رواية لا أمان لك الفصل السادس بقلم ورود الخالدي
امنية::::
يعني شنو تريدنا نضل واحد يجرح باللاخ ونتبادل كلام ماله داعي!!؟؟
اني كاعده قريب منه قبل ميرد..لزم ايدي حيل مثل النتل فاجأني:
شوفي واحد يجرح اللاخ نتبادل اهانات عسما نتمالخ..هذا عندي افضل مما تعاملني معامله عادية حالي حال هالناس وتتناسين شكو بينا!!افتهمتي!!
رجفت هالكد مجان قريب مني :
يعمر هد ايدي..شبيك تره احنه عد اهلك..وعيب اصلا لازم ايدي وجارني هالشكل بعدين ماكو شي بينا ..شنو الي بينا اصلا!!
ابتسم صفح وكلي:
لا يحلوة تعرفين شنو ابينا وعلى اساس الي ابينا راح تعامليني!!
هدني ..يعمر ..هدني تره اهلك واهلي باي لحظة ينتبهون!!..بعدين كلامك ممقبول عندي شكلا ومضمونا!!
ههه....ميهني لا اهلج ولا اهلي ..واذا متاخذين كلامي على انه كلام جد..هسه اشييلج واصعدج الغرفتي واعلمج شلون تسمعين كلامي عدل!!
تشيلني وتاخذني لغرفتك..هذا الحجي الي!!!؟؟
باوعت بعيونه اي والله بنص عيونه حتى اعرف رده معقوله يكولي اشيلج لغرفتي وما اهتم لاحد شمفكرني:
اي الج وكتلج ميهموني لا اهلج ولا اهلي!!
هيج اني سهله عندك وميهمك منظري كدام اهلك واهلي هيج اني مثل بت الشارع الي..تاخذها وتردها من يكطع عقلك
حجيت هالعبارات ودمعت عيني هو فترن عيونه بس بعده صوته نفسه :
لج انجبي..شنو بت شارع اني كايل بت شارع؟؟..ولو بت شارع مطولت وياج هالكد..بعدين لتدمعين اموتج اذا بجيتي لتستخدمين سلاح الدموع وياي لان فهمتيني وعرفتي كولش زين اني ما اتحمل دموعج..ديري بالج دمعه وحده تنزل من عيونج..فهمتي!!
شلت ايدي مسحت دمعتي وكتله:
لعد هدني!!
اهدج ..بس بعد متكوليلي!!فهمتك وع هالاساس راح اتصرف!!
بعدني مرادة سمعت صوت ماما يمكن حتجي للصاله فبسرعة كتله:
ماشي..ماشي ..فهمتك..هدني ماما جاية
هدني وكام صعد الدرج بسرعة فعلا ماما وخاله جني وكعدن يمنا اسمع خاله تكول الماما
والله ما ادري..بعد بس حتى لو نعرفهم ام امنيه هم لازم نسال عنهم..والاصول متزعل
اي..عادي سألو عليهم بيت اختي معروفين بمنطقتهم.
الله كريم..عود من نسأل عليهم نرجع الكم خبر!!
الله يقدم الخير ان شاء الله وسناري وردة وابن اختي هم دره ربي يجمعهم بالخير
الي فهمته من حجيهن انه خالتي تريد تخطب سناري ومكلفه ماما تحجي ويه خاله ام يعمر.. بقينا كاعدين نسولف بس عيني ع الدرج وافكر شلون يعني شيخلصها ويا شيريد مني هذا ..وشنو هالجرأة العنده حيل قهرني من كلي ميهمني احد واشيلج لغرفتي واعلمج ليش اني على كد ايده وهيج يحجي وياي..والله ما اريد..اي مشكلة ويا وكتله خلي اتعامل وياك عادي ليش مصر تضل المشاحنات بيناتنا ويتعمد يكبر..مواضيعنا الي ما الها معنى بعدين شنو يكولي تعرفين الي بيناتنا هو شنو الي بيناتنا اصلا ..حيخبلني هذا..مدري زعطوط مدري عنده فصام مدري مستهتر لدرجة بايع ومخلص وضارب الدنيا والناس جلاق..صار العصر ردنا نروح ..وهم خاله مصره اله هو يوصلنا..شيخلصها يربي شيخلصها وياه...وفعلا صعدنا بسيارته ماما كاعدة يمه واني ورفل كاعدين وره هو من النوع ميسولف من يسوق وماما عرفت طبعه من يوصلها هم متسولف وياه يبقى منتبه ع الطريق لو يدخن وفعلا بقى يدخن ويسوق بس هم ضوجني كلما اشيل عيني الكه عينه بعيني طلع موطريق ربع ساعة لا عبالك ربع سنه..وصلنا ماما نزلت وفتحت الباب نزلت رفوله اني ردت انزل خليت ايدي ع الكرسي حتى انزل حسيت ايده خفيفة ع اصابعي التفتت خزرته ابتسم وشال ايده..اوووف شكد سخيف عباله بهالتصرفات يوصل لشي وياي ميدري بيه كارهته كره المسلمين للاصنام
مر اسبوع ..خالتي وماما وبلسم قررن يرحن لبيت عيال نازك حتى يخطبن خطبة نسوان لان الظاهر خلال هالاسبوع سائلين عليهم ودازيلهم خبر وفعلا راحن خطبن واجني حيل فرحانات خو خالتي بعدلها شويه وتضل تركص من الفرحة عبالك ممصدكة بيت عيال نازك الحالتهم ممتازة قبلو ينطوهم مرة المهم..وره اسبوعين مشو عليهم مشيه مال زلم واخذو موافقة منهم والحمد لله خلال كل هالفترة مشفته ليعمر واصلا مقررة بعد ما اوصل لبيت اهله مهما كانت الاسباب خصوصا بعد تصرفاته الاخيرة الي تخوف ومتبشر بخير..والايام تمر تقريبا مر اكثر من شهر ع الخطبة واجه يوم العقد مال سناري ..ماما لعبت بيه طوبه تكولي..
ليش متقبلين ترحين ويانا البنيه انخطبت وما باركتيلها وانتن صديقات اليوم عقدها لازم ترحين ..
يوم عندي كومه خياط
شنو كومه خياط هو الشغل يخلص يعني اذا سألت عليج شكولها صديقتج ملتهيه بالخياط عنج..
لا يوم انتن روحن اني اخابرها واعتذر منها وان شاء الله بعرسها وبحنتها ابقه يمها من الصبح لليل
والله ما ادري شنو سرج وليش متقبلين ترحين دضلي مكابله البيت والمكينه ولج شوفي البنات شلون يطلعن ويمشن بالاعراس وبارزات نفسهن بهاللبس والشعر والمكياج..ودينخطبن وانتي يحظي..ما اروح وملتهيه وعندي شغل..خطية خياطة الاميرات عدج واني ما ادري
المهم ضلت تحجي وتلوم بيه وبالاخير اخذت رفل وراحت هي وخالتي وبلسم قبل العصر اجني بنات هم انطيتهن خياطهن واخذت فلوس منهن..وراحن وكعدت..اكمل خياط وبينما جنت لازمة بيدي نفنوف ..دا اشكل بيه خرز...ومخليه الهيدفون بأذني واسمع اغاني شيرين شلت راسي ..حسيت كلبي وكف من شفته واكف كبالي عزززة هذا شلون فات لبيتنا..وجماله عادي فات للصالة وواكف كبالي ..شمرت النفنوف وسحبت الهيدفون من اذني ووكفت كباله:
يعمر..انت..انت..
اني شنو هم راح تعيدين الاسطوانه مال شلون فتت وليش تدخل لبيتنا والبيوت الها حرمة ..مو.؟؟تره.هوبابكم مشكل بخيط واي احد ممكن يدخل!!!
شنو اي احد ممكن يدخل هذا الخيط مخليته للزبونات ولجهالهن لان بيتنا داخلي يضلن يدكن بالباب ومحد يسمعهن ويرحن ..يعني هذا مصدر رزقي شنو تريدني اقفل بابي وينكطع رزقي بسبب شخص مثلك ميعرف لاعيب ولاحرمة..ولا اصول..انت شلون تفوت عليه هالشكل وانت تعرف كولش زين اني وحدي مفكرت اني ممكن اكون دا اسبح لو دا ابدل لو ملابسه ملابس محتشمة متخلي ابالك هالاحتمالات..
ابتسم هاي الابتسامه الي داقتني دق:
ياريت افوت والكاج تبدلين بس وينه الحظ الي يجيب هالاحتمال وهالصدفة!!
صدوك انت متستحي ..شعندك جاي ..شنو السالفة الجاي بيها لبيتنا وفايت هالشكل بزودك
جاي اسألج ليش مجيتي ويه امج وخالتج ..جنت منتظر تجين واشوفج اليوم..ليش مجيتي؟؟ انتي الي خليتني اجي برجلي حتى اعرف اسباب عدم جيتج حتى بهيج يوم يخص سناري الي هي تقريبا صديقتج!!
لا والله..حضرتك متعرف ليش مجيت وياهم ..لا اشو تعرف كولش زين انه انت السبب الي خلاني ما اجي وخلاني متفشله كدام سناري واضطريت اخابرها وانطيها اعذار جذب حتى اقنعها ..
هههه اني السبب ليش اذا جيتي راح اكلج..اني معقوله هالكد خايفة مني لدرجه مقررة متوصلين لبيتنا بسببي؛؛
لا حباب مخايفة منك..بس..تصرفاتك الي ميقبلها العقل والمنطق هي الي مانعتني!!
دنك ورجع شال راسه وابتسم مرة لخ:
شبيها تصرفاتي يعني لان لزمت ايدج....قررتي متجين..يعني لنفرض انه اني لزمت مكان ثاني من جسمج..راح تجين بوكتها!! بله خلي اغير المكان بلكي تغيرين رأيج🤭🤭
مد ايده راد يلزم خدي..ادنيت ليوره:
ايدك..ايدك يعمر..احترم نفسك..لا عبالك اني ناسيه حجيك من كتلي هسه اشيلج لغرفتي واعلمج شلون تسمعيني..تره فاهمتك كولش زين اني مو وحده من صديقاتك..مفكر تشيلني لو تلزمني منين ميعجبك..اني مو بت شارع ولا وحده من الموزينات التعرفهن
لج انجبي هاي مرة ثانيه تعيديها..وكتلج اني محاسبج بت شارع اصلا لو حاسبج هالشكل جان من اول يوم شفتج بيه ..نمت وياج وبعدين شحوتج وانتهى موضوعج!!
من حجه هالشكل زمخت بي:
لك..اسكت..اسكت شلون تحجي وياي هالكلام السخيف...اسكت!!
كتلج لو..يعني مو قصدي عليج...بعدين هي هاي الحقيقة يعني كل رجال شكو عنده ويه بت الشوارع غير علاقة فراش ينام وياها ويشمر عليها٢٥ حمرة..ويشحوتها..
دمر اعصابي من يحجي بهالارتياح ما اتحمل اسمع هيج كلام سافل راسا دمعت من قهري..
اطلع منا..يعمر..اطلع لخاطر الله لك..انت متعرف شدتحجي ..متعرف احساسي شنو بكلامك المعفن!!
من شافني بجيت ادنه..يمي خفت منه هم ادنيت الى ان طخيت بالمكينه صار قريب مني ردت اوخر عن وجهه لزمني من زنودي وكلي:
مو كتلج لتبجين كدامي هسه اني جاي مناك لهنا حتى ابجيج واضوج عليج؟
ردت اوخر ايده لزمني اقوه كتله:
لعد شكو جاي شتريدمني يعمر شتريد لخاطر الله..شعندك وياي..اني بكل جهدي احاول ...ما اشوفك
بس اني جاي اشوفج؟؟
ليش؟؟
مو كتلج اريد اجيبج لدربي..صح بعدني ملاكي طريقة اجيبج بيها..وفكرت بهوايه طرق ولكيتهن ميفيدن اي اني صريح وياج هوايه فكرت كلت طريقة الفلوس متجيبها لان هاي شريفة..طريقة الكلام الحلو هم متعبر عليها لان هاي مومن النوع الي يتاثر بالكلام الحلو اصلا هي لسانها بي كي سي..طريقه اجذب عليها واسوي نفسي متاثر بيها ومغير نفسي ع مودها هم متفيد هاي ذكيه ولوتيه وراح تكشفني...بسرعة!!
من حجه هالشكل رغم اني خايفة ودموعي بعيوني بس من سطرهن كولهن كدامي متحملت بسرعة ضحكت ودفعته:
ههههه..من كل عقلك هيج مفكر!!
اي والله..كتلج دا افكر شلون اجيبج للدرب بس ملاكي طريقة
ههه..موصاحي والله بس يعني شنو اجيبج للدرب !!
بقه يباوع ع شفتي وكلي:
اوكفي..شو ضحكي مرة لخ..تدرين هاي اول مرة اشوف ضحكتج.واسمع صوتها..
انتبهت هاي شنو اني ليش ضحكت مو دموعي بعيوني راسا بدلت وصدرتله الوجه الجينكو وكتله
هاي ياضحكة ..كولي شنو معنى اجيبج للدرب؟؟
ضحكيلي بعد..مرة واكولج!!
احترم نفسك شنو ضحكيلي قابل اني ضاحكتلك ..هو حجيك يضحك..مو معناها ضاحكتلك!!
ماشي..اجيبج للدرب يعني اخليج تحبيني؟؟
احبك..اني احبك...تره زمن المعحزات خلص!!
وليش معجزة..تحبيني!!
اكيد.معجزة...بعدين ليش تريدني احبك.
هو سكت واني سكتت افكر بعدين كتله:
هاااا..هسه فهمت تريدني احبك..حتى اضعف وعادي مثل كل البنات الي يضعفهن الحب الجذابي..وبالاخير الشاب ينتصر ويوصل لغايته ويشمرها وراه وتضل تلطم على نفسها بسكته!!مو!!
لا مو هالثخن
لعد شلون!!
هيج مجرد اريدج تحبيني لا موبس تحبيني تموتين بحبي وبعدين اني اكولج ..اني مو مال حب يا بت الناس..واعوفج..
اي وشنو حتسفيد من هالفلم؟؟
شلون مراح استفيد اول شي راح اكسر خشمج اليابس وهاي مال انت موخوش ادمي..مراح تكدرين تعيديها كدامي..وذني عيونج الوكحات مراح يواجهني هالشكل!!
يعني مجرد ترضي غرورك ع ابو...اني متعصي عليه بنيه حتى الشريفه حبتني وكسرت خشمها ومتكدر تخلي عينها بعيني مو!!
اي بالضبط!!
هالكد مقهرتني صراحته وبرودة بعد ما اكدر اسكت كتله:
لك انت..تكسر خشمي ومفكر احبك...وتحقق اهدافك وترضي غرورك المعفن..من عمت عينك وعين عينك اذا مصدك نفسك ومفكر وحدة بأخلاقي راح يرتقي واحد مثلك لافكارها او يمر ابالها..اصلا..لو استغفر الله..استغفر الله من التشبيه لو اكعد الصبح ويجون يكولولي يعمر نزل عليه الوحي وصار نبي ..وبيده كتاب منزل هم ما افكر بيك لحظة..كرجل بحياتي..
من حجيت هالشكل شفت نظرة تخوف بعيونه وهالمرة صدوك خفت من رد فعله بس محبيت ابين خوفي حتى ميستغله لصالحة حتى من تقرب اكثر وحجه بوجهي:
ليش..ليش ولج شبيه اني وما ارقه لمستوى افكارج..
وخليت عيني بنص عينه ورديتله اهانته الاوليه بنفس طريقته:
تعرف شبيك..يعمر واني شخصيا ما احب انزل لمستوى اوضحلك بيه شلون وليش وشبيك؟؟؟!!!!
هالمره دست بكلبه دوسه معدلة..ومن عصبيته بسرعة جرني وكلي:
انتي الجبتيها...لنفسج!!
ردت احجي وادفعه مخلاني حضني حيل..واحس اصابعة
دخلت..بشعري وسمعته كال:
شلعتي لكلبي شلع بت الاوادم..
يع....م..
ضاعت كلماتي بحلكة..لان بقيه الحروف كلتهن مخنوكات بحلكة مكدرت افتح حلكي لان عصر شفتي بحلكة حيل يعني شنو هو ديبوسني هاي شنو هيه هيج البوسه اختنكت حيل ما اكدر اتنفس يمكن ٢٠او٣٠ثانيه هو عاصره لحلكي بحلكه فجأة وخر عني اخذت نفس ردت احجي كلي
بس..
عو.عوفني.
بس....سكتي لج..دمرتيني!!
سمعت صوت بوسته ع خدي وجوه اذني متت بدمي ومكتفة بهالبوسات السريعة عضني من خدي خفيف ومن حنجي هم ومن خدي الثاني وحتى من خشمي عضني بس مو حيل حاولت ادور وجهي حتى ما اخلي يعضني بعد وشلت ايدي ردت ادفع وجهة لزم ايدي وهم عض اصبعي خررب هذا شبي حياكلني شنو وبس حصلت فرصه احجي بيها كتله:
يعمر هدني حباب..هدني الله يخليك..هدني فدوة..فدوة هدني..
اهدج مو حتى ينهد لسانج هم مو!!
بسرعه بجيت:
هدني بعد ما احجي..بعد ما احجي..هدني فدوة..فدوة هدني
من شافني ابجي هدني اخذت نفس وكلت بيني وبين نفسي الحمد لله هدني ..وشفته راح كعد ع القنفه خله رجل ع رجل وطلع جكاره ورثها واخذ نفس..منها ..اني ..هالكد ممرعوبه كعدت بالكاع خليت راسي ع ركبتي وبجيت ..ملحكت افكر بسرعة سمعته:
كافي لتبجين..طبج مرض انتي جبتيها لنفسج
قهرني اكثر كمت وبعلو صوتي كتله..:
اطلع من بيتنا اطلع..ياحقير ياممتربي..ياسافل
فكرت راح يحس ع نفسه ويطلع..بس هو خله جكارته بحلكه وكام لزم ايدي ردت انتلها ضغط عليها حيل وكعدني بصفه ع القنفة
هد ايدي وولي منا..
سكتي..لج ادب سز ..
جكارته بعدها بحلكه بين شفايفه شال راسي وبابهامه مسح خدي وكال:
يله كافي لتبجين ..
لك ش..شنو..ما ابجي....انت..انته شنو معندك خوف من الله....انت..انت مو عندك اخوات..متخاف على عرضك من تاذي بنات الناس وتلعب بيهن..!!
اني ملاعب ابنات الناس ..ولا متقرب لعرض احد..الي لاعب وياهن موعرض احد ..ذني مباحات..لكل واحد ..يدفع على حجايتج يعني اني ملاعب ويه وحده شريفه حتى اخاف على عرضي::
واني شنو برأيك هم مو شريفه حتى تريد تلعب بيه!!
انجبي لج ..شنو العب بيج ..؟!!
والي سويته هسه شنو معناه لعب لو غير شي باي حق تبوس بيه وتحضن بيه وتعضعض بيه هالشكل!
اخذ نفس من الجكارة وكلي:
شسويلج انتي تستفزيني لا اكدر اضربج وارتاح ولا اكدر اجرحك لان ما اتحمل اجرحج واشوف عيونج يبجن تحجين تحجين. بدون متفكرين انه حجيج ياذيني معندي طريقه غير اعضعضج واريح كلبي بيج!!
تريح كلبك هالشكل ..ض هالطريقة تحسسك بانتصار وارضاء غرور زين اني الي تكول مااتحمل دموعج مفكرت بيه مفكرت شنو احساسي من يجي شخص غريب..لبيتي واني وحدي ويكعد بكل برود يبوس بيه ويحضن بيه!!
احجي ودمعتي على خدي هو دنك وكلي:
شو سويتها قصة..بعدين شنو احساسج ما احساسج هياتج مبيج شي ولسانج اطول من الاول
لا مو مبيه شي..اي حقك عندك كولشي سهل لان انتو هالشكل اي كولكم الشباب المنحلين هالشكل عدكم اسهل شي ..تبرزون عضلاتكم وقوتكم وطاقتكم الجسميه ع ابنيه ..تعاندكم وعلى حد تعبيرك تجيبوها للطريق اذا مو بالمروة فالبقوة والتقارب الجسدي..
اي تفلسفي ..تفلسفي!!
لا هاي مو فلسفة هاي حقيقتكم اهم شي عدكم توصلون للي تردوه والي هو ارضاء غروركم ع ابو اني رجال ماكو مني وماكو بنيه تعصيني..حتى لو شريفة احولها بكل طريقة طوع امري مو مهم اسلب كل شي حلو بيها المهم اوصل لغايتي !!
لج شمسويلج هنه بوسات سويتيها تسليب وسطو مسلح!
هنه بوسات يعمر..عندك مجرد بوسات وبس لان متعرف هنه ذني البوسات والحضنات هنه البداية الي تحسس اي بنيه انه براءتها راح تنسلب شويه شويه..يوم هذا يبوسها كوه ويوم ذاك..يغازلها ..ويوم اللاخ يواعدها..ويوم بعد يوم تتلاشى هالبراءه وتصير سهله لكل واحد..يصير بطريقها ..وبعدين تكولون عليها سهله ورخيصة ومباحة للجميع..تكدر تكولي شلون صارت مباحة اذا ما انتو نفسكم خربتو براءتها وعفتها وطهارتها..
مكدر يرد عليه هد ايدي..كمت كعدت بره بالكاع وعفته جوه ماكو دقايق واجه يمي..كعد ع كماميزة وكلي:
والله مجنت جاي لا ابوس ولا احضن بس انتي استفزيتيني..وهالحجي الحجيته مال البراءه وغيرها ابد موصحيح ولا عندي اي نيه اخرب بنيه ذهب مثلج لو امشيها بدرب موزين ..كل ما بالموضوع ردتج تحبيني وبس ردت اطلع هالكرة والحقد الي بكلبج تجاهي ..واذا تسالني ليش...والله ما ادري ليش انتي بالذات اريدج تحبيني..
شلت راسي كتله:
مراح احبك..يعمر..مادام عقليتك هالكدسطحية ووصولية ومعندك اي اعتبار للاصول والحرمة..ومشيك كوله غلط وحياتك كلها فساد..وعربدة..انسى بنية..مثلي تحبك..اترجاك روح..روح بعد لتجي وطلعني من راسك ومن بالك..وانت هم اطلع من حياتي كافي الي صار بينا لحد الان..حرام عليك..والله العظيم احس نفسي ميته واسولف وياك...كلبي معصور عصر بسبب تصرفك وياي..عوفني بحالي..
مرد عليه ..
كام وطلع من بيتنا بسكته حرف واحد مطلع منه
احبتي بعد ان ترجته بعينين ملؤها الدموع ماذا تتوقعون هل سينتهي الامر هكذا هل سيتركها في..حالها كما طلبت منه ام ان لاصراره ..على كسب ودها رأي آخر؟؟؟
شكرا لزيارتكم عالم روايات سكيرهوم
