رواية العين الفصل الثالث
من جوة الفنار كانت زبيدة باصة ل ايلينا وبتقول لها
عايزاكي تساعديني اجبس لك رجلك علشان الكسر ما يسببش ليكي اي مشاكل زيادة
ايلينا
انتي دكتورة
بصت لها زبيدة وهي بتحضر الحاجة اللي هتستخدمها في التجبيس وقالت
مش دكتورة لكن مدربة علي علاج الكسر وعلاج اي مرض يكون في المتناول
ايلينا
طيب مش المفروض اعمل اشعة او دكتور يشوف العضمة في مكانها ولا لا
زبيدة
بعد خروجي بيكي من البحر انا شوفت الكسر ورجعت العضمة مكانها وهي محتاجة تتجبس وبعدها راحة لمدة اسبوعين وهتكوني احسن
ومسكت زبيدة رجل ايلينا اللي اتوجعت وقالت
انا خايقة
زبيدة
خلي عندك ثقة فيا انا الوحيدة في الدنيا اللي مستحيل اعمل حاجة تأذيكي
وبدات زبيدة عملية التجبيس،،،،،،،،،،
العين
كتابة واقتباس
محمد منصور
منص
وقبل ما نبدأ، نوحد الله ونصلي على خير خلق الله سيدنا محمد ﷺ.
اللهم صلِّ وسلم وبارك على سيدنا محمد، صلاةً تحل بها العقد، وتفرج بها الكرب، وتقضي بها الحوائج
من جوة شقة الظابط موسي المسئول عن جهاز العين كان موسي بيتكلم في موبيل صغير صعب تتبعه مع عمر الديب لان موسي بيشتغل جوة الموساد
ل صالح مصر وقال عمر
ولية طيب عرفت سروف بمكان زبيدة كان لازم ما تعرفهوش
موسي
ما ينفعش وانا امبارح بلغت باسم بكدة لان العين مش تابعه ليا انا بس دي عليها اكتر من ظابط مسئول ولو ما عرفش المعلومة دي مني كان هيعرفها من غيري
عمر
طيب انا محتاج عمليه الهاء
ل سروف
موسي
يعني اية
عمر
يعني تبعت له احدثيات بموقع تاني غير الموقع اللي في زبيدة
موسي
ما اقدرش اعمل كدة والا ابقي بكشف نفسي بعد 20 سنة شغل في قلب جهاز الموساد يا سيد عمر انا مش لوحدي
عمر
عارف انك مش لوحدك بس انت رئيس كل الظابط المسئوله عن جهاز العين
موسي
انا ما وصلتش للمكانه دي الا بعد شغل سنين وخصوصا اني يهودي عربي ودة خلي الوصول لمنصب رئيس وحدة جهاز العين مش بالساهل علشان كدة لازم حضرتك تقدر اني ما اقدرش اغلط غلطة زي دي وابلغ سروف بمكان غير المكان اللي في زبيدة
عمر
طيب جهاز الموساد ما تعرفش ناوي علي اية
موسي
السيد سروف ادي امر من خمس دقايق بتحريك قوة سرية من جهاز الموساد الغرض منها استرجاع زبيدة ل تل ابيب
عمر باستغراب
من خمس دقايق بس غريبة دة مكان زبيدة مع من حوالين تلت ساعات
موسي
فعلا هو موقف غريب وخصوصا ان زبيدة من المطلوبين وبشدة في الموساد
عمر
كدة سروف بيخطط لحاجة تانية غير استرجاع زبيدة
موسي باستغراب
تقصد انه عايز يقتلها مثلا
عمر
مش متاكد لكن قرار خروج فرقة من الموساد ل استرجاع زبيدة متاخر
3 ساعات يبقي اكيد في مخطط تاني هو بيدبر له
موسي
طيب اقدر اساعدك ازاي في كشف مخطط سروف
عمر
اعرف لي سروف كلم مين بعد ما عرف مكان زبيدة
موسي
حاضر
عمر
دلوقتي وانت معايا
موسي راح ل اقرب لاب كان قصاد منه وبدا يدوس علي ازرار اللاب وباحدث برامج التتبع وصل
ل موبيل سروف وبدا يشوف الارقام اللي اتصل بيها سروف وكلها ارقام تخص قادة وظباط في الموساد فقال موسي ل عمر
ولا اي حاجة كلها مكالمات عادية
عمر
خلاص يا موسي اقفل وانا هعرف هو كلم مين
وقفل عمر مع موسي واتصل برقم يخص مكتب تبع المخابرات المصرية في قبرص ورد عليه المندوب اللي قاعد في المكتب ودة كان اسمه خيري فقال عمر
في ضيف دخل قبرص بطريقة شرعية او غير شرعية عايز اعرف مين دة والمطلوب تعطيلة عن الوصول ل وجهته
خيري
بطريقة رسمية ولا غير رسمية
عمر
بالطريقة اللي تحبها انت مع واحد تابع ل ابن عمك المكروه
خيري
طالما اللي جاي تبع ولاد العم يبقي الترحيب بي هيكون علي الطريقة البلدي،،،،،،،،
وبدا خيري يتحرك هو واللي مع في المكتب وعرفو ان دنيال القاتل المحترف دخل قبرص عن طريق البحر وبعلاقاتهم وصله للفندق اللي نازل في دنيال لكن دنيال كان اتحرك من الفندق بعد مأجر يخت واتصل خيري ب عمر وبلغه باللي عرفه فقال عمر
كدة هو رايح ل زبيدة الجزيرة اللي هي عايشة عليها لازم تتحرك بسرعه انت واللي معاك وامنعو من الوصول ل زبيدة مهما حصل وبكل قوتك هبعت لك احدثيات بمكان الجزيرة اللي هو رايح لها واللي عليها عايشة زبيدة
خيري
حاضر يا فندم ،،،،،،،،،
ونروح للفنار ومع دقات الساعة 9 م وزبيدة كانت شايلة بنتها بعد ما جبست رجليها وراحت بيها للحمام ودخلتها الحمام وقفلت الباب وراء منها لان ايلينا ما كانتش قادرة تمشي وخلصت ايلينا الحمام وندهت ل زبيدة وجت زبيدة وساعدتها في الخروج من الحمام ورجعتها السرير فقالت لها ايلينا
تعبتك معايا
زبيدة بابتسامة خفيفة
انا ياما تعبتك معايا في توصيل الاكل ليا
ايلينا
انتي كنتي غاليه عند صاموئيل والغالين علي قلب صاموئيل هما غالين عليه انا كمان
زبيدة راحت ناحية هدية عيد ميلادها اللي جابتها ايلينا ليها وفتحت الهدية اللي كانت عبارة عن موبيل فبصت زبيدة ل ايلينا وقالت
جايبة لي موبيل لية
ايلينا
علشان كنت عايزا اكلمك لانك صعبانه عليه عايشة سنين لوحدك جوة الفنار المهجور اكيد الوحدة سببت ليكي شئ من العذاب
زبيدة راحت قعدت قصاد منها وقالت
ايلينا انتي مالكيش اصحاب وكنتي عايزا اكون صاحبتك مش كدة
ايلينا
صاموئيل كان مانعني عن الاختلاط باي حد من اللي حوالين مننا وانتي الوحيدة اللي لو كان عرف اني بكلمها ما كانش غضب مني انا كبرت ومحتاجة لتكوين علاقات واللي ممكن تديني نصيحة امراة ناضجة زيك
زبيدة مشيت ايدها علي شعرها وقالت
انتي فعلا كبرتي وكان لازم افهم ان صاموئيل في كتير من الاوقات مش هيكون مفيد ليكي
ايلينا مالت براسها علي ايدين زبيدة وقالت
اول مرة احس ان امي ما متتش
زبيدة شالت ايدها بسرعه وكأن كهرباء مسكتها وقالت
مالك يا زبيدة انا قولت حاجة تزعلك
زبيدة قامت وقفت وقالت بارتباك
لا بس انتي اكيد جوعتي وانا كمان جوعت تحبي تاكلي فراخ ولا لحمة
ايلينا
الفراخ في الفرن لاني اعرف انك بتعمليها حلو جدا يا امي
زبيدة اتصدمت وقلبها دق بعنف ووقفت مرة واحدة وبصت ل ايلينا وقالت
انتي قولتي اية
ايلينا
امي تزعلي مني لو قولت لك يا امي
لاني اتحرمت من امي واتمني يكون ليا ام حنونه زيك
زبيدة عيونها رغرغت بالدموع وقالت بحدة
اسمي زبيدة وما تقوليش الا زبيدة واي اسم تاني غير زبيدة الافضل ما تنادنيش بي
وسابتها وراحت ناحية المطبخ لكنها شافت في شاشة المراقبة اللي حاطها في المطبخ وفي كل مكان في شاشة بتنقل كل متر في الجزيرة ان دنيال وصل ونزل من فوق اليخت بتاعه وكان بيتسلل ناحية الفنار بسرعه البرق راحت ناحية كوبس النور واللي بي طفت نور الفنار كله وخليت الجزيرة طلمة كحل و مديت ايدها تحت السرير وطلعت شنطة فيها اسلحة ونظارة تقدر بيها تشوف في الظلمة وايلينا كل دة عماله تقول
زبيدة هو في اية والنور قطع لية انا بخاف من الظلمة
زبيدة
مهما حصل اوعي تقومي من مكانك
ايلينا بخوف شديد
زبيدة هو في اية
لكن زبيدة خرجت من الاوضة وقفلت الباب وراء منها وراحت تقابل دنيال وهي معاها نقطة قوة انها حافظة الفنار عن ظهر قلب بعكس دنيال اللي كان في حاله تاهب شديد و الرياح تصفر عبر النوافذ المحطمة للفنار المعتم تمام ويتخلله ضوء القمر إلى الداخل في خطوط متقطعة. ودنيال طالع علي السلم الحلزوني المصدئ ورايح ناحية الاوضة اللي بتعيش فيها زبيدة ، ورائحة الملح والرطوبة مالية المكان ومع حالة التوتر الشديدة يسمع دنيال صوت زبيدة بتقول
دنيال بنفسه جاي لغاية هنا علشان يصفيني
دنيال بص ناحية الصوت لكنه لسة مش شايف زبيدة وقال
طالما انتي عرفتي اني هنا ما تخلي الفنار ينور علشان نعرف نتكلم سوي
في الوقت سن سلاح حاد قطع اوتار في رجله صرخ والدم بدا ينزل منه زي الشلال وقالت زبيدة
من امتي وزبيدة ليها كلام مع اللي زيك اللي بيني وبينكم دم جوزي ادهم
وحس بسن السلاح الحاد قطع وتر تاني في رجله صرخ اكتر وطلع سلاحة وبدا يضرب نار بشكل عشوائي قبل ما زبيدة تقف وراء منه وترشق السلاح اللي في ايدها في كف ايدة اللي فيها المسدس وقالت
لسة زي ما انت عشوائي
دنيال اللي بيتالم
زبيدة اللي بيني وبينك مش شئ شخصي انا بنفس التعليمات مش اكتر
زبيدة
مين اللي بعتك سروف علشان تخلص عليه زي ما خلصت علي ادهم وكل دة علشان سره ما يتكشفش
دنيال
انا برئ صدقيني زبيد،،،،،،،
وقبل ما يخلص كلامه وبحركة سريعة خادعة مسك شعر زبيدة وشده بعنف خلاها قصاد منه لكن زبيدة ونزل بالخنجر المغروزة في ايدة واللي اخترقت لحم كف ايده في ذراع زبيدة اللي شافها علي ضوء القمر المتسلل وقال
لسة زي ما انتي قمر
كان الدم بدا ينزل من ذراع زبيدة وشافت الخنجر وهو بيخرج من ذراعها ورايح مرة تانية ناحية رقبتها لكن قبل دة ما يحصل كانت رصاصة جاية من اخر الفنار اخترقت راس دنيال بصت زبيدة ناحية مصدر الرصاصة لقيت بنتها ايلينا واقفة قصاد خيط رفيع من ضوء القمر وفي ايدها قناصة بتاعت زبيدة كانت تحت السرير وواقفت ايلينا ومسكتها للسلاح تقول انها قاتله محترفه مش مجرد طفله
