رواية اسميتها جميلة الفصل السادس 6 بقلم جنات محمود

 


رواية اسميتها جميلة الفصل السادس بقلم جنات محمود


يوسف ..أنا آسفه بس...بس أنا خلاص أخدت قرارى... 
أنا مبقتش قادره أستحمل.. أنا بس رنيت أودعك وأقولك أنك أغلى شخص فى حياتى.. وعُمرى..عُمرى ما نسيتك ولا لحظه وأنتَ كمان مش تنسانى...

أخدت مفتاح عربينى بسرعه مغيرتش الهدوم اللى كنت نايم بيها حتى.. خرجت بالتيشرت الأسود وبنطلون البيت..

جريت على العربيه شغلتها ومشيت وأنا مش عارف أروح فين..

صرخت بعصبيه وخوف.
أنتِ فين..أنطقى يا رحمه أنتِ فين..

_كنت واقفه على النيل ببص للمايه من فوق..خلاص خدت قرار هرمى نفسى دلوقتى.. مبقاش فيه حاجه تستاهل أعيش علشانها..

لكن يوسف كان ليه رأى تانى..

رحمه يا حبيبتى أياً كان القرار اللى خدتيه ده متعمليهوش..

بكت بنهيار لا...لا يا يوسف متقولش كده..أنا تعبت ..تعبت خلاص ومبقتش قادره أستحمل خالص.. تعبت يايوسف... أنا واقفه على النيل دلوقتى وهرمى نفسى..
سرعت السرعه أكتر يمكن ألحقها..
لا يا رحمه متعمليش كده.. ربك فين ودينك متخليش الشيطان يعميكى ويسيطر على فكرك.. 
أنتِ بتهربي من الوجع صح؟ فاكرة إن المية دي هتبلع التعب وتريحك؟ بس الحقيقة إنك مش عايزة تموتي، إنتِ بس عايزة التعب اللي جواكي هو اللي يموت، والطريقة دي مش هي الحل.. ده الهروب اللي ملوش رجعة.
​بصيلي بس.. إنتي واقفة دلوقتي على الحافة، خطوة واحدة وهتاخدي قرار مفيش بعده خطوة تانية، مفيش فرصة تقولي "أنا آسفة رجعوني"، مفيش "أنا ندمت". المية دي مش هتحضنك ولا هتهديكي، دي لحظة خوف ورعب وصدمة مش هتقدري تتراجعي عنها أول ما رجليكي تفارق الأرض.
​فاكرة إنك كده بتنهي المعاناة؟ إنتِ بس بتنقليها.. بتسيبي جرح مبيلمش في قلوب كل اللي بيحبوكي، هيفضلوا طول عمرهم بيسألوا نفسهم "ليه؟"، والذنب بياكل فيهم. والأهم من كل ده.. إنتي رايحة لربنا بأكبر ذنب ممكن تاخديه معاكِ، أمانة روحك اللي ائتمنك عليها ورميتيها!
​ربنا قال: {وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا}.. ربنا أرحم بيكي من الوجع ده كله، وأرحم بيكي من الدنيا والضغط اللي عليكي. هو حاسس بيكي وشايف تعبك، بس منتظر منك تروحي له وتدعيه، مش ترمي أمانته في النيل!
​اللحظة الصعبة دي هتعدي، والله هتعدي.. الدنيا مش دايماً ضلمة كده، تعالي امسكي إيدي وخدي نفس، انزلي من على السور ونتكلم.. أي مشكلة في الدنيا ليها حل، إلا الخطوة اللي إنتي ناوية تاخديها دي مالهاش أي رجعة. هاتي إيدك.. ويلا نرجع.
فى اللحظه دى كنت وصلت على النيل ولقيتها واقفه بنهيار بتبص للمايه ..

هاتى إيدك يا رحمه يلا تعالى..
بصت وراها لقتنى واقف على أول الشارع ..أقتنعت أكيد.. جريت عليا وهيا بتبكى لكن وهيا بتعدى الشارع وبتجرى عربيه سبقتها و...خبطتها..

كنت واقف فرحان إنها سمعت كلامى ورجعت عن قرارها أخيراً بس القدر كان ليه رأى تانى..
التليفون وقع من أيدى الأبتسامه أتمحت من على وشى.. 
الناس أتجمهت حواليها.. اللى بيزعق يطلب الأسعاف واللى بيبكى من المنظر وأنا واقف مصدوم.. أكيد متخبطتتش أكيد هيا لسه بتجرى عليا..
مستنيها تيجى لكن ده محصلش.. والواقع أن رحمه فعلاً عملت حادثه..
فقت من الصدمه جريت نحيتها لقيت دم كتير تحت راسها وفى كل الأرض.. قعدت قدامها بصدمه مسكت إيدها ضربت على وشها بخفه وكأنى بصحيها من النوم..

رحمه...رحمه.. يلا.. يلا يا حبيبتى قومى.. قومى يلا عشان نروح.. يلا.. مفيش وقت يلا نجهز للفرح بتاعنا... يلا يا حبيبتى أصحى.. الناس فضلت تشدها منى وأنا رافض أسيبها وعمال أقومها عشان ترجع معايا.. فضلت على الحاله دى لعند ما الاسعاف جه وأخدوها من قدامى بسرعه لكن قبل ما يطلعوها لى عربيه الاسعاف..قاسو النبض ملقوش... الدكتور بص لينا وقال..

الحاله متوفيه مفيش داعى للأسعافات..

جمله صغيره لكنها كانت كافيه إنها تنهى حياتى..
قريت عليها بسرعه ..

متوفيه ايه؟ أنتَ أكيد غبى ومش فاهم حاجه..رحمه كويسه أصلاً ومش تعبانه وهتصحى معايا دلوقتى نرجع البيت.. رحمه.. قربت منها أفوقها.. يلا يا رحمه فوقى.. فوقى يلا.. لكن كانت رحمه بالفعل ماتت...

عدى الوقت معرفش أزاى دلوقتى واقف قدام القبر بتاعها بعد ما الدفنه خلصت وكل الناس مشيت إلا أنا وبابا وماما وعبد الرحمن صاحبى وأقف معايا 
قرب منى بابا .. يوسف يلا.. يلا يا حبيبى عشان نرجع الناس مشيت بقالها ساعتين..مينفعش كده يا حبيبى لازم نروح..
مرديتش عليه لأنى مكنتش سامعه أصلاً ..مكنتش سامع غير صوتها..هيا وبس...

_ أنا بحبك يا يوسف.
_ يوسف أنا تعبت تعالى نتجوز ونخلص أنا مبقتش قادره أقعد معاهم..
_ يوسف أنا تعبت أوى..أوى بجد..

_ أنتَ الوحيد اللى مكمله علشانه...
_تعرف طول عمرى بقول إننا لبعض.. مننفعش غير لبعض..، رحمه ليوسف ويوسف لرحمه..

يوسف...يوسف.. لكن يوسف خانته قواه وفقد وعيه..

خدناه على المستشفى وبعدها بنص ساعه ممكن أو أكتر الدكتور خرج..

طمنى يا حازم.. بصراحه يا دكتور محمد مخبيش عليك 
يوسف دخل فى غيبوبه..
إيه يعنى إيه؟«هو اتعرض لـ "صدمة عصبية حادة" مع حاجة بنسميها "متلازمة القلب المنكسر".. من كتر الحزن والضغط، هرمونات الإجهاد والأدرينالين ضربت في جسمه مرة واحدة بنسبة عالية جدًا، عملت شبه شلل مؤقت في عضلة القلب، ونزل ضغطه للصفر تقريبًا، وده قلل الأكسجين اللي رايح للمخ فجأة.»

«الدماغ هنا عمل حركة دفاعية.. لما العقل الباطن حس إن الصدمة فوق طاقته للبقاء، ودخل في حالة هروب كامل من الواقع، فالمخ دخل نفسه في "غيبوبة نفسية وجسدية" عشان يحمي نفسه من الوجع. هو حاليًا مش حاسس باللي حواليه، حاطينه على المحاليل وأجهزة المتابعة، والـ 72 ساعة الجايين دول مهمين جدًا لحد ما هرمونات الصدمة تبدأ تقل والجسم يستوعب ويرجع للوعي بالتدريج.»

أدعوله ربنا يقومه بالسلامه عن إذنك يا دكتور..

طول عمرى بشوف حالات زى دى بس عمرى ما أتخيلت إن أبنى يكون واحد منهم..

*****

خبر عاجل خطيبه الدكتور يوسف محمد بدران 
أبن الدكتور الكبير محمد بدران صاحب مستشفى بدران أكبر مستشفى فى القاهره.. تعرضت الدكتورة رحمه خطيبه الدكتور يوسف لحادث أليم أدى إلى وفاتها فى الحال..وحسب بعض المواقع والأخبار ظهر بيان يوضح إنها كانت تحاول الأنتحار وذلك حسب كلام بعض الشهود المتواجدين على النيل إنها كانت تقف على حافه النيل وتنوى الأنتحار لكن بعد تدخل خطيبها الدكتور يوسف بدران تراجعت فى الحال وكادت تركض له فصدمتها سياره سريعه أنهت حياتها..

إمرءه شابه فى بدايه حياتها كادت تدخل حياه جديده بعد فتره كان زفافها هى والطبيب يوسف بدران بعد أربعه أيام من اليوم.. لكن للقدر رأى أخر..
وأصدرت أيضاً بعض الصفحات بدخول الطبيب يوسف بدران فى غيبوبه ممتدده لا يعلم احد لها نهايه بسبب حزنه على حبيبته ومن كانت ستكون زوجته .. نتمنى له الشفاء ولها الرحمه كانت معكم المزيعه.*** من برنامج***...

سمعت الخبر بكيت من الصدمه مش فاكره شكلها كويس بس أكيد فكراها كانت جنبو فى العربيه يوم ما خبطنى 

جه فى بالى إن ده ذنبى وزى ما حصل فيا حصل فيه زى ما خبطنى وحرمنى من إنى أشوف أمى ولو لأخر مره هو كمان عربيه خبطه خطيبتو وحرمتو إنو يشوفها تانى..
لكن أستغفرت ربى وقولت اللى جرالها ده قضاء وقدر ومينفعش أشمت فى حد ميت دلوقتى هيا ملهاش ذنب باللى حصل.. أما هو.. فربنا يتولاه. 
بكيت بجد بحزن الموقف فكرنى بالحادثه واللى حرالى وفكرنى بأمى.. 6 سنين مزرتهاش فى قبرها ولا مره..مش قادره أرجع البلد اللى جرحتنى دى تانى ...بس أمى..وحشتنى أوى.. فقررت هخلص السنه الأمتياز دى وهرجع تانى للقاهره...

** 3 ايام عدو ويوسف مازال فى الغيبوبه.. مفيش أى حركه أي إشاره تطمننا عليه....
*** 

كنت خارجه من البيت رايحه أقابل مصطفى فتحت التليفون قابلنى خبر..
تم أستيقاظ الطبيب يوسف بدران من غيبوبته بعد ثلاث أيام وهو رافض للأستيقاظ لكن مازال فى المشفى يتابع الأطباء حالته النفسيه والجسديه ومازال شفاءه لم يكتمل..
الخبر عادى بالنسبه ليا فاق أو مات ميفرقليش خالص ..

بعد مرور سنتين...

أيوا يا مصطفى قولتلك وصلت أهو لسه وأصله..

لا لا متخافش أنا.. هاروح الأول أزور أمى وليا صحبتى هنا عايشه فى التجمع فيه شقه لوحدها فى الشقه وزى ما قولتلك هقعد معها.. يعنى هيا مش شقه أوى يعنى ..
ساره.
طيب ما انتَ عارف شقق التجمع يعنى غاليه شويه وكبيره شويه..

_ على العموم إنتِ حره متبقيش ترجعى تقولى فلوسى خلصت.. خلص كلامو وهو بيقلدنى.
أنتَ بتتريق عليا؟! 
لا لا أنا مقدرش.. لسه هرد عليه لقيت حد مقابلنى خبط فيا.. وقع منى التليفون لسه همد إيدى أجيبه الشخص اللى خبط فيا سبقنى وإيدهولى وأعتذر ومشى.. 
شفت ضهرو لما العربيه وقفت بالسواق وفتحلو الباب وركب.. شاب طويل كده ولابس هودى أسود وبنطلون كمان أسود شكلو أجنبى كده مش حساه مصرى فضلت واقفه ببص لقيت السواق أخد الشنط بتاعتو حطها فى شنطه العربيه وركب بسرعه ومشى. كملت كلام بلا مبالاه مع مصطفى لكن لما العربيه بدئت تتحرك لمحت رقم نمره العربيه..وكان نفسو بصيت للعربيه بسرعه وكانت نفس العربيه اللى خبطتنى يوم الحادثه...


شكرا لزيارتكم عالم روايات سكيرهوم

تعليقات