رواية حين تتغير الاقدار الفصل الثاني والاربعون بقلم سناء الهموندي
كالحلم يهرب العمر
ولا نستيطع الامساك به
فعيب السنين أنها تصنع الذكريات
وعيب الذكريات أنها لا تعيد السنين🖤
عود گـتلك لا تعَلمني عَليك وعلـمتني
عود وصيتك تَلـمني وتيـهتني💔🥺.
أنا من يَڪتب الوجعَ المقفّى ويرسم موتَهُ حرفًا فحرفا أقول لذڪريات الموتِ هُبّي وأُبعثُ ڪلما لاقيتُ حتفا أنا من خانه فرحٌ قديمٌ فعانق دمعَهُ والدمعُ أوفى ڪأن الدمع أقربُ أصدقائي أصلّي أن يفيض ولا يجِفّا ڪأني اخترت أحزاني بلادًا ڪأن حديقة الأفراحِ منفى
وبيوم من الايام كالو جايبين شهيد من المنطقه راحن ام علي وام فالح وبناتهن عادات قبل المنطقه تحزن على حزن جارهم لو بينهم عشر بيوت مو سبعه.
وهنا امي خلتنه يم جدو وراحت وياهم لان كل النسوان راحت للفاتحه عماتي وبيبياتي خيوط الذاكرتي تذكر ذاك اليوم المشؤم الوحيد الي مااكدر امحي من مخيلتي واذكره بكل تفاصيله عمري هنا خمس سنوات و جدو واهلي مشغولين على والدي الي صارله أكثر من ثمن اشهر مختفي ملتهين بالعب أنا وخواني وجهال عمتي نوره اباوع على جدو شلون كاعد على تخت مالته بالحوش مالت البيت واحنه نلعب اجه ابن عم ابويه عقيل يركض عمي عمي وجه أصفر ويكول عمي اجوي الشرطه عليك طلع جدي وحنه طلعنه نركض وراه ونشوف جدو وكع من طوله ويدك ع رأسه تلكوه جماعة ابويه يكومون بي ويكلوله كول يا الله حجي بس جدي فقد صياح ويشيل تراب ويذب على رأسه بجينه على جدي رغم منعرف شنو السالفه ومدري منين التمت الناس الكل يصرخ واني واختي من حضن الحضن منعرف شكو بس الي نسمعه تمار جابو شهيد أنا ادور بالوجوه على أبويه وينه مو يكولون اجه جدي شالوا الوادم وانا لازمني جيرانه رجال جبير .
شمس :بالفاتحه كاعدين ختمت المله المجلس وطلعنه نمشي من بعيد نشوف الناس تتراكض على بيتنه اني ونور نمشي ورانه عمتي وامي اني بس شفت الهوسه بدون وعي ركضت نور تصيح وراي وتمشي سريع من حر كلبي نسيت روحي أنا وين ذبيت عباتي وكعدت بالكاع انثى على راسي اتراب فقدت رغم ما شفت شي بس الناس ملتمه على بيتنه كلبي كلي تمار مااعرف شلون وصلنه للبيت اني ونور الرأس مفرع وكلي تراب اباوع تابوت بالبيت عليه علم العراق كرهت العلم لان يلفون بي شهداء لزمت العلم شكيته كرهت العراق من وره صدام اريد افتح التابوت اريد اشوفه اشمه اوادعه اكوله ليش عفتني ابويه واخويه جنت اليوم صدك مات ابوي اليوم صدك خسرت ابوي المن عايفني يا سندي كسرت ضهري والله اريد اوصل للتابوت ميخلوني فقدت ماادري شلون جان من يوم اكشر بحيث من القهر حتى ما اتذكر تفاصيله عمي مقبل يندفن بسرعه بيته ال ثاني يوم كال اريد ازف تمار زفه عرس وكل هذا واني اهم على تابوت افتحه ميقبلون داكينه بسامير اريد أودعه اريد أشوفه واعاتبه شون يعوفني احجي بصياح لالالالاااااااا ما ميت هذا مو تمار هوه واعدني ميعوفني .
تستمر القصة أدناه
تكتم : ماانسى صرخات امي شمس وهي دكولنه بعد ماكو بابا صرتوا يتامه ماانسى من دكوله تمار بناتك زغار بحاجت حنانك تعال ارجع يتمتني قبل لتيتمهن وله عمتي نوره حال الضيم حالهه وجدي اوف يا جدي من الصدمه حتى حجي ميكدر يحجي وبيبيتي الشكت ثوبهه ودك وتلطم صغيره بس هل حادثه كبرتني الف سنه صرخاتهم ونات امي وعمامي الي التموا بالشارع وطينو روحهم ويلطمون أكثر من النسوان المنطقة كلهه تبجي على حالنه ترسوا البيت صور ابويه كل واحد شايل صوره اله وأخذوا التابوت مشي فروا بالديره يشيعون الجنازه أنا وخواتي متكترين على صفحه وكلساع واحد جاي حاضنه وباجي حتى ناس منعرفهم ويكولون خطيه صاروا يتامه هل كلمه هواي سمعتهه خلال ساعات وانا ماعرفت معناتهه اله بعد مده .
نور: عمي مقبل انروح كال ويانه زلم ومن شمس أصرت تروح هي وامي ضربهن وجرهن للبيت كلبي نكسر عليهن بعده رجلهه مامدفون نضربت وتالي سلطان وفالح تعاركوا وياه وأبويه دز واحد من ولد عمي اجر سياره واخذوهن وراهم .
شمس: رغم ماضربني عم تمار بس اني مجنت واعيه بس اريدن اروح أودعه اخر وداع وصلنه لتغسيل طلبت من فالح اشوفه بست ايد عمي حتى اشوفه طبيت وياريت ماطبيت عباره عن كوم رماد مجرد رجله وجف ايده والقرص بي اسمه وفالينته الداخليه من جهة ايده شفته شويه هنا فقدت ونتهيت محسيت اله و اني بسياره ونور واحلام ويايه كعدت متهستره ملخت شعري واصيح ولكم رماددددددددددد رمادددد صاير ابو طول الحلوووووو ولكم ملامحه الحلوه مختفيه ولجججججج نور عيونه الحلوه ماكوووووو يلزموني وانا املخ بروحي حسيت وجهي تجرح كله ويجري دم وشعري اجه كله بايدي
كالو يدفنون بعدهم مااعرف اني حلمانه لو شنو ياريت اطلع حلمانه ياريت نزلت من السياره أركض وأشوف من بعيد سلطان اجه عليه ياشرلي ارجع بس انا لا حياة لمن لا تنادي مشيت وتقدم هوه عليه كال رجعي العالم كلهه طلعت راح نرجع للبيت كتله بس اروح اخر مره مقبل لزم ايدي دنجت على أيده ردت ابوسهه وجراهه مني كتله ابوس ايدك بس 10دقايق وفعلا كال تعالي لزمني واخذني على كبره رطب دافني وراشي ماي بس شفته عيوني غيمت رجلي خانتني وما عانني وكعت على الكبر وصحت هاااااااا يبن روحيييي هاااااااا يبوووووو بيتي ها يلكلتلي اصيرلج لخ واب شو جنك عفتني وخنت الوعد شو جنك عفتني ورحت جا موش انت التكول ماريد اشوفنج تبجين وهاي أنا كضيت من البجي وانا ما حاجيتني صحت بصوت تمارررررررر اكعددد تمار نمت على التراب واشم بي ادور رويحت تمار بي تالي ما شميت غير بس ريحت الموت الخطفه مني ومن جهاله كومني سلطان بالكوه كمت والتافيت على حضره الإمام وصحت دخيلك يا داحح باب خيبر اليوم تمار خطارك يبو الحسن أحضره درت على سلطان وكتله خل نبات يمه .
سلطان : شبيج شمس صدكين جذبين العالم كلهه مشت امشي خل نروح ورانه فاتحه وعالم .
نور : رجعنه للبيت وانا حيلي انهد على اخوي صدك حسيت بالوحده صدك نكسر ضهري راح روح غلام راح رويحت أخته راحت الحنيه والأمان سوينه فاتحه
تستمر القصة أدناه
كانت فاتحه ضخمه حيل من كل المحافظات اجونه عالم يمنه ابويه صحته تدهورت حرنه بي وتخاف عليه خاف يصير بي. شي الحرب توقفت والناس كله منكوبه ماكو بيت مبي شهيد ويلعنون صدام بسكوت وناس احتفلت وفرحانه ومزايق ودك وركص وطلعت العالم من بيوتهه تهوس وفرحانين واحنه حزنه صار حزنين يعني ماكو ايام من جابوا تمار شهيد توقفت الحرب شيصير لو هوه موجود ويحتفل ويه هل عالم اجه أربعين تمار ورحنه للاربعين شمس شبه فاقده وامي كذالك البيت انهد بعد تمار ملابسه مقبلت شمس نطلعهن قافله كنتوره حاولنه وياه ماكو ابنه الزغير شمرته على سلطانه اذكر العراف الي كال ال تمار يصير عندك سبع جهال ويسافر اثاري يقصد هذا السفر سفر الاخره هم يعتبر سفر ابوي عمت عيني جوه عينه صاير اسود من البجي وشكله ذبل وكلساع وكال تره ما باقيلي شي أنا رحنه للاربعين وعبالك هسه مدفون النوح والصريخ والبواجي جهاله كلهم اخذناهم الكبار والصغار يبجون عليه شمس منقبه وكاعده يم الكبر وتنوح بخنيس عبن لازمه عده خلصت الوادم وصعدوا بالسيارات سلطان أخذ شمس ورجع للكبر وانا لحكتهم لكيتهه كاعده تعاتب بي كسرت خاطري كعدت يمهه وابجي البجيهه وراهه رجعنه للبيت ومرت الايام شمس لازمه العده بيتهه وخالتي جوري تروح تبات يمهه .
تكتم : مرت شهرين بالضبط على وفات والدي امي معتكفه بالبيت وحتى كلامهه صار كلش قليل خلاتي دائما يجون يمنه وخصوصا خالتي هناء صارت كل خميس تجينه ويعتنن بينه وعماتي هم يجون ويواسن امي بيبي جوري شبه استقرت يمنه وتهتم بينه سوالفهه تخبل ومينشبع منهن من تروح البيتهم نبجي عليهه .
جوري : يمه شمس خلي ايمانج قوي باله ولتضعفين ربج الكل انسان مؤمن مخلي متحان صعب وانتي هذا متحانج ولازم تنجحين بي ومتستسلمين صلي ادعيله وطلبي من ربج الصبر يمه اصحي الخاطر جهالج تبهذلوا حتى لو انا موجوده وخلاتهم وعماتهم ممقصرين بس همه بحاجتج انتي شوفي ابنج الصغير تبهذل ضال من ايد الايد .
شمس : بدموع اضلمت الدنيه بعيني يا يمه كلبي مات ويه تمار .
جوري : ميخالف بس انتي الخاطر جهالج مو الخاطر أحد .
تكتم : امي وبيبيتي يسولفون وندك الباب طلعت أنا أركض فتحته طب خالي عمران هنا خالي عمران عمره 20سنه شالني باسني وكال وين ماما اشرتله طب جوه وكال البيبي .
عمران : ها الله يساعدهم .
جوري وشمس : ويساعدك الله .
عمران : شمس تره عمج تعبان كلش حالته ميؤس منهه .
شمس : ضربت على صدري وكلت يمه اسم الله شوكت الصبح هوه يمي مابي شي .
عمران : هسه اجه كميل على نوره اخذهه وكالي حجي بيناتنه ابوي حالته كلش تعبانه .
شمس : كمت لبست وتنقبت وطلبت من عمران ياخذني لبيت عمي ابو علي رحت لكيت الامه مكلوبه دخلت اركض البيت عمي ابو علي لكيت الناس تركض ركضت وشوف عمي شايلينه كميل ولولد ويركضون بي للمستشفى عمي الصبح يمي مابي شي اجه يتمشى على عوجيته صح صحته مو تمام بس مو مال هيج حالته بساع بساع وكع .
تستمر القصة أدناه
نوره : حسب ما تسولف امي ابوي جان بيت تمار رايح يشوف جهاله وراجع متغدي وطاب نايم وكلشي ما بي جاين عليه خطار من المحافظات أقاربه كميل رايح يكعده لاكي الباب مقفول يدكون بالباب يردونه يكعد ماكو ملتمين الكل وداكين الباب قوي ويصيحون عليه ميجاوب واحد من الجايين سال كميل معقوله حجي ابو علي نومه هيج ثكيل .
كميل مرتبك وقلق أكثر على ابوي لان مامعقوله كل هذا وماكعد نفتح الباب ماكو مسرقايه عليه الشباك مال غرفة الخطار كدام الدرب مفتوح مفترين وشايفي وهو نايم على سريره ويصيح حجي حجي ميجاوب تالي كاسرين الباب وطابين ولاكينه متخربط وركض للمستشفى .
شمس : سبع ايام عمي بالمستشفى وحالته للأسوء سابع يوم اجه انمار اخو الكميل وعيونه حمر تلكينا من الباب جان يوكع من طوله ويصيح ابوي ماتتتتت والكم الحجي كلبه ما تحمل فراك تمار ولحكه ساعتهه اجتنه فاجعه ثانيه وهيه فاجعه عمي ابو علي الي مات بعد موتت تمار بشهرين بالضبط نصبنه عزا ثاني ونعاد علينه الحزن مرت ايام الفاتحه واحنه بيوتنه كامت تتراوح فقط بلضلام من كثر الاسود مو بس لبسنه صار اسود لا بل حتى حياتنه سودت مثل حال هواي عراقيين خلصت الحرب وتركت إثر جبير وطابع اكبر بحيث العمر كله احنه ندفع ثمن الحرب الصارت الي احنه لا بيهه ولا عليهه نور وعمتي حالتهن مو اقل مني مرت الايام والأشهر وانا شبه رجعت وكفت على حيلي الخاطر جهالي ونور كذالك هذا حال الارامل والي ازواجهم نفقدوا بلحرب رغم حزنهم اله مجبورين يمثلن القوه الخاطر أطفالهن وما مرت غير سنتين من حياتنه كأنهم 20سنه بسبب فراق الاحبه الحمدلله الي سخر اهلي وعيالي على اطفالي ويذكروهم وبلاخص كميل شبه مقيم يمنه يموت عليهم وحتى يصيحوله بابا مصايبنه كثرت ومنعرف منين كامت تنزل علينه بعد أربعين عمي ابو علي بيومين اجتنه فاجعه موت عم تمار يعني اخو الابو علي والتهينه بالفاتحه وهوسه ناس تروح وتجي وملتهين والجهال مطشرين جوه رجليناتنه كل احنه سادين احزامنه ونشتغل نور وهند وحواء وزمن خوات تمار رجعنه لبيت عمي ابو علي وناس تجي تواجبنه وتعزينه ملتهين كل وحده شغله حواء رجعت البيتهه هيه وجهالهه العصر كالت باجر اجيكم وصدك والمغرب صار صياح وعياط خالتي ام علي ونسوان حمويني أنا جنت اسويلهم عشه عفت العشه وركضت اشوف شكو اجيت وأشوف الدك والطم كل ضني جتي وحده من الجوارين وهنه كابلنهه عاداتنه من يموتلنه احد ويجن النسوان يكومون أهل الميت والضيف يلطمون بس شفت الوضع مو مال هيج اسمع خالتي تصيح تعزيتي وتلطمتي يا حور عمتي تصيح الحواء حور بس شنو الصاير شبيهه حور اريد واحد اساله كلهه ملتهيه سالت عقيل ابن حماي كال زينب بت عمه حور ماتت لطمت على صدري يمه اسم الله شموتهه قبل ساعتين يمنه تكمز زينب شويه حركه وصار مصاب جديد عدنه وكل عاده هوسه الناس التمت من جديد والعالم حزنت الحزنه مسوولهه فاتحه لان تعتبر صغيره عمرهه 6 سنين تلعب ويه الجهال ومفوته راسهه بالفتحات التصير بالسرير سرير حديد والتاج مالته هم حديد وبي مثل خانات مكسم هيه مطببه رأسه ومختنكه ومحد يدري بيهه جانت فاجعه باللنسبه للديره كلهه مو بس النه الكل كام يخاف على أطفاله حواء الله يساعدهه ماكدر اوصف مصابهه لان شكد ما اوصف قليل .
تستمر القصة أدناه
دخلنه بسنه ال 90 وهنا يبدي القهر الحقيقي يببلش صدام بمرحله جديده هو النزاع بين دول الخليج ويستعد لحرب ثانيه ونقاشات تتحول الحياه الى الراح الله وياه مودع بالله والخوف على الباقين
يتحول القلق والخوف على الأبناء والزواج والاباء والإيمان بقضاء الله عالم عاشت رعب جديد نور وشمس حالهن حال ملايين الأرامل ب العراق تعرضوا لتعنيف مجتمع ها طبت ها طلعت ها حماه طب عليهه شعنده ها ابن عمهه اجاهم ناس بله ذمه وضمير عبالهم الارمله او المطلقه أو الزوجهه مفقود مو زينات مع كل الاحترام الهن تره عقولكم هيه العاريه والمو زينه الهم محمل عليهن وشمس ونور مثل ملايين النساء الي تعنفن بالكلام والاثنين مخلصوا من الناس ورغم كلشي الله منحهن قوة شخصيه مرت السنين .
1990 حرب الخليج الي اغلب العالم اعتبرهه حرب باطله واغلبهم تفقوا ويه صدام انو ارض الخليج هيه ارض عراقيه من ضمن البصره واخذوهه الكويتيين ونسبوهه الهم وبيهم يكولون صدام رادهه حجه على الكويت لان على أساس جان اكو مؤتمر بين رئسا دول الخليج ومن ضمنهم دوله الكويت والي جان حاضر الاجتماع صدام حسين وعزة الدوري وكم وزير فأثناء الاجتماع صايره مشادات بين رئيس الكويت وعزة الدوري فا حسب الروايات الي انذكرت انو رئيس الكويت ناعت النساء العراقيات بالعاهرات وكلام ميليق ولا اله دخل بالمؤتمر وكايللهم شسون سوو أنا ما اخاف فصدام حسين ملتزم الصمت من مكمل رئيس الكويت كلامه صدام حسين كايله حسب حسابكم باجر الصبح الجيش العراقي يتريك عدكم بعد حرب إيران اتلقب الجيش العراقي باقوه جيش وفعلا بليله ويوم طبوا الكويت وكلبوهه ساحت قتال واعلنوا حرب الكويت وبيهم الي استغلهه فرصه وأخذ ما اخذ من ممتلكات ناس مالهه اي خص بلحرب اعتبروهه غنائم حرب بس هيه العكس طبعا هنا أخذ الجيش وزته بحرب الكويت ومنوع المعارضه حتى لو ويه نفسك بعد غزوا الكويت كان رد الامريكان قوي تم اباده جيش قوي على طريق الحدود العراقيه الكويتيه بعد أن انهكته الحروب حالة رعب تسود العائلتين بيت جوري وام علي كون جمع الشباب تجند التجنيد الازامي ومن ضمنهم ولد جوري ولد ام علي سنه طويله حيل كوه تخلص لان كله ظيم وقهر راحو ضحيتهه مئات الشهداء والجرحه كل هذا ب 99ساعه فقط بعدهه اتفقوا ضدنه 30دوله قصفتنه بهل سنه بالتحديد ثنين من ولد ام علي ولدهه التؤم تجندوا جيش الزامي وبعد مخلصت الحرب رجع واحد والثاني ماكو وشهرين واحنه ندور عليه تالي طلع اسمه ويه الاسره وماكو أقل الشهرين واجه من الأسر وكلش فرحوا بي اهله وأصدقائه والاقارب .
تكتم : سنه 1990 سجلنه اني واختي التؤم بالمدرسه ونفس السنه صارت حرب الخليج عمامي بس سجلنه ماكو شي مجابوا النه وبلاخص بابا كميل اي انصيحلنه بابا لان هوه حتوانه من بعد أبويه الله يرحمه اول يوم من الدوام هوه الي اخذنه للمدرسة واحنه مكيفين واكفين باب المدرسة وكل الطالبات الصف الاول جايين أمهاتهم أو ابوهم فمن ضمنهم ام محمد جيرانه جابه بنته واكفه قريب علينه واكفه يمهه مره تسولف وياهه المره باوعت علينه انا واختي وابتسمتلنه نوب سالت بابا كميل كلتله فدوه الله تؤم الله يخليهن بابا جاوبهه بنعم عاد جيرانه ام محمد استلمتهه تجاوب بيهه مكانه بابا راح يشتيرلنه كال اوكفو لتتحركون المره سالتني كالتي ولج يا حليوه شنو هل كيمر انتي واختج اكيد طالعين على ماما حلوات أني بتسمتلهه واختي كالتلهه اي على ماما هيه كالت اي مبين لان ابوكم الله يخلي اسمراني جاي تحجي ختام بس ام محمد كالتلهه لا خيه هذا مو ابوهه هنه يتامه هذا عمهم ومقيم عدهم أنا مافتهمت على كلامهه من رجعت سولفت الأمي كالتلي معليج بيهه هاي ماعدهه عقل بس انا ما راحت من بالي كلمه يتيمه شنو معناتهه اشو هواي اسمعهه وهواي تتردد يا هو اليشوفنه وكال يتامه حتى بالمدرسه اسمع المعلمات يحجن ويكولن على كيفجن ويه اليتيمات زين غير اعرف يا تره شنو معنى كلمه يتيمه .
نور : بسبب الكلام والاشاعات الي بدت تطلع على ابو اني اريد اخطف حمايه من مرته بديت اخلي الكلامي ويه الكل حدود هناء الله اكرمهه ب 6ولد شويه لهو خالتي ضويه على فراك ابنهه المامعروفه اراضيه وين ميت أو عايش مامعروف وسلطانه هم صار عنده اربع اطفال ثنين بنات واثنين ولد كذالك فالح 4هم ثنين بثنين احلام صار عدهه ثنين اولاد وسلطان صار عنده بنيه ولد جهالي حاسبهم بحسبه جهاله ومرته انسانه كلش محترمه وتخاف الله رغم شكد اسمع بأذني أقاربهم واقاربي يوزنهه على ابو هسه تأخذ رجلج بس هيه مدايره بال الحجيهم ولهذا السبب أنا محبيت اخسرهه فقللت كلامي كلش ويه سلطان الحياة بدت تصعب علينه والوضع متازم كلش وبدت الانتفاضه الشعبانية بانطلاقهه من البصره والناصرية عام 1991اذار ضد حكم صدام وحسب ذكر التاريخ أحد المعارضين أطلق بعض الرصاص على صور صدام حسين وبعد ما وصل خبر الانتفاضه الباقي المحافظات اتمكنوا من تكبير الانتفاضه وصلوهه إلى محافظات أخرى بحيث سيطر المعارضين على 14محافضه كل هذا وهمه بدون اي قائد أو تدخل من اي احد استمرت الانتفاضه الفلسطينيه عده ايام مو اكثر وسيطر الحرس الجمهوري على الوضع وبده يعتقل كل المعارضين وطبعا معافوهم هيج لان اليوكف بوجه صدام هذا أمه داعيه عليه فمنهم من انعدم ومنهم من قتل ومنهم من بدو بتعذيبه و صل بيهم الأمر يدفنوهم بمقابر جماعيه بدون رحمه وهمه عدلين يدفنوهم وطبعا بسبب هاي الانتفاضة انقتلوا عده شخصيات دينيه وكل واحد يحجي بالدين وكل مو يمتلك كتب دينيه ومن الكوارث الصارت هاجموا المعارضين داخل حرم الامام علي عليه السلام بالسلاح وطبعا أصيب حرم الامام علي عليه السلام وحرم الامام الحسين عليه السلام وقفلوا الابواب 6اشهر كل هذا وتالي خسرت الانتفاضة بسبب استخدام الجيش الاسلحه الثقيله مثل الدبابات وغيره وبنفس السنه امريكا قصفت العراق ومن اثرهه راحو هواي عالم بملجأ العامريه ناس ابرياء مالهم اي علاقه بالحرب كل خوفهم من القصف تالي اندفنوا بمكانهم قصفو ملجأ العامريه لان كل ضنهم صدام حسين خاتل بي وبسبب هل شي راح ضحيتهه 450 مواطن كل هذا بسبب حقد امريكا على العراق
تكتم : مثل كل فتره اجتنه خاله هناء ومحمله بالهدايه صادف بيهه بيبي بابا يمنه شافتهه جايبه غراض ضاجت وحجت ويه امي وكلتلهه اختج على عيني وراسي بس من تجي لتجيب شي وياهه جهالنه مو بحاجه شي احنه اهلهم ونتكفلهم حجت بصوت بحيث سمعتهه خاله هناء وضاجت من طلعت بيبي خاله هناء كالتلهه متكليلي هاي عمتج خشمهه شكد يابس امي بتسمت وكلتلهه لا هيه هيج طبيعتهه حتى من سلطان يجيب شي لو امي متقبل عفنه امي وخالتي يسولفن واحنه جمعنه ليث بحوشنه جبير كلش واخذ دور المعلم ويقري بينه واحنه نضحك وهوه يعيط بينه لان هوه جبيرنه نخاف منه كومنه بالسره نقراله نشيد اني محافظة غير بس نشيد وهوه يموت منه ضحكت وقريت ليث ماعنده مره عنده دجاجه محمره بعدني اريد أكمل النشيد وانا عيني عليه ماشلتهه اخاف ليجيني اعرف بي وفعلا لزم عودته وركض ورايه ويصيح اني اعلمج اليوم اله اربيج من اول وجديد انتي وحده طالعه عينج هوه يحجي بعصبيه ويركض وانا ميته من الضحك طلعت بالبستان أركض وهوه ورايه وخواتي وإخوانه هم طلعوا ويضحكون صدك رحت مسافه عليه وصار صوت صافره الانذار من خوفي من الصوت رجعت اركض عليه وحتميت بي خايفه من الصوت
شكرا لزيارتكم عالم روايات سكيرهوم
