رواية فصلية بديلة ( شموخ ) الجزء الثاني الفصل التاسع والاربعون بقلم ام ملكوت
:-رفعت راسي عل ساعه وشفتهه ب٢ يعني بعد نص ساعه يداوم الشفت الثاني طفيت الحاسبه وحجيت ويه احسان يلي بعده مندمج يدور ..
_كافي احسان رح يخلص الدوام والتسجيلات الخارجيه ماكو بيهه شي مريب
_خلينه ندور مره ثانيه خاف اكو شي مامنتبهيله
_لا راجعت كل التسجيلات وشفت ماكو شي يعني هسه تركيزنه لازم ينصب عل داخل
_اي تمام تردين اخذ الفلاشه وياي للبيت اشتغل عليهه لو
_لا ماريد شغلنه يطلع لبره وتصير مشاكل خلينه فقط بالمكتب نتباحث بالموضوع رغم عدنه بس باجر وعكبه لازم نسلم الحل مالت القضيه بس
ميخالف احاول انه من جانبي اعيد المقاطع بالبيت وادرسهن انته ارتاح لان تعبت وعيونك راحن من الصبح لهسه
_لا ماعلي شي بس على كولتج هل شغل مايصير يطلع لبره وخاصه مني وانه بعدني مامستلم منصبي
نطلع بمهمه شكل ونروح لمواقع مختلفه لا عبالك اكعد واطلب من الناس تحجيلي القصه انه اروح اشوفهه بعيوني
_ههه وانه وياج وين ماترحين وصدكي يمكن احسن قرار اتخذته بحياتي اني قررت انتقل وياج
واطلب اكون مساعدج لان بهيج شغلات ما اامن ياخذج شخص غريب ويفتر وياج بكل مكان ترحيله
_اي والله فعلا كلامك وانشاءالله بس اكمل هل قضيه احاجي العميد واطلبك منه كجائزه لتعبي
_تطلبيني منه ليش حسيت روحي راح انخطب
_هههه بس لو اخلص من هاي اللواته مالتك جان ارتاحيت
_ماتخلصين بعد انتي انطيتي كلمه ومايصير التراجع
_ههه تمام يله خلينه هسه نطلع لا يجي الشفت الثاني ونتاخر عل بيت
_تمام رايح انه قبلج
_اخذ راحتك ..
دك تحيه وسوه حركته المعتاده نزل ايده وحودب ضهره بتعب ضحكت عليه وكمت اخذت الستره وصفنت بجاكيت راهب وانه البس تنهدت واخذت
الملف واللابتوب والجنطه ردت اطلع واستوقفني خبالات عقلي التفتت عل كومدي ورجلي اخذتني لا اراديا اله لزمت جاكيته تلمسته بيدي وقربت وجهي
عليه استنشقت عطره رويت رويحتي وزفرته بشوغه بلعت غصتي بصعوبه وسديت باب الكومدي ورحت قفلت باب المكتب وطلعت من الدائره
انتظرت ٥ دقايق ووكفت سياره بابا بالباب اليسوقهه سلام ابتسمت وصعدت يمه مسيت عليه وكال بتساؤل..
_مساء الخيرات عيني محققتنه شلون مر يومج
_ لاا الحمدلله كاول يوم الي كمحققه كلش تمام وعال العال
_ كيوم وكمحققه والشرطي يدكلج تحيه روح عيني طكو بيت كطيو
_هههه جا شعبالك غير بنت الشهم انه
_كفوو
_هههه كفو منك يول يله امشينه للبيت لا نتاخر عندي اليوم كعده معدله ويه اول قضيه الي
_هذا اليوم كله كضيتي بس بقضيه وحده
_لسا البادي اضلم بعد وبعد على كوله احسان خوش راح انسحل سحله
_احسان يشتغل وياج
_لا حاليا بعده بس بعد يومين احاجي العميد حتى يخلي ضابط مساعد الي ابن عمي احسلي من الغريب تدريني ماثق بشخص بسهوله انه
_اي صحيح ديربالج بعد وصدكي وجود احسان وياج زرع بكلبنه كلنه طمأنينه اتجاه شغلج بين كل هل ضباط والمحققين
_افاا عليك بوجود احسان وبدونه لا تستهين باختك انه لو حاوطوني الف ضبع اصير تاج راسهم وغصب عنهم يحترموني
_كفوو يبعد اخوج لكك هاي المره يراد اجيبلج نويره تدربيهه عل شجاعه اثاري طلعت بس لسان كلشي ماكو من الصرصر تبجي
_هههه تره الشجاعه وحد وان يمشي على جسمك صرصر وحد
_يبوو كشت روحي من حجيتيهه هيج صدك لعبان نفس
_اي والله يعع
_شغلينه شي على ذوقج بله ست شموخ
_تمام لحظه ..
التفتت سحبت جنطتي من الكرسي الوره طلعت نقالي ورجعتهه ربطت البلوتوث وشغلت اغنيتي
التركيه بلي لاطشه بيهه هليام وكلما اسمعهه واقره كلماتهه اتذكر راهب وذكرياتنه الجمعناهن سويه بهل عام يلي مر ...
" yalan dunya"
بقيت صافنه بالسما والغيم والاغنيه تتخلخل لمسامعي وبالي يسرح اكثر بذكرياتي وياه لحدما انتهت الاغنيه ووكفت السياره بباب بيتنه طفيتهه
واخذت جنطتي بحضني فتحلنه مرتضى الباب ودخل السياره للكراج ردت انزل وصاح علي بابا من بعيد و كال موقفني..
_لحظه بويه لا تنزلين خليج وانتظروني خلي البس برجلي
_ليش شصاير
_انتظري..
بقينه واحد يباوع بوجه الثاني انه وسلام واجه هوه راد يصعد وره ونزلت انه كتله يصعد بمكاني رحت كعدت بالكرسي الوره وكتله بتساؤل..
_شنو بابا وين رايحين
_خلينه نروح نشتريلج السياره مدام حولت الفلوس لبطاقتي لا ينباكن ما اامن بالبنوك انه
الجميله والحديثه هواي بس عيوني تركزت على وحده منعزله وحيده بعيده عن السيارات الحديثه صفنت بيهه وتذكرت سياره راهب تماما نفس هل
سياره وشكد جنت احب اصعد بيهه لمن نطلع وياه بمهمه رحت امشي باتجاهه وانه كلبي يخفق بجنون من هول وحلاوه هل لحظه .. افتريت حواليهه وانه
اتمعن بكل تفصيله بيهه وجانت تماما نفس نوعيه سياره رهباني ابتسمت باعجاب وباوعت لبابا وهوه صاح للمدير اجه فتحهه النه ودخلت بيهه باوعت
بارجاءهه وجانت جبيره وحلوه وشلون ماتكون حلوه وهيه " جيب لانجلر " موديل ٢٠١٩ جانت الوحيده يلي باقيه من جماعتهه وسعرهه رغم غالي
بس مابخل علي بابا وكله نريدهه بس تضايقت من لونهه شوي لان اصفر عاد تقدمت عليه وكتله بتساؤل..
_اريد لون رصاصي غامق والاطراف تبقى باللون الاسود
_بس راح تاخذ عموله اكثر على التعديلات الطالبتهه ..
هزيت راسي بايجابيه وباوعت لابوي وهوه هز راسه مبتسم وكاله..
_ميخالف شكد تكلف انه حاضر بس هالله هالله علينه دارينه بالسعر النهائي
_ولا يهمك ابو محمد مدام انته معاميل عدنه وهاي ثالث سياره تاخذهه من عدنه ميخالف تامر انته راح اخصملك من سعرهه ١٠ % وانشاءالله ماكون مقصر وياك
1 تعليق
_تسلم وماتقصر انته ابو احمد
_بعد روحي والله تفضلوا وياي هسه خلينه نكمل المكاتبه وتسليم الرقم
_تفضل من بعدك..
ابتسم وراح كبالنه واحنه رحنه وراه اجه بصفي سلام وكال بتعجب..
_والله وكفوو تقشعر بدني من كلامج شحال لو اشوفج صاعده بيهه وتمشين اويلي
_هههه كول ماشاءالله لا تحسدني رجاءا
_عليمن احسدج باجر اتخرج واجيب احلى منهه بفلوسيي بعرق جبيني
_ههه الا صدك سلام
_هاا
_انته تعرف رقم بطاقه ابوي
_اي ليش
_اريد احوله نص فلوس السياره
_منيلج ولج
_عندي ماعليك انته بس كلي الرقم
_ماكوله الج الا تكليلي منين جبتي فلوس
_بس هذا حقج وحق ريان ليش حتى تدفعينه علمود سياره وهوه ابوي كال يشتريهه الج
_ماجنت ناويه ادفع لان ظنيت اني راح اشتري سياره بسيطه ورخيصه بس هسه ماكدر مادفع ويه بابا خطيه هوه شعنده حتى يشتريلي سياره ب4
دفاتر عل اقل ادفع نص المبلغ بالفلوس العندي واذا على حق ريان انشاءالله ماراح تحتاج فلوسه لهل عار بوجود امهه
_ بس ابوي ماراح يقبل لو عرف بهذا الشي
_انته انطيني الرقم واحولهن ومن تالي اكله واخلي تحت الامر الواقع حتى مايكدر يرجعهن بعد
_همم تمام الا سؤال انتي جان عندج البيت وحصه من المزرعه بله الحصه بعتيهه زين والبيت شصار بي بعده موجود لو هم بعتي
_البيت لا بعته ولا بقه الي وانما رجعته لناسه الحقيقيه
_جا بيتكم جان تجاوز شنو
_لا جان ضاحك على ناس مدخلهم صفقه مزيفه وماخذ بيتهم رهينه ولمن خسروا اخذ البيت منهم وكعد بي
_هاا يعني هسه البيت رجع للناس
_اي ومن زماان اصلا وره طلاقي باسبوع لمن حولت كلشي باسمي قانونيا رجعت سجلته باسم العالم الاخذناه منهم والحصه بعتهه لقرايبهم بنفس الوقت
_وشلون تامنين تخلين فلوسج بالبنك كل هل سنين
_خليتهن بوديعه الله واذا فلوس حلال ومحد اله حق بيهن غيري انه وبنتي فكون متاكد ماراح يصير عليهن شي
_عفيه عليج والله زين تسوين
_شعبالك لعد اعجبك انه يولو
_هههه اي والله الفخر طلع من خشمي
_هههه ..
بقينه واكفين على جهه لحدما اشرلي بابا ورحتله بصمت على الاوراق ووقعت على اوراق ثانيه كملنه
كلشي تقريبا وبس المكاتبه بالمحكمه باجر العصر نروح نوقع عليهه ونجي نستلم السياره وندفع الباقي من الفلوس ..
تشكرنه منهم وطلعنه من المعرض ركبنه بالسياره راجعين للبيت والتفت علي بابا وكال ..
_زين ماختاريتي شموخي يحلف الرجال ان السياره لو نزلتي بيهه من درج القمه ماراح يصير بيهه شي وامنه بوقت الحوادث لا سمح الله
_اي بابا انه مجربتهه من قبل وشفتهه شلون سريعه وقويه وتنراد بوقت الشدات والسرعه
_وين مجربتهه
_هاا مو جانت عند راهب وحده واكثر من مره ركبنه وياه انه وزميلي من نطلع للمهمات وياه
_هاا عند راهب
_اي بابا..
باوعلي بنص عين وباوع لسلام صار الجو متكهرب حسيته عاد كسرت الصمت والهدوء البارد هذا وكتله..
_احم بابا انه ماسالتك جوه خاف ماعندك فلوسهه للسياره 4 دفاتر هواي
_لا شلون جا المن كتله نريدهه لو ماعندي خوب اكلج شوفي غيرهه وطلعتلج بيهه الف عيب نفس سياره مرتضى
_ههه يعني سياره مرتضى من اختيارك جانت لو من اخيتاره
_هوه اختار جانجر وجانت بوكتهه غاليه وماعندي فلوسهه عاد سويتهه كباله جلب مسعور ومابيهه فايده لحدما خليته ياخذ وحده على كد فليساتي
_هههه لا بربك جا الا اكله من نرجع
_يمعوده كعدي راحه هسه هوه من غير شي راح تطفر شياطين الغيره عنده من يشوف سيارتج مو
نوب تكليله على سوايتي وانته هم سويلم اكتم لسانك مو تكله ويضل يمسلت فوك راسي وتسوي حزازيات
_لا بويه شعندي وياه اصلا ماختلط بي دائما ولا بيناتنه هيج سوالف
_ليش ولك غير اخوك الاكبر منك شلون ماتختلط وياه وتسولف
_بعد احسه يختلف عني وشخصيته عكس شخصيتي تماما رغم احبه واحترمه بس ماختلط وياه لان مانتوافق سويه بهواي من الامور
_اي ميخالف حتى لو ماعدكم امور مشتركه بيناتكم لا تقاطعه تره اخوك هذا حزام ضهرك ماريد ولدي يكونون متفككين
_انشاءالله بويه انشاءالله
_مادري هل شي طبع لو وراثه بكل عائله بيهه ولد لازم يطلع واحد بيهم معتزل وكاطع باخوانه
_شقصدك بويه انه كاطع باخواني
_لاا مو انته اقصد على اخوك مرتضى جان ببيت جدي ابوي هوه المعتزل وبينه احنه وخواني شعلان يلي طلع معتزل وهسه بين اولادي مرتضى طلع
على عمه والا ابوي رغم معتزل بشغله وعائلته بس يواصل باخوته واهله جان دائما ومايكطع بيهم ..
صفنت بكلامه وحسيته فعلا هيج مرتضى طالع على عمي شعلان تنهدت وكتله ماكده كلامه..
_اي والله بابا مرات من اشوف مرتضى اتذكر عمي شعلان عاش وحده ويجوز اسم الله يموت وحده رغم نجتمع كل العائله سويه ونسولف ونضحك الا
هوه وعائلته جانوا بيناتنه مثل الغربه لا هوه يختلط وياكم ولا مرته وبناته يختلطن ويانه ودوم مختلفات علينه
_اي يابويه المره تبيعه رجلهه والبنات تبعات امهن واذا الاب مايحن ويوصل لا تصدكين ان مرته وبناته يطلعن عكسه
_اي فعلا
_تصدكين من مات اخوي باقر حزنت عليه يجوز اكثر من ابوي لان جان هوه يلمنه بعد وفاة ابونه وامنه وهوه يحن علينه ويواصلنه ونواصلهم جان
صارم ويانه مثل ابونه و حنين علينه مثل امنه لهذة السبب معزته جانت جبيره بكلوبنه عكس شعلان يلي ماشبعنه منه ولا افهمنه شي من اخوته
من صغر لحدما كبرنه بس رغم كلشي جان سند وحزام ضهر عند الشدات لهذا السبب اكلكم يابويه لا
تقاطعون اخوكم حتى لو قاطعكم لان بوقت الشده راح تشوفون شخص ثاني عكس مرتضى المنعزل عنكم تماما
_اي والله بابا وانه اشهد رغم سوالف مرتضى المكسره وياي بس اتذكر لمن انخطفت ريانه بهذاك
اليوم المشؤم شلون بقه وياي وسندني لمن ماكدرت اخطي خطوه وحده لبره بسبب خوفي
_اي يابويه شوفي وانتي شفتي هل شي بعينج وادري بكلبج ابيض وصافي ماحاجه اكول واوصيج
بس هذا سويلم احجي وياه وعلمي خلي يعوف الحقد على جهه لان ادري بي بعده حاقد على مرتضى من سالفه جنان لهسه
_ههه اي صحيح انه هم لاحظت هل شي ..
ضحك ابوي وهوه يباوعله تحمحم باحراج ودار وجهه عل جامه اليمه ضحكت على حركاته وسندت ضهري عل كشن كلهه دقايق ووكفت
السياره بالباب دك هورن وفتح محمد الباب هل مره دخلنه للكراج ونزلت ماخذه جنطتي واللابتوب والملف وياي مسيت على محمد ودخلت مسيت عل كل
وبوجهي رحت لغرفتي خليت غراضي على ميز الشغل ودخلت ريانتي نزلت عليهه اخذتهه بحضني بوستهه شمشمتهه اخذت جرعه صبر وحب من
خدودهه ونزلتهه انطيتهه ٥ آلاف بيدهه مثل كل يوم وهيه كيفت اخذتهه وراحت خلتهه بالحصاله مالتهه ورجعت علي ماده ايدهه تريد بعد البربوكه
اخذهه الواهس ضحكت عليهه ونزلت اخذتهه لحضني وتمددنه عل جربايه واحنه نتصارع من هسه اعلمهه عل مصارعه والحركات حتى تصير كد
نفسهه من تكبر والحمدلله حسيت شويه هل اشهر يلي مرت ماجتلهه نوبه اختناق ابد لان شويه صارت عاقله ماتبجي على كلشي ولا تركض هواي
صارت تسمع الكلمه من واحد يكلهه لا تلعبين ولا تركضين .. المهم بقيت نايمه وهيه بحضني ساكته دقايق ياله كمت اخذت ملابسي والخاوليه انطيتهه
الايباد تباوع بي ودخلت للحمام ذبيت ملابسي ودخلت جوه الدوش والماي الدافي يصب على وجهي وصدري البارد .. طفيت الدوش ونشفت
بعدما كملت سبح وبدلت طلعت من الحمام مالكيت ريانه والباب مفتوح عرفته سلام جاي ماخذهه كعدت نشفت شعري ومشطت خليت حمره
وكحل خفيفه وكمت فرشت مصلايتي ووكفت اصلي صلاة الضهر والعصر ويه المغرب والعشا لان ماصليتهه اليوم كملت ولميت المصلايه طلعت
للصاله اتاكد اذا عند سلام لو لا وفعلا شفتهه نايمه بصفه وتباوع بنقاله وهوه يراسل عفتهم ورحت
للمطبخ لكيت امي وعبير كاعد يسون عشه اجيت كعدت عل كرسي بتثاقل وكالت عبير بعدما انتبهت علي..
_هاا محققتنه الله يساعدج
_ويساعدج حبيبتي
_شلون مر يومج
_الحمدلله كلشي تمام
_اي الحمدلله الا صدك شنو نوعيه السياره يلي اختاريتيهه بس لا رحتي جبتي هاي السيارات البناتيه الورديه الكيوت
_لاا يعع شتدرين بيه انه اختار هيج شغلات ويني ويني الكيوت انه
_اي عبالي لعد شنو من سياره اختاريتي
_جؤ ماراح اكلج خليهه مفاجاة باجر انشاءلله تجي وتشوفينهه بعيونج الحلوه بشرفي الا يضلن يلمعن
_شكلهه حلوه شوقتيني اشوفهه ولج دكولي شنو نوعهه ولونهه
_هيه لونهه اصفر بس كتلهم يسوونهه رصاصي طافي لهذا السبب ماكدرت اجيبهه اليوم حتى يجهزونهه الي
_اي مو حلو الاصفر زين تسوين والله
_اي جا وين اكو سياره صفره شني بائعه حلويات انه لو محققه
_هههه خرب شكلج صدك و ربي حتى انه من اشوف سياره ملونه اتذكر هذن العرباين المصبوخه يبيعون بيهن حلويات وشعر بنات
_هههه والله
_ههه بالعافيه عليج مقدما يروحي تركبيهه بالهنا
_بعد روحي ويهنيج
_يله كومي صلي حتى تجين تتعشين راح نكمل
_صليت ومشيت
_صدك تقبل الله
_تقبل الله اعمالج عمري خليني اكوم اصب وياج حتى نكمل بسرعه عندي شغل اليوم شكله سهاري
_تمام عمري راح اكمل ماعندي شي انه
_انطيني من ايدج وانتي روحي فرشي السفره ونكلي الماعين
اخذت الخاشوكه منهه وصرت اكلب بالبتيته وهيه راحت كملت بقيه الشغل على ماستوت فرغتهه بماعين واخذت ماي ورحت للصاله كعدنه كلنه
سويه حوالين السفره وكالعاده مرتضى ماموجود طالع ويه جماعته العركجيه يتعشه وين صايره هاي قاضي وخبصه وجماعته كومه هتليه وعفطيه ..
هزيت راسي بحيره ومديت ايدي اكلتلي لكمتين شبعت واصلا بالي يم القضيه ماكدرت ابقى اكثر عاد ترخصت وكمت غسلت ورحت لغرفتي بعدما
خليت ريانه بحضن امي توكلهه وتنومهه .. كعدت عل جربايه طلعت الملف كبالي والقلم وطلعت اللابتوب دخلت عل فيديو وكملت من وين
ماوصلت وجان التسجيل الداخلي بي هواي امور ساعدتني ووضحتلي القضيه عكس التسجيل الخارجي يلي جان فارغ تماما .. كملت التسجيلات
شبي جسمي صار يون علي .. تثاوبت بتعب وطفيت اللابتوب بعدما كتبت بدفتر الملاحظات الاشياء يلي لازم اتحقق منهه باجر ويلي راح
توصلني للحقيقه .. رجعت كلشي للجنطه وكمت طلعت للصاله مالكيت احد رحت لغرفه امي وابوي
دكيت الباب وطلعت امي وهيه مغمضه عيونهه بنعاس وكتلهه..
_يمه ريانه يمج مو
_لا امس بقت بحضن سلام لحدما نامت واخذهه لغرفته ماقبلت اخذهه يمي
_هاا تمام رجعي نامي حبيبتي كعدتج من نومتج
_لا بعد ماتسوه فد ساعه وياذن الفجر اصلي وارجع انام
_تمام حبيبتي براحتج
_انتي مانمتي شنو
_ويساعدج يروحي مدام ريانه عند سلام خلي ادخل اناملي ساعتين خاف ماكدر اشتغل بالمكتب اليوم
_روحي بنيتي روحي ارتاحي ..
هزيت راسي بايجابيه وتثاوبت وانه عيوني طفت كلشي زين من وصلت للجربايه وذبيت روحي جفت على وجهي ونمت من ال٥ الفجر كاعده يعني
اذا بقيت لل٥ الفجر يصيرلي ٢٤ ساعه على فرد كعده حسيت على شخص غطاني بالبطانيه وطلع ماكدرت حتى افتح عيوني واشوف منو اصلا من
كد التعب بس اكيد امي هاي لان بس هيه كاعده .. المهم كلهه ثواني وتعمقت بالنومه فتره قصيره مالحكت اشبع نوم حتى وفزيت على صوت المنبه
شفتهه الساعه ب٦ ونص وكمت اسحب بروحي كوه من الفراش دخلت للحمام غسلت وجهي وفرجت سنوني وصحصحت شويه صفنت وتذكرت
اذا مو امي معقوله .. لا لا وين شافني مرتضى حتى يغطيني بس اي معقوله لان جان طالع وهوه مايرجع الا وقت متاخر من بره فيجوز شافني
مكشفه وغطاني اي عادي شكو بيهه .. صفنت وهزيت راسي بحيره طلعت اخذتلي طقم جديد من الكنتور نسقت وياه الجنطه والكعب خليت
الحذاء الرياضي بعلاكه مرتبه خليت اللابتوب بجنطته واخذت نقالي خليته بجنطتي هوه والسماعات والشاحن واخذتهن بيدي وطلعت لاكاني
مرتضى صفن بيه وباوع لملابسي بتمعن هز راسه بايجابيه وراح رفعت حاجي بتعجب وضحكت على حركاته عود يجيك ملابسي يريد يله بله الواحد
شيحجي وياه هذا .. هزيت راسي باسف ورحت للمطبخ لكيت عبير تسوي ريوك واجيت صبحت عليهه واخذتلي خيار وروبه وليمون من الثلاجه
واخذت كاسه برشت بيهه الخيار وخليت روبه كم خاشوكه وملح وليمندوزي خفيف وعصره ليمون وكلبتهن سويه وكعدت اكلت بسرعه وشربت ماي
كلت الحمدلله وكمت من شفت سلام وريانه طلعوا من الغرفه اجيت اخذتهه وهيه مغمضه عيونهه مطفيه بوستهه وشمشمتهه واخذتهه لغرفه امي
وابوي خليتهه عل جربايه غطيتهه وطلعت بقيت الباب مفتوح خاف تكعد ومحد يمهه رحت كلت لامي ان ريان بغرفتهه وتوجهنه انه وسلام للسياره
صعدنه وفتحلنه الباب مرتضى وطلعنه وطلع ورانه وبعدنه بكم دقيقه يطلع محمد وابوي يسد وراه الباب .. وصلت للدائره ونزلت ودعت سلام وراح
لجامعته وانه دخلت اجه بوجهي احسان وشرطي واكف يمه انتبهولي و دكولي تحيه اشرتلهم ابتسمت ودخلت لمكتبي اجه احسان وراي سد الباب وكال بتساؤل..
_وين وصلتي البارحه بالفيديوات اذا بعدج مامكمله خلينه نكعد نكملهن سويه
_ههه افا عليك ماهدالي بال ولا رفعت عيني عن القضيه منا لختمت تسجيلات الاسبوع كلهن وفوكاهه طلعت خيوط ممكن يوصلنه للحل
_كولي والله
_والله بس اريد مساعدتك بشي ثاني
_اي كولي
_اريد تروحلي للمدرسه وتجيبلي شعرايه من راس شخص او اي شي يخصه
_منو ....
حجيتله عن الشخص يلي لازم يجيبلي الشعره منه وعن سبب طلبي لهل شي وعن بقيه الخيوط يلي اكتشفتها خلال التسجيلات وهوه ابتسم بتعجب
يلي انطانياه لمن جان موجود وكعدت عل كرسي صرت اتبع خطواته بالحل وشفت اغلب الخطوات نفس خطواتي التبعتهه ماعرف انه اخذ عقلي
وايدي على طريقه حله وخطواته .. المهم فتحتلي صفحه جديده وكتبت بيهه النقاط الكتشفتهه ووصلت بينهن حسب احتمال يكون التوقعته صح
شراح يصير بالقضيه بالنهايه لحدما رن نقالي شفته احسان ورفعته رديت عليه واجالي صوته يلهث وهوه يكول..
_هاا شموخه اخذت الطلبتي مني جبتلج شعرايه بعد شتردين
_عفيه عليك بس شبيك تلهث
_جا شلون اجيبهه والمراقبه بكل مكان عاد انتظرت يطلع ورحت هلست كوشته بيدي وركضت
2 تعليق
_شكرا احسان كلش شكرا هسه اريدك تاخذ الشعره والمبرد يلي انطيتكياه للطب العدلي وتنطيهم اسمي وتكلهم نريد التحليل ضروري لغرض قضيه خطف للمحقق ساهر تمام
_تمام انشاءالله يله رايح باي ست شموخ
_باي حساني ..
سديت الاتصال وبقيت مربطه اديه واهز برجلي وافكر شراح يصير تالي اذا طلعت النتيجه ايجابيه .. اخذت اللابتوب ورجعت شغلت الفيديو
يلي ضاهر منه القليل من سطح المدرسه ويلي مبين بي الحارس والمديره فوك السطح سويه وهمه يحجون بسريه تامه ويخططون
بماعرف ايش تالي انطته شي مثل الورق مبين من بعيد مثل الفلوس او هيج شي لان هواي .. المهم طلعت من هل مقطع ودخلت للثاني وانه اشوف
المعلمه ساره تمشي بحال سبيلهه بالساحه واجت عليهه وحده من المعلمات يلي وكفت بوجهي لمن رحت للمدرسه وبقت تحجي وياهه ومبين عليهه
الغضب وشلون التمن عليهن بقيه المعلمات على نفس المنوال يصيحن ويحجن بعصبيه تالي راحن منهه وهيه كعدت عل صبه تبجي .. والفيديو الثالث
يلي جان عباره عن فيديوين وبيهن الحارس وهوه يمشي ومصور من الجهتين وفيديو بي الشخص الخطف المعلمه وهوه جاي من وراهه ويمشي نفس
مشيه الحارس بالضبط راحت عيوني على رجله يلي بيهه لوفه ماتبين غير الا واحد يتمعن بيهه وجانت نفسهه يلي عند الخاطف .. بداخلي متاكده
تسجيل الكاميرات وماراح اكدر اثبت عليه التهمه الا لمن يطلع التحليل واخليهم يسحلونه للتحقيق ويعترف بنفسه عن الصار وعن منو الخطفهه وياه
وهيج اكون تمسكت بخيط اذا سحبته راح يفكلي القضيه ويبينلي باقي الخيوط المتشابكه عليهه...
مرت ساعتين تقريبا ورجع اتصل احسان رديت عليه بسرعه وابتسمت لمن كال..
_طلعت النتيجه ايجابيه والحارس يصير قريب المعلمه ساره بنسبه ٨٠ % يعني ابن عمهه او ابن خالهه لان يحمل نفس جيناتهه
_ لكك كفوو هسه تجيلي طياره تنطيني النتيجه حتى ادخل للمحقق واطلب اذن لاعتقاله
_تمام جاي ..
سديت الاتصال وكعدت سحبت المقاطع يلي بيهن الحارس ضاهر خليتهن بفلاشه وحد ورتبت الملف وحضرتهن على جهه بقيت اهز رجلي بتوتر لحدما
_سيدي توصلت لاطراف حل قضيه خطف المعلمه ساره اريد تجيك الملف والتسجيل يلي موجود بالفلاشه وتقره الفايل لو سمحت
_تمام تفضلي كعدي
_حاضر سيدي..
كعدت عل كرسي وهوه خله الفلاشه بالحاسبه مالته وشغلهه باوع عل فيديوات وباوعلي مستغرب
ومتعجب بنفس الوقت لحدما كمل باوعلي بنص عين وكال بتساؤل..
_منين جبتي التسجيلات هذولي
_ استخدمت حق الشاره ورحت للمدرسه والجامع القريب على موقع الخطف ونسختهن سيدي
_جان يمشي طبيعي باول تسجيل وبالتسجيل الثاني والثالث اذا انتبهت ان هوه عنده لويه بسيطه برجله وماتبين الا لمن نركز عليهه
_كملي
_والفتره الزمنيه بين الفيديو الاول وبين بقيه الفيديوات جانت قصيره فالاول جان قبل الخطف ب٣ ايام والثاني والثالث جان بعد الخطف بيومين
_يعني قصدج اصابته الهه علاقه بقضيه الخطف
_لا سيدي مو بس اصابته وانما حجه حضوره كذلك رغم هوه الحارس الوحيد يلي بالمدرسه ودوامه مستمر على مدار الساعه وعائلته عايشه
بالمدرسه الا ان بيوم الخطب وبالضبط اول ساعتين ما قبل وبعد الخطف جان ماموجود وبالاصح شفته طلع قبل تنفيذ الخطف بساعه وحده ورجع بعد الخطف بساعتين
_الموجود بالتقرير هوه نسبه ٨٠ % من درجه القرابه بين الحارس والمعلمه ساره ..
رفع عيونه باوعلي باستغراب وصفن بالفايل يقره بي رجع رفع راسه وكال وهوه يطبك اصابيعه ..
_وشنو الفهمتي من هل تقرير
_سيدي حسب استنتاجي من الفيديو الثالث يلي طالع بي هوه والمديره ومن هذا التقرير ان الحارس
اله علاقه بقضيه خطف المعلمه ساره بنسبه ٩٠ % والمديره والمعلمات الهن ايد بالقضيه بنسبه ١٠ %
_يعني المطلوب مني ان اصدر مذكره القاء قبض على الحارس والمديره مو
_وهوه هيج سيدي وبدون هل خطوه ماراح نعرف الصار ولا نكدر نوصل للمعلمه ساره اذا الخاطف او واحد من الخاطفين ما اعترف بالسواه
_ملازم شموخ
_نعم سيدي
_كالي راهب وماصدكته انتي ذكيه وداهيه وتكدرين من خلال استنتاجاتج المعنويه يلي تعتبر مرفوضه بالنسبه للمحققين ان تطلعين الدليل المادي
_يعني شنو سيدي استنتاجي صح
_لمن رحتي للجامع والمدرسه ما كلولج ان الشرطه اخذت نسخه من التسجيلات ثاني يوم الخطف
_اي نعم سيدي مو انتو اخذتوا هل تسجيلات وكتبتولي المعلومات يلي بالملف
_صحيح بس ماسالتي نفسج ليش اخذناهن من قبل ٣ ايام والبارحه ياله انطيناج الملف
_لا سيدي ليش
_القضيه حليتهه قبلج وجانت مجرد اختبار قبول الج
_يعني سيدي القضيه محلوله اصلا والمجرم معروف
_اي نعم والمعلمه ساره اليوم الصبح التقت ودخلوهه مستشفى لان جان منطيهه مخدرات وحابسهه الحارس ببيته
_بس ليش حتى يخطفهه
_لان ابن عمهه ويحبهه وهوه اصلا مو بعقله
_يعني خلال هل كلام راح يطلع براءه
_لا طبعا راح ينحبس او يطلع ويبقى تحت المراقبه
_والمديره شنو علاقتهه بي
_عشيقته او خلي نكول بالعاميه صاحبته وهيه يلي شجعته حتى يخطفهه لان تكره المعلمه ساره وبيناتهن ثارات وهنه بالجامعه
_اها زين بلا زحمه عليك سيدي شمعنى تنطيني قضيه محلوله يعني ماعندك ثقه بمهارتي وشهادتي لو شنو السبب
_مو هيج وانما انطيتجياهه محلوله حتى اطلب المستحيل منج وهوه ان تخلصيهه خلال يومين
وانتي خلال ليله وحده كدرتي تحلين القضيه وهل شي كبر من مقامج هواي بعيني بس غلبتيني بشغله وحده
_شنو هيه سيدي
_استمريت احل بالقضيه ٤ ايام ياله كدرت الكه الخاطف الحقيقي واعرف القرابه يلي بينه وبينهه خلال اعترافه اما انتي فكدرتي تطلعين العلاقه يلي
بيناتهم من قبلما تلقين القبض عليه وخليتي قرابتهم هوه خيط للحل يعني باختصار وصلتي لخط النهايه قبلما تمرين ببقيه الخيوط
_اتبعت خطوات الملازم اول راهب هوه يلي علمني وفريقي على ان المحقق لمن يريد يشتغل على اتم وجه ويكمل شغله اضعاف سرعه بقيه المحقيين
فلازم يتقن كل المجالات والاختصاصات من تهكير و ادله وبحث وتحقيق جنائي
premium
_ماخاب تدريبه وتعليمه الكم كل هل عام وماخابت ثقته بيج ومدحه الج كبالي ..
ابتسمت بقهر ونزلت انظاري عنه وانه بالي سرح يم راهب تحمحمت ورفعت انظاري للمحقق وكتله وانه اوكف بثبات..
_وهسه سيدي بما اني حليت القضيه اسرع من الوقت يلي انطيتنياه وعلى اكمل وجه شنو راح يصفى عليه قرارك بخصوص قضاياك يلي تستلمهه
_الج القضايا الترديهه ماكو داعي تساليني وانتي شفتي الدهشه على وجهي وانه اقره طريقه حلج للقضيه
_تمام شكرا الك سيدي
_العفو واجبي بس اريد اسالج قبلما ترحين
_اي تفضل سيدي
_شلون استنتجتي ان اكو علاقه بين الحارس والمعلمه ساره شمعنى هوه بالذات يلي ربطتي بينه وبينهه وشكيتي بيهم
_اي نعم سيدي لان بوقت الحجر الصحي والامراض المنتشره وبوقت العالم صارت اعداء لبعضها وكلمن يفكر بروحه ماراح يتقدم شاب بعمر
ال١٥ سنه على حارس مدرسه ماله اي اهميه بالنسبه اله ويسلم عليه بهل طريقه الوديه ولا راح توكف المعلمه باب المدرسه وتساله عن حاله..
هز راسه بايجابيه مبتسم واشرلي عل باب منطيني رخصه اروح رفعت راسي دكيتله تحيه وطلعت
بكل ثقه اجالي احسان من بعيد مشه وياي للمكتب دخلنه وسد الباب والتفت علي سالني بترقب..
_شنو وين صفى بيهه الدهر القضيه
_طلعت اصلا قضيه محلوله
_هاي شنو وليش حتى ينطيج هيج قضيه
_شغل الحكومه مو هين وخاصه المحققين لان هواي رقاب ناس بريئه ومذنبه راح تكون باديكم وحياة البشر مايصير نتهاون بيهه وعلى كولتج من
تلزمين الملف تحسين انج لازمه رقاب ناس ظالمه وحق ناس مظلومه بيدج ولو تصيبين وتنصرين المظلوم لو تخيبين وترفعين الظالم
_اي والله المهم هسه كدرت انجح ورغم انهه قضيه محلوله بس راح يبقى اسمهه اول قضيه حقيقيه
استلمهه وانشاءالله ربي يسهلي وييسرلي وارجع حق هواي ناس انظلمت وراحت ضحيه
_انشاءالله يارب والف مبروك على نجاح اول قضيه الج
_ههه تسلم ويبارك بيك لو ما الله ومساعدتك الي جان ماكدرت اكمل شغلي بيوم واحد
_يمعوده مو ترحين تكليله اريد اطلب ايد احسان منك لا عباله تردين تزوجيني نوب ونصير مضحكه كدام خلق الله
_ههه لكك حساني بطل
_تمام ست ..
ابتسمت وكمت طلعت الزي العسكري من الجنطه وكام احسان دك تحيه وطلع قفلت الباب وراه واجيت لبست البدله العسكريه وخليت الرتب
ولبست البيريه وسلاحي على خصري وطلعت متوجهه لمكتب العميد دكيت الباب وكال تفضل دخلت دكيتله تحيه بثبات واشرلي ارتاح نزلت ايدي وانه واكفه وسالني..
_خير يابنتي شنو محتاجه بس بالاول كوليلي شنو اسمج
_اهلين يابنتي احجيلي شنو طلبج
_سيدي بما اني استلمت شغلي واستلمت اول قضيه الي البارحه اريد اطلب منك ان تخليلي مساعد سيدي
_اي ليش لا حقج عندج شخص معين تردي لو اختارلج من الاعرفهم
_اي نعم سيدي عندي الضابط المساعد احسان ساجد يصير ابن عمي وقريب علي وعندي ثقه بي
واشوف ان يكون مساعدي شخص اعرفه احسن مما يكون شخص غريب علي وما اامن بي طبعا من بعد اذنك سيدي
_اي ليش لا مدام مثلما تكولين ان اقاربج وتثقين بي هاذهو طلبج مجاب باذن الله بس كوليلي شنو اسمج الرباعي واسم ابن عمج حتى اختملج طلب النقل
_تمام لحظه ..
بقيت اباوعله وهوه يكتب مدري ايش بالحاسبه تالي رفع السماعه اتصل بمساعده طلب حضور
احسان وسد الخط كلهه ثواني ودخل احسان متوتر دك تحيه ووكف بصفي بثبات رفع راسه العميد باوعله بترقب وكاله..
_احسان انته متزوج مو
_اي نعم سيدي
_وانتي شموخ متزوجه
_مطلقه انه سيدي
_شوفي راح انطيج موافقتي بان يكون الضابط احسان مساعدج بس اي علاقه خارج العمل ماريد واي اشاعه غلط تطلع عليكم انقلكم كلمن لدائره
شكل واذا جنتوا ناوين الحلال اريد اكون اول من يعلم بهذا الشي حتى اعرف اسيطر عل وضع تمام
_حاضر وتطمن سيدي ماكو شي من الحجيته كله احسان اخوي وصديقي من الصغر وقبل اسبوع تزوج وماكو اي نيه للحلال او لغير علاقه بيناتنه
_تمام انشاءالله يكون هيج
_اي نعم سيدي
_وهسه راح اختملكم على فايل النقل هذا ووقعوا عليه واحتفظوا كل واحد بنسخه منه
_حاضر سيدي ..
طلع ختمه طبع عل اوراق وانطاني الفايل وفوكه القلم نزلت وقعت جوه اسمي واحسان كذلك نزل وقع جوه اسمه ورجعناه للعميد اخذه وكام عل
طابعه سوه منه نسختين انطانه كل واحد نسخه والاصلي بقه عنده دكيناله تحيه وتشكرناه وطلعنه من المكتب باوعت للفايل ورفعت راسي كتله لاحسان..
_وهيج راح اكدر اسحلك وياي بكل سحلاتي
_اححح لو دارت الدنيا كارثه البارحه انه اضحك عليج واكلج راح تنسحلين واليوم راح انسحل وياج
_انته ردتهه واصريت عليهه هل نقله فاحمد ربك راح تنسحل ويه بت عمج مو ويه الغريب
_على كولتج
_وهسه يله استاذ حساني روح لمكتب السؤؤن الاداريه وريهم الفايل مالتك وخلي يطلعولك مكتب مصغر يخلونه يم الباب حتى تبدي شغلك من باجر تمام
_تمام وحاضر ست شرموخ
_شرموخ بعينك لك
_ههه العفو غلطنه شموخ ست شموخ
احس بكل مره ادخل للمكتب واشوف الجاكيت وشغلاته واشتم عطره تنمرد روحي وتشتاقله اكثر واكثر ومادري بالاخر شراح يصير بيه يمكن اطك
واموت اذا بقيت على هل حال معناهه لا راح انساه ولا اكدر اكمل طريقي بدونه .. جريت حسره وقررت الملم كل الشغلات يلي تخصه بكارتونه
واخليهن فوك الكومدي حتى يصفى بالي منه هاي اذا كدر وتحمل ... غمضت عيوني بنعاس وغفيت بدون مادري فتره وفزيت على صوت الباب ..
كمت فتحته واشوفه احسان تحمحمت ودخل دك تحيه وانطاني ملف باوعتله بتساؤل وهوه ابتسم وكال ..
_هذا ملف قضيتج الثانيه...
شكرا لزيارتكم عالم روايات سكيرهوم
