رواية فصلية بديلة ( شموخ ) الجزء الثاني الفصل الخمسون بقلم ام ملكوت
.:- بعد ماسلمت اول قضيه الي رجعت لمكتبي قفلت الباب وتمددت عل قنفه صفنت افكر براهب وروحي يمه شلونه هسه شكاعد يسوي هم بعده
يفكر بيه لو خلاص نساني .. كل هل افكار تجيلي بكل مره احس بتعب وحزن او راحه وفرح يعني بين قوسين بكل مره يبدي بيهه كلبي يحس
بمشاعر ان جانت فرح او حزن لا اراديا ابدي اشتاقله واحن عليه وافكر بي .. جريت حسره بقهر وغمضت عيوني بنعاس بعد تفكير طويل و غفيت
بدون مادري فتره وفزيت على صوت الباب .. كمت فتحته واشوفه احسان تحمحمت ودخل دك تحيه وانطاني ملف باوعتله بتساؤل وهوه مبتسم وكال ..
_هذا ملف قضيتج الثانيه
_والله
_اي والله توه استلمته جديد من المحقق ساهر وكل المعلومات يلي تحتاجيهه بي ..
premium
_ماعرف بس الاكيد انها قضيه قتل امراة حامل
_اها بله اكعد خليني اقره التفاصيل
_تمام ..
كعد عل كرسي ونزلت انظاري وتركيزي عل ملف وانه اقره بي وجان عباره عن :
_قضيه رقم 2_
•• سحر امرأة ذات ال٣٠ عاما حامل في شهرها الخامس تعمل في احدى المصارف الصغيره التي في زوايا المدينه.. قام في تاريخ ال ٢٢ من هذا
الشهر مجموعه من اللصوص بالسطو على المصرف في وقت افتتاحه تماما وكانت المراة بالمرصاد وقد تم بينها وبين اللصوص مناقشات ورفض قاطع
بسبب امانتها ورفضها لاطاعه اللص واعطائه الرموز السريه للمصرف لذلك قد تم اطلاق النار عليها مباشرتا مما تسبب بموتها وجنينها في نفس
ولا اي علامه تدل على ان القضيه غامضه ولازملهه حل تنهدت بحيره وكلت لاحسان بتساؤل..
_منو انطاك الملف
_الضابط المساعد للمحقق ساهر
_وما كلك شي بخصوصهه يعني افاده او شي مطلوب او اعتراف او حتى اسم وعنوان للمشتبه بيهم
_لا ماكال شي فقط كلي هذا ملف قضيه جديده دزه الملازم ساهر لشموخ حتى تحله وتنطي الحل خلال اسبوع
_اي بس عجيب يعني حتى عنوان البنك وعنوان بيت المغدوره ماكاتبي
_يجوز يردونج انتي تطلعي
_مايصير انه شمدريني بالبنك وين صاير اروح ادور باليوتيوب وانه اكتب "هل يوجد بنك انسرق قبل يومين "
_لاا عوفه لو يريد جان انطاني هل معلومات من وحده خلينه بدل هل شي نروح لمركز الشرطه يلي استلم القضيه وناخذ العنوان لان لو يريد المحقق
ساهر جان كتبلي العنوان بس هوه الضاهر بعده يريد يختبرني ويريد يشوف وين ممكن اكدر اوصل حتى احل القضيه
_وانتي كدهه انشاءالله وانه حاضر وين ماتردين نروح وياج
_تمام خلينه نروح لعد لمركز الشرطه يلي حوللنه القضيه
_تمام رايح اشغل السياره وانتظرج
_تمام..
دك تحيه وطلع كمت لبست الستره اخذت السلاح خليته بخصري رفعت اللثام على خشمي واخذت دفتر الملاحظات والجنطه طلعت من المكتب بعدما قفلته ورحت ركبت بالسياره شغلهه
خير انشاءالله اشوف بله السيد ساهر وين يريد يوصل بهل اختبارات مالاته .. افتريت بالمكان شويه وانه اتخيل شكل الجريمه شلون صار وتسبب
اجيت يم الدم باوعت بتمعن طلعت اللايت الصغيرون من جيبي وضويت عليه وعرفت مباشرتا ان الدم مو لشخص واحد وانما لشخصين باوعت لاحسان وكتله..
_احسان ذكرني الزمره السالبه شلون يكون لونهه
_احمر غامق مايل للسواد ليش
_روح جيبلي اعواد قطنيه من السياره بسرعه
_تمام ..
راح بسرعه جاب الاعواد واجه يمي اخذتهن واجيت على جهه الاولى اخذت مسحه من الدم الغامق ورحت عل جهه الثانيه اخذت مسحه من
من تدخلون مسرح جريمه او تدخلون لاي مكان تاكدوا كل زين من ان مابي كاميرات او ابواب واماكن سريه هزيت راسي بايجابيه واجيت ادور
بالميازه والسقيفه مالتهه اجت عيني عل حاسبه باوعتلهه بتمعن وشفت شي يجي على شكل دائره وصغيره لازكينه عل زاويه مالتهه ويصير مثل
المداليه مديت ايدي اريد اخذهه بس ماجت وياي عكدت حواجبي باستغراب وحاولت مره ثانيه وياهه كذلك ماجت وياي عاد خليت وشلت
الحاسبه بكبرهه وطلعنه انه واحسان يركض وراي يريد ياخذهه مني خليتهه بالسياره ونكتت اديه التفتت عليه وكتله ..
_اخذلي اذن من المحقق ساهر وكله اني احتاجيت شغله من مسرح الجريمه واخذتهه تمام
_ميخالف بعد انشاءالله من تحلين هل قضيه راح يستجن ويجوز عنج
_ولا يجوز وتذكر كلامي هذا
_ههه يله اذا يريد يلعب خل يلعب احنه كد اللعب لو شنو رايج
_اكيد لعد شلون
_يله اذا كملتي شغلج هنا خلينه نروح هم ياله نلحك نكعد نصفن بالقضيه
_لا وين اصلا القضيه مابيهه شي ينصفن بيهه بالمكتب لان حلتهه بره
_شلون يعني
_خلينه نروح لبيت المغدوره احاجي زوجهه
_بس شدخله يمعوده لا تفتحين جروحات الزلمه
قدمتله شارتي وعزيناه ودخلنه للديوان كعدت وجابلنه ماي بقيته على جهه وكعد مقابيلنه يباوعلنه بتساؤل وكتله ..
_استاذ علي صفاء مو
_اي نعم تفضلوا
_احنه مثلما عرفت محققين بمركز ^^^^ الحكومي وجايين حتى اخذ كم معلومه تفيدني بالتحقيق بقضيه زوجتك المغدوره
_اي تفضلوا اهلا بيكم بشنو اكدر اساعدكم
_اريد تحجيلي عن اوقات فوتاتهه وروحاتهه للمصرف واذا جانت تروح وحدهه لو شخص وياهه..
هز راسه بايجابيه وصار يحجيلي عن روتين يومهه وعن شلون تروح وويامن ويمته ترجع ومنو تعرف ومنو ماتعرف كل هل معلومات مافادتني بشي غير
خلاهه عل طاوله وسديت الباب اجيت كعدت عل قنفه وبقيت احاول اعرف هل مداليه ليش ماجت وياي وشنو معنى وجودهه هنا ..
كمت انه واجه احسان يحاول وياهه ماكدر يفتحهه ولا الحاسبه بقينه واحد صافن بالثاني وكتله..
_تكدر تروح تجيبلي جنان
_تفتح الحاسبه
_اي
_ويصير تدخل
_انه ادخلهه
_تمام جا رايح ومسافه الطريق تلكينه يمج انشاءالله
_انشاءالله ديربالك
وحتى الجاكيت كلهن خليتهن بالكارتونه وخليتهن جوه ميز المكتب ورتبت شغلاتي الاريدهن لحدما مرت تقريب الساعتين كملت كلشي ياله اندك الباب
ودخل احسان وجنان وياه دك تحيه وجنان باوعتله بتفاجئ حابسه ضحكتهه ابتسمت على شكلهه واجيت سلمت عليهه واخذتهه من ايدهه
كعدنه عل قنفه ورفعت راسي لاحسان يلي بعده واكف اشرتله على اعواد الدم وكتله..
_احسان روحلي للطب العدلي اخذلي تقرير اذا الدم نفسه بالعودين لو الزمره تختلف
_ حاضر ..
راح اخذهن وطلع بسرعه ساد الباب وراه عدلت كعدتي وكلت لجنانه..
_جنان حبي اريدج تفتحيلي الحاسبه هاذي ماكدر اثق بغيرج
_اي عادي كلبي انطيني ربع ساعه بس وانشاءالله اكدر افتحهه الج بدون مايتضرر شي بداخلهه
عفتهه تشتغل على رمز الحاسبه ورحت كعدت عل كرسي شغلت حاسبتي ودخلت الرام يلي اخذته من زوج المغدوره يلي يحتوي على تسجيل كاميرا
السياره مالتهه الجانت تروح وتجي بيهه للمصرف .. رجعت بيهه لقبل يوم الحادثه ب٢٤ ساعه وراقبت تحركاتهه والطرق والاماكن يلي
راحتلهن لحدما شفت سياره تكسي قديمه وحيل تعبانه وكفت كبالهه قاطعه طريقهه نزلوا منهه ثنين زلم ملثمين وهيه نزلت تحجي وياهم بخوف
وتاشر بتهديد مامبين الصوت بالتسجيل بس اكدر اعرف ان هل اشخاص مو اول مره تشوفهم وتحجي وياهم بقت تتناقش وياهم بعصبيه فتره
تالي طلعت سفطه فلوس من جنطتهه وركعتهم بوجوهم واشرتلهم يرحون من طريقهه .. عاد همه ماجذبوا خبر صعدوا بسيارتهم وابتعدوا عن الطريق
بس عافتهم وركبت السياره شاخطتهه وضاربه جامه التكسي .. قربت الشاشه على عيونهم وواحد منهم جانت عيونه مختلفه رفعت حاجبي بتعجب
وكلت هيج عيون حلوه مو حرام تنخلق بوجه واحد مثل هذا .. تنهدت وهزيت راسي بحيره ولهنا ونقطع التسجيل لمن دخلت للكراج وانحجبت علي
رؤيه المصرف .. صفنت وكلت بهيج وضع هيج دليل موجود بالسياره وبمسرح الجريمه شعجب ما اخذوه الشرطه او فريق البحث الجنائي وبقت
السياره عند زوجهه رخيت ضهري عل كرسي وانه افكر واسترجع كلامه لمن كلي عن اوقات خروجهه من البيت ودخولهه بالساعه الضبط شلون عرف بهل
اوقات وهوه ماجان موجود اصلا واغلب وقته يكضي بالدوام حسب كلامه يعني .. باوعت لجنان
وهيه مندمجه تشتغل عل حاسبه ورن النقال شفته احسان ورديت عليه بسرعه وكال ..
_الوو شموخ انه دخلت للدكتور ووريته العوادين وكتله يطلعي تقرير بيهن وهوه وافق بس قبلهه سالته اذا يكدر يعرف الدم ان جان نفس الزمره بالعودتين او تختلف
_اي وشكالك
_كال من بعيد اكدر اعرف ان الدم يلي بالعود الاول يختلف تماما عن العود الثاني بس كال لازم نتاكد بالتحليل
_يعني شكي بمكانه والدم مو للضحيه وبس وانما لشخص ثاني
_اي نعم
_زين لمن استلمت الملف هم ذكرلك الضابط ان صارت بالمكان قضيتين قتل او نفذوا جرحى بسبب هل سطو غير المغدوره
_لا ابد واكدلي ان خطه السطو والقتل تنفذت بساعه وحده وطلعوا اللصوص اولما قتلوا المغدوره
_تمام خلي يطلع التقرير ونشوف النتيجه شنو
_تمام يله محتاجه شي سيده شموخه
_لا تكدر تروح شكرا الك
_العفو واجبي ..
ضغطت عليه مثلما كالت وصارت الشاشه سوده ثواني تالي طلع بيهه رسم للتحميل ونفتحت الشاشه باوعتلهه وابتسمت بامتنان طبطبت على ضهرهه وكتلهه..
_كفوو يبت عميي لج كفوو بيضتي وجهي الله يبيض ايامج
_ااخ ولج على خسفه هل ضهر مالتج ماراح اشوف شي ابيض غير الكفن
_ههه لا اسم الله عليج عيوني انتي
_يله خلي ارجع للبيت لا احصلي رزاله من محمد كلي حدج ساعه وترجعين
_شبسرعه كلتيله ولج
_خليت احسان يتصل عليه ويكله ان اخذني سحل من البيت مالحكت اكله ومن بعد ليش وشكو وشعدهه وشسالفه والف مره وصاه علي ياله كله
_يبوو هاي بكل طلعه هيج يسوي احس غيرته اوفر
_اوو كلش
_الله يساعدج خيه
_افا مثل العسل على كلبي غيرته وداعتج
_ههه هنا الحجي طلعتي انتي مكيفه على هيج غيره جا ماينلام الزلمه هم حلوه وهم منطيته مجال يحرمهه باسم الغيره طبعا يتخبل
_هههه جا شسوي كلشي يهون لعيونه الخضرا وماريد اخلي يوافق على شي هوه ماراضي عنه اريد اكون ملكه تماما ويكون ملكي اغار عليه ويغار
علي احافظ عليه ويحافظ علي هيج متمسكين وماننطي مجال للهوى حتى من ان يمر بيناتنه
_ههه خبالات هاي مو حب
_شعدهه الشتعلت نارهه بسبب الغيره وماصارت تشوف دربهه مره
_ منو هاي انه
_لا ابد مو انتي غيرج الغارت من رحاب
_هههه يمعوده سدي الموضوع وين رجعتيني لو ماخذته رحاب احسله مني
_ اي وعلى اساس انتي لو ماخذته رحاب جان ضليتي ساكته مو جا مارحتي واعترفتي وهددتي مايحجي وياهه بعد وانتي عود بس شفتيهه كاعده بمكتبه
_هاي منو يسولفلج هل شغلات المالهه وجود
_انتي منو بعد الجني الازرك
_جا شكد بربوك انه صجيجه علي على كوله اهلنه
_هههه صدك وعلي بربوكه وراسج يابس تمشين بدفع صدرج وعايفه المسكين متولع بنارج
_هاي كاعد تمدحيني تذميني شنو الفيلم
_والله خيه احجيهه بوجهج انه ماستحي انتي صح بت عمي ورفيقه دربي وصديقه عمري
_ايي
_بس راهب خطيه ومرات من اشوفج معنده اكول شماله ضال عليهه ام راس يابس هاي اروح
_يعني تدرين بروحج مقصره وصرتي انانيه وياه وبعدج مستمره
_بنتي ياجنان اهم عندي من كل الناس لو يخيروني بين اهلي وبنتي صدكي هذاك الوكت هم راح اختارهه
_اووف منج اووف تعلين الكلب الله يعينه هذاك الزلمه شلون تحمل يحبج كل هل سنين
_مثلما تحملتي تبقين صديقتي ورفيقتي
_ههه هم صدك
_هههه خبله شلون تحجي علي كبالي
_جا خيه تعلين الكلب والحمزه ابو حزامين
_ادري بروحي بس شبيدي اعله روحي
_ااخ منك ياكلبهه ااخ
_ههه كافي انسي الموضوع لا تحركين دمج على شي فات ومات
_اويلي على حظك رهبان
_شمدريج نصيحله هيج
_غير مكالمات هوه وخطيبي نهار كله
_هاي شنو من يمته وشلون يعرفه اصلا
_اوو ماتدرين انتي
_شنو شصاير
_غير صار موقف وياهم هوه ومحمد وخوانج بيوم حنه اخوج
_بس هوه ماجان موجود راهب بحنه محمد اخوي
_ لا بلى جان موجود وهوه انه ماجنت ادري بالسالفه بس قبل فتره حجالي محمد عنه من سالته شعجب عنده تواصل ويه راهب وكلي .....
_بيوم حنه محمد ابن عمج من تعاركت ويه مرتضى وطلعت من البيت لحكني راهب وبقه يهدي بيه ويحجي وياي وحتى اصر علي ارجع للحنه
وماقبلت ساعتهه طلع محمد تعذرت منه ورحنه انه وراهب للكوفي كعدنه نسولف وحجيتله عن المشكله وسببهه بحسب ان هوه غريب واكدر
احجي على مرتضى كباله وهوه بالعكس حجه وياي ونصحني اذا رايد حلالي وتريدني اكمل وياهه واذا ماتريدني البنيه ماكو داعي ابقى وياهه لان
بقاءنه سويه ماراح يولد غير المشاكل وبوقتهه حجيتله انه كلام احسان عنج وانج مبينه ترديني بس عقلج مشوش هل فتره وهوه لا عاد شجعني
وكلي هاي هيه مدام البنيه تريدك تشجع وتقدم خطوه اتجاهه قبلما يكدر يلعب براسهه هذاك وياخذهه من ايدك ..
_لاا بيومهه بعدما طلعوا من الكوفي بقوا يتمشون وساعتهه طلعولهم ناس مسلحه وهاجموهم جان شاك ان مرتضى الدازهم عليه بس ماكدر يتاكد من
هل شي وبالتواسيل ياله راهب كدر يشيل فكره الانتقام من راس محمد واعتقد جذب عليه وكله ان شاف مرتضى راح للمستوصف يتعالج ماراح لغير مكان وان هذولي مجرد حراميه
_بس كون ماصار بيهم شي بيومهه
_لاا كال راهب وكف سد بيني وبينهم ووجه سلاحه عليهم وكلهم ان هوه ملازم جان كلهه تشرد
_ههه الحمدلله ماصار بيهم شي
_اي ياخيه من هذاك الوكت بعد على كولته شفته خوش زلمه واحنه نشري الزلم الحوك تصافحوا وصاروا صحبه يعني راهب لو يجي للبصره مايحتار
كلبي احترك بنار من مجرد كلام .. اندك الباب ودخل احسان دك تحيه وكمت بسرعه اباوعله بتساؤل انطاني فايل التحليل وهوه ساكت
وباوعتله بترقب .. اخذت الفايل فتحته وشفت النتيجه سالب رفعت راسي باوعت لاحسان وكتله بتساؤل..
_النتيجه سالب شنو يعني فعلا الدم ما متطابق
_ههه اي نعم سيدتي
_يسس جنت عارفه والله جنت عارفه ابوسه لراهب على هل تعليم والتدريب الحلو ابوسسسه ..
1 تعليق
بست الفايل وانه متحمسه بس تالي ادركت شحجيت وشسويت كدامهم وهمه يباوعولي مصدومين تحمحمت وعدلت وكفتي سويت روحي طبيعيه وكتله وانه اتوجه لمكتبي..
رفعت راسي باوعتله بخزره وهوه يحجي بجديه وجنان حابسه ضحكتهه كوه تحمحمت واشرتلهم عل باب منطيته رخصه يروح صفن بيه وتنهد بحيره طلعوا هوه وياهه من المكتب وانه كعدت عل كرسي وغميت كصتي على استهتاري وحماسي الزايد الضاهر فعلا القضيه أثرت علي شكول عليك
يامحقق ساهر شصار هسه لو انطيتني كل المعلومات الاحتاجهه بالملف الا تشلع كلبي وتخليني هيج ملهوفه عل حل ..
تافافت بضجر وبقيت اكلب بالفايل سحبت ملف القضيه وكتبت النقاط يلي استنتجتهن وسطرتهن وحده جوه الثانيه تذكرت الحاسبه وكمت بسرعه
كعدت عل قنفه ورحت على الملفات يلي بيهه والبرامج دخلتلهن وحده وره اللخ بس مابيهن شي باوعت لتطبيق حاسبه وتذكرت البرامج يلي جنت
وجربتهن وحده وره اللخ وحتى مواليدهه جربتهن هم مانفتح طبكت اديه وبقيت افتش بعقلي عن شي ممكن يكون هوه الرمز فتحت عيوني باوعت
للارقام وشفتهه مغيره رمز الملفات كل شهر رقم جديد وبالترتيب من الواحد للاربعه رفعت حاجب وطلعت من الضبط دخلت للتطبيق وجان
بي ٤ خانات للارقام كتبت رقم خمسه على عمر جنينهه وطلع غلط بقيت اجرب وياه ارقام الشهر كذلك ماكو بقيت الوب لمن طلعلي حاول مره اخره
بعد ٢٥ ثانيه خليت ايدي على عيوني ادلك بيهن واسترجع هذاك اليوم يلي صار السطو بي بس ماكو فايده فتحت عيوني باوعت بالرمز رغم اني متاكده
يحتوي على رقم ٥ حسب شهر حملهه الداخله بي بس جان وياه ٣ ارقام بعد لازم امليهه .. سحبت النقال اتصلت على احسان ورد علي بسرعه وكتله بتساؤل..
_اي بس ليش شلج بي
_محتاجته اريد اخذ رقم زوجهه للمغدوره
_عندي رقمه اخذته الصبح من المركز تلكي بالملاحظات على مكتبي
_صدك تمام لعد خلي اروح اجيبه
_تمام ..
سديت الاتصال وكمت بسرعه طلعت توجهت لمكتبه فتشت بالمجرات والكومدي مالكيت الدفتر اجيت مديت ايدي فوك المجر ولكيته ..
خافي عن العيون بس مايخفي عني اعرف سالفته هاي من الصغر لو عنده شي سري يضمه بالجهه العلويه من المجرات.. ضحكت على حركاته واخذت
الدفتر فتحته وتفاجأت لمن لكيت صوره النه واحنه صغار مخليهه باول الصفحه لازكه عكدت حواجبي باستغراب وتردد اخذهه بس تالي كلت
وشفت رقم كاتب فوكاه رجل المغدوره سحر .. طلعت نقالي كتبت الرقم واتصلت بقى يرن فتره رجعت الدفتر لمكانه ورجعت لمكتبي اخيرا رد وكتله ..
_الو السلام عليكم
_وعليكم السلام منو وياي
_انه المحققه شموخ يلي اجيتلك الصبح انه والضابط احسان
_اهلين ست شموخ تفضلي بشنو اكدر اساعدج
_بلا زحمه عليك اريد السجل الطبي للمغدوره يلي يخص حملهه
_اي بس بشنو راح يفيدكم
_الجهات المسؤؤله بالتشريح طالبين هل معلومات حتى تحسب عمر الجنين
ان سلام كالعاده رجعهه وياه من اجه من الجامعه زفرت براحه وحجيت وياهه شويه تطمنت على حالهم وسديت الاتصال .. تثاوبت بتعب وغمضت
عيوني وانه افر بروحي بالكرسي يمنى ويسرى اندمج بالهدوء والوحده والتعب وتكونلي اسم راهب من هل شعور فتحت عيوني بتعب ونزلتهن
عل كارتون يلي احتوى على شغلاته والجاكيت شي بداخلي دفعني وخلاني اسحبه واطلع الجاكيت منه .. اخذته لحضني بسته وخليته على
وجهي استنشق عطره واحس بدفو صدره رفعت راسي للسما وعيوني جمر بيهه الدمع شهكت مفرفحه روحي ونزلت دموعي المحبوسه لا اراديا..
ماكدر ياربي اشتاقيتله روحي حنت على صوته وطيفه يارب مرت بس اسبوعين و حسيتهن صارن سنتين علي شلون بيه وبكلبي ياربي شلون بحالي
البروحي وشنو التحتاجه .. يارب كون وياي وساعدني يارب لا تتركني بهاي الدنيا من دونك انه اضيع يارب ارحم ضعفي وقله حيلتي وكسر ضلعي
وتلاشى عزمي ربي صبرني على فركاه وخليني التهي بعبادتي الك ولحياتي ويه بنتي ربي اشغلني عن التفكير بي دخيلك قويني يارب انه ضعيفه
ومحتاجه حولك وقوتك ورحمتك تنتشلني من سجن هل حب الكاسر ياربب..
شهكت ونزلت راسي دافنه وجهي بالجاكيت متامله بحضنه كلهه دقايق هدات ونشفت دموعي عليه اخذت نفس عميق وبعدت الجاكيت سفطته
ورجعته للكارتون كمت خليت الطبله الصغيره كبال الكومدي واجيت اخذت الكارتون وصعدت عل طبله خليته فوك الكومدي وبعدته عن متناول
الايدي حتى لا ارجع انزله لو احاول اطلع الجاكيت منه .. صفنت بي وفززني من اندك الباب ودخل احسان باوعلي باستغراب وتحمحمت نازله عن الطبله دك تحيه وكال بتساؤل..
_هاي شتسوين فوك صاعده محتاجه شي من فوك تردين اساعدج
_لا لا بس عندي شغلات زايده خليتهن فوك الكومدي عن الهوسه
_هاا اوكي
_جبت السجل الطبي
_اي تفضلي ..
اجه تقدم اخذته منه فتحته وبقيت اكلب بي بدون واهس لحدما قريت تاريخ بدايه حملهه اتبعته لحدما وصلت لشهرهه الخامس وشفتهه كاتبه ٤ ارقام جانن عباره عن : ١٢.١١.٥ :
جربت اكتب ١٢١١٥ بس هيج يكونلي ٥ ارقام شلون سالفه هاي .. فكرت ان ممكن تكون حاذفه اول واحد من رقم ١١ لان مكرر عاد توكلت على
ربي وجربت اكتب ١٢١٥ .. باوعت بتوتر ودست زر الاوك والحمدلله انفتح ابتسمت برضى وفتحت التطبيق وجان عباره عن ملفات وفيديوات الهه
ولزملائهه بالاحتفالات والمناسبات وجداول ودفتر حسابات بشغلهه اليومي وهاي الامور يلي مافهم بيهن .. صفنت بالملفات يلي مافادتني باي شي
وتنهدت بحيره وحماسي ضل بلعومي .. رحت للاعدادات وشفت من ضمنهن حمايه برامجك والتقاط صور لكل من يحاول التجسس
على ملفاتك .. رفعت حواجبي بتعجب وامل ودخلت لكيت الخيار مفعل طلعتلي الصور كومات يلي ملتقطتهه الكاميرا لكل شخص حاول يفتح
البرنامج وكتب الرمز خطا .. فتحت عيوني بصدمه لمن لفت انتباهي صور هواي الي دخلت عليهه وجانت ماخذتهه الي الحاسبه لمن صرت افتح الرمز
غلط كلبت ببقيه الصور وطلعتلي اخر صور للضحيه وهيه بعيونهه الخوف وشخص مسلح وراهه نازع اللثام عن وجهه ومبين بالصوره كلبت
2 تعليق
اكثر وشفتهه عينهه عل كامره لمن ماخذه الصوره وهواي صور مشابهه لنفس وضعيتهه عرفت انهه جانت قصدا تكتب الرمز خطا حتى ينوخذ الهه
صوره هيه والمجرم .. ضربت الميز بحماس وكمت افتريت بالمكتب وانه بداخلي مشاعر متخربطه رغم فرحتي بيلي لكيته بس نظرات الخوف يلي
بعيون الضحيه اكلت كلبي قهر ياترى شنو من خوف شافته قبلما يزهق روحهه هل نذل .. بلعت غصتي وكل حماسي تبدل بقوه انتقام رجعت
كعدت قربت الشاشه على وجهه وهيئته لهل نذل وطبعتهه للصوره كمت سحبتهه من الطابعه
وكبستهه بالملف وكتبت جواه باللون الاحمر "المجرم الذي نفذ عمليه السطو وقتل الضحيه سحر وجنينها في مصرف ^^^^ . "
نهيت الجمله بنقطه عل سطر ورفعت راسي رجعت للحاسبه بقيت افتش واكلب بالملفات اخذت المفيد والبقيه تركتهن على حطتهن رحت عل ملفات
والبرامج المخفيه ولكيت فقط التلي موجود فتحته وشفت بي محادثه وحده بينهه وبين شخص دخلت على رقمه وجان زوجهه رغم هل
بيهه ومانصدمت من التهديدات والعرايك يلي بيناتهم وتحويل الارصده بمبالغ جبيره منهه اله طبعت كل محادثاتهم المهمه يلي راح تفيدني
وكبستهن بالملف بقيت اجيك وضع الملف ولحد الان كدرت اجمع ٣ خيوط للقضيه .. اندك الباب ورفعت راسي دخل احسان دك تحيه وكال..
_خلص الدوام ماناويه اليوم ترحين للبيت
_لا كايمه ماحسيت عل وقت جنت مندمجه بالقضيه
_وين وصلتي بيهه
_لحد الان كدرت اسحب ٣ احتمالات منهه
_كفوو والله على هل وضع منا ليومين احنه مسلمينهه
_انشاءالله
_شنو بقالج هسه
_تمام انشاءالله بعد على باجر اولما نجي للدوام نسجل حضورنه ونطير للطب العدلي
_انشاءالله
_يله راح انتظرج بره انه لبينما تطلعين
_لا تكدر تروح انه ماعندي شي بس الم جنطتي وملفاتي واطلع
_تمام ماشي ست شموخ ..
ابتسمت بوديه ودك تحيه وراح لميت الملفات خليتهن بالجنطه هنه والنقال ودفتر ملاحظاتي وكل الاشياء المهمه لان ماكدر ابقيهن هنا وامن عليهن ..
المهم اخذت سترتي لبستهه وانه عيني عل كومدي وشلون احس صار فارغ وبارد لمن طلعت جاكيت راهب منه .. صفنت للحظه بذكرياته ونفضته من
افكاري اخذت سلاحي وطلعت بعدما قفلت المكتب نزلت للاداره سلمت سلاحي مثل كل يوم وطلعت لكيت سلام واكف هوه واحسان يسولفون
سلامي خفيف وشفت نفسي بكراج بيتنه تحمحمت ونزلت من السياره وهوه خطيه جاب وراي شغلاتي سلمت على الكل وانه عيوني مطفيه
نهائيا عبالك سكرانه ودخلت غرفتي خله الملفات وطلع وانه ذبيت روحي عل جربايه بهلاك مغمضه عيوني فتره طويله وحسيت على شخص يغطيني
ونزعلي الكعب من رجلي بس هل مره غصبت روحي وفتحت عيوني اشوف منو لكيتهه امي ورجعت راسي عل مخده نايمه بدون وعي وادراك
صار يومين مانايمه غير ساعتين حسيت طاقتي تنزف مني مثل الدم الينزفه الجرح .. اووف يالجرح اووف ...
.
.
_في الوقت الحاضر_
:- بعدما سمعت صوت احسان وزهره يتعاركون طلعت وراهم على اثر سوالفهم زهمه يحجون ويتناقشون بسالفه شموخ وحبه الهه طليت عليهم من الشباك وهمه بالساحه وبقيت اتسمعلهم اريد اعرف تاليتهه ويه احسان
وحبه لشموخ راح يدمر حياته وزواجه بسبب هل حب يلي ضيع عمره ومستقبله عليه وشكله هذا يلي راح يصير لمن لفت انتباهي بجيهه بصوت
عالي وكلامهه واشوفهه تهسترت البنيه صارت تبجي وتحجي وايدهه تضرب على صدره بكل ماباقيه من قوه بيهه لزم اديهه ورفعت راسهه باوعتله وكالتله بتعب..
_طلكني احسان ماريد ابقى عندك بعد خلاص صار شهرين متزوجين طلعت الدنيا من عيني شلون تريد اعيش باقي عمري بداخل هل خوف والحب
يلي ماله مقابل شلون تريدني ابقى ويه شخص روحه وكلبه وباله يم وحده غيري طلكني ماريد اعيش وياك بعد طلكنييي...
سحبهه لحضنه بنص بجيهه وكلامهه وهوه ساد حلكهه بيده مانع صوتهه من ان يطلع بقت جامده
_والله طلكني ماريد بعد ابقى عندك خليني اروح بحال سبيلي وانت ابقى بقوقعتك المضلمه واشبع ضلام منهه
_زهره
_لو عندك شويه احترام الي خليني اروح احسان اعتقني وعوفني بحال سبيلي
_استغفرالله زهره تعوذي من الشيطان وفوتي لغرفتج نامي لا تخلين صوتنه يطلع والعالم يكعدون
_تمام راح افوت الم ملابسي واتصل على اخوي عادل يجي ياخذني لان مالي كعده عندك بعد
_استغفرالله لج زهررره ..
رادت تروح وعاط بيهه فزت من مكانهه وكملت خطواتهه بس سرعان ما اجه عليهه لازمهه من زندهه وايده الثانيه لزم بيهه شعرهه من فوك الحجاب وحجه من بين سنونه..
_كتلج لا تخلين صوتنه يطلع لا تخليني اتخبل عليج كتلج تعوذي من الشيطان وفوتي وصلت حدهه تره اذا ماتفوتين تنطمرين راح تشوفين شي مايعجبج مني
_مايهمني بعد شتريد تسوي سوي لان الليله رايحه لاهلي لا محاله
_زهرره
_عوف ايدي احسان كافي مو انته تريد تضل تحبهه مو تريد تخليهه بالك وجزء من حياتك وتفكيرك مو
انته تخطط وناوي ترجعلهه وتزوجهه لو صحتلك الفرصه بالمستقبل خلاص بعد شنو فايده وجودي بحياتك انه
_لجج لا تخبليني لا تخليني امد ايدي عليج كتلج ماحبهه بعد ماريدهه ماريد اتزوجهه
_اي لانهه مامنطيتك مجال ولو تنطق وتكلك انه اريدك متاكده تروحلهه ركض
_ماروح لج ماروح انه لو اريدهه جان بقيت منتظرهه لو عندي امل بيهه جان ماسمعت لكلامهه ولا خليته بالي ورحت تزوجتج لجج انه لاني وثقت
بيج وامنتج على اسراري كدرت اعترفلج واحجيلج عنهه لان ماردت شي يوكف بيناتنه ويفرقنه لان ماردتج تسمعين بالسالفه من غيري وينكسر كلبج
_وشنو ضلتك بالدوام وياهه وليش انتقلت وره اسبوع خطبتنه لدائرتهه لو ما عندك امل بيهه
_لا رد
_احجي احسان جاوبني لو ماعندك جواب ميخالف انه اكلك ليش لانك فكرت تتقرب منهه اكثر فكرت ان اذا رافقتهه وتعودت على وجودك كل يوم راح
تحبك فكرت لو رحت وداومت وياهه راح تمنع عنهه كل شخص يحاول يتقربلهه لو يحبهه وتحبه
فكرت لو رحت وداومت وياهه تكدر تجس نبضهه كل فتره وتعرف اذا بعدهه تحبه لرئيسهه لو نسته حتى تكدر تشتغل عل مضبوط مو صح
ونيتي اكون عائله وتصير عندي مره وجهال ينسوني همي وحبي الهه واعيش مرتاح ماتزوجت حتى ابدي مشاكل وره شهر
_انت سبب المشاكل وبيدك الحل وكدامك هسه بس خيارين يا اما تنتقل من دائره يلي بيهه بت خالتك يا اما تطلكني
_انتي كاعد تفهمين الحجي الكاعد اكوله لو عقلج قفل لو تتغابين
_هذا احترامك الي
_خبلتيني لان ماكاعد اعرف شتردين مني وشنو اليرضيج
_اريد تطلكني وبس
_لجج..
رفع ايده راد يضربهه وابتعد عنهه بقه لازم خواصره ويفتر بالساحه بغضب وهيه بقت تبجي التفت عليهه باوعلهه بحيره وجر حسره وتقدم
_تردين ترحين مني زهرتي تردين تعوفيني وحدي بهاي القوقعه المضلمه جا شلون تسمين البكلبج الي حب شلون تعوفيني بهل حال وترحين لو تحبيني
صدك لجج انه الحبيتج قبل لا تحبيني حتى انه يلي اسرتي كلبي بحنيتج ودلالج وجمالك
_جذاب انته ماتحبني تحب شموخ وبس ولو ما تحبهه جان مانتقلت وياهه
_وراس امي انتقلت وياهه حتى ادير بالي عليهه كصديق وابن عم الهه وحتى لحد يضحك عليهه لان ادري رغم هيه ذكيه وتفتهم بس الزلم
الحواليهه ثعالب ويعرفون شلون يسحبون المره للضلام لو ماجت بارادتهه
_بس هذا مو مبرر ليش كتلي حبهه بعده بكلبك
_اعترف احبهه بعدني بس احبج انتي همين وانه متاكد لو بقيتي وياي راح تخليني انساهه مثلما خليتيني احبج وماعيش بدون وجودج وياي
_بس
_من دون بس زهرتي انه محتاجج يمي محتاج حنيتج تنسيني تعبي محتاج حضنج يلملمني وياخذني من جرحي وكسره خاطري وتعبي والدنيا
كلهه انه اتيه لو عفتيني ورحتي انتي مرتي وانشاءالله ام جهالي وشمعه بيتي ماريد كلشي ينطفي بسبب مشاعري القديمه يلي عفا عليهه الزمن وصارت كلهه تراب
_ههه
_انه مستعد كلشي اسوي لخاطر هاي البسمه تبقى
_مستعد تنتقل لغير دائره
_الا هذا الشي ماكدر اسوي واتمنى تتفهميني وتخلين ثقتج بيه انه لمن قررت ابدي حياتي وياج ابد مافكرت ولا خططت ان بيوم اكدر اخذ واتزوج
غيرج انه من تقدمتلج جنت اخطط شلون راح نعيش حياتنه شلون راح ادللج انتي وجهالنه شلون راح اعيشكم واعيش بسلام وياكم شلون اصير
احسن زوج واب بالعالم جان تفكيري كله شلون اكدر ادلل مرتي وجهالي ومانقص عليهم شغله
_متاكد تحبني لو بس تريد تهديني حجيت هيج
_ثقي بالله لو ماحبيتج وتالفت وياج بايام خطوبتنه ولو فعلا مثلما كلتي و عندي امل ببنت خالتي جان ماتقربت عليج ولا ايدي لمست ايدج
_يعني شنو هسه
_خلي ثقتج بيه ولو تردين مستعد احلفلج بالقرآن الكريم اني راح احاول انساهه لشموخ واطلعهه من
حياتنه وان علاقتي بيهه راح تكون بحدود الصداقه ورابطه الدم يلي بيناتنه حتى تطمنين اكثر
_اي اريد تحلف لان الخوف البداخلي مو هين ولا بسيط حتى اكدر اهدي واطمنه بالثقه وبس
_حاضر وهسه صافي يا لبن
_احسان
_زهره حياته
_احبك انه
_وانه هم احبج يزهره افادي انتي ..
ابتسمت وحضنته وهوه يشد على حضنهه اكثر ابتعدت وشالهه بين اديه وهوه مندمجه انفاسهم ببوسه صلح داخلين للبيت خليت وطلعت من المطبخ بسرعه ..
عفتهم دخلوا لغرفتهم وفلتت لغرفتي وانه مبتسمه وكلبي طاير من فرحته ضحكت عليهم وعلى سوالفهم الملعون طلع حابهه وكبالنه يسوي روحه
سلطان سليمان لا يضحك ولا يسولف وياهه عوزه بس يكلهه يامره جيبيلي مي ههه .. اخذت نفس وزفرته براحه ولاول مره احس اصواتهم التطلع مو
مزعجه وعكس كل مره انزعج واستحي منهم تمددت عل جربايه وغفيت على صوت غزلهم وضحكاتهم التتخلخل باذني حمدت ربي وشكرته لان انحلت عقده اخوي وطلعت مرته بنت حلال وانشاءالله تنسي شموخ وحبهه وكسره خاطره منهه...
شكرا لزيارتكم عالم روايات سكيرهوم
