رواية حين تتغير الاقدار الفصل الاربعون بقلم سناء الهموندي
كانت قدرتها الهائلة على الصبر تجعل الناس أحياناً يظنون أنها لا تشعر💔
• سأحملڪ بأعماق قلبي للأبد 🌸☻'
• كأمانه يححرم عّـﻠﻲ تركهـآ ،💜🖇 *
نور : فقدت السيطره على الكلام وعجزت عن الحركه بس عيوني تجري بدون شعور تقدم غلام ناحيتي كعد بصف السرير ركبه ونص ولزم شعري ومسح خدي من الدموع بس هيهات توكف عبالك شلال تجري هوه منطق باي حرف غير بس مسح خدي وباسني براسي وانا روحي مفرفحه عليه اريد احضنه اريد الزمه مكدرت حتى حجي مكدرت احجي نفس لبسه العسكري ونفس هيبته وحتى عطره نفسه اباوع عليه راح مكان الجهال باوع عليهم وابتسم بعدهه راح للباب وكف باوع عليه بنضرات كلهه حب وابتسامه حزن اي ابتسامته جانت حزينه باوعلي وراح اختفى كعدت على صوت الرعيد ومطر قوي لزمت وجهي خدودي غركانه بالبجي كمت على السريع فتحت الباب ادور ماكو طلعت أركض بالحوش بالكي الحك عليه ماكو ضليت افتر بالحوش ولازمه راسي طلعت خالتي من الغرفه مالتهه على صوت شهكاتي .
جوري : بسم الله الرحمن الرحيم شبيج يمه نوره .
نوره : بلهفه تقربت عليهه حضنتهه وكتلهه اااغلام خاله غلام جان هنا اجه شافنه وطلع اكيد اجه يمج يشوفج مو ااي اي رحت ركض دفعت باب غرفتهه وأدور عليه ماكو بس احلام نايمه رجعت عليهه خاله وينه وينه فدوه والله جان هنا هسه طلع .
جوريه : بجي ولج يمه كافي مو راح تتخبلين وتخبليني وياج ولج نوره تعرفين كلش زين انتي امانت غلام لتخليني اكون مو كد الامانه كافي سوين هيج تره انا مو اقل منج حزن بس مابيدي غير ادعيبه لتنسين أنا أم وكلبي محروك .
نور : كعدت بالكاع ابجي بصوت والدنيه تمطر علينه خالتي تحجي وانا ابجي بالزايد طلعت احلام شافتني اجت ركض كومتني هيه وخالتي وطببني جوه ضلت خالتي تحجي وياي وتنصحني اصيله وادعي ضليت ساكته اخر شي كتله اريد اروح للزياره .
جوريه : تامرين أمر بس يجي سلطان اكله خل ياخذنه .
نوره : بحزن لا أنا اكل التمار .
جوريه : براحتج يمه .
احلام : هاج هذا حليب يدفيج شويه .
نوره : تعبتج حلومه عذريني .
احلام : شسالفه حبيبتي انتي اختي ومرت الغالي عمت عيني عليه لو شسوي ما اوافي تعبه التعبه علينه .
نوره : كعدنه نسولف ونتذكر ايامنه وفرحنه بوجود غلام وحزنه بغيابه للصبح اني منمت ثاني يوم رحت لهلي واني حيلي مهدود اول مطبيت صار بوجهي تمار سابح والخاولي على ركبته من أشوفه اشوف بعيونه غلام احس بيه اقرب شي إليه من بعد غياب غلام حتى اقرب من امي وابويه اخويه وريحه ابو جهالي بي لانوا صديق الطفوله والشباب شافني تقدم عليه ذبيت روحي بحضنه دموعي تجري هوه هم عبالك انا ويا متوحد حزنه شبكني ويبجي ويايه طلعت شمس بدون سابق انذار بس شافتنه بهل حاله هيه هم بجت تعرف حزنه على شنو خمس سنوات مانشفت دمعتي على غلام ولا ارتاحيت طبينه جوه سلمت على امي وابويه وبيومهه كميل لكيته نازل من الدوام يداوم ويه جيش الشعبي بعد كلام سوالف كمت اساعد شمس بالغده حجيت الشمس على الحلم والي صار باليل بجت وحضنتني وكالت اني اكله التمار يودينه وفعلا وره الغده صاحني تمار وكالي .
تمار :شنو رأيكم اخذكم ونروح كربلاء ونجف قبل لا ارجع لدوامي .
ام علي : والله ياريت ونأخذ خالتي جوري هم ويانه .
تمار : اكيد يمه جا شون وانتي نور شدكولين نمشي أنزور اني وياج وكلنه وصدك اخذنه تمار بعد مجاب سياره صديقه رحنه بيهه كلنه وهو الطريق كله يصنف يريد بس يريح كلبي واحنه نمشي كبل السيارات تطب الكربلاء قريب الصحن ونزلنه وجان نشوف رجال حاط غراض يبيع بيهم محابس وكلايد بيهن صورت الامام علي خذنه للبنات ام الدله ومال الامام علي وتمار جاي ينطي الفلوس لذاك الرجال جبير حيل با العمر شو هذا الرجال صفن على تمار جان يكوله بويه اقرالك الكف تمار ضحك وكال
تمار : اي يله علوا بس كون انت تعرف حجي .
الحجي: جرب وشوف انشالله وانتن تعالن شهدن بناتي
نور : صدك اني وشمس واكفين فوك رأسهم واسمع الحجي يسولف اهلي وخالتي طلعوا قبلنه
الحجي : بويه. انت يصير عندك سبع جهال اربع منهم صبيان وتلاث بنوات حياتك هاديه بس هذا مثل الهدوء اليسبق العاصفه كدامك طريقين الاول تفقد حبيب والثاني تبتعد عن عويلك تسافر سفره طوييييله تمار جر ايده من الحجي وهو يكله.
تمار : اي حجي اطلع ليش لا اسافر واروح الندن وافر كل الدول واروح اخذلي وحده فرنسيه .
شمس : يااااا هاي شتحجي تمار .
تمار : اروحلج فدوه ولج ما ابدلج بأربع فرنسيات .
نور : وشمعنه اربعه .
تمار : مو حتى إذا شمس عافتني اخذهن اربعتهن واطبق بيهن الشرع .
نور : اني ضحكت والحجي هم ضحك وكال الله يهديكم شمس مصدكه بالقضيه وعيونهه غرغرت وطريق كله تمار يحجي وياهه ويكللهه والله اتشاقه كلام الشايب مصدكنا وضلينه نصنف بس تمار من حجه لابويه أبويه اخذله صفنه وكال ديربالك على نفسك يبعد ابوك وتمار اخذ الدرب كله يصنف حتى يغيرلنه جو زرنا ودعيت الله يذب على كلبي السكينه والصبر احس ذبيت كل حمولي اخاف ادعي الله سبحانه يردلي منه خبر اخاف اسمع خبر مو زين خليني عايشه على أمل والله كريم وفعلا تعايشت ويه الحياه وكل يوم اكول هسه يطب غلام عليه حزني مو اقل من حزن خالتي جوري الي ابن أخته هم شاب بعمر الورد اختفه وماضله ذكر خاله ضويه من تجي تكابل خاله جوري ويضلن ينوحن عبن حزنهن توحد هاي فقدت ولد وهاي فقدت ولد معتز ماله اي اثر قبل فتره وصلت رساله الابو من عمهم فرقد يسأل على معتز يكول ليش ما اجه يمي وراهه عرفوا انو معتز اصلا مواصل للمطار ومو بس همه هوايه شباب انفقدوا بالأخص معركة البسيتينه من منطقتنه خمسه غير غلام لذالك الناس كلمن وهمه وماكو بيت مابي شهيد أو مفقود والي مو ابنه أو زوجه اخوه أو عمه ابوه ولكل يلعن الحكومه بسكوت لان با الاضافه للحرب اكو عتقالات وقتل بسبب الأحزاب المنتشره بس بسكوت يخلون جواسيس من المنطقه على كل شخص سياسي أو فراري أو متدين اي نعم الزياره نزور بالبوكه المجالس انسويهه بيناتنه سكتاوي واذا وزعنه الابو عبد الله الحسين انكول على روح موتانه لان اذا عرفوا الكل يروح بيهه حتى كتب دينيه غير القران الكريم ممنوعه مانسه بيوم اجت جيرانه تتوسل بتمار حتى يروح للحكومه يطلع ابنهه اعتقلوا جي يلتمون يمه شباب وكبار السن يسوي مجلس ويقره بمحرم بيومهه تمار راح النص اليل يدور ويسأل وتالي من رجع اثر ملكه للولد يكول حتى اسمه ماكو ايام عشناهه برعب سلطان تخرج وصار محامي من سمع بسالفه جيرانه اجه لم كل كتب ابو الله يرحمه الدينيه واخذهن باليل دفنهن بالبستان كل الخالتي الدنيه صارت خطر وفعلا كمنه حتى بيناتنه منحجي على الحكومه وبالأخص الرئيس خالتي تكول صدام مخلي حتى للحيطان اذان احلام نخطبت الأقارب ابوهه وقريبا زواجهه عمران يدرس ويشتغل كبر وصار شاب يعتمد عليه سلطان وخالتي متكلفين اولادي يموتون عليهم اولادي الزغار يصيحون السلطان بويه لان وعو عليه تمار هم ممقصر
هناء : حياتنه أصبحت كلهه حزن خالتي متبطل نواعيهه على معتز وأمي اخخخخ يا امي تكسر كلبي بونينهه على غلام عمت عيني عليه اختفه من حياتنه فجاه بدون سابق انذار 5سنوات وانا عندي امل بجيته غلام بي كل حنيه ابوي غلام صارلنه الاب من بعد وفاة ابوي فده حياته الاجلنه كبر كبل عمره وصار رجال البيت فالح كضه عمره مو ويانه وحتى وجوده لا يقدم ولا ياخر ولدي شويه ملهيني عن مصايبي وخصوصا ليث حنين مثل حنيت غلام على امي يتخبل اذا احد غثاني رغم عمره ميتجاوز ال 9سنوات اله اني اشوف بي زلمه حوك يعتمد عليه انور انكسر بفقدان اخو ازهر انتقل بغير محافضه يعني مابقين اله اني وخالتي وعمي صادق وأنور والجهال اتمنه تصير عندي بنيه بس كل ما احبل علمود اجيب بنيه اجيب ولد احمد الله بس انقهر اريد بنيه انور يضحك عليه وخالتي تكلي ولج غيرج يتمناهم تحدد موعد زواج احلام ورحنه زوجت وطلعت كلش حلوه نوره الحزن مفاركهه وكبرت كبل عمرهه مو ذيج نور ام وجه اليضوي وعيون الشذريات عبالك صارت مثل الغيم الحلوه اليغطيهه غيم اسود هيج حال نور شكد حجينه وياهه بس ميفيد اذا نحجي تكوم تبجي لهذا السبب كمنه منجيب طاري الموضوع نهايه ملتمين كلنه ليله حنه حلومه ونسولف ونذكر مواقف طفولتنه وشون كبرنه شمس سولف على سالفتهه مال كليسنس هيه وتمار وحنه ميتين من الضحك .
احلام : بضحك يعني انتي مجنتي تعرفين ليش تمار ينطيج كلينس .
شمس : لا وروح ابوي كل مينطيني ادردم عليه بكلبي اكول شايفني وصخه .
هناء : يا عيني على البرائه ولج شمس علينه .
سلطانه : غمزتلهه وكتله احجي خيه مو صرتي مرته بعد نكشف غطه البير .
شمس : ولج احلام انتي مو جنتي وياي احجي عليج الله فديوم شفتي شي غير يوصلنه .
احلام : جريت نفس وكتلهه اي شفت .
شمس : يا عزا ولج شفتي .
هناء : احجي حتى من يصير عندج بنيه اخذهه لولدي احسن متبور على كلبج .
شمس : ولج احلام متحجين شايفه .
احلام : ميته من الضحك ينطيج كلينس معطر و نوبات يرزلج .
سلطانه ونور وهناء : ضحكوا عليهه .
نور : لا ثأري اخوي رومانسي وانا ماعرف .
شمس : اي كلش بحيث مره سحلني من بغداد من وره رومانسيته .
نور : ضلينه نسولف ونشاقه بس الضحكه تطلع بس بالشفايف أما الكلب فراحت ضحكته وفرحه ويه احباب الكلب .
شمس : تزوجت احلام ومرت الايام بخير وسلام .
نوره : كاعده اخبز وره الترك واسمع صوت جيرانه ضجت لان هاي كل ما تجي تسمني هيه طبيعتهه تسم الكل كملت الخبز وره نص ساعه كلت هسه راحت وصدك اطلع والكيهه كاعده بالهول ويه خالتي تسولف فلانه ستشهد رجلهه واخذوهه الحماهه بنت اخو زوجي هم انفقد رجلهه بس لا طب ولا تطلع من يوم النفقد من شافتني غيرت حجيهه وكالت صدك خاله رايحه للزياره جاوبتهه اي رحنه كلنه قبل شهر أكثر جان تكلي وانتي شون طلعين وزوجج مفقود لازم تكعدين وسكتين واذا تردين تتزوجين روحي طلكي غيابي وتزوجي اي من حقج انتي بعدج صغيره والعمر كدامج حجتهه بحقاره وتضحك خالتي جوري مدنجه ومنتضرتني اجاوبهه حتى تحجي كتلهه طول ما غلام ماعرف عنه خبر يحرم عليه زلمه من بعده هيه جاوبتني جا مادامج هيج تحبي شكو يارايحه بيت اهلج ويا راده لعيالج ركدي بمكان لا تخلين العين عليج .
جوري : بعصبيه شنو هل حجي ام فاروق نور أكثر من بنتي وماقبل أحد يحجي عليهه وهيه ممسويه شي غلط تره وإذا رجلهه نفقد شنو تموت روحهه تره محد صبرت مثلهه صار 5سنين وهيه ما ملت من انتضاره تره مو كل اصابعج سوه وانا ماقبل تقارنيهه بوحده نور جوهره ثمينه وأمانه ابني وراح اضل محافظة عليهه الآخر نفس بيه .
نور : خالتي تحجي وانا دموعي تجري فرح ياربي الحمدلله من اكو شخص يحميني ويدافعلي أنا وجهالي ام
فاروق رأسا كامت طلعت خالتي كالت بعد احسن ما وراهه بس غيبه ومصايب ايجوز أنا اكو من يحميني أنا وأطفالي بس هواي زواجت مفقودين دمرت حياتهن وزوجات شهداء عاشن معانات وضيم واكيد حجي العالم الي يدمر دمار بنضرهم الارمله او المطلقه مو زينه ليش هل فكره عليهن ليش هل تخلف تره هذا عرض لازم نخلي الله بين عيونه لان كل انسان عنده عرض ام اخت زوجه بنت حبيبه بنت عمه أقاربه اليدك الباب يلكي الجواب صحيت من تفكيري على سبأ وهيه تكلي ماما جوعانه صبيت غده وبيومهه كعدت اعلم بجهالي انو ميحجون على احد ولا يجيبون سيره شخص بالموزين حتى لو جان مو زين لابد ما يجي يوم والله يهدي بعد فتره بدايه ال1987 سلطان خطب وجان مقرر يتزوج باسرع وقت بس توفت خالت خطيبته وتاجل العرس لدوره السنه وبعد مرور فتره شمس حبلت وحبالتهه توحي بولد وتمار يشاقه وياهه وكلساع كايللهه اذا جبتي ولد معناته حجي الشايب صحيح وراهه اسافر وشمس تفرفرح من تسمعه هيج يحجي اولادي كبروا سبأ صف خامس والتؤم صف اول شمس عدهه تلث ولد وتلث بنات والسابع بالطريق كل هاي السنين وانا عايشه بأمل من غلام وبعدني كل ما اسمع اسير رجع لهله أخذ خالتي ونروح لبيت أهل الأسير ونضل نسأل المشكله مو هنا المشكله اليرجع حتى ميعرف اسمه فاقد ماعرف شنو من عذاب يشوفون بحيث حتى عقل ميبقالهم ارجع اسحل بثايب خيبه الامل واهون بروحي وصلت مرحله اكول حتى لو يرجع مثل الي جاي يرجعون ميخالف المهم نفسه ويايه يكفي والله .
جوري : نهايه ال 87اجه سلطان وطلب مني احضر للعرس انا هم ما قصرت حضرت كلشي للعرس عبن سلطان طلب يتمم زواجه صح الدنيا ماحلت بعيني بعد فركه غلام ولافرحت بس هاي سنه الحياه كاعدين و فاتحين الراديو برنامج يطلعون بي سلام الأسرى العراقين على قناة الهواز صح ممنوع نسمع بالبوكه وهنا نور يوميه تفتح ونسمع بحيث الابره لو ذبيته متسمعين صوته من الصنته وبيومه اني اشتغل واسمع واحد من الاسره يكول أنا الأسير غلام محمد من المحافظه اسلم على امي واخواني امي ام فالح واخويه فالح وسلطان وعمران وعلى ام جهالي ووسلامي ووتحياتي الاخويه وصديقي تمار اسمع الصوت يعدد بالتسلسل ويعدهم ب الاسماء هنا مدري شصار بينه ذهول على صراخ مافهمنه شنو نهاية كلامه لان نور فقدت هي وجوري وسلطان أخذ الراديو حتى يكمل شيحجي غلام بس الكلام مو واضح كلش ولا السوط واضح وشنو كلامه ناس تكول الصوت مجان صوت غلام وناس تكول غلام مافهمنه شنو جانت رساله راسله غلام بيد أحد أصدقائه أو هو مسلمه للبرنامج
وهنا بث روح الأمل بيت جوري ونوره مجرد كلمات خلت جوري بقمة السعاده وعلت الهلاهل والفرحه ونور فقدت من الفرح حتى هلاهل هلهلت
شمس : بطني الخشمي واجه ابن فالح يركض عمه عمه عمو غلام متصل ع برنامج رسالة اسير و ماحسيت بروحي بطرك دشداشتي رحت اركض لهلي مامصدكه لكيت امي وعمامي والناس ملتمه حتى تمار موجود جاي ومكايلي حسيت اخويه رجع نور مااكدر اوصف فرحتهه تشمر بشيلته وتصيح ربي مروتك كونه عايش بالعربان ولا بالتربان
شكرا لزيارتكم عالم روايات سكيرهوم
