رواية حين تتغير الاقدار الفصل السابع والاربعون بقلم قلم سناء الهموندي
ﻻﺗﺤﺰﻥ ﺑﻌﺪ ﻭﺗﺒﭽﻲ ﻋﻠﻰ ﺍﻟﺮﺍﺡ
ﻭﻋﻮﻑ ﺍﺩﻣﻮﻉ ﻋﻴﻨﻚ ﻻ ﺗﺒﺪﻳﻬﻪ
ﻭﻭﮔﻒ ﻋﻠﻰ ﺍﻟﺠﺮﺡ ﻻﺗﺼﺮﺥ ﻭﻳﺎﻩ
ﻭﺭﺍﺡ ﺍﻛﺘﺐ ﻗﺼﻴﺪﺓ ﻭﺍﻟﻚ ﺍﻫﺪﻳﻪَ
ﻣﺪﻳﻨﺔ ﺍﻟﻢ ﺭﻭﺣﻲ ﻻﺗﻈﻦ ﺗﺮﺗﺎﺡ
ﻭﺍﻧﻪ ﺍﺑﻦ ﺍﻟﻤﺪﻳﻨﺔ ﻭﺗﻴﻬﺖ ﺑﻴﻪ
ﻳﻞ ﻋﻨﺪﻙ ﺟﺮﺡ ﻭﺗﮕﻠﻲ ﻣﺠﺮﻭﺡ
ﺍﻧﻪ ﺟﺮﻭﺣﻲ ﻓﺎﺿﺖ ﻭﻳﻦ ﺍﻭﺩّﻳﻪ
نور: كمت مفزوعه ولك شكو احجي مجتبئ
مجتبئ: بخوف عمه بيت عمو بيتهم مكلوب كلاب بالصياح يكولون عمه هيام حتركت.
نور: منتضرت يكمل لبست عباتي وركضت لبيت عمي والكي بابهم مفتوح والصريخ مال نسوان لراس الفرع طبيت ركض كلهه دك ولطم كوه سالت بنت عمي سلمان كالتلي هيام حركت روحهه تخبلت معرفت شنو السبب لحد ليل سولفوا كالوا علئ اساس زوجهه متزوج عليهه بالسر وهيه جايه زعلانه ومن خوانهه رايدين يرجعوهه علمود جهالهه مقابله طابه بالحمام وحاركه نفسهه تخبلت عليهه ونفسيتي تعبت اجتي شمس هم مقهوره ضلت هيام يومين بالمستشفى وماتت صار عدهه تسمم ومتحملت ماتت انكلب البيت كلاب جهالهه يكسروون الخاطر اجه ابوهم ولد عمه وصار كلام حاد بين ولد عمي وزوج هيام وخوان زوجهه وطولت سالفتهم سبوع يجر سبوع طلع اربعينهه والمشاكل ماخلصت ومحد واكع بيهه غير جهالهه اخر شي حلوهه واخذوا جهالهم مرت عمي نكسرت عليهم تكسر الخاطر من تكعد تون على بنتهه الماتت بعز شبابهه على طول نروح اني وشمس نواسيهه مرت الايام وعلى طول اشوف مشاحنات بين شمس وكميل وكل ما اروحلهم اشوفهه هيه بغرفه وهوه بغرفه خمنت مشاكلهم بسبب هل شي قررت احجي ويه شمس وفعلا كعدت وحجيت وياهه شمس انتي مؤمنه باله وتعرفين الحلال والحرام .
شمس : اي طبعا مؤمنه باله.
نور : مدامج مؤمنه بي اكيد تعرفين انو الجاي تسوي حرام .
شمس : بارتباك ليش شنو السويته .
نور : شمس انا اعرفج اكثر ما اعرف نفسي بس احب اذكرج بشي تره الله ميقبل بالي جاي تسوي وانتي تعرفين كلش زين اذا زوجج مراضي عليج الملائكة تنعل بيج للصبح وحتى ربج يغضب فيا خيتي ارضي ربج وارضي زوجج انطي فرصه لكميل ولنفسج .
شمس : بانهيار صعب نور والله هل شي صعب محد يحس الحساس البداخلي شنو .
نور : بحزن ودموع لا شمس اعرف الحساس وحاسه بيج بس هل شي مو بيدنه هذا قدرنه نبني ونخطط شي بس يجي القدر يغير كلشي يا شمس انتي قويه اقوه من هيج شي حاولي تتقبلين وضعج .
شمس : الله كريم هزيت براسي لنور وقررت هل مره انطي مجال لكميل حجي نور صحيح اني جبت عمري اخاف من غضب الله سبحانه مو نوب اجي اعصي من تالي عمري وفعلا مرت الايام وتقبلت كميل بس بقى هوه ينام يم الولد وانا ويه البنات .
تستمر القصة أدناه
نور : يوم خميس الكل متجمع مسوين ثواب للموتى ندك الباب طلع رضا فتح الباب طب جوه صاح عمه عمران كله رجال بالباب يريد واحد منكم طلع عمران بسرعه وره نص ساعه طب عيونه حمر كال سوو طريق فرغنه غرفه الضيوف وطبب الرجال وكال سوو غده صبينه غده واحنه بس نريد نعرف منو هل رجال لحد العصر عمران وفالح ورضا ولد فالح يم الرجال طلع رضا يباوعلي وعيونه تلمع راح بلهفه على خالتي جوري حضنهه وبجه وكللهه .
رضا : بيبي عايش ابويه .
نور : بصدمه شنو ولك شنو هل حجي صدك .
رضا : والله يمه هذا الرجال الجوه يكول اني صديق غلام وكال جنه سوه بلاسر وكال ابويه طالب منه يجي يبلغنه وياخذ فلوس الابويه حتى يرجع .
نور : يمه عمت عين الفلوس ابيع الدنيه بس كونه صدك يرجعلي .
جوري: بجي ونعي اي والله ابيع روحي الاجله لك هذا الغالي هذا العزيز هذا قطعه من الجبد هيج الله واترس عيوني بشوفته يرادلهه بخت .
نور : روح يمه افتهم السالفه زين وتعال بعد امك رجع رضا جوه وانا وخالتي حطينه راسنه يم الباب واسمع الرجال يكول انا هسه جاي من سفر طويل من طهران ونوب الاهواز سبوع تاخرت بيهه وطريق ومصاريف اسمع عمران يكله احنه نعوضك بكل فلس صرفته وزياده بس يرجع اخوي نوب فالح كاله اي خويه ننطيك بس دلينه جاوبهم الرجال انا هسه تعبان ارتاحلي فد جم يوم اذا ماكو زحمه واذا ازحمكم حتى لو اروح انام بجامع جم يوم بعدهه يصير خير فالح كله البيت بيتك كله سبوع ونلملك المبلغ حتى تاخذه الغلام وتجيبه الي فهمنا غلام مسجون سياسي ويراد يدفع مبلغ ياله يطلع فرحنه مو شون مجان فرحه محد شايلهه ضل الرجال سبوع عدنه احسن اكل وشرب ومداراة وقايمين بواجبه الكل فرح وممصدكين بعد حوالي بال١٥سنه يرجع غلام ضلينه متاملين ومتانين جيه غلام لحد ما رجع سلطان من بغداد وتفاجأ بالرجال سولفناله القصه بس مقتنع وضل يسال على الرجال وعلى اصله وفصله بدون علم الرجال لحد ما بيوم طب سلطان نارررر ويشتعل راد يطب يهد على الرجال واحنه معرفنه شنو السبب تالي كال الامه يمه هذا نصاب واكثر العالم يعرفوا مشهور يمه والله .
جوري : لا يمه مبين يعرف غلام حتى كال اسمه كامل وعمره وشوكت نفقد وحتى كال عنده تؤم وعنده بنيه شون يجذب بعد .
سلطان: صحيح يوم كلامج بس تره ماكو واحد ميعرف غلام وروح ابوي رحت سالت ونص القريه وصفولي شكله كالو قبل سبوعين اجه رجال يطلع بال ٤٠سنه من عمره سال وين اكو مفقود بالمنطقة وشسمه وشوكت نفقد وكايللهم علساس جاي من لجنه حقوق الإنسان ويريد يبحث عليه .
جوري : ميخالف يمه لتتصرف بتهور اروحن لك فدوه سايسه وجرجره بلكلام .
نور : كل هذا وانا مصدومه معقوله بعد هل امل يطلع وهم ويطلع هل رجال يلعب بمشاعرنه ضليتت ادعي ربي يطلع كلام سلطان كو صحيح بس خابت امالي من طب غلام وطبت ويا خالتي وبدو يسالون الرجال وهوه يجاوب وتقريبا نص اسالته غلط وهذا الي خله غلام يتعصب والرجال كال انا اكوم اروح شني جنكم مامصدكيني خالتي استغفرت الله وكالتله حشاك يمه بس احنه لازم نسالك حتى نطمأن وبعد سين وجيم سلطان باوع على صور غلام وتمار معلكات وحده بصف الثانيه باوع على الرجال وكله يعني انت تعرف غلام زين بالشكل جاوبه الرجال جا شون اكلك صار ١٥سنه سوه انا ويا بالسجن باوع سلطان للصور وكاله ياله كلي ياهو منهم غلام باوع الرجال بحيره وانا لزمت ايدي على كلبي يارب يطلع صدك يعرفه بس خيب امالي من كام واشر على صوره تمار بكل ثقه وكال هذا انا نهاريت وتاكدت الرجال فعلا نصاب عبن فرق بالصور شاسع غلام اسمر مملوح وعيونه وشعره اسودددد فاحم اما تمار اشكر وعيون ملونه وشعر اشكر سلطان تاكد الرجال جذاب وكام عليه لزمه دك بوكسات لحد ما خلاه يعترف على نفسه هاي شغلته يفتر بالمناطق ومحافظات ويلعب بمشاعر اهل المفقودين وياخذ فلوس وينهزم بعد ها حادثه شبه ايست بس كلبي جرح ونلجم من جديد تقبلت حياتي وقررت اعوفهه على ربي بس مافقد الامل بي حتى لو نلتقي بيوم القيامه كرست كل حياتي لجهالي بعد ما صاروا شباب ويدرسون وماشاء الله شطار هذول امانه غلام لازم اصونهه .
تستمر القصة أدناه
هناء : مرت فتره الحصار وانا كوه مدبرتهه دمرت دمار ولدي شتغلوا بعمر صغير حتى يعينوني كل هذا وبيتي بعدني ممكملته كاعده بي بدون لبخ مجرد على البلوكات انور هم تعب من شغله محافظات ويطول ياله يرجع وماشاء الله صار عندي خير من الله ٨ولد كل نوب احبل بالكي بنيه واجيبن ولد واخر واحد مريض بعقله ( مختل عقليا ) طبينه بسنه ال ١٩٩٦حبلت وحبالتي تختلف هل مره صدفه جانت يمي زبونه على طول اخبزلهه وجبات لزوجهه يشتغل بمطعم حالتي شويه تحسنت من كمت اخبز جبناهه سوالف انا وياهه على الحمل وكالت هل فتره طش جهاز يكشف جنس المولود حتى اختي سوت بي سالتهه شون وين كالت ماندل اسالج اختي واكلج بس انا متحملت رحت انا وانور سالنه بغداد ولكينه دكتوره عدهه ها جهاز (سونر ) بس غالي انور كال ميغله عليج المهم يرتاح بالج صعدنه حجزنه وانتضرنه سرانه طبيت للدكتوره وسالتني ياشهر وشوكت اخر موعد شهريه الج جاان جاوبتهه واول مخلت الجهاز سالتني شعندج مناك كتلهه ٨ولد صلت على نبي وكالت لعد ابشرج جايتهم اخت الفرحه الانا بيهه مانطيهه الاحد طرت طرت من الفرح وطلعت بسرعه بشرت انور فرح الفرحي ورجعنه للبيت بشرت ولدي طاروا من الفرح واخيرا راح تجيهم اخت كد ما فرحوا ليث كال يمه انتي ترتاحين واحنه نشتغل خطيه كاموا من الشغل للبيت يساعدوني بكلشي حتى من اخبز يوكفون يفتحولي التنور لو يشلعون خبز تعبوا كلش وياي بديت اجهز للبنيه ملابس نفنيف بدلات كلشي كلشي يخص البنات حتى قراصات انور يضحك عليه يكلي هسه تطلعلج كرعه وانا اكله حتى لو يطلع شعر مرت الايام واجه موعد الولاده وجبت ايمان اجتي للدنيه شنو عيون شنو شعر مو بنيه ملاك من الله سبحانه اجت يمي امي بفترت الانفاس داريني سوده عليه بقت سبوعين وراحت اجني خواتي كلهن يشوفني حتى شمس اجتي شايله بنتهه على صدرهه عمرهه 6اشهر وحامل مرت الايام ورجعت اخبز ولحياتي الطبيعيه لحد ما صار ما لم يكن بالحسبان عمر ايمان تقريبا 4اشهر خليتهه بكاروكهه ناصي كلش نايمه هيه وابني مالك الي عنده خلل بعقله تقريبا عمره 6سنوات جنت عاجنه اختمر العجين كلت اخبز على نومتهم ما متخيله روحي معقوله
واخيرا صارت عندي بنيه اباوع البدلات والنفانيف اباوعله شوكت تكبر عيني منه شهر شهر تنشنش والبسهه كل يوم تكبر وتصير. تخبل بياض والشعر اسود العيون مجروره جر لعابه حتى جاراتي فرحانات الفرحي واخيرا صارت عندي بنيه ويشوفني شون مكيفه بيهه الحمد لله رب العالمين ميقصر بلشت تناغي وتضحك ليث ميفاركه روحه من الدنيا ايمان صار عمره اربع اشهر البيت كله طاير بيه على عينه رزقني الله قطعه ارض ومنحه وضع المادي تحسن بعد مااخبز مثل قبل لأن وقتي كله مشغوله بنتي اخبز بس الكم بيت ويايه لأن نسوان. كبار مخليه بنتي بكاروكه والتول ابيض خايفه عليه من البك والتراب كملت طبخ وشغل البيت وبعد منامت كمت اخبز رحت كشفت عجيني ٣نجاين كملت النجانه الاولى ورحت باوعت البنتي نائمه ورجعت أخبز بالثانيه واسمع صوت بنتي تبجي كلبي صار نار عليهه بس الخبز بالتنوار والعجين كلش مختمر مكدرت اعوفه كلت اكمل مبقى جم كرصه حتى أطفئ التنور فدمره صدك اخبز تهاونت عليهه ضليت لحد ما كملت طفيت التنور ورحت البنتي بالكاروك اباوع بنتي ماكو بس صوت بجيهه خفيف كلش
مخنوكه كوه تبجي وصوته يون ادور بنتي وين وصدك والكيهه وره الكرويته مصلوله ثاري مالك ميفتهم شايله ولاطخه بالحايط من سامعهه باجيه شلتهه واني ارجف بنتي خمد صوته بس غسلت اله ورضعته عبالي وكعه عاديه الثاني يوم بنتي بدت تذبل وخامله بس تون انور بدوام خذت ليث ورحت لدكتور اشعه وفحص كتله اخوه معوق وشامره الدكتور اتخبل كلي صار بيه بسم الله الرحمن الرحيم ورم بالدماغ او تخثر دم بالدماغ ودخلني مستشفى شهرين اني اركض بيه من طبيب الطبيب وماكو تحسن سكنت المستشفى تجي أمي لو خالتي يمي يتناوبن عليه خطيه سبيتهن اسبايه يكللي طلعي البيتج أو ولدج البنيه مابيه طيبه اطلعي بيه واني متخبله شلون بنتي بغمضت عين راحت مني هجرت بيتي وست أشهر اطلع يوم يومين وأرجع للمستشفى عرضت البيت للبيع حتى اعالجه رغم ما نسبة نجاح شفائه أقل العشره بالميه كل هذا واكول فدوه المهم بنتي وعرضناه للبيع بالكي ينباع بسرعه اريد بس بنتي تعيش خالتي وامي تخبلن .
جوري ....لج هنا ء مخبله تبيعين بيتج وهاي حكة اللحم وين تودينه يمه سلمي امرج بيد ربج الهه خبزه وياكم تعيش ماله خبزه يمه هذا نصيبج لا تبيعين بيتج يمه صيرى عاقله.
هناء :يمه هاي كلبي شون اتهاون بيهه فهميني ضلن امي وخالتي يحجن عليه وانا مصره تالي كاللي عاد كومي روحي لبيتج غسلي وغسلي ولدج وسويلهم لكمه وشوفيهم وتعالي كوه امي وخالتي قنعني طلعت من المستشفى غسلت وغسلت البنتي والولدي وسويتلهم اكل انور خفر وهمه سوده عليه يكسرون الخاطر
الجو بارد واولادي يكسرون الكلب صارلي ٦ااشهر بالمستشفى مادري عنهم ليث مبتلي بيهم وقايم بواجبهم مقسم الشغل على اخوانه كلمن شغلته وحتى طبخ يطبخون انور دوره بالبيت صفر لان دوام وخفارات نكسر ضهره من الشغل علينه الدكتور كال طلعيهه واذا تازمت حالتهه رجعيهه وفعلا طلعتهه اول يوم شبه زينه وثاني يوم هم زينه كاعدين يم الصوبه الجو بارد وتمطر دنيا المغرب فجأة نشمرت ايمان بين ايديه من حلات روحي شمرته على ليث وكمت اصرخ بعلو صوتي وانا اباوعلهه عيونهه نكلبت بيض ويبست .
ليث :لكفت اختي من ايد امي وكمت اسويله تنفس صطناعي واطبطب عليهه وافرك بصدرهه شويه ردت الروح بيه مسيطرت على نفسي لزمتهه بقوه بجيت و ركضت بيه للمستشفى وامي تركض ورايه والدنيا مطر مسافه يله نوصل الشارع العام اركض بيه مثل المجنون وصلنه المستشفى اخذوه منه الدكاترة كبل للانعاش كالوا حالتهه خطره اذا عدت اربعه وعشرين ساعه على خير هاي ماعليهه شي بس اذا لا مطول وفعلل لصبح مطولت ماتت وهنا امي فقدت ملخت روحهه احلى فرحه بحياتهه جانت ملحكت تفرح بيه امي تعبت ونفسيتهه دمرت اباوعلهه شون ذبلت شون تكعد طلع ملابسهه وتشمهن وتبجي ابويه اتصلنه على الوحده مالته كناله تخبل اجه وهوه منهار وكلش تاذه بقه واكفف ويه امي سبوعين ورجع لتحق حاولت أنا اكون مسوال عن البيت وعن امي وخواني وهذا الصار اخواني صاروا يحسبولي الف حساب يحترموني وياخذون رايي بكلشي تقربت الهم اكثر من امي وابويه صرتلهم صديق ساعه اقسه ساعه الين وياهم كبرت ٢٠سنه قبل عمري حجيت ويه امي يمه اروحلج فدوه كافي الراح ميرجع شوفيني انا وخوتي متبهذلين بلياج كومي البيتج لجهالج يمه كلشي يصير الله سبحانه اله عنده بي اراده احنه وياج يمه وانشاء الله الله يعوضج يمه .
هنا: صافنه على حجي ليث الي شوكت كبر ماعرف ابني شايل مسوليه وحمل اكبر منه تعجبت بكلامه من يومهه قررت افرغ نفسي للبيت ولجهالي كرهت الخبز كلشششس بسبب الحادث ومن عدهه كمت على حيلي ورجعت الحياتي ولبيتي طبعا منسيت ايمان وعلى طول اسويلهه ثواب مرت السنين بلمح البصر وطبينه
الى هنا ونختم بارت اليوم حبايبي اتتضروني
صلو على محمد وال محمد
الله اكبر
الحمدلله
شكرا لزيارتكم عالم روايات سكيرهوم
