رواية شجن القلوب الفصل الرابع
انا عارفه انك ما كنتيش هتقفي مع مالك لولا انك لمحتي علي و انك قصدتي تستفزيه لما سألك و تتجاهليه انهاردة و تحسسيه انه ملوش دور في حياتك بس الحاجه الوحيدة اللي مش عارفاها هي أنتي ناوية على إيه بابتسامه
_كل خير…
عند علي
بدأ علي ينغمس في الشغل و التخطيطات و الزوايا و الحاجات المكلكعه دي و طلب فنجان قهوة رابع لحد دلوقتي فجأه حد خبط على باب المكتب
علي من غير ما يبص
=اتفضل
علي و لسه مركز على شغله
=حطي القهوة هنا من فضلك
_هنا يا بيبي
اتفاجأ علي بالصوت و اتخض من الكلام رفع رأسه بسرعه لقى صاحبه محمد
محمد بهزار
_كده يا بيبي ما تسألش عليا
علي اتفاجأ بيه و قام اخده بالحضن
=ايه يا عم الغيبه الطويله دي لسه فاكر تنزل و لا عجبتك القاعده هناك
_احم ما هو انا ماكنتش هنزل لولا اني نازل أخطب
=قول كده بقا طب انت عينك على حد ولا نازل تدور
_ما انت عارف يا علي اني بحب بنت خالتي
علي بلع ريقه و بعدين قال
=اه صح انت كنت قايلي فكرتك نسيتها
_هو انا أقدر انساها ده هي السبب الي كان مخليني استحمل القرف ده
كان عين محمد بتطلع قلوب و هو بيتكلم
=و الله و وقعت و ما حد سمى عليك
_عقبالك يا عم
=هو انا عبيط
قالها العبيط و هو بيرد على محمد
_المهم انا مش جايلك عشان نقعد هنا عاوزك تيجي معايا ننقي بدلة حلوة كده و تيجي معايا للحلاق عشان هروح اتقدم بكرة بالليل
=ايه كل ده روح لوحدك انا ورايا شغل
_ماكنش العشم يا صاحبي
قالها و بدأ يغني بصوت تصم له الأذان
_كنت يا صاحبي أخ ليا عمر ماكنت جاحد إيه الي غيرك معايا بعد ماكنا واحد كل ماتق..
علي رماه بالقلم الي في ايده وقال
=خلاص هاجي معاك ده انت عيل أوڨر
_حبيبي ده بجد صاحبك ده من بختك يا عم
=طب يلا يا مطرب نروح نشوف الي ورانا
بدأ علي بترتيب الأوراق على مكتبه ثم خرج مع محمد فوضع محمد ذراعه على كتفه علي و خرجوا من الشركه
عند شجن
قفلت شجن مكالمتها مع صاحبتها و بعدين شغلت درس ديني للشيخ “أمجد سمير” و بدأت تروق أوضتها و تسقي الزرع و هي مركزة مع الي الشيخ بيقوله يعد ما خلصت رشت معطر و أخذت نفس عميق و زفرته بارتياح بعدين خرجت رتبت بقيت البيت و غسلت المواعين و بعدين عملت عصير مانجا و اخدته تشربوا في البلكونة و هي بتقرأ كتاب
بعد شوية لمحت أمها جابه مع زعبولة من المدرسه
فراحت فتحت الباب ووقفت عنده عشان تشوف زعبولة عمل إيه في المدرسه
سفيان أول ما شافها جري عليها حضنها و بعدين بصلها بعبوس شالته و دخلته على الكنبه و قالت
_مالك مكشر ليه كده انا حملت كرتون تنه ورنه نتفرج عليه سوا
_أثل..
_أصل إيه
_ياثمينا زعلانه مني
_ياسمينا مين و زعلانه منك ليه
_ياثمينا البنت الي بحبها
شجن بصدمه
_يا حبيبي ده انت بادئها بدري أوي احم ماعلينا ياسمينا زعلانه منك ليه
_عثان لعبت مع جوري و هي شافتني بلعب معاها و هي قالتلي ما ألعبش مع بنات
_يعني هي متخانقه معاك عشان وقفت مع واحده تانيه و غيرانه عليك
_آه
_أحيه لا بيج أحيه ده انتوا لسه في أولى إبتدائي
_مث دي المثكله
_اومال إيه المثكله
_المثكله ان ياثمينا مث بتحب جوري لانها كانت صحبتي قبلها
_الإكس يعني
شجن انتحبت و قالت
_ ياعيني عليك يا زعبولة انت عندك إكس كمان و كلمتها و حبيبتك قفشتك و زعلانه منك و كل ده فيأولى إبتدائي أومال لو روحت جامعه هتعمل فينا إيه
_أنا بفكر أجيبلها ثوكولاته بكرة في الفثل وورده
_و الله و طلعت رومانسي يا زعبولة ده انا بفكر اخد منك نصايح
_هنتفرج على تنه ورنه
_تنه و رنه إيه بقا بعد الكلام ده تعالى معايا يا شبر و نص نعمل فشار عشان ندخل نتفرج على تنه و رنه شوية و بعدين نعمل الواجب
. دخلت شجن تعمل فشار مع زعبولة و بعدين قعدوا على الكنبه ياكلوا الفشار و يشوفوا كرتون تنه و رنه لحد ما مامت شجن تعمل الغدا
عند علي
دخلوا المحل بتاع البدل و علي اختار لمحمد بدله كحليه غامقه و بدله سودا و محمد دخل يقيس
خرج محمد بالبدله السودا
علي بتقييم
=حلوة بس مش بيرفكت
دخل محمد يقيس التانيه و خرج
=حلوة بس فيه أحلى
تنهد محمد بضيق و قال
_اه انت شكلك هتطلع عيني و مش هنخلص انهاردة
=حد قالك تاخد معاك مهندس
_غلطه و ندمان عليها
علي و هو بيقعد على الكنبه الي في المحل باسترخاء
=يلا يا باشا الي بعده
تنهد محمد و أخد بدلة رمادي و دخل يقيسها
خرج محمد من أوضه القياسو علي بصله بنظره إستغراب محمد قبل ما علي يتكلم
_عارف لو قلت كلمه انا هخن*قك بالكرافته الي وراك دي
=و انا الي جاي أقولك انها حلوة طب عشان قله ادبك هتقيس الصف الي هناك ده كله
_خلاص انا أسف عيل و غلطو بعدين انا عريس المفروض تتعامل معايا باسلوب أحسن
=تعالى بس نروح ناكل أي حاجة انا ما فطرتش كويس و هموت من الجوع فيه مطعم قريب من هنا تعالى نروح ناكل فيه
_انا مش جعان بس مش هقول للأكل لا
ذهب علي و محمد لمطعم مشهور بالطعام اللذيذ و كان علي و محمد بياكلوا فيه على طول قبل ما محمد يسافر السعودية
_يااه من زمان ما جيتش المطعم ده
=ما انت كنت مسافر هتيجي ازاي
_ده انت عيل فصيل سيبني ءأڨور و أتأثر
=مش قولتلك أنت عيل أوڨر
دخلوا و قعدوا على الترابيزة اليكانوا بيقعدوا عليها و جالهم الجرسون الي رحب بيهم و سلم على محدد لانه كان عارف انه مسافر و أخد طلبهم و مشى
_انا متحمس أوي اني هروح أتقدم لرحمه بكرة و في نفس الوقت خايف
=انشف كده و ما تخافش و بعدين هما هيلاقوا أحسن منك فين
_مش عارف والله تصدق معاك حق ده يا بختها بيا
قالها محمد بمرح كعادته
و بعدها جه الجرسون و حط الأكل على الترابيزة و بدأوا يا كلوا و هما بيتكلموا فجأه تليفون علي رن
_ألو بشهمندس علي
=أيوا إتفضل
_حضرتك احنا الشركه الي اتعاقدت معاها من فترة و حبينا لو حضرتك فاضي انهاردة تقابل مندوب من شركتنا
علي بفرحه انهم وافقوا على التعاقد
=تمام مفيش مشكلة
_تمام المندوب هيبقى موجود الساعه 6في *******
عند شجن
مامت سفيان رجعت من الشغل و خبطت عليهم عشان تاخد سفيان
و بعدين شجن حست بخنقه من قاعده البيت فكلمت صاحبتها عشان يخرجوا سوا و بعدينكلمت باباها تستأذن منه و وافق فلبست دريس أسود ضيق من عند الخصر ونازل بوسع و طرحه برجاندي و عملت ميكب خفيف و بعدين قالت لمامتها و نزلت قابلت صاحبتها دانه و قرروا يروحوا على كافيه كبير على النيل
شجن دخلت اختارت ترابيزة برا الكافبه عشان تبقى جمب النيل و الڨيو حاو للتصوير
_و بعدين يا دانه هنفضل كده لا شغله ولا مشغله
_و الله ما عارفه يا شجن نعمل ايه حتى خالي مابقاش طايقني بسبب زني عليه
_اوف بجد انا زهقت من قعده البيت
_و انا و ماما مش سايباني في حالي كل يوم عريس شكل
_انا الحمدلله قلت لماما انا رافضه الفكرة أساسا فما ضغطتش عليا
_ابوس ايدك خلي مامتك تكلم مامتي لاني بجد بنهار
_حاضر هقولها
تنهدت شجن و سكتت
دانه بتفاجأ وصدمه
_إحم شجن هو ده علي ابن عمك
عند علي
ودع علي محمد على وعد باللقاء بكرة الصبح
و راح على العنوان عشان يقابل المندوب و كان كافيه كبير و اتفاجأ ان المندوب بنت مش محجبه ولبسها مش محتشم اوي
_هاي حضرتك بشمهندس علي
قالت البنت بصوت رقيق و هي بتمد ايديها تسلم عليه
علي حط إيده على صدره علامه انه مش بيسلم و قال
=أيوا حضرتك انا بشمهندس علي
البت اتكسفت و شدت إيديها و ابتسمت باحراج
_انا مهندسه دارين من شركه ****** و كنا عاوزين نتعاقد مع حضرتك
علي أجاب عليها بابتسامه رسميه و بدؤا يتناقشوا في بنود التعاقد
عند شجن
بصت وراها بسرعه الضوء لقت علي قاعد مع واحده أقل ما يقال عنها مزة و بتتكلم برقه و علي ابتسم ليها و كانت شجن حرفيا بتولع و مبحلقه فيهم
دانه
_بطلي بحلقه بقا ممكن باخدوا بالهم
_شايفه المعفن قاعد مع مين قاعد ميريام فارس ولا ايه من امتا علي عارف بنات حلوة كده بل من امتا عارف بنات أصلا؟!.
_إهدي كده و ما تبينيش انك غيرانه
شجن باندفاع و عصبيه
_طب و انا أغير ليه ما يولع ان شاءلله يعرف 500واحدة أنا مالي
دانه بصتلها بتعجب و قالت في سرها بعد ما رجعت شجن تبص عليهم بغيظ
_ده منظر واحده مش غيرانه و بعدين في العلاقه التوكسيك دي الي ربنا بلاني بيها
علي حس بنظرات بتخترق قفاه فبص لقى شجن و اول ما خدت بالها انه شافها لفت وشها و علي إستغرب هي ايه الي جابها هنا
_تمام يا بشمهندس علي كل حاجة جاهزة مفيش غير العقود و حضرتك تنورنا في الشركه عشان توقعها
=تمام يا بشمهندسه فرصه سعيده
ابتسمت و بعدين مشت و علي راح يشوف شجن
=السلام عليكم إزيك يا أنسه دانه
_الحمدلله كويسه يا بشمهندس
=أستأذنت هاخد شجن أتكلم معاها ثواني و هترجعلك
_اتفضل مفيش مشكله
=قومي يا شجن معايا
شجن زفرت بخنقه و قالت
_عاوز ايه
علي و هو بيكلمها بتحذير
=قومي يا شجن معايا
شجن نفخت بضيق و قاموا وقفوا بعيد شوية
علي بغضب مكبوت
=ايه القرف الي انتي لابساه ده
_لابسه ايه معلش
=شجن ما تستعبطيش انتي عارفه انا قصدي ايه
شجن بغضب مماثل
_لا والله مش عارفه قصدك ايه يا بشمهندس علي قالت تقلد طريقه البنت الي كانت واقفه معاه
=قصدي القرف الضيق الي انتي لابساه ده و الميكب الي انتي عاملاه ده و كل ده في مكان عام الرجاله رايحين جايين
_و الله انا عارفه حدودي كويس ثانيا انا ماما شافت لبسي قبل ما أخرج و ثالثا و ده الأهم كل البنات بتحط ميكب عشان تبقى جميله رابعا حضرتك ما لقيتنيش قاعده مع راجل و ببتسمله
علي فهم تلميحها و كبت غضبه و اتكلم بلين
=أولا انا او مش عارف انك عارفه حدودك كويس ماكنتش خرجتك من البيت و اقدر اعملها على فكرة ثانيا الفستان ده ما يتلبسش تاني ثالثا و ده الأهم انتي مش محتاجة ميكب عشان تبقي جميله انتي جميله من غير حاجةيا شلبي رابعا انا هبقى اقولك انا كنت قاعد مع البنت دي ليه بالليل في البلكونة
علي خرج منديل و حطه في ايدها و قال
=يلا امسحي الدهان الي داهنه بيه وشك ده بدل ما امسحه انا
_مش همسحه يا علي و بعدين انا مش هسيبك تضحك عليا بكلام…
قطع كلامها علي و هو ماسك المنديل و بيمسح وشها بيه و شكله مركز ولما خلص بصلها و ابتسملها ابتسامه حلوة و قال
=شوفي كده أحلى 100مرة
شجن بضيق و هي بتبصله و ساكته
=ايوا كده يا شلبي ارجع لنفسك و فرفش كده انت مالك و مال حاجات البنات دي
_قصدك ايه يا علي قصدك اني مش شبه البنات
علي و هو بيبتسم بعد ما أخد رد الفعل الي عاوزه
=هو انا أقدر أقول كده ده انتي ست البنات
كتمت ابتسامتها الخجولة و بصتله بضيق مصطنع و قالت
_انا هرجع الترابيزة عن إذنك
=ايوا يلا عشان تاخدي حاجتك عشان هنروح لاني هلكان
_لا انا مش هروح معاك
=لا هتروحي
شجن و هي بتحاول تتخانق معاه و خلاص
_ده أمر ولا إيه
=لا أمر ولا حاجة يرضيك تسيبي ابن عمك المؤدب يمشي لوحده و بنت بنات تعاكسني
شجن بسخريه
_يا عيني انتي بطه تخافي تتعاكسي
علي و هو بيكتم ابتسامته و عمل مسكين و أومأ برأسه
_انا لو جيت معاك فعشان انا فعلا عاوزة اروح مش علشان انت قلتلي
=عارف
_كويس
سبقته شجن على الترابيزة و دخلت ببتسم لدانه
_دانه ايه السعاده دي الواد قالك ايه
_مش وقته دلوقتي قالت بهمس بعدين علت صوتها لما وقف جمبهةو قالت أنا هستأذن بقا يا دانه لاني مصدعه و عاوزة انام
_تمام يا شجن توصلي بالسلامه
شجن اخدت شنطتها و موباياها و بعدين مشيت مع علي و قبل ما تطلع من الكافيه افتكرت انها ما اتصورتش بالفستان ده
_إستنى لو سمحت عاوزة أخد صورة هنا
=ده وقته يا شجن
_لو عاوز تروح اتفضل و انا هبقى اروح لوحدي
علي اتنهد بضيق و شافها و هي بتتصور سيلفي و بتبتسم بهدوء و بعدين اخدت صورة تانيه و بعدين كانت مترددة تطلب منه يصورها و هو لاحظ و اخد الفوز من ايديها و عمل انه زهق عشان يصورها من غير ما تطلب منه
_ماشي بس صور حلو
اخد على التلفون و هي وقفت تتصور و هي مخبيه وشها بايديها و بعدين صورة تانيه و هي بتضحك و بعدين صورة تانيه و هي واقفه بجمب وواخده وضعيه تصوير تالته و بعدين علي لف و قام قالها اشمعنا انا اصورك و انتي لا تعالي خديلي صورة انا كمان
زفرت بضيق مصطنع و وقفت عشان تصوره صورة لقيته واقف حاطك ايده في جيبه و مكشر
_لو عاوزني اصورك ابتسم او اعمل اي منظر صور البطايق الشخصية دي مليش فيها
علي سمع كلامها. ابتسم بهدوء و هي صورت و كان شكله وسيم في الصورة
_يلا نمشي
=يلا ياشلبي
مشيوا مع بعض و هما ساكتين كان الكافيه قريب من البيت و بعدين علي قالها تستناه لحد ما يجيب حاجة و استنته لقيته جاي و معاه ايس كريم بالشوكولاته ليها و قربه ليها
شجن
_مش هاخد منك حاجه
=انا مش بسألك انتي هتاخديها
_ مش هاخد و كمان انا مش بكلمك قالت و الدموع اتجمعت في عينها علي لاحظ الدموع فاتنهد
=طب تعالي نقعد هنا
قاعدها على كرسي على الكورنيش بعيد عن للناس و سألها
=مش بتكلمني ليه يا شلبي
_ما تقولش شلبي
=خلاص مش بتكلميني ليه يا شجن
بدأت شهقات شجن تطلع و قالت
_عشان انت معفن و بقالك يومين عمال تزعق و كل اما تشوفني تجعر زي البقر و عشان انت رخم و بقيت لا تطاق
علي و هو بيحاول يراضيها
=بصي لولا اني بحاول اصالحك كنت علقتك بسبب قله أدبك بس سماح المرةدي
و بعدين اتكلم بجدية
=انا هتكلم معاكي بهدوء أهو هل ينفع بنوته محترمه تقف مع حد غريب لوحدهم في مكان بعيد و انتي عارفه عماتك و بنات عماتك اقل حاجه ممكن يقولوا انك مش كويسه صح
أومأت بهدوء
=انا عارف انه هو الي جه وراكي بس انك وقفتي و سمحتيله يتكلم معاكي ده غلط يا شجن و انا ما رضيتش اقواك حاجه قدامه و قولتلك ان باباك بيناديك و انا كنت هموت من العصبيه بس ما رضيتش اقولك حاجة قدام حد و جيت اكلم معاكي و انا بحاول أتحكم بأعصابي لقيتك بتقوليلي انت مالك و انت زيك زيه و الكلام ده فانا انجننت اكتر و مع ذلك انا غلطان اني ما اتكلمتش معاكي بهدوء مفيش مبرر لأسلوبي بس حطي نفسك مكاني لقيتك بتقولي مالوكي و احب فيه و الكلام ده مش لو مكاني هتقومي تعجنيني
شجن بدموع
_هشقك نصين
علي ضحك ضحكه خافته و قال
=و انهاردة كنت مش طايقك بأمانه و كمان الي زود عليا انك بتقولي عاوزة اشوف مهندس اسأله على شغله و انا ببيع ملبس جمبك و جبتي سيره المييت قريبا مالك تاني
ابتسمت شجن على طريقته و قالت
_انا كنت هتكلم معاك بهدوء و احكيلك بس انت الي اتكلم باسلوب وحش من الاول و من و احنا في العزومه و انا لما ببصلك بتودي وشك الناحية التانبه و انت الي كنت بتغيظني انهاردة من أول صلاه الفجر لحد الفطار
علي ابتسملها و قال
=يا ستي حقك عليا انا كنت سخيف انهاردة
_ انا كمان أسفه انا ماسوفتش الموضوع من الناحية دي
=انا مش عاوزك تعتذري على قد ما تتعلمي من غلطك يا شجن و انا كمان هحاول اظبط اعصابي و مش هضايقك تاني
أومأت برأسها و بعدين بصلها و قال
=يعني انت يا شلبي كل اما تزعل هتبقى مؤدب نزعلك على طول بقا
بصتله شجن بقرف و قالت
_يعني أسكت مش عاجب أتكلم مش عاجب
=يا عم اي حاجه منك حلوة
شجن اتوترت من طريقه علي معاها و قالت بهزار
_طب يلا عشان تحكيلي كنت بتخوني مع مين
ضحك علي و بعدين بص لايد شجن و قال
=اهو الأيسكريم بقا سايح و انت ما أكلتيش
_ماهو انت هتجيبلي تاني عشان حرقه الدم الي كنت معيشهالي دي
=لا ازعلي طالما هتيجي عليا بخساره
ضحكت و قالت
_ تبا لك يا ابن العم
=رجعنا للمتنبي
ضحكو تاني و قالت طب يلا لاني عامله فشار و عصير مانجا و خايفه ليكون حد خلصهم
=لا واضح ان كان دمك محروق و زعلانه
_سيبني مش كفايه ما عرفتش افطر كويس بسببك و امك كانت جايبه طعميه سخنه
علي ضحك عليها و قال
=وقال يخربيتك و انا الي كنت شايط و انتي بتفكري في الطعميه
_على فكرة انت بقيت تعيطني كتير و تزعلني و بفكر ارجعك
=لا ياختي البضاعه لا ترجع و لا تستبدل تأقلمي بقا
_طب يلا نروح لاني جوووعانه
=ماشي يلا بينا
و مشيوا سوا بعد ما اتصالحوا و بقوا بيبتسموا طول ما هما ماشيين.
إسم حبيبه زعبولة و إسم الإكس بتاعته؟
أول بدلة محمد جىبها لونها ايه؟
خطيبه محمد إسمها إيه؟
