من 5سنين ابني لم جهال اخوك واستر على زوجته .
سلطان : خالي كطنه وشيلهه من اذنك نور تتحرم عليه حرمه امي وخواتي نور حالهه حال اختي وجهال غلام ممعتازين شي واذا نقصهم شي عود الك حق تحجي .
مهدي : أنا على مودك وعلى مود جهال اخوك قابل أنا
شراح احصل وانت لا اول ولا اخر واحد يتزوج مرت اخو .
سلطان : سد الموضوع خالي وبعد لتفتحه يرحم موتاك اني ممعارض على الي يتزوجون نسوان إخوتهم اكو مجبرورات وطبعا زلمهن ماتوا فأكيد الهم حق يتزوجون مو انا الي ماعرف اراضي اخوي وين اجي اتزوج مرته .
جهال غلام جهالي وانا مسوال عليهم ونور بمثابت وحده من خواتي والتطلبه يصيرلهه.
مهدي : واذا اجوهه خطابه وقبلت وجهال اخوك يتربون عند الغرب .
سلطان : يا خالي أنا واثق نور مراح تقبل طول ماهي ماتعرف خبر عن غلام وان وافقت ساعتهه لكل حادث حديث .
نوره : نايمه بغرفتي فتحت عيني من النوم وانت اشوف غلام واكف كبالي بس شنو جسمي كله شنج وخدر وماكدر احرك لا ايد ولا رجل اريد اكوم ماكدر احس حتى صوتي راح مدري من الفرح مدري من الصدمه .
