رواية حين تتغير الاقدار الفصل السادس والاربعون بقلم قلم سناء الهموندي
ياعازف الناي صوت الناي ابكاني
كأنك تعزف من أوجاع حرماني
ياناي جمر يسكن بين اجفاني
ياصاحب الناي خذمن اضلعي
نايا لعل الغائب يسمع صوت
اشجاني واعزف على الاوجاع
برقه وحنان ياناي ان الحزن
يسكنني وصوتك المجروح
اوجعني فأبكاني ياناي رفقآ
لا تستبيح دمعي ولا تنسج
بصوتك المجروح اكفاني ياناي
ارحم قلبي الحنون لا يتحمل
صوت الناي الحزين 🥺🖤💔
كميل : نور شدكولين اريد اشورج خويه اذا اتقدم الشمس تقبل الموضوع بيني وبينج وانتي تعرفين جهال تمار اغلى من روحي مااكدر اجيب مره تبعدني عنهم وانا فكرت أخذ شمس حتى هم اسكت العالم وهيج راح اامن على جهال تمار كبالي وانا راسي بارد .
نور : بحيره والله يا كميل أنا اشوف هذا احسن حل وشمس أنا اقنعهه اعرفهه شمس عدهه جهالهه رقم واحد يعني لخاطر جهالهه مستعده تفدي حتى حياتهه وانا هم راح اخلي خالتي جوري هم تحاجيهه.
كميل : نور تعرفين قبل اسبوع جنت حاير بزماني ونوم منمت لحد ما رحت السيد توفيق تذكري الجان أبويه يروح يستخار يمه .
نور : اي اي اذكر وشكلك .
كميل : كال توكل تعرفين الرجال ياخذ خيرته عن الامام الصادق (ع) رجل جبير بالعمر فتح القران الكريم كال الأمر بيه صالح الك بدنيا والاخره توكل بويه بي وان شاء الله تشوف خيره سولفت لسيد قصتي من كون كلبي موجر الموضوع مو سهل شمس بمعزت خواتي وحاسبهه بحسبتجن وانتي تعرفين كلش زين ومرت العزيز اخويه الدنيا مرات تجبرك تقوم بدور يهدك هد يا خيتي سولفتله كلشي حتى التهم الي توجهت للمسكينه شمس وحاله شلون كال بويه انت راح تصير كافل ايتام ومكانت الكافل مو سهله توكل على الله وشمر حجي الناس تحت اجدامك الله ميعوفك وهاي أنا حاير بزماني .
نور : يا خوي مادامك نيتك خير الله ميعوفك سلم كلشي الربك والله كريم .
شمس : كاعده بيت اهلي وحاطه ايدي على خدي وصافنه على جهالي يلعبون ويه جهال اخوتي تمنيت ارجع بعمرهم واكمز وياهم وماحس باي ضيم وقهر رجعت بذاك الزمن كاعده بالمرجوحه وتمار يدفعني قوييي وانا اضحك وافتح ايدي حتى احس بالهوه دموعي نزلت جتي هنا حطت طاوه مال تمر وكعدت تعجن بي حتى تسوي حلاوه تمر ويه السمسم للجهال .
هناء : هاج ضوكي الحلاوه من ايدي شونهه .
شمس : بابتسامه اخذت شويه وكتلهه اكيد طيبه مثل كلبج .
هناء : اباوع على اختي شون انطفت مثل الشمعه الجانت مضويه وكلبي يعصرني عليهه جتي سلطانه هم كعدت يمنه وابنهه بحضنهه صغير .
سلطانه : يمه ريحه الحلاوه جابتني عاشت ايدج خيه .
هناء : الف عافيه اباوع غيث ضرب تكتم عطت بي لك غيث وتالي وياك بعدني ممكمله ختام شيلي المكناسه وضربي وصارو مكافش متت من الضحك وكتلهه لج ختام ام السان بعد ما اخذج الابني انتي وكحه .
تستمر القصة أدناه
ختام : اني لو اموت ما ازوجه شون يضرب اختي .
شمس : ولج هيه اختج ساكته انتي شعليج بيهه .
ختام : غير اختي والله اموته اذا يضربهه .
سلطانه : هناء انتي وختام متتوالمن عيني لتاخذيهه الابنج انتي السان وهيه السان تحركن بغداد .
هناء : لج شايفتني معاركتج لو حاجيه عليج هوه اكو افقر مني .
شمس : بضحك عمي أخذي تكتم اقلها فقيره .
هناء : خوش خليهه ترجيه باذنج بعد ١٠سنين ارجعلج واذكرج .
شمس : مرت الايام وزاد الحجي عليه الناس صارت تنهش بلحمي ترجيت نور تكل الاخوانهه ليجون لبيتنه وهمه قللو جياتهم وهم ما سلمت لحد ما فد يوم جتني نور وكالت اريد افاتحج بموضوع بس بلاول احلفيلي متزعلين مني والله الراح احجي المصلحتج .
شمس : بقلق احجي نور شكو لتخوفيني .
نور : يا ربي مادري شون افاتحج حايره .
شمس : احجي عاد نور .
نور : شمس ما مليتي من حجي العالم يوميه شكل عليج ما تعبتي من التهايم .
شمس : الله موجود نور العالم لو شسوين يضلون يحجون .
نور : ميخالف بس اذا اكو شخص يسكت كل الي يحجون ويصيرلج سند ليش متقبلين .
شمس : بعصبيه اقبل بشنو وشتقصدين نور .
نور : ها شمس بدينه بالعصاب تهدي وسمعي شمس انتي مره وحدانيه وبعدج صغيره والاهم عندج ٧جهال شمس لا واحد ولا ثنين ولتنسين يرادلهم اب على رأسهم ويرعاهم .
شمس : باوعت بشك لنور وكتلهه نور انتي تحجين هيج مستحيل لج نور انتي اكثر وحده تعرفيني صار ٨سنوات انوح على الراح وبعده جرحه مطاب عبالك البارحه مات شون تردين ادخل غيره بحياتييييي حجتهه بعصبيه .
نور : سكتت بس كلت خلي اضغط عليهه كتللهه سمعي شمس اني الجاي احجي لمصلحتج ومصلحه جهالج والاهم سند الج والبيتج .
شمس : جا ليش ما خليتيلج سند مو صارلج ١٤سنه احجي ليش رفضتي كل الي اجوج .
نور : حرت شجاوبهه سكتت .
شمس : ها شو سكتي .
نور : اي صح صارلي ١٤سنه بس لتنسين أنا رجلي مفقود شون ترديني اتزوج بس انتي يا شمس ردت احجيهه وسكتت .
شمس : شو سكتي احجي نور اني ارمله مو صح اي حقج أنا رجلي ميت مات وخلاني علج للعالم كمت ادك والطم وملخت روحي متحملت بعد طلعت ضيم كلبي نور تمار عايش بكلبي نوررررر لج نوررر جرحه ما طاب نور بعدني عايشه بأمل يطبلي من الباب رغم شفته بعيني بس والله عايش وياي أحسه يفتر ورايه من امشي أحسه يطبطبلي من ابجي أحسه يوسيني من ضيق بيه تمار ميت بس عايش بروحي .
تستمر القصة أدناه
نور : مسحت دموعي وطبطبت على جتفهه شمس حقج والله وماالومج لان أنا اكثر وحده شاهده على حبكم بس مو كلشي بالحب يا شمس الحياة لازم ضحين بيهه لازم تفكرين لغير شي شمس انتي انانيه كتلهه هل كلمه رأسا التفتت عليه بعصبيه جاوبتهه اي انانيه لان تفكرين بس بنفسج شمس لازم تفكرين بجهالج فكري اخوتي اذا تزوجوا يوم يومين سنه سنتين ويملون ويلتهون لأطفالهم ونسوانهم فيا شمس ارضي بكميل اقلها يحتويكم وعينه على جهالج وانتي تعرفين هوه روحه بيهم .
شمس : كمت بعصبيه وكتلهه انانيه اي أنا انانيه وكلي الاخوج ما اقبل وجهال اخو اذا يريد يرعاهم ويحتويهم أنا مامانعته .
نور : كلام وياج ضايع اروح للبيت هسه رضا على جيه .
شمس : سكتت راحت نور والجهال كلهم يم بيت جدهم ستغليتهه فرصه سديت الباب وكعدت ابجي بحركه وقهر ليش هيج يصير بيه ليش هيج حال الارامل معقوله نتعاقب زين شنو الذنب الي اذنبنا يارب انته اعلم بحالي يسرلي دربي ونور الظلام العايشه بي .
نور : حجيت الكميل الي صار سكت كميل وبعدين كال هذا الجنت متوقعه شمس صعب تقبل بس احنه مدام بدينه لازم نكمل مرت الايام وأمي خطبت الاخوتي التؤم زوجتهم والتهينه بالعرس والهوسه زوجو اخواني وبعدين أنا كل ما اسمع رد أسير من الأسر أخذ خالتي وصوره غلام واروح اسال مستحيل امل اضل ادور عليه الآخر نفس .
كميل : ابتعدت هل فتره على بيت شمس بس دزيت نور مرتين حجت وياههه وهيه قافله على الموضوع لحد ما طخت بعقلي اروح الاخوانهه وفعلا رحت لبيت خالتي جوري حاجيتهه وحجايت سلطان وعمران وفالح سلطان كال عوفهه عليه وفالح كال بكيفكم انا بالنسبه اليه ماعندي مانع بس عمران كال لضغطون عليهه سلمت امري لربي وكلت هاي اخر محاوله .
شمس : اندك الباب طلع اصيل فتحه صاح خالو سلطان طلعت رحبت بي هلا بيك خويه متعلمه دائما يمر يسال علينه ويجيب مسواك للجهال رغم الوضع والحصار الاحنه بي كعد بالهول رحت سويتله جاي وجبتله كعدت يمه الجهال كاعدين يمنه يهوسون على رأسه حسيت اكو حجي يريد يحجي ويياوع على الجهال ويدنج اخر شي ترخص وكال اذا تكدرين تجينه باجر عندي موضوع وياج راح وخلاني بحيره شنو الموضوع اليريدني بي اجه ليل وانا اكلني التفكير للصبح كوه نمت اعرف سلطان العصر بس يتواجد بالبيت سويت غده الجهال جوي تغدو وراحو بيت جدهم بقه بس غلام كتله تروح لبيت بيبي جوري وفعلا رحت كعدت يم امي وحجيهه قبض كلبي .
جوري : يمه أنا ما دايمتلكم لازم تفكرين بجهالج لا تفكرين بس بنفسج انتي ام مسواله عن ٧وحدج .
شمس : يمه انتي تحملتي ٨وحدج .
جوري : وكتنه يختلف عن وكتكم لتنسين وكتكم صعب ودنيه حصار والوادم تعارك على كرصه الخبز .
شمس : جاي احجي وطب سلطان سكتت .
سلطان : هلا باام اصيل شونج يبعد اخوج .
تستمر القصة أدناه
شمس : بيك أكثر خويه .
سلطان : باوعت الأمي بطريقه يعني خليني أنا احجي وبديت سمعي خويه شمس انتي جبيره واعيه واكيد تهمج مصلحه جهالج واكيد تعرفين كلش زين كميل ميعوف ولد تمار لان فعلا منو الهم غيره هوه احتواهم وضحه بروحه وشبابه لخاطرهم والانسان الي يضحي بروحه علمود ولد اخوه هذا احزام ظهر ينشد بي طول العمر تنامين رغد رسالتج طويله خويه وانتي بعدج توج فتحتيهه تره تمار خله مسؤوليته لخوانه ولده يحتاجون ابو فوك روسهم الدنيا صعبه يعني اذا تفهمين وتردين مصلحه جهالج ضحي بنفسج و قبلي خويه لاتفكرين بس بنفسج فكري بناتج لو شبن اذا عمهم فوك روسهم ينهابن وراح يكولن ابونه ما عافنه عبن العم اب وحتى ولدج هم يرادلهم عمهم يعيش فوك رأسهم ولا تصورين إذا زوج كميل وحده ثانيه راح تخلصين من حجيهن يطلعنه رفيجج ويتهمنج بشرفج وكلشي توقعي حتى مرته راح تحاربج وراح تكبر مشاكلج حتى لو انا وكفت وياج وحتى لو دافعت بس خويه مراح اكدر اسكت الكل عبن العالم اغلبهه مثل الحيايه من جوه جوه .
شمس : هوه يحجي وانا دموعي عشره عشره اباوع الأمي بالكي تحجيلهه شي بس الضاهر امي رايهه من راي سلطان نور ماكو ختفت اباوع على اي شي بالكي الكيلي غير حل بس الضاهر خلص ماكو مفر رجعت للبيت طلعت صور عرسنه وذكرت شون نزفيت على الربل وجنت فرحانه فرشت مصلايتي وكل عاده لتجات لربي ثاني يوم اجتي امي ونور وخالتي ام علي يحجن ويايه .
نور : شمس اعتبري مثل كل مره عايش وياكم بالبيت عادي .
جوري : يمه عم جهالج احن واحد عليهم ولتنسين هوه خله حجي الناس بعرض الحايط واجه حتى يحتوي جهال اخو .
إم علي : يمه شموسه اغديلج فدوه قبلي والله كميل كل هذا يسوي لخاطر جهال اخو وثقي بالله لو عمج ابو علي موجود جان هوه سوه نفس الشي لتنسين انتي كلمه وحده منج راح تغير حياتج واقلها سند الج يا يمه .
شمس : ضغط صار عليه من الكل والكل مايد فكره كميل فكرت بيني وبين نفسي حجيهم صدك محد راح يحتوي جهالي ويحبهم بكد كميل دزيت على نور الصبح اجتني كتلهه كلي الاخوج قابله .
نور : شنوووو صدك تحجين .
شمس : هزيت راسي ودمعت عيني اي صدك تره انا مو انانيه وهاي اكبر دليل أضحي بنفسي لخاطر جهالي .
نور : فرحت وحضنتهه وبجيت وياهه كتلهه مدام كميل موجود اروح اكله .
شمس : لا خلي مو هسه باجر هوه يلتحق من يجي عود كليله.
نور : اي حتى تغيرين رايج لا عيني لا هسه اروح وفعلا رحت كلت الأمي طارت من الفرح وكلت الكميل ما انطه اي رده فعل بس كال .
كميل : خل تحضر نفسهه باجر نعقد أنا اليوم هم اروح ابلغ خوانهه .
نور : ها يعني باجر تعقدون .
كميل : اي باجر لان عكب باجر التحق وشمس مو امان احتمال بعد ساعه تقلب علينه .
نور : اي والله صدك .
كميل : رحت لخوانهه بالغتهم ابو صديق انمار سيد جابه يكطعلنه مهر كطعنه مهرر سيد ثاني يوم رحنه أنا وياهه وأمي وسلطان كطعنه مهر ورجعنه للبيت اهلي تغدينه كعدت ختام وتكتم بصفي اسويلهن لكمات صغار وياكلن رغم صارن كبار وحدتهن عمرهه ١٠ سنوات بس هنه متعودات هيج صار العصر وأمي كالت اليوم نام بيتكم اريد انام أنا تره اعرف امي شتلمح بس سايرتهه واخذنه الجهال ورحنه للبيت اخذت الولد وطبينه بالغرفه فرشتلنه حنين أنا وخوانهه وراحت يم امهه بالغرفه الثانيه .
شمس : رغم ما كطعنه مهر بس حساسي وكمت اتعده اصعب الصدمات اخذت بناتي وطبينه بالغرفه نمت أنا وياهن ثاني يوم التحق كميل عدت الايام وأمي خطبت العمران بنت كرايبنه بنيه صغيره وكلش حبابه ابوهه هم اسير جان بس رجع قبل سنتين نور ضلت تسالهه عن الاسره ومملت تالي كالت اروح ويه عمران واسال بنفسي بس عمران كللهه عيب انا اسالج وفعلا سأل ابو البنيه وصل يجاوبه امي سألته على الرساله السمعوهه بالراديوا كال الهم من جانوا اسره اكو اذاعه تجي تأخذ رسائل وحجي من الاسره حتى يذيعوهه بالراديوا يطمنون اهلهم ومنعرف هل رسائل وره سنوات ياله يذيعوهه واحتمال غلام من ضمنهم منطي الرساله بس مذاعوهه بوقتهه والعلم عند الله .
نور : من سمعت حجي ابو ناهده خطيبه عمران الف حسبه جتي بالي عدت فتره وشمس وكميل هدوء وكل ما اروح الكيهم كلمن نايم بغرفه البارحه سمعت من امي هيام جايه الاهلهه هيه متزوجه بالبصره كل ٦اشهر تجي مره اليوم ناويييه اروح لبيت عمي اشوفهه لان هيه هم بنت عمي وهم صديقتي من الطفوله أنا وشمس صير اخت ريهام بس فرق من السماء للكاع بينهن ريهام تخبلت من سمعت كميل زوج شمس واول واحد تقدم الهه قبلت بي وره ما تزوج كميل بشهر هيه تزوجت رحت لبيت اهلي وكلت وره الغده اروح لبيت عمي رضا وهبه وسبأ بقوا بالبيت كبار ماشاء الله كاعده اشرب جاي واسولف أنا ومرت اخوي انمار وطب مجتبى ابن تمار يصيح حتركتتتتت بيبييييي الحكييييي احتركتتتتتتتتتتتتت
