رواية حب الصقر الفصل الخامس
وتذهب حب ناحية سيارة صقر، وتخبط على زجاج السيارة بعصبية.
حب: إنت شخص قليل الذوق ومش بتحترم الناس! مين اللي اداك الرخصة أصلًا؟! أكيد كان شارب استركس وهو بيطلعهالك! ما دام إنت مش بتعرف تسوق، ركبها ليه أصلًا؟! يا قليل الذوق!
من داخل السيارة، يفتح صقر زجاجها، وكان بجانبه يوسف وفي الخلف عمار.
عمار في سره: يلهوي يا أمي! يا حبيبتي! ياختي مكنش يومك... ده صقر هيعمل فيكي إيه!
ينظر صقر إلى حب بعينين حمراوين من الغضب.
صقر: إنتِ بتكلميني أنا كده؟
حب: أيوه بكلمك إنت، أومال بكلم أمي؟
صقر: لا، ده إنتِ مجنونة! إنتِ متعرفيش أنا مين ولا إيه يا بتاعة إنتِ؟
حب بعصبية: بتاعة في عينك! كنت مين إن شاء الله؟ مايكل جاكسون وأنا معرفش؟
ينفجر عمار من الضحك.
عمار: لا حلوة يا بنت والله، ضحكتيني! 😂😂
ينظر له صقر نظرة تجعله يصمت فورًا.
ثم يعود بنظره إلى حب.
صقر: إنتِ شكلك بنت قليلة الأدب، وأنا هربيكي من أول وجديد.
حب بعصبية: قليلة الأدب في عينك يا حيوان! أهو إنت اللي قليل الأدب!
تأتي نادين ولارين ويسحبان حب بعيدًا عنه.
نادين: امشي بقى يا حب! كفاية فضايح لحد كده، فضحتينا
حب: ده بني آدم قليل الأدب ومش همشي غير لما يعتذر مني الأول عن وقاحته دي!
ينظر صقر إليها ببرود وسخرية.
صقر: عايزاني أعتذر منك، صح؟
حب: أيوه! ومن قلبيك كمان
ابتسم صقر بسخرية.
صقر: تمام يا لولو. ابعدي بس شوية عن العربية عشان أعرف أنزل وأعتذر من قلبي.
تنظر إليه حب بشك، لكنها تبتعد عن السيارة.
ينظر يوسف وعمار إلى بعضهما بصدمة، فهما يعلمان جيدًا أن صقر من المستحيل أن يعتذر لأحد
وفجأة.
يضغط صقر على البنزين بقوة، فتندفع السيارة للأمام، وتدخل العجلات في الطين مرة أخرى، فتتلطخ ملابس حب بالطين بطريقة أبشع من المرة الأولى.
يرتدي صقر نظارته، وينظر إليها من خلف الزجاج، ثم يغمز لها.
صقر: اعتذرت أهو يا حلوة! ومتلعبيش مع حد أكبر منك، عشان مترجعيش تعيطي.
ثم ينطلق بالسيارة.
تقف حب في مكانها وهي في حالة صدمة.
حب: ...
لارين: حب؟
حب: أنا..
نادين: اهدي!
حب: أنا هقتله.
