رواية اسميتها جميلة الفصل الخامس بقلم جنات محمود
لقيتو رفع ورقه قدامى وكانت جواب اخدته وفتحته وقرئته.. وبعدين بصيت للورقه بصدمه كبيره عينى كانت مبرقه بصدمه ورفعت راسى لمصطفى وكانت نفس الصدمه مرسومه على وشه..
لقيت مكتوب فى الظرف كده بالنص..
أنا بعتذر جداً من طريقه تعاملى معاكى إنتِ زى أبنى بالظبط . بس ده أبنى الوحيد وده مستقبلو وأنا لو مش شايف أنك محتاجه الفلوس دى دلوقتى مكنتش عملت كده فى الاول وفى الاخر المحضر مش هيفيدك بحاجه بالعكس هتعملى محضر وهقوم محامى كبير وهيطلع ابنى منها وهتكونى أنتِ المتضرره أنا عملتلك الصح والمليون جنيه دى بدايه صغيره عشان تبدئى حياتك لوحدك بعيد عن باباكى وأنا عارف أن ليكى مستقبل ..سامحينى يا بنتى لو أتعاملت معاكى بقسوه أو حاجه بس الضنى غالى وعلشان أنا عارف أنو غالى أخترتلك الصح لو كنت عرفت باباكى بحوار الفلوس كان خدهم ورماكى برضو كده أحسن ليكى أتمنى تسامحينى وتبقى بخير ومستنيكى بقى تبقى دكتوره شطوره كده ووعد منى ليكى تشتغلى عندى فى المستشفى وتكونى فى طاقم الدكاتره اللى بيشتغلو معايا..
محمد بدران
وكاتب توقيعه فى الاخر..
بصراحه كلامو كلو صح الفلوس دى هتبقى بدايه جديده ليا هتحمينى من رميه الشارع والجوع أهيه هتسندنى أكيد أبدء حياه جديده وأعمل كل اللى أتحرمت منو بس هل هعرف أتعايش تانى لما اشوف يوسف؟ أبداً والله كل ما أشوف وشو أفتكر أمى وهى بتبصلى بزعل وحزن الحل الوحيد انى أتجاهل اللى حصل ده خالص ومفتكروش وأكمل حياتى منغير ما أرجع القاهره ومنغير أمى ولا حتى أبويا اللى ميستاهلش أنو يكون أب أصلاً
قفلت الرساله وبصيت لمصطفى انا..أنا هعمل ايه بالفلوس دى؟.
_أنتِ بتسألينى أنا.. وبعدين ضحك، يا بنتى انتِ معاكى مليون جنيه عارفه يعنى ايه؟ أنتِ متقعديش معانا هنا أصلاً فى العماره الخربانه دى.. ضحكت على كلامه وقولتله.. والله الخوف كلو منك تقتلنى وتاخد الفلوس ولا منشاف ولا متعرف ..
دى حقيقه خافى منى بقى..
قعدنا وفضلنا نخطط هنعمل ايه وظبطنا كل حاجه واتفقنا تانى يوم نتقابل ونروح نحط الفلوس فى البنك طبعاً اخدت مبلغ أشتريت هدوم حديده ورميت كل حاجه كانت فى بيت أبويا ونزلت دروس وبدئت أركز أكتر على دراستى منكرش أنى قدرت أتعايش مع موت ماما لا بالعكس كل يوم كانت بتوحشنى أكتر من الاول.. كل ما أفتح التليفون ألاقى أخباره ماليه النت هو وباباه مين غيره أكيد يوسف .. بلكت كل المواقع اللى بتنزل أخبار ليهم عشان بمعنى أصح مش قبلااهم...
خلصت ثانوى ومنتظره النتيجه .. فى يوم كنت نايمه لعند الساعه ٢ الضهر .. لقيت الباب بيخبط صحيت بالعافيه لقيت مصطفى قدامى..
أنتِ جبتى النتيجه.. جاوبتو ببرود .. لا هيا طلعت؟.
_المفروض.
_ طيب لما تجبها أبقى عرفنى وقفلت الباب فى وشو روحت أكمل نوم لقيتو خبط تانى رجعت وفتحت وأنا متضايقه ..
يوووه عا... "مبروك يا دكتور ساره.. كليه الطب هتنور بيكى".
الكلمه دى خرجت من مصطفى وأنا بزعقلو.. عقلى وقف من التفكير..حسيت أنى مش مصدقه اللى ببقولو أنا فعلاً عملتها ..
سألته بصدمه .. أحلف بالله كده ..
_والله العظيم انتِ نجحتى وجبتى 98% وهتبقى بأذن الله أحسن دكتوره..
عينى دمعت من الفرحه بجد مش مصدقه كرم ربنا عليا وأنو أستجاب دعواتى.. دخلت البيت وقفلت الباب فى وش مصطفى من الفرحه وأنا مش واخده بالى .. لفيت الباب بيخبط تانى فتحت لقيتو بيقول..
هعتبر أن اللى حصل من فرط الفرحه بس..
بدئنا تجهيز الورق للتقديم وبالفعل الحمد لله قدمنا فى الجامعه وكانت نفس الجامعه اللى مصطفى فيها بس هو كان فى أخر سنه..
عدى سنه ...سنتين...تلاته ...أربعه وخمسه و سادسه عددى 6 سنين وأنا عايشه فى أسكندريه مرجعتش القاهره خالص و..دلوقتى أنا فى أخر السنه أولى أمتياز خلاص يعنى السنه بتخلص أهيه
كنت قاعده بعد ما صليت مسكت التليفون شويه قابلنى خبر خلانى مصدومه ودموعى نزلت غصب عنى..
****
كنت نايم مرهق وتعبان طول الليل سهران فى المستشفى السنه دى الأخيره فى الأمتياز وخلاص هتعين فى مسشتفى والدى ..
كنت راجع تعبان جداً ولقيت مريم تعبانه وعندها أنهيار عصبى..
الدكتور النفسى شخصها كده أنهيار عصبى مع إكتئاب حاد كنت بحاول الفتره اللى فاتت دى أوفرلها جو نفسى حلو على قد ما أقدر لدرجه أنى حددت الجواز يكون الأسبوع اللى جاى عشان أبعدها عن باباها ومراتو لأنها خلاص بقت حالتها صعبه جداً بسببهم..
نمت شويه تعبان من المستشفى وتجهيزات الفرح وسهرى مع رحمه..
لقيت تليفونى بيرن.. وكانت رحمه رديت وانا شبه نايم..
لقيت صوتها باين عليه إنو معيط..
_يوسف..
_ مالك يا حبيبتى..
أنا.. أنا تعبانه أوى يا يوسف..
قُمت من على السرير بسرعه بخضه..
_ مالك ؟ إنتِ فين أنا جاى حالاً..
لا يا يوسف المرادى..مش هيبقى فيه مقابله بينا تانى..
قلبى وقف للحظه الدنيا كلها وقفت من حوليا.. رديت بصوت مهزوز...
قصدك إيه؟
يوسف أنتَ عارفه أنى كنت مكمله كل ده علشانك صح؟
_ أكيد يا حبيبتى وأنا كمان مكمل علشانك قوليلى بس أنتِ فين وأنا هجيلك وأحل كل حاجه زعلتك..
رحمه أحنا فرحنا خلاص بعد أربع أيام من دلوقتى عشان خاطرى أستحملى شويه بس..
ردت رحمه بطريقه أستغربها يوسف.. طريقه شخص مش متذن عقلياً خالص.. شخص قرر ياخد قرار غلط جداً قرار... هيخسره دنيا وأخرره..
يوسف ..أنا آسفه بس...بس أنا خلاص أخدت قرارى...
أنا مبقتش قادره أستحمل.. أنا بس رنيت أودعك وأقولك أنك أعلى شخص فى حياتى.. وعمرى..عمرى ما نسيتك ولا لحظه وأنتَ كمان مش تنسانى...
شكرا لزيارتكم عالم روايات سكيرهوم
