رواية بصمات جثة الفصل الثالث بقلم محمود الأمين
لما وصلنا البلاغ عن الجث. ة اللي ملفوفه في بطانيه، ما جاش في بالي خالص إنها تكون تبع القضيه اللي بنحقق فيها دلوقتي، ولو هفترض إنها تبع القضيه، فتفكيري كله هيروح في إن الجث. ة دي تبقى جث. ة زياد.
لكن الصدمه الحقيقيه إن الجث. ة اللي كانت ملفوفه في البطانيه دي هي جث. ة محفوظ عم عامر.. الشخص اللي إحنا المفروض كنا هنستدعيه عشان ناخد منه عينه، ومن الجث. ة اللي في القبر عينه، ونعمل تحليل DNA، عشان على حسب كلام دكتور الطب الشرعي، إن التحليل ده ممكن يبين إن في صله قرابه ما بين الأستاذ محفوظ والجث. ة اللي في القبر.. هي آه مش هتجزم إن الجث. ة دي تبقى جث. ة عامر، ولكن على الأقل هتقربنا من الحقيقه.
بس موته بالشكل اللي أنا شايفه قدامي ده بيقول حاجه واحده، إن عامر لسه عايش.. ومش بس كده، الموضوع اتناقش في تلاتة بس، أنا والرائد عزت والدكتور اللي اقترح أصلًا الموضوع.
وده معناه إن واحد مننا إحنا التلاتة اللي سرّب المعلومه دي، وعشان كده عامر خلص عليه.. في ما بينا خاين بيساعد القاتل.
قطع تفكيري صوت دكتور الطب الشرعي، اللي كان بيفحص الجث. ة اللي قدامي على الأرض، وبيقول إن مفيش أي جروح أو كدمات في جسم المجني عليه، وده غريب، أصله لو مات موته طبيعيه، إيه اللي يخلي حد يلفه في بطانيه ويرميه هنا؟
رديت على دكتور الطب الشرعي وقولتله:
= مش جايز يكون مات مسموم مثلًا.. مش شرط يكون مات بسلاح.
_ ممكن يا باشا، مش بعيده. هو عموما.. كل حاجه هتوضح في التشريح، وهيبان سبب الوفاه.
...
طبعًا بلغنا الناس اللي كانت في البيت عنده، بيت العيله، الأستاذ صفوت ومدام نجلاء، وطلبنا منهم يجوا على المشرحه عشان يشوفوا جث. ة الأستاذ محفوظ، وفي نفس الوقت طلع إذن من النيابه بتفتيش المكان اللي كان ساكن فيه الأستاذ محفوظ ورفع البصمات منه، ورغم إني كنت عارف النتيجه، ولكن رحنا ونفذنا ده فعلًا. تم تفتيش مسكن المجني عليه ورفع البصمات، ومكنش فيه أي حاجه غريبه.. المكان كان مرتب ومنظم جدًا، ومفيش أي حاجه تدل على جري.مة ق. تل حصلت في المكان.
ساعتها الأستاذ صفوت ومدام نجلاء كانوا وصلوا المشرحه واتعرفوا على جث. ة الأستاذ محفوظ.. أما أنا فرجعت مكتبي وتواصلت مع دكتور الطب الشرعي، خصوصًا بعد موت الأستاذ محفوظ، ولكن ساعتها قال حاجه مهمه:
_ أنا عاوزك تهدى بس يا باشا، الموضوع مرِحش زي ما أنت فاكر. إحنا نقدر ناخد العينه دي من الجث. ة عادي، وهنعرف من خلالها إذا كان في صله قرابه ولا لأ؟
= أنا بس عاوز أعرف القاتل عرف منين اللي إحنا كنا هنعمله.. إحنا بعد ما اتكلمنا في الموضوع، محفوظ اتق. تل، وأكيد القاتل مش فاهم نقطه إنه حتى لو مات، نقدر ناخد منه العينه.
_ طيب، مش يمكن في سبب تاني لموت محفوظ ده؟ ثم إن تقرير الطب الشرعي لسه ما طلعش، وما عرفناش إيه هو سبب الوفاه، وأنا فاهم كلامك، أنت شاكك إن في خاين بينقل الكلام للقاتل، وعشان كده محفوظ اتق. تل، بس قبل ما تتسرع وتتهم حد بالخيانه، لازم تهدى وتفكر بعقلك، عشان مجرد اتهامك لحد هيفقدك الثقه فيه، وهو كمان مش هيعرف يتعامل معاك تاني، ولو طلع مظلوم، هتكون خسرته للأبد.. إحنا هناخد العينه النهارده بعد اكتمال التشريح وصدور تقرير الطب الشرعي.
...
كلام الدكتور صح، كان لازم أصبر.. وطلبت من رجاله البحث الجنائي إنها تعمل تحريات مفصله عن محفوظ المجني عليه، وإني عاوز أعرف عنه كل حاجه من يوم ما اتولد.. وبعد 48 ساعه، ظهر تقرير الطب الشرعي الخاص بجث. ة محفوظ، وتقرير المعمل الجنائي والبصمات الخاص بمسكنه، وهنا كان في انتظارنا مفاجأه كبيره.
أول حاجه، تقرير الطب الشرعي كان بيقول نفس الكلام اللي اتقال على الجثتين اللي فاتوا.. انهيار كامل في أجهزه الجسم بشكل مفاجئ، مما سبب الوفاه الفوريه، ولكن المره دي السبب معلوم، مش مجهول زي المرتين اللي فاتوا.. أثناء فحص الجث. ة، تبين وجود وخزات تحت الأظافر باليد اليمنى للمجني عليه، وتبين وجود آثار مخدر ضعيفه وسم نادر يسبب انهيار في أجهزه الجسم وتجلط في عضله القلب.
ونيجي لتقرير المعمل الجنائي والبصمات اللي أثبت وجود بصمات عامر في مسرح الجري.مه.. جري.مه جديده ببصمات الجث. ة الموجوده في القبر، الحاجه اللي أنا مش قادر أفهمها.. والمفروض إنه لما يتعمل تحليل العينات، هتطلع سلبيه، وإن الجث. ة اللي في القبر دي مالهاش أي صله قرابه بمحفوظ المجني عليه.
وفعلًا، الطب الشرعي بياخد العينه من جث. ة محفوظ، وبيتم استخراج جث. ة عامر بعلم النيابه، وبيتاخد منها كمان عينه، وبتتبعت العينات للمعمل الجنائي عشان يتعمل التحليل اللي هيبين هل في صله قرابه ما بين الاتنين ولا لأ؟
ولحد ما يظهر التحليل ده.. أنا هفضل شاكك إن في خاين وصل الكلام للقاتل.
كنا شغالين على كذا اتجاه، من ناحيه بندور على زياد أو جث. ته اللي اختفى تمامًا ومالوش أي أثر.. ومن ناحيه تانيه مستنيين تحريات البحث الجنائي عن محفوظ المجني عليه.. وأخيرًا منتظرين نتيجه تحليل العينه.
وأول حاجه بتظهر هي تحريات البحث الجنائي، والمعلومات اللي عندهم نقدر نقول إنها نسفت النظريه اللي عندي، وإن في شخص خاين، عشان باختصار في سبب مقنع يخلي عامر عاوز ينتقم من محفوظ عمه، والسبب ده هو سفر والد ووالده عامر من البدايه للدوله العربيه عشان يعيشوا فيها. حسب التحريات الموجوده قدامي، إن محفوظ ضحك على أخوه إبراهيم الصوفي ومضاه على بيع نصيبه في البيت، وتنازل عن الميراث وبيع حصته في الشركه اللي كانت معاهم، وبعدها طردوا.. يعني من الآخر خسروا اللي وراه واللي قدامه.
وبعد السفر بسنه واحده، وكانت وقتها مرات إبراهيم خلفت عامر، اتوفى الأستاذ إبراهيم بجلطه في المخ، وعاشت هي تربي ابنها لوحدها في بلد غريبه لحد ما بقى راجل يعتمد عليه، وبعدها ماتت هي كمان، وعامر عاش حياته وكمل لوحده، لكن من الواضح إنه رجع عشان ينتقم من عمه محفوظ وقتله عشان ياخد حق أبوه منه.
كل الاستنتاج ده كان محطوط تحت نظريه إن عامر لسه عايش، ولكن في الوقت ده بتظهر نتيجه تحليل العينه.. النتيجه اللي بتكون صدمه.
عشان التحليل أثبت وجود صله قرابه ما بين محفوظ والجث. ة اللي في القبر، طب إزاي؟!.. معنى كده إن الجث. ة اللي في القبر هي جث. ة عامر!
طيب، لما هي جث. ة عامر.. بصماته بتعمل إيه في كل مسرح جري.مه؟ مين الشخص اللي بيلاعبنا وبيحط بصمات شخص ميت في كل مكان؟!
وساعتها الرائد عزت استنتج استنتاج بسيط، ممكن يكون صح وممكن يكون غلط.
وقال:
_ أنا برجح إن اللي بيعمل كل ده هو زياد، بس لو هنفترض إنه هو اللي ق. تل ياسمين والبنت عشان مثلًا هي هددته إنها هتعرف عامر الحقيقه، وإن هو عمل التمثيليه بتاعه موته والدم اللي في الشقه عشان يقول إن هو حصله حاجه ويلبس الموضوع أكتر لشخص ميت ويخلينا نشك إن عامر لسه عايش.. إيه اللي هيخليه يق. تل محفوظ عم عامر؟ إيه الصله اللي ما بينهم اللي تخليه يعمل فيه كده؟!
= الله أعلم، ممكن يكون في سبب مجهول إحنا لسه ما نعرفوش.
...
ولكن بيقطع كلامنا وقتها بلاغ يوصل عن حريقه في بيت كبير موجود في منطقه قريبه من المنطقه اللي لقينا فيها جث. ة محفوظ.. بس المشكله مش هنا، المشكله إن أنا لما اتحرينا عن البيت ده تحريات سريعه، طلع البيت باسم عامر إبراهيم الصوفي، وده خلانا نتحرك بسرعه على البيت، ولقينا المطافي هناك بتطفي الحريقه.
ومع دخولنا، كانت كل حاجه اتفحمت، بس لاحظت إن في بدروم النار ملحقتوش، ولما نزلت تحت، كانت في انتظارنا مفاجأه غير متوقعه، وهتخلينا نعيد النظر في القضيه من الأول، عشان لقينا..
شكرا لزيارتكم عالم روايات سكيرهوم
