رواية اخترت نفسي الفصل الرابع
مسك احمد دراعها بغضب
احمد/ انتى هتحققى معايا يا بنت ال**** بقولك كنتى فين انطقى انتي والبنات دى
بصت له هاجر بصدمه لانه شتمها قدام ميار وهى واقفه متابعه الى بيحصل كانه فيلم وناقص بس الفشار
احمد/ ما تردى يا هاانم
الدم جمد فى عروقها ومقدرتش ترد بكلمه وبناتها ماسكين فيها من خوفهم من صوته العالى
وفجأة قاطعهم صوت والدة احمد وهى جايه عليهم
ام احمد/ فيه ايه يا احمد انت اتجننت بتزعق فى الشارع
احمد/ ما تسالى الهانم كانت فين ونزلت ازاى من غير ما تقول لجوزها ولا انا بقيت طرطور خلاص مليش لازمه
ام احمد/ اهدى بس يا ابنى مين قالك كده دى مستأذنه منى انا وابوك ورنت عليك وانت مردتش
هدى احمد شويه لما عرف انها استأذنت من ابوه
احمد/ وابويا رضى تنزل ..ومن غير ما يقولى
ام احمد/ ايوه رضى واما يجى ابقى اسأله بنفسك طالما انا بكدب عليك يا احمد
ساب احمد دراع هاجر ورجع ورا شويه
احمد / معلش يا ماما مش قصدى
ام احمد/ يلا ادخلوا جوه يلا فرجتوا علينا الناس يلااا
بص احمد لهاجر من فوق لتحت وراح مسك الحاجه من ايد ميار ومسك ايديها وطلع
كانت هاجر واقفه وهى لسه ماسكه بناتها وهى بتجز على سنانها من الغضب
جت والدة احمد وطبطبت على كتفها
ام احمد/ تعالى يا حبيبتي ادخلى يلا ...اطلعى على شقتك ارتاحى وخدى بناتك الجو ساقعه عليهم
بصتلها هاجر بوجع
هاجر/ اطلع على شقتى...انهى شقه دى يا ماما انهى بيت ده ...هو ده بيتى ..ده بيتى الى اتجوزت ابنك فيه ..هو فين اصلا هو فين جوزى الى اتجوزته شايفه ابنك بقى عامل ازاى ابنك الى كان بيخاف على بناته من الهوى واقف فى الشارع بيزعق لامهم قدامهم لا وكمان قدام ضرتها عشان يقولها شووفى شوفى بعمل فيها ايه
ام احمد/ يلا بس يا بنتى.. يلا انا مصدقت انه طلع هتزعقى انتى كمان يلا قبل ما عمك يجى
سابتها حماتها ودخلت وفضلت هى واقفه مكانها
نغم / مامى..مامى
هاجر / نعم يا حبيبتي
نغم / تعالى نروح لتيته ..بابى خلاص مبقاش يحبنا
هاجر / مين قالك كده يا حبيبتي
نغم / ايوه يا مامى هو بقى بيحب طنط ميار وشريف اكتر مننا
سكتت ميار وهى بتحبس دموعها
هاجر / لا يا حبيبتي بابا بيحبنا كلنا وبيحبكم انتم اكتر من اى حد هو بس زعلان شويه عشان احنا كنا هنبات عند تيته يلا نطلع ننام عشان المدرسه بكره يلا يا روحى
اخدت بناتها وطلعت شقتها وكالعاده ملقتوش فى الشقه واتاكدت انه طلع معاها شقتها
عند ميار
كان احمد قاعد على الكنبه وميار جمبه نايمه على كتفه
احمد/ الله يسامحها قفلت اليوم قفله زى الزفت
ميار/ متزعلش نفسك اعصابك يا حبيبي
احمد/ اعصاب ايه بس انا هيفضل فيا اعصاب بسببها وبسبب عمايلها
ميار/ بص هى من حقها انها تروح لوالدتها بس متطلعش وانت مش موجود لا وكمان متستأذنش المفروض تستأذن منك انت ويا تقولها اه يا تقولها لا
احمد / من اول ما اتجوزنا وهى كده خصوصا مع امها ومن وقت ما اشتغلت
ميار/ عشان انت عودتها على كده المفروض تعرف انك راجل وتخاف على اهل بيتك وليك كلمه وبعدين ايه شغلها ده كمان ما انت راجل اهو ومكفى بيتك وبتصرف عليها وعلى بناتها بيجبلها ايه غير انها رايحه جايه على السكك كده وترجع تقولك انت مبتلخدش بالك من البنات مش لما هى تقعد معاهم اصلا
بص احمد قدامه وهو بيفكر
احمد/ بس انا من قبل ما نتجوز وانا وعدتها انها لو عايزه تشتغل مش همنعها
قامت ميار من على كتفه وبصت له
ميار /ايوه ده عشان تكفوا البيت لكن شغلها ده مش جايب همه تلاقيها بتصرف نصه فى المواصلات ومقصره معاك ومقصره فى بيتها وعيالها ما انا عندك اهو مرضتش اشتغل عشان اتفرغ لجوزى ولبيتى
بصلها احمد وابتسم ومسك ايديها وباسها
احمد /انتى فى حته تانيه خالص حد زيك انت يا قمر
ضحكت ميار بمياعه
ميار/ بتموتنى بكلامك ده ما كفايه دلع بقى
احمد/ كفايه دلع ايه لو مدلعتكيش انتى ادلع مين
حضنته ميار وهى بتضحك بصوت عالى
فات الليل عليهم
احمد وميار كانوا مبسوطين سوى كانهم فى سهى عسلهم وميار قاعده حاطه ايديها على خدها ومش عارفه تاخد خطوه جد ولا تتأقلم مع الى بيحصل معاها الفتره دى
تانى يوم الصبح
كانت ام احمد قاعده فى الصاله بتفطر هى وابوه
ابو احمد/ امال الست هاجر منزلتش اساعدك فى الفطار ليه لسه نايمه
ام احمد / اسكت يا حج سيبها فى حالها يرضيك ابنك امبارح يمسكها ويزعقلها قدام البيت ويسمع الجيران وده كله عشان راحت عند امها شويه
ابو احمد/ احسن خليه يحكم بيته
ام احمد/ بس البت مستأذنه منك يا حج وابنك مردش عليها كان واجب عليك انت تكلمه وتقوله مراتك استأذنت منى احسن ما يزعلها كده
ابو احمد/ لا مرنش عليه هو يحكم بيته ويعلمها متخرجش من بيتها من غير استأذان حتى لو نازله شغلها الى ملوش لازمه ده
ام احمد/بس برضك من حقها تزور امها هى مكفرتش
ابو احمد/عندها ضرتها اهى مبتنزلش الا بإذن جوزها وتنزل تستأذن منى تانى ايه صغيره مش عارفه تعمل زيها
ام احمد/ بس انت عارف يا حج ان احمد الى بيودى ميار عند اهلها ومبيسبهاش تنزل لوحدها مهو برضك ده يزعل المفروض يعدل بينهم
ابو احمد/كان يعدل بينهم لما مراته تقعد فى البيت وتحترمه وتعرف انه راجل وبيصرف على بيته مش نازله تشتغل ويا الرجاله والتانيه اهى قاعده فى بيتها حوالين ابنها ولما ابنك مات فضلت قاعده فى بيت جوزها هى وابنها وقافله على نفسها وانا اشهدلها بكده فى فرق يا ام احمد
زعلت ام احمد لما جاب سيرة ابنها وقعدت تميح فى دموعها
ابو احمد/ انتى زعلتى..متزعليش ادعيله بالرحمه هو فى حته احسن وعندك حته منه ومن صلبه اهى تفكرنا بيه ده ابننا التانى
ام احمد / ربنا يرحمه ويحمى ابنه و يحفظه
ابو احمد / يلا بطلى كلام فى الموضوع ده وافطرى يلا ...
عند احمد وميار ♥️♥️♥️♥️♥️♥️♥️♥️
ميار/ صباح الخير يا حبيبي
قام احمد بجزعه على السرير وهو مبتسم
احمد/ صباح الورد يا قلبى
ميار/ يلا يا روحى جهزتلك الفطار
احمد/ ده ايه الدلع ده كله الى على الصبح
ميار/ وانا عندى مين غيرك ادلعه يا قلبى انت
احمد/ هاتى بوسه تعالى
قربت منه ميار وباسها من خدها وهى بتضحك
وباسته على خده
ميار/ يلا يا روحى قوم الاكل هيبرد عشان لو هتروح تغير هدومك
احمد/ يوووه يادى السيره الزفت
ميار/خلاص بقى يا روحى متحطش فى بالك طلاما احنا مع بعض
ابتسملها احمد وقام معاها
عند هاجر ♥️♥️♥️♥️♥️♥️♥️♥️♥️♥️♥️
كانت قاعده فى الصاله وبتشرب قهوه وهى سرحانه وبتفتكر زمان مع جوزها الى مبقاش موجود دلوقتى بقى حد تانى
فلاش باااك
احمد/هاااجر ....انتى يا بنتى مبترديش ليه
كان احمد راجع من الشغل وهى كانت نايمه على
السرير تعبانه مش قادره تتحرك دخلها الاوضه واستغرب انها نايمه
احمد/ايه ده فى ايه مالك يا حبيبتي
هاجر/ مفيش دوخت شويه ومقدرتش اتحرك
قرب منها احمد وحط ايده على راسها
احمد/ مالك يا حبيبتي سخنه ولا اخدتى برد
هاجر/ مش عارفه والله يا احمد بس الحمل تاعبنى اوى
احمد/ يا حبيبتي ما انا قولتلك اول 3 شهور كده لعند ما تتعودى متجهديش نفسك
هاجر/ 3 شهور..ياربى يغنى انا هفضل تعبانه كده
احمد/ اكيد لا يا حبيبتي مش علطول وبعدين ما انا جمبك اهو اتعبى انتى بس وانا اشيلك جوه عيونى من جوه كده
ضحكت هاجر وهى ماسكه ايده
هاجر /بس كده هنتقل عليك مش كفايه معدتش بعملك اكل
احمد/انا اعملك اكل انا يا روحى ولا طبخى وحش ..المهم البت دى حبيبة ابوها تيجى بالسلامه واشيلها هى وامها فى عيونى كده
هاجر /ربنا يخليك لينا يا حبيبي
احمد/ ويخليكى ليا يا اجمل حاجه فى حياتى
باس راسها وبعدين ايديها
هاجر/ عايزه اقولك حاجه
احمد / هاا يا روحي قولي
هاجر /عايزه اكمل فى الشغل
احمد/ برضه يا هاجر يا حبيبتي انتى تعبانه وانا بشتغل عشان مين مهو عشانك وعشان بنتنا
هاجر / مش قصدى دلوقتى يا احمد ..انت عارف انى بقعد لوحدى وانت فى الشغل وقليل لما بروح لماما و..
احمد/بس بس خلاص انا فاهمك يا حبيبتي بس انا قصدى عشان متتعبيش بس لو ده هيريحك وحباه هعملك كل الى نفسك فيه
هاجر / بجد يا احمد
احمد/ بجد يا قلب احمد وخلاص شويه وهجيب العربيه عشان اوصلك
حضنته وهى مبسوطه وهو ماسكها كانها اغلى حاجه فى حياته
باااك
ضحكت هاجر بمرارة مش عارفه دى مرارة الذكرى ولا مرارة القهوة الى عملتها ساده عشان تفوقها من الذكريات وتعيشها فى الواقع وان ده مش احمد نفسه
قطع تفكيرها صوت الباب واحمد بيدخل منه كان شكله كانه قايم من النوم لسه وشعره شبه منعكش وقميصه مفتوح من عند صدره فابتسمت بمراره وكملت شرب قهوه وبصت فى تليفونها وهى بتهرب بنظراتها
دخل احمد على الاوضه ومبصلهاش
بعد شويه خرج بعد ما اخد شاور وغير هدومه وكان بيبلبس فى ساعته وبعدين جه وقف قدامها
احمد/ طبعا موضوع امبارح لسه مخلصش وموضوع انك تخرجى من البيت من غير إذن ده معداش كده حتى لو استأذنتى من ابويا ده مش مبرر لان انا جوزك وبعد كده مفيش خروج الا بإذن حتى لشغلك ولو مش عاجبك سيبى ام الشغل ده خالص
وقفت هاجر تقليب فى التليفون وبصت فى الارض كأنها مش مصدومه ورجعت بثت فى التليفون تانى عشان تبينله انها مش مهتمه فاتعصب منها واخد التليفون
احمد/ هو انا مش بكلمك
مردتش هاجر واكانت ليه ماسكه الفنجان فى ايديها
رمى احمد التليفون جمبها بغضب ومشى
احمد/ انا ماشى من ام وشك ده خالص
ابتسمت هاجر بسخريه لانها هلاص بقت عارفه الشويتين الى بقى بيعملهم عشان يروح لميار
نزل احمد وفضلت هى فى البيت مقدرتش تروح الشغل ولا تعمل اى حاجه وفات اليوم وهى فى سكوت وهدوء تام كل ال. بتعمله انها بتفكر فى خطوه جديده متأذيهاش لا هى ولا بناتها
اما عند احمد فرجع من الشغل على والدته تحت اتغدى معاها وبعدين راح لميار ومفكرش حتى انه يشوف بناته او مراته ويسأل عليهم
اما هاجر كانت بتجهز سندوشات بناتها وشنطهم من بليل عشان المدرسه بس وقفت لما سمعت صوت اسيل
فراحت اوضتهم تبص عليهم
اسيل /م..امى
هاجر / ايه يا يا حبيبتى... مالك يا قلب ماما
اسيل/ زورى ...زورى واجعنى اوي
حطت هاجر ايديها على راس بنتها ولقيتها سخنه
هاجر/يالهويي مولعه نار
جريت هاجر على المطبخ وعملت كمادات مياه ورجعت الاوضه وقعدت تعملها كمادات على امل الحرارة تنزل
وبعد شويه من المحاوله
هاجر/ يا ربى الحرارة مش راضيه تنزل ..اعمل ايه ياربى
طلعت هاجر وراحت على شقة ميار وقعدت تخبط وهى خايفه وجسمها متلج بس محدش رد
هاجر/ ياربى مبيردوش ليييه
قعدت تدور جمب السلم على المفتاح الاحتياطى وتحت المشايه لعند ما لقيته اخدته وفتحت الباب
وندهت براحه خوفا من انهم يكونوا نايمين
هاجر / يا ربى ايه الى انا بعمله ده انا هنزل لحماتى احسن
لفت عشان تنزل بس سمعت صوت ميار جاى من اخر الشقه قعدت تبص على الاوض حواليها ومشيت على الصوت لعند ما وصلت لباب اوضتها وسمعتها هى واحمد معاها وهم بيضحكوا الدم جمد فى عروقها وهى بتسمعهم ومقدرتش تستحمل وفتحت الباب عليهم
واتصدمت صدمة عمرها لما شافتهم......
