رواية شجن القلوب الفصل الثالث
علي بصراخ و غضب
=البيه عاوز يتقدملك
شجن بصراخ مماثل
_طب ده يضايقك في ايه
علي بصلها بغضب بس ما ردش بسبب انه مش لاقي حاجه يقولها
شجن
_رد اشمعنا سكت دلوقتي
علي بصلها و بغيظ و قالها
=خلاصه الكلام يا شجن لو شوفتك مع مالك او اي راجل خلقه ربنا ما تلوميش غير نفسك
شجن
_و انا اسمع كلامك بصفتك مين
=ابن عمك و خايف عليكي
بصتله بغيظ و ردت عليه باستفزاز
_لا ماتخافش عليا انا بثق في مالوكي انه محترم
=مال.. ايه ياختي اقسم بالله يا شجن لو ما اتظبطتي لاديكي علقه تظبطك و غوري بقا
_تدي مين علقه يا معفن و٠ غور انت في داهيه
دخل علي الأوضه و هو بيستشاط من الغضب
=قال مالوكها قال و ربنا لأربيكي يا شجن عشان تتظبطي كده
علي كان بيمشي في الأوضه من العصبيه و حاسس انه هيتجنن
عند الشجن دخلت من البلكونة و هي مكشرة و اول ما دخلت اوضتها ابتسمت و كملت مشي و هي بترقص و بتقول
_و لسه يا لولا انا و انت و الزمن طويل
غيرت الاسدال و بعدين نامت على سريرها و هي مبسوطة انه سابته متعصب كده
_والله يا واد يا شجون انت طلعت جامد خليت لوح التلج يشيط
عند علي
كان نايم على السرير باصص للسقف و عقله بيجيب كذا سيناريوفي دماغه انه ممكن يخسر شجن الفكرة لوحدها كانت هتجننه هو مش عارف ايه الي فيه ده هو طول عمره مفكر انه خوفه عليها و مشاعره دي كلها ما هي الا تعود لكن فكرة ان ممكن حد ياخدها منه كان زي القلم الي فوقه قعد يستغفر ربنا و يحاول ينام و لما تخيلها تاني واقفه مع مالك حط المخده على راسه جامد و فضل يتقلب لحد ما نام بعد فترة كبيرة
عند شجن كانت نايمه مرتاحه
في سريرها و لا كأن فيه شخص في الشقه الي جمبها هينفجر
في صباح اليوم التالي
استيقظ علي على أذان الفجر قام غسل وشه و اتوضى و صلى و كعادته و هو رايح لصلاه الفجر بيخبط على باب البلكونة عشان شجن تسمعه و تصحى تصلي المرة دي ماكانش طايقها و في نفس الوقت عاوز يصحيها فبدل ما كان بيخبط بهدوء لحد ما تسمع خبط على الباب جامد لحد ما شجن اتخضت من الصوت و صحيت من النوم و لبست خمار بسرعه تشوف في ايه
لقت علي واقف بمنتهى البرود و بطل تخبيط اول ما لقاها طلعت و دخل عشان ياخد مفاتيحه عشان يصلي في المسجد شجن في سرها
_كان يوم اسود يوم ما عرفت خلقتك يا أخي ابو الحب في صحابه
دخلت بعصبيه الاوضه بعدين استغفرت ربنا و دخلت تتوضى عشان تصلي وقفت بين ايدين ربنا و بقت تدعي و تتمنى انه ربنا يهديها و يريح قلبها و يجعل لها نصيب في ما تتمنى
بعد ما خلصت صلاه فضلت قاعده على سجاده الصلاه تستغفر و بعد ما خلصت طلعت قعدت في البلكونة لانها عارفه ان علي لسه في المسجد قعدت تفكر في علاقتها مع علي و لقيتها علاقه ملغبطه مش مفهومة ساعات بتحس انه بيحبها بيبان في نظراته و في طريقته معاها و خوفه عليها و غيرته و في نفس الوقت بتحس انه خوفه و غيرته دي نابعين من انه بيعتبرها زي اخته
تنهدت بقوة و بعدين دخلت اوضتها و رجعت تنام تاني
عند علي
علي كان بيصلي و قعد يدعي ربنا انه يهديه لاطريق الصح و انه يريح قلبه و بعد ما سلم نزل في الشارع و روح البيت و دخل نام تاني
صحيت شجن من النوم على مامتها و هي بتصحيها تفطر و تقولها انها رايحه الشغل في حد خبط على الباب شجن فتحت اتلقت سفيان ابن الجيران طفل في اولى ابتدائي لابس شنطه اكبر منه هو شخصيا
عنيه معيطه كانه ماكانش عاوز يروح المدرسه
_مالك يا زعبولة ايه الي مزعلك كده
قال بصوت طفولي لا يليق على لقب زعبولة
_ماما عاوثاني اروح المدرثه
_و انت مث عاوث تروح ليه
_عثان هي مث بتبقى معايا
حملته شجن من على الأرض و قالتله
_تعالى يا زعبولة نام شوية لسه بدري انت ايه الي مصحيك دلوقتي اصلا
_ماما راحت الثغل
_اه هي عندها نباطشيه دلوقتي تعالى ننام بلا مدرسة بلا قرف و شجن اخدته نيمته في حضنها و كان لسه ساعه و نص على ميعاده
_ثجن
_نعم
_ماتيجي ما اروحث و تقولي لماما اني روحت
_بس كده كدب يا زعبولة
_طب قوليلها اني تعبان
_بس انت مش تعبان
_لا انا تعبان حتى بثي
قعد يعمل انه تعبان و بيكح
شجن بابتسامه على لطافته
_تصدق انك تعبان و حطت ايدها على راسه و قالت
_ ده انت سخن كمان
زعبولة اومأ برأسه
_خلاص يا زعبولة نام شوية تكون بقيت كويس عشان تروح المدرسة
بصلها بتذمر و أخدته في حضنها و نامت وبعد ساعه مامتها صحيتها عشان سفيان يروح المدرسه صحته و قام و هو هيموت و ينام
شجن دخلت تنام للمرة التسعين في لهذا اليوم فلما ما جالهاش نوم قعدو تفكر تعمل ايه هي لسه متخرجه قريب و عاوزة تشوف شغل و مش عارفه تدور فين بعتت لصاحبتها الي لسه متخرجه زيها عشان يحاولوا يلاقوا شغل مع بعض فكرت انها تكلم علي انه يشوفلها شغل في شركة لانه مهندس و اكيد عارف بس هي متخانقه معاه ففكرت تكلم مالك بس مسحت الفكرة على طول اولا لانها مش بترتاح اوي في الكلام معاه و ثانيا بسبب الموقف و الكلام اللي قاله امبارح و كمان عشان علي ما يعلقهاش من ودانها
لقت حد بيخبط عليها فتحت الباب لقت خالتها
_اتفضلي يا بطوط نسيتي حاجه من امبارح ولا ايه
_لا يا روحي انا جيت عشان اصحيكي تفطري معانا و كويس اني لقيتك صاحيه
_لا يا بطوط بألف هنا انتي انا مش جعانه
_انا مش بخيرك انا ببلغك ثواني و ألاقيكي ورايا
راحت شجن تلبس اسدال و خبطت على خالتها
_افتح يا علي دي شجن
فتح علي و فضل باصصلها ببرود و هي بصتله و قالت
_طب هتبعد عشان ادخل ولا ارجع من مكان ما جيت
علي ماردش عليها و بعدين بعد عشان تدخل علي
دخلت سلمت عليهم
و قعدت تفطر معاهم خالتها عارفه انها بتحب الشاي بلبن فجابتهولها و علي قال انه مش عاوز
"و هما بياكلوا علي كان لسه متغاظ من شجن و كان بيحاول يضايقها اخد كوبايتها و شرب منها بصتله بغيظ و بعدتها عنه علي مد ايده و شرب منها بردو"
فاطمه
_بطل تضايق البت مش انا قلتلك اجيبلك و انت قلت لا
_ما انا لسه مش عاوز
شجن مش راضيه تكلمه فبيجر شكلها و شرب تاني من كوبايتها سابتهاله و خالتها صبتلها كوباية تانية فشرب منها تاني فبصتله بغيظ و نفخت بضيق و مارديتش تكلمه او تتخانق معاه حطت الكوبايتين جمبه و كملت أكل خالتها قامت ترد على تليفونها الي نسيته في أوضتها و كان بيرن
علي بعد ما مامته مشيت
=اوف بقا على الناس الي بتيجي تاكل عندنا
شجن تجاهلته و مامته جت و قعدت تاني تكمل أكل
_الا صحيح يا بت يا شجن انتي ناوية على ايه هتشتغلي ولا هتقعدي في البيت انا بنظري انتي ماشاء الله مهندسه ديكور يعني اي شركه تتمناكي
_انا فعلا مش ناوية بعد ما أخذت خمس سنين في الكليه اقعد كده و الاسم مهندسه ديكور
_طب ناوية تعملي ايه
_لسه مش عارفه انا كلمت واحده صاحبتي خالها عنده شركه هندسه اسمها 𝑝𝑟𝑖𝑚𝑒 𝑑𝑒𝑠𝑖𝑔𝑛 و فيها قسم للديكور و برضو عاوزة اشوف في كذا حته عشان لو ده ما ظبطش يبقى فيه غيره
علي كان بيسمعها بصمت
_خير ما فعلتي يا بنتي بس برضو هتشوفي فين
بصت لعلي بطرف عينيها
_عاوزة اشوف مهندس أسأله لو يعرف شركه محتاجه حد في قسم الديكور بس مش عارفه أسأل مين
علي بصلها بتعجب و رفع حاجبه و قال في سره
=و انا ببيع بلح ولا ايه
_بفكر أسأل تسنيم بنت طنط هناء جارتنا و ممكن أسأل ابن عمتي مال..
جفلت هي و فاطمه بسبب خبطه على السفرة علي بزعيق خرج غصب عنه من الغضب
=مال.. ايه ياختي مش انا قلتلك ملكيش دعوة بأي راجل ولا تكلمي مالك ده تاني
مارديتش عليه
=انا بكلمك بصيلي
زعقلها و برضو ما بصتلوش
و بعدين اتكلمت
_اولا انا قلتلك مالكش دعوة يا علي ثانيا ابن عمتي و بسأله على شغل و مش عيب و لا حرام ثانيا صوتك ما يعلاش عليا تاني
شجن قامت مرة واحده و قالت
_الحمدلله شبعت عن إذنكوا
_استني يا بت كملي فطارك
_انا شبعت الحمدلله
و شجن راحت بيتهم و قفلت الباب عليها.
عند علي
امه بصتله بنظرة تأنيب و دخلت و سابته علي خرج من البيت و هو مش طايق نفسه
و راح على شغله في شركه
اول ما وصل دخل مكتبه و كان عنده صداع من كتر التفكير
طلب قهوة تجيله على المكتب و بعدين بدأ يشوف الإيميلات و هل المدير بعت المخطط الأساسي للمشروع عشان يشتغل عليه و يظبط الحاجات الي محتاجه تعديل و بدأ يشتغل على المخطط "و بعد ما يخلصه هيبعته للمهندسين عشان يبدأوا الشغل في الموقع و بعد ما المهندسين يخلصوا هيتبعت الورق لقسم تصميم الديكور" فافتكر كلام شجن على الفطار انها بتدور
على شغل و بعدين قال في نفسه
=و انا مالي أصلا مش هي عاوزة تطلب من بشمهندس مالك يدورلها على شغل و لا كأني ببيع طرشي و انا مش هدورلها
و كمل شغله و حاول ما يحطش في دماغه و بعدين افتكر ان شجن عنيده و لو هي زعلانه منه عمره ما هتطلب منه حاجه
حتى لو حاجة كبيرة متوقفه عليها فاتنهد و عمل مكالمه لواحد صاحبه في الشركه
=ألو بشمهندس سامي
_ألو ازيك يا علي
=الحمدلله بخير
_دامك بخير
=كنت عاوز منك خدمه
_عنيا اؤمر يا علي
=الأمر لله انا كان عندي واحده قريبتي متخرجه قريب من كليه فنون جميله قسم ديكور متخرجه من كام شهر
_بس كده ده انت تؤمر بس اهم حاجة الشطارة و الكفاءة
=هي متخرجه بتقدير إمتياز مع مرتبة الشرف و لو ماكانتش شاطره ماكنتش قولتلك عليها
_تمام يا علي في اي وقت تجيبها هنباشر الشغل على طول
=تمام يا بشمهندس
علي قفل معاه و بعدين ابتسم لما افتكر شكل شجن يوم تخرجها و فرحتها بتقديرها و بالورد الي جابهولها و رجع كمل شغله
عند شجن
بعد ما خرجت من عند خالتها كانت متضايقه من طريقه علي معاها لانه عمره ماكان شديد و بيزعق معاها ابدا بل كان متفهم هو أه كان بيغيظها شوية بس كان كل ده بهزار
قعدت تفكر و بعدين قررت تتصل بصاحبتها
_ألو يا دودو
_الو يا شوشو عامله ايه
_متضايقه و مش طايقه نفسي
_يا ساتر يا رب ليه كده
شجن حكتلها على كل الي حصل من موضوع مالك لخناقتها مع علي امبارح و انهاردة و كل حاجة
_الله أخيرا بان عليه اي حاجة
_بقولك قعد يزعقلي و يهددني و انتي فرحانه
_اه فرحانه ما افرحش ليه انتي يا بقره ما لاحظتيش اي حاجة في الحوار ده كله
_ايه مثلا
_انه غيران
شجن ابتسمت لوهلة و بعدين مسحت الابتسامه و قالت
_احم أخدت بالي بس برضو ما يتعاملش معايا بالطريقة دي
_شجن ما تصيعيش عليا انا فاهماك كويس انتي الي قاصده الحوار ده كله من الاول
شجن عضت على شفاهها تكتم ابتسامه بصعوبة و قالت
_ قصداه ازاي
_انا عارفه انك ما كنتيش هتقفي مع مالك لولا انك...
