رواية اخترت نفسي الفصل الخامس
وقفت هاجر وهى فاتحه بوقها من الصدمه من الى شايفاه احمد جوزها مع المفروض انها مرات اخوه او الى كانت مرات اخوه ودلوقتى بقت خلاص ضرتها
قام احمد بخضه وهو شايفها قدامه واقفه مصدومه وعنيها باينه من نور الاوضه الضعيف عنيها مدمعه
اخد الغطا عليه وهو مشاعره مضطربه مش قادر يحدد هو حاسس بإيه
اما هى كان قدام عنيها شريط حياتها معاه جوزها وقبله كان حبيبها الى وعدها انه هيفضل معاها ويحبها دلوقتى فى حضن واحده تانيه غيرها
اما ميار كانت مغطيه نفسها وهى بتبصلهم هم الاتنين ومش عارفه تتكلم
رجعت هاجر برجيلها وهى حاطه ايديها على قلبها من الوجع الى حاسه بيه وبتاخد فى نفسها بالعافيه
فضلت ترجع لعند ما وصلت لباب الشقه ووقعت على ركبتها وهى بتعيط
نغم / مااامى...مامىى
بصتلها هاجر من غير ما تتكلم
نغم بعياط / مامى اسيل بتعيط جامد وبتستفرغ على الارض
فاقت هاجر وافتكرت ايه سبب دخولها هنا
قامت بسرعه وهى ماسكه كتفها الشمال ودخلت على شقتها وشالت بنتها الى بتتألم وكانت لسه هتخرج بس قابلها احمد وهو بحاله تقرف وقميصه مفتوح وشعره منكوش بصتله هاجر وهى بتحاول تخفى قرفها منه
احمد / انتى واخده البنات دول ورايحه على فين
مسكها من دراعها وهو بيهزها
احمد/ ايه الى هببتيه جوه ده ...انطقى
ايه قلة الحياء الى بقيتى فيها دى ازاى تدخلى شقة واحده حتى من غير ما تستأذنى انطقىىى جبتى البجاحه دى منين
زقته هاجر بكتفها بكل قوتها وهى بتعيط وكانها فضلت ساكته لسنين وجه الوقت تنفجر وتخرج الى جواها
هاجر / ابعد عنيييي ...متلمسنيش ولا تيجى جمبى انا بكرهك وبقرف منك ..بقرف من شوفتك.. بقرف من قربك حتى من كلامك انا خلاااص...معدتش عايزه اعيش معاك ولا حتى اشوف وشك فاااهم
احمد بنرفزه/ بقولك ايه وطى صوتك ولا بتدارى على عملتك الى عملتيها فاكره ايه يعنى اول مره تعرفى ده...اول مره تعرفى ان هى كمان مراتى انتى مقفشتنيش بخونك انا كنت مع مراتى فى اوضة نومى
هاجر/ اوضة نومك...اوضة نومك ولا اوضة نوم اخوووك...
بصلها احمد بصدمه
هاجر/ ايه نسيته... نسيت ان دى شقة اخوك نسيت ان دى اوضة نومه وفرشته والى كانت معاك دى كانت مراته انا الى نسيت ولاااا انت
اتعصب احمد وضربها بكل غضبه على وشها
صرخت هاجر وهى بتحاول تمسك نفسها عشان متقعش هى وبنتها الى ماسكاها بكل قوتها الى مش موجوده
بصلها احمد بتحذير وهو رافع صابعه فى وشها/
اول واخر مره تقولى الكلام ده فاااهمه..وخصوصا قدام ميار
ضحكت هاجر بمرارة وهى بتحاول تتمالك نفسها عشان متعيطش وكانت هتتكلم بس وقفها صوت كحة بنتها المكتومه
فاقت واخدت بنتها ونزلت جرى على السلم
احمد/ رايحه فين استنييييي
اتعصب احمد ونزل وراها وهو بيقفل فى قميصه وهو بيشتم فيها
♥️♥️♥️♥️♥️♥️♥️♥️♥️♥️♥️♥️♥️
نزلت هاجر تحت عند البوابه واتفاجات بحماها وحماتها واقفين قدام البوابه مع ابنهم ابرهيم هو ومراته وبيسلموا عليهم هم وابنهم شكلهم لسه راجعين من السفر جريت هاجر وهى بتتخطى حماها وحماتها وراحت لابراهيم ولمراته ساره
ابراهيم/ ايه ده ميار هى كمان نزلت اهى شكل صوتنا كان عالى
هاجر وهى بتنهج بتعب وبصوت متقطع /
بسرعه بالله عليكم..عايزه اودى اسيل للدكتور
اتخضوا كلهم ما عدى حماها
ساره بخضه / بسم الله مالها يا هاجر فيه ايه
هاجر/ سخنه مولعه وعماله تكح ..وصلنى بس على العمومى الحق اى عياده فاتحه او مستشفى يا ابراهيم
ابراهيم بسرعه / اركبى اركبى انتى لسه واقفه خديها يا ساره منها
اخدت ساره اسيل منها بسرعه وراحت تحطها فى العربيه
اتنهدت هاجر بتعب وكانت لسه رايحه للعربيه بس وقفها صوت احمد /
رايحين فين استنوا
ابو احمد بغضب / امال انت كنت فين ومراتك نازله لوحدها بالبنت تعبانه وبليل
احمد بتبرير/ انا معرفش انها تعبانه هى اخدتها ونزلت من غير ما تقولى
بصت لهم هاجر بقرف ولفت وشها عنهم
ابو احمد/ استنى هنا..رايحه فين انتى متقوليش لجوزك ليه ان البنت تعبانه عشان يجبلها دكتور وتنزلى ازاى فى الليل كده من شقتك
بصت له هاجر بغضب / والله اسال ابن حضرتك هو كان فين وبيعمل ايه ومسمعنيش وانا بقوله ..يلا يا ابراهيم
ابو احمد/ استنى عندك هو عمها وابوها هيودوها للدكتور اطلعى انتى على بيتك
وقفت هاجر بكل قوتها فى وشه وهى مخزنه كتير من نحيته هو بالذات
هاجر / لاا..انا هروح مع بنتى وابوها يخليه هنا يكمل الى كان بيعمله انا مش هسيبها لا سيبتها زمان ولا هسيبها دلوقتى ..واتفضل انت كمان اكيد حضرتك عايز تنام وانا هطمن على بنتى واجبها واجى
راحت هاجر تركب فى العربيه وساره بتطبطب على كتفها
ساره/ وانا هروح معاها يا ابراهيم
ابراهيم / اكيد طبعا اركبى يا حبيبتي
ساره / ماما خلى معاكى ساجد على اما نيجى
ام احمد/ طبعا يا حبيبتي هاتيه
خبط ابو احمد ايده فى بعضها وهو متعصب /
شوفتى شوفتى الى بقينا فيه النسوان بقوا هم الى ينزلوا فى انصاص الليالى ومش معتبرين الرجاله موجوده
ام احمد / خلاص يا حج البت تعبانه وامها اولى تروح معاها الضنا غالى
ابو احمد/ تعبانه ايه بس تلاقيها بت مايعه بتتدلع شويه معملتلهاش كمادات ليه وقعدت فى بيتها لازم المشوره على السكك... وانت يا بيه مراتك سايقه كده وانت واقف زى الطرطور كده روح مع اخوك ومراتك
اتعصب احمد وراح يطلع عربيته عشان يروح وراهم
♥️♥️♥️♥️♥️♥️♥️♥️♥️♥️♥️♥️
فى عربية ابراهيم
كانت هاجر بتعيط وهى شايله بنتها وجمبها ساره سلفتها بتطبطب عليها ونغم راكبه جمب عمها قدام
ساره/ خلاص يا حبيبتي متعيطيش هيطلعوا شوية برد وهتبقى كويسه متقلقيش
ابراهيم / اهدى يا هاجر احنا هنروح المستشفى عشان نطمن اكتر عشان لو فيه حاجه وهتبقى كويسه اطمنى
بعد شويه تليفون ابراهيم رن وكان احمد ...مسك التليفون وبص لهم فى المرايه
ابراهيم / احمد بيرن ..اكيد عايز يعرف احنا هنروح فين
هاحر بسرعه / لا متقولش ..قوله هنشوفها ونيجى متخليهوش يجى
ساره / يا حبيبتي اهدى ده ابوها وتلاقيه عايز يطمن
هاجر / يطمن...يطمن على ايه خليه قاعد مع ميار عشان متقعدش لوحدها
ساره/ بلا ميار بلا زفت خليه يجى يشوف بنته
ابراهيم / انا هرد عليه واقوله ومتقلقوش شويه وهنوصل
♥️♥️♥️♥️♥️♥️♥️♥️♥️♥️♥️♥️♥️
احمد/ الوو.. انتم فين يا ابراهيم....مستشفى ايه...تمام انا جاى وراك
قفل احمد التليفون وخبط الدريكسيون بعصبيه وهو بيزعق/ بنت ال** والله لاوريكى حسابك تقل معايا
تليفونه رن وكانت ميار فرد عليها ولاقاها بتعيط
احمد / فيه ايه مالك بتعيطى ليه بس
ميار/ هيكون ليه عاجبك الى حصل ده.. انا عمرى ما كنت اتخيل انى اتحط فى الموقف ده
احمد/ اهدى ...والله ما هعديهالها على خير
ميار/ انت روحت فين وسيبتنى لوحدى
احمد/ رايح وراهم المستشفى اشوف البت
ميار/ والله تلاقيها بتكدب عليكم عشان تدارى على عملتها
احمد/ انا هشوف لسه .. ولو طلع صح ايامها سوده معايا اقفلى انتى على نفسك على اما اجى يلا سلام
ميار/ متتاخرش عليا مع السلامه
قفل احمد وزود السرعه عشان يلحقهم
♥️♥️♥️♥️♥️♥️♥️♥️♥️♥️♥️♥️♥️
فى المستشفى
كان ابراهيم شايل اسيل ودخل على الاستقبال
ابراهيم / لو سمحت عايزين دكتور اطفال
فى الدور الاول حضرتك ممكن اسم المريض
ساره/ ممكن بس يطلع هو عشان منتاخرش على البنت وانا هعمل كل الى انتى عايزاه
وافقت الموظفه و طلع ابراهيم وهاجر فوق وفضلت ساره ونغم مع موظفة الاستقبال
طلعوا الدور الاول وطلبوا دكتور بسرعه من الممرضات جت الممرضه اخدتها ودخلوا عند الدكتور عشان يكشف عليها
وفضل ابراهيم وهاجر مستنيين هيقول ايه وبعد ما الممرضة خلصت قياس الحرارة والضغط وعملولها تحاليل
نده الدكتور على هاجر وقعد يسالها عن الى حصل والاعراض الى شافتها والى عملتها وقتها وهى قعدت تحكيله وهى خايفه
الدكتور/ تمام..دى نزله معويه بسيطه سببها عدوى في الجهاز الهضمي
هاجر بقلق/ يعني هي محتاجة تتحجز يا دكتور؟
الدكتور / لا ابدا احنا بس هنسيبها تحت الملاحظة شوية، ونديها سوائل وأملاح، ودواء للترجيع لو محتاج، وخافض حرارة
جت ساره هى ونغم وسمعوا كلهم تنبيهات الدكتور وبعدها مشى
ابراهيم/ خلاص الحمدلله مفيش خطر عليها اطمنوا انا هروح اكلمهم فى البيت واشوف احمد جه ولا لسه
مشى ابراهيم وفضلت ساره وهاجر قاعدين قدام الاوضه
ساره/ الحمدلله يا حبيبتي هى كويسه
حطت هاجر ايديها على عنيها وقعدت تعيط
ساره / خلاص بقى يا هاجر احمدى ربنا مهو قال هتبقى كويسه
هاجر/ انا زعلانه عشان انا مأخدتش بالى منها وانشغلت عنها انا الى اتأخرت عليها انا نسيت انى مليش غيرهم ..هم الى دايمنلى محدش غيرهم
ساره/ ليه بس بتقولى كده واحنا روحنا فين استهدى بالله...ثم انا قولتلك يا هاجر وحذرتك من كل ده واناى مسمعتيش قولتلك ملكيش غير جوزك وعيالك ومتدخليش حد بينكم
هلاص بقى يا ساره بالله عليكى انا مش عايزه افتكر حاجه ولا عايزه افكر فيه ولا عايزه اعرفه تانى خلااص
فضلت تعيط وحضنتها ساره وبعد شويه دخل عليهم احمد وابراهيم واحمد كان متعصب وبيبصلها بغضب
احمد/ مبسوطه كده يا هانم عاجبك شكلنا كده
ابراهيم / اهدى يا احمد احنا فى مستشفى
احمد /لا مش ههدى انتى اواى تسيبينى واقف زى الكرطور كده فى الشارع واخدى البت وتمشى مش مالى غينك انا
ساره/ايه الى حصل بس يا احمد ما انت وابراهيم واحد ايه المشكله بس
احمد/المشكله انها مستعنتنيش حتى ولا قالتلى البنت عيانه اخدتها ونزلت ولا كانى موجود
فضلت هاجر قاعده بتتفرج عليه وهو متعصب وساره وابراهيم بيهدوا فيه وهو كل ما يشوفها ساكته وبتبصله بس يتغصب اكتر
احمد/ ما تردى انا بكلم نفسي يا هانم
وقفت هاجر قدامه وهى مربعه ايديها وبكل هدوء
هاجر/ طلقنى يا احمد
بصلها احمد بصدمه و.....
