رواية لعبة الندم الفصل الثالث بقلم هاجر سلامه
الفصل الثالث
الشكوك بدأت تكبر جوة بيت حسن وتاليا وتاليا مكانتش قادرة تفهم السرداب اللي دخلت فيه حياتها
حسن بقى يرجع البيت وشه قالب ومفيش كلمة حلوة بتطلع من بقه
تاليا كانت بتحاول بكل الطرق ترضيه وتعمله كل اللي بيحبه بس هو كان عقله وقلبه في مكان تاني خالص مع يارا اللي كانت بتعرف تسحبه بطريقتها الخبيثة
يارا مكانتش بتسيبه يرتاح دايما تتصل بيه وتعمل صوتها معيط وتقوله أنا تعبانة من العيشة في الضلمة يا حسن أنا بتموت كل ما أشوف أختي تاليا منورة في بيتك وأنا مستخبية زي الحرامية
حسن كان بيسمع الكلام ده وقلبه بيتقطع عليها ويشوف تاليا هي السبب في وجع يارا وضياع شبابها
يارا بدأت تخطط لفخ كبير يخلي حسن يكره تاليا تماما ويشوفها ست مهملة ومبتفكرش غير في نفسها وبس
في يوم من الأيام يارا اتصلت بتاليا وقالت لها تعالي معايا يا تاليا نروح لبيت أبويا نوضب الأوضة القديمة عشان أمك تعبانة ومش قادرة
تاليا الطيبة سابت كل اللي في إيدها وجريت على أختها عشان تساعدها
تاليا مكانتش تعرف إن يارا مرتبة مع حسن إنه يرجع البيت في نفس الوقت ده عشان يلاقي البيت يضرب يقلب وتاليا مش موجودة
يارا قعدت تضيع في الوقت مع تاليا في بيت أبوها وتتحجج بأي حاجة عشان تأخرها
وتاليا تقولها يا يارا حسن زمانه راجع من الشغل ولازم ألحق أعمل العشا
يارا تقلها متقلقش يا حبيبي حسن بيحبك وهيستحمل والبيت أهم دلوقتي
يارا في نفس الوقت كانت بتبعت رسائل لحسن وبتقوله أنا زعلانة عليك يا حبيبي تاليا سايبة البيت ومتبهدل ونازلة تشتري لبس وحاجات لنفسها ومش فارق معاها تعبك ولا شغلك
حسن رجع البيت لقى الدنيا ضلمة ومفيش لقمة تتاكل والبيت مش نضيف من كتر ما تاليا كانت مستعجلة ونزلت الدم غلى في عروقه وحس إن كلام يارا صح وإن تاليا مبقتش مهتمة بيه
لما تاليا رجعت البيت لقت حسن قاعد في الصالة والشرار بيطلع من عيونه
تاليا جريت عليه وقالت له أسفة يا حبيبي اتأخرت غصب عني كنت مع يارا بنساعد أمي
حسن قام وصرخ في وشها بعصبية عميا وقالك أمك و يارا أهم مني يا تاليا بقالي كام شهر مستحمل قرفك ودكاترتك وعملياتك اللي مابتجبش فايدة وجاي دلوقتي ألاقي بيتي مخروبة ومفيش لقمة تتاكل إنتي ست مهملة ومبتفكرش غير في نفسك وبس
تاليا اتصدمت والدموع نزلت من عيونها وقالت له أنا مهملة يا حسن أنا اللي بقالي خمس سنين بموت بالبطيء مع الدكاترة عشان خاطرك إنت وعشان عيل يفرحك
حسن قالها بقسوة وبرود العيب منك إنتي يا تاليا مش مني وأنا صابر ومستحمل وقرفان بس خلاص طاقتي خلصت
تاليا حست إن الكلمة دي دبحتها وكسرت كل حاجة حلوة جواها ومكنتش تعرف إن يارا هي اللي بتكتب السطور دي كلها من بعيد
يارا مكانتش بتكتفي بكدا دي كانت بتروح لبيت تاليا وتعمل نفسها بتواسيها وتقعد تتكلم معاها قدام حسن بطريقة خبيثة
يارا كانت تقعد تقول لتاليا معلش يا حبيبتي حسن حقه يزعل برضه الراجل نفسه في عيل يشيل اسمه وإنتي لازم تستحملي قسوته
تاليا كانت بتعيط وبتقول بس هو مبقاش يحبني يا يارا أنا حاسة بكدا يارا تبص لحسن من تحت لتحت وتتبسم ابتسامة انتصار وتقول لا يا حبيبتي حسن طيب بس هو مضغوط
حسن كان بيسمع يارا وهي بتدافع عن تاليا في الظاهر ويقول في نفسه شوف البنت المظلومة اللي واخد حقها في السر بتدافع عنها ازاي
تاليا متستاهلكيش يا يارا تاليا دي ست نكدية ومبتفكرش غير في النقص اللي عندها
الأيام مرت وحسن بقى قاسي جدا مع تاليا مبقاش يطيق يسمع صوتها وكل يوم يتلكك على أي حاجة عشان يسيب البيت ويروح ليارا يارا كانت مجهزة الخطوة التانية والضربة القاضية
يارا راحت لحسن في الشقة السرية وقعدت تعيط وتهز راسها وتقوله حسن أنا حامل حسن طار من الفرحة ومبقاش مصدق نفسه وحضنها وقالها بجد يا يارا هكون أب أخيرا
يارا قالت له بدموع مزيفة اه يا حبيبي بس أنا خايفة خايفة ابني يتولد في السر والناس تاكل وشي وأختي تاليا تظلمني أنا مش عايزة أكون الضحية يا حسن إنت لازم تعلن جوازنا وتنهي حوارك مع تاليا
حسن عيونه عمت ومبقاش شايف غير العيل اللي هييجي ويارا الست اللي ضحت بعمرها وبشرفها عشانه وقالها خلاص يا يارا وقت تاليا انتهى أنا هعرف الكل الحقيقة وهطلق تاليا عشان نعيش في النور
في ليلة صعبة جدا حسن طلب من الأهل كلهم يتجمعوا في بيت أم تاليا
تاليا كانت قاعدة وقلبها مقبوض وحاسة إن فيه مصيبة هتحصل وأمها كانت قاعدة مستغربة ويارا كانت قاعدة في الركن وعاملة نفسها مكسوفة وعينيها في الأرض حسن وقف وسطهم وبص لتاليا بكل قسوة وجبروت وقال أنا جمعتكم هنا عشان أقولكم حاجة مهمة تاليا مبقتش تلزمني وأنا اتجوزت عليها
تاليا وقفت بذهول وقالت اتجوزت عليا يا حسن ومين دي اللي اتجوزتها حسن شاور بإيده على يارا وقال اتجوزت يارا أختك ويارا حامل في ابني الأول
تاليا حست إن الأرض بتلف بيها وأمها صرخت وصوتها جاب أخر الشارع وبصت ليارا وقالت لها إنتي يا فاجرة تاخدي جوز أختك
يارا هنا بدأت تلعب الدور اللي اتفقت عليه وبكت بانهيار وجريت على تاليا واستخبت ورا حسن وقالت بدموع التماسيح أنا أسفة يا تاليا غصب عني انا بحبه اوي حسن مكنش موافق انا اللي عملت كل حاجة حسن ملهوش ذنب حقك عليا انا ياتاليا
حسن لما شاف يارا بتعيط وبتستعطف تاليا والكل بيهاجمها الدم غلي في عروقه وحس بالذنب تجاه يارا وبص لتاليا بكل غل وقسوة وقالها إنتي وأمك ملكوش دعوة بيارا يارا بريئة ومظلومة وإنتي السبب في كل اللي حصل ده بسبب نكدك وإهمالك وعقمك
تاليا صرخت في وشه وقالت له إنت راجل خاين وإهي أختي خاينة وزبالة زيكم
حسن رفع إيده وضرب تاليا بالقلم وصرخ بأعلى صوته وقالها إنتي طالق طالق طالق بالتلاتة يا تاليا وملمحش وشك تاني ويارا دي ستك وتاج راسك وهاخدها وأمشي من هنا ومش هتشوفوا وشنا تاني
حسن شد يارا من إيدها وخرج برة البيت وتاليا وقعت على الأرض مغمى عليها وأمها بتصرخ والبيت اتهد فوق دماغهم والكل دخل في صدمة الخيانة القا..تلة
شكرا لزيارتكم عالم روايات سكيرهوم
