رواية حق الرفض الفصل الخامس
سامح فضل واقف قدام دينا مش عارف يرد.
سامح أخيرا قال: إنتي بتساوميني؟
دينا هزت رأسها: لا.بطلب منك تسمعني.
سامح: امال انا قاعد. بعمل ايه غير أنا سامعك.
دينا: لأ يا سامح إنت سامع كلمة شغل ومش عاجباك.
سامح: علشان احنا مش محتاجين شغل.محتاجة فلوس؟
دينا: لأ محتاجه أحس إني لسه أنا.
سامح ضحك ضحكة قصيرة: إنتي بقيتي غريبة.طيب، اشتغلي.بس لو الشغل أثر على البيت أو البنت تسيبيه.
دينا اختفت ابتسامتها: ليه؟ ليه البيت الأول دايما معناه إني أنا اللي أتنازل؟
سامح: أنا قولت كده؟ هو مفيش حاجه عجباكي....
دينا: أيوا قولت لما حطيت شرط مش حاطه على نفسك.لو شغلك أثر على البيت هتسيبه؟
سامح: مستحيل. شغلي دا مسؤوليتي.
ملك: طب وشغلي؟
سامح: دا مسؤوليتك انتي انا مليش دعوه..
دينا: يبقى إحنا متفقين.إن الاتنين مسؤوليات.
سامح بص لها: ايوا بس إنتي أم.وعندك. مسؤليات تانيه ليها الاولويه...
دينا: بس أنت كمان أب.يعني لو بنتنا احتاجتنا إحنا الاتنين نتصرف.
جمال ابتسم لأول مرة: بصراحه بقى كلامها صح.
سامح بص له: إنت كمان يابابا
جمال: أنا مش بدخل بينكم.بس بقول رأي
لأني أبوك.
ملك ضحكت: واضح إن الجملة دي بتشتغل في كل المناسبات..
دينا ضحكت.والتوتر خف للحظات.لكن سامح ماكانش مقتنع.
سامح قال: خلاص. اشتغلي.بس متتوقعيش إني أساعدك ومتتوقعيش إني أغير مواعيدي.ومتتوقعيش إن البيت يتغير عشانك.
دينا سكتت وبعدين قالت:وانا مش، مستنيه ولا هطلب اى حاجه من دي بس ولا إنت كمان تتوقع إني أرجع زي الأول.
---
تاني يوم ملك كانت في شغلها لما لقت ريهام بتتصل بها.
ملك: ألو؟
ريهام: ملك إنتي فاضية؟ عايزاكي ضروري ممكن أقابلك؟ مش عايزة أتكلم في التليفون.
ملك: خير يارب تعالي هقابلك في الكافيه اللى جمب الشغل
بعد ساعة ريهام وصلت.كانت متوترة بشكل واضح.
ملك بصت لها: في إيه؟ مالك وشك مخطوف كدا ليه؟
ريهام قعدت: ماما عايزة تجوزني.المرة دي الموضوع جد.
ملك: عارفه بس لمين؟
ريهام: عرفش واحد كدا هي شافته مناسب.
ملك: طب وإنتي؟
ريهام: مش عايزاه. ومعنديش نفس شجاعتك علشان اقولها كدا
ملك: بس دي مش شجاعة.دا حق.ومحدش يقدر يسحب الحق دا منك...
ريهام: بس الحق دا ساعات بيحتاج شجاعة.أنا بصراحه بحب واحد تاني.
ملك: وأهلك يعرفوه؟
ريهام: ايوا أبويا يعرفه بس مش موافق بيقول مستواه أقل مننا.في الفلوس والمركز
ملك: طب هو بيشتغل وشغل ثابت ومضمون؟
ريهام: ايوا والله
ملك: طب المشكلة فين؟
ريهام: أهلي شايفين إن الجواز مش حب.شايفين إن الراجل لازم يبقى عنده أكتر مني.وأنا مش عايزة أكتر. أنا عايزة حد أحس معاه إني مش أقل أنا خايفة.لو رفضت يقولوا إني ضيعت فرصة.ولو وافقت أكون أنا اللي ضيعت نفسي.بس أنا مش عارفة أعمل إيه.
ملك: اعملي انك تختاري اللي تقدري تعيشي معاه.
ريهام: ولو أهلي زعلوا؟ولو قاطعوني؟ولو الناس اتكلمت؟
ملك: هلك هيزعلو ويقاطعوكي وهتتوجعي وهتتعبي من كلام الناس كمان أنا أقدر أنصحك لكن القرار قرارك
ريهام بصت لها: إنتي بتقوليلي كل ده بسهولة كدا ليه؟ كنت مستنية تقوليلي اتجوزيه.
ملك: بقوله بسهوله علشان مش انا اللى هدفع التمن.... ومستنبه اقولك تتحوزيه ليه؟
ريهام:عشان إنتي دايما أقوى مني.
ملك ابتسمت: أنا مش أقوى منك. أنا بس وصلت لمرحلة بطلت أخاف من زعل الناس أكتر من خوفي من زعلي لنفسي.
ريهام دمعت.: أنا نفسي أوصل للمرحلة دي.
ملك: هتوصلي.لما تبطلي تستني حد يسمح لك.
---
بالليل رجعت ملك البيت.لقيت ريهام قاعدة مع أمها.
عواطف أول ما شافتها قالت: كويس إنك جيتي.بنتي قالت كلام كبير.
ملك بصت لريهام: خير؟ كلام زي إيه؟
ريهام بصوت مرتعش: انا بس قولت لهم إني مش هتجوز.
عواطف اتعصبت: شايفة؟! هي كمان بقت زيك. إنتي اللي شجعتها.
ملك: بس أنا ما قولتلهاش حاجة.أنا سمعتها بس.
جمال كان داخل من بره وسمع آخر جملة: في إيه؟ صوتكم جايب لاخر الشارع ليه؟
عواطف قالت: بنتي رافضة العريس. وكل دا من تحت راس بنتك هي اللى كبرتها في دماغ بنتي...
جمال بص لريهام: ليه رفضتيه؟ في حد تاني؟
ريهام قالت: عشان مش عايزاه يا خالو وبصراحه ايوا في حد تاني..
عواطف قالت بسرعة: بس وهو أقل منها في كل حاجة. أقل في الفلوس والمركز.
جمال بص لريهام: وإنتي شايفاه إزاي بيحترمك؟بيشتغل؟وبيتحمل مسؤولية؟
ريهام: الله هو كويس وبيشتغل ومتحنل المسؤليه وبيحترمني يا خالو...
جمال سكت.
عواطف قالت: افهم ايه من سكوتم دا.... يعني إنت هتوافق؟
قال بهدوء: وانا مالي اوافق ولا لا هو انا اللي هيتجوزه.
عواطف اتفاجئت: بس دي بنتي وانا عارفه مصلحتها كويس...
جمال: وعشان هي بنتك اسأليها هي عايزة إيه.مش تفرضي عليها قرارك...
ملك بصت لأبوها.كانت أول مرة تسمعه يقول الجملة دي لشخص تاني.
لكن عواطف قالت: طب ولو اختارت غلط؟ولو ندمت؟ولو الناس قالت علينا إيه؟»
سكت لحظة.
جمال قال: لما تغلط هتتعلم ولما تندم هتلاقينا جمبها والناس مش هتعيش مكانها.
ملك ابتسمت.دينا اللي كانت واقفة بعيد بصت لملك.كل واحدة فيهم فهمت نفس الحاجة:الكلام سهل لما تكون المشكلة في بيت غير بيتك.لكن لما القرار يبقى متعلق ببنتك...بتكتشف إنك يا إما تؤمن بحقها في الاختيار فعلا...يا إما كل الكلام اللي كنت بتقوله عن الحرية كان مجرد كلام.
