رواية الذكر مشمش الفصل السابع بقلم منة خلف
عمر ...يعم مش هزعلها ...هزعلها ايه اكتر من اللي عملته...انا عايزها تحبني
شهد وهي بتحط رجل على رجل ...يؤسفني يا اخي ...اني اقولك ان فجر بتكره صنفكم كله
عمر ...بطلي إحباط يا بكيزة هانم
خالد ....المهم دلوقتي قبل أي حاجة ...اش عرفك إنك بتحبها
عمر ...بصراحة مش عارف ...بس لما بشوفها ...كان قلبي بيجري في سباق ....ببقا عايز اب ابوصلها كدا واحفظ ملامحها اللي زي السكر دي
شهد ...غض البصر بيبكي في الزاويا
عمر ...صدقيني غصب عني
شهد ...وهو دا مبرر ...بس هقول ايه لواحد بتاع بنات
عمر ...المشكلة مش عارف اكون بتاع بنات ...كأنها احتلت قلبي وافكاري...ومشاعري ...ينفع افتحلكم قلبي .....وتسمعوني من غير تريقة
***وفجأة قالت رشا ...سمعينك يا عين امك ...احكي يا واد
عمر ...مش عيب الحركات دي يا ماما....بتتصندي عليا
سماح ....خليك بس في المهم ...واحنا هنبقا جنبك ونساعدك
عمر ...طيب اسمعوني من غير تريقة
***كلهم في نفس واحد ....هاااا قول
عمر ....بحب انكشها اوي ...لأن شكلها بيبقا قمر هي ومتعصبة ....قلبي بيبقا مش طبيعي اول بس ما بيلمحها ....ببقا زي المراهق في تصرفاتي قدامها .....بتصرف بغباء اوي معاها ...بغير عليها من الهوا اللي بيطير خمارها القمر دا ...ببقا عايز اخدها اشيلها في جيبي كدا عشان محدش يشوفها
شهد ...اسمها اخبيها في قلبي ...خليك رومانسي شوية بقا
عمر ...هتسكتوا البت دي ...ولا اضربها بالصينية اللي قدامي دي
خالد ...عندي دي يا بوب
عمر ...المهم اني اول مرة احس بالحاجات دي ...انا منكرش عرفت بنات أشكال وألوان...لكن محدش خلاني اتوب غير قمر قلبي ...وبصراحة بقا انا هعترف....اني رفعت الراية وسلمت ..ودوبت والله
شهد ....معقول الكلام دا كله يطلع منك ...وتقول مش عارف بتحبها ولا لا ...دا انت غرقان يى ابني
عمر ....المهم انا زعلان اوي من نفسي اني قسيت عليها بالكلام ...حتى مبقتش اعرف اشوفها لأنها بطلت تطلع من البيت بقالها كام يوم
خالد ...استنى كدا ...هو انت كنت بتراقبها
عمر ...انا ...لا طبعًا يا ابني مش للدرجادي
رشا ...طول نا قال كدا يبقا كان بايت قدام بيتها ...دا ابني وانا عرفاه
سماح ...طلع مية من تحت تبن ...وقال عامل نفسه تقيل
عمر ....انا غلطان اني فتحتلكم قلبي
رشا ...عيب عليا يا ولا سرك في بير
شهد ...احم بير مخروم ....اعرف ان مصر كلها هتعرف يا حضر. الرائد
رشا ...فين الشبشب...لفهوني عايزة اربيها
خالد ...حقك عليى يا حماتي ...عندي انا دي
عمر ....افضل انت اعتذر عنها ...لحد ما تلبس في حيطة ...انت خاطب لسان طالع منه بني آدمة.. مش بني آدمة ليها لسان
رشا ....ربنا يسامحه الدكتور اللي ولدني...شدها من لسانها
سماح ...دي شهد دي سكر ...انتوا مش عارفين قيمتها
شهد ..وهي بتطلع لسانها .....ربنا يباركلي فيكي يا ماما
رشا ..بقت امك من يوم وليلة
خالد ...مش ام جوزها بقا
عمر ...لا دا انت عشمان جامد ..اهدى شوية بقا هاا ...اهدى
خالد ....احم ..طيب ركز معايا ...الست بتحب الراجل الحنين اللي بيهتم من غير ما هي تطلب ...وخلي بالك فجر من البنات اللي مبتجيش ولا بهدايا ولا بفلوس ...اللي بيهمها الاهتمام ...انم تحس بيها من غير ما تتكلم
عمر بخبث ..وانت اش عرفك ....شكلك خبرة ...ومطلعتش لوحدي
خالد ...لا يخويا انا مثقف وبحب القرأة.....وبحب اعرف معلومات عن المرأة....عشان لما اتجوز اعرف اتعامل مع مراتي
شهد ...واتا واثقة من أخلاقك يا خالد
عمر بتريقة ...وانا واثقة من أخلاقك يا خالد ....يختي حلوة ...ما تتلمي يا بت
خالد....وهي قالت حاجة غلط
عمر...هو انت المحامي بتاعها ...ولا ايه
خالد....طيب خليك ..انا غلطان ...روح بقا ...وخلي بالك فجر غير اي بنت انت عرفتها
شهد ...خلي بالك ...فجر دي الانتيم بتاعتييعني بتحب ايه وبتكره ايه ...دا لعبتي ...فاكسبنا في صفك احسن
عمر بنفاذ صبر ...طيب يا ست البروفيسور شهد ....انا اعمل ايه عشان تحبني
فجر ...بينلها انك بتحبها ...اهتم ...اعرف المناسبات المهمة ليها ....بينلها انك بتتغير عشانها ...وبالفعل مش بالكلام ...اوعى تكدب ....لأننا بنعرف ...ومتسألش ازاي
عمر ...بس انا كدا هبقا خيخة اوي يعني ...ازاي الرائد عمر ...يبقا مراهق كدا
خالد ...اللي بيحب مش بيفكر ...بيركن العقل على جنب ...ليه بقا لانه بيحب ...اللي بيحب مش بيهمه الناس ولا اي حد ...اهم حاجة حبيبه
عمر ...يعني أعمل ايه ...انا اول مرة اكون مش عارف افهم دماغ البنت ...او مش عارف اتصرف
خالد ...حاول تراضيها ...حاول تخليها هي اللي تختارك...لأن فجر مش من البنات اللي بتيجي بالغصب....وانت عارف انك متقدرش تغصبها اصلًا ...افهم ان البنات المحترمة ...صعب الوصول ليها ....وخاصة لو زي فجر
عمر ....عندك حق
*****وعدا اليوم على أبطالنا...بدون أحداث جديدة تذكر
****تاني يوم
شهد ......انا فجر وحشاني اوي ...وعايزة ازورها ....المشكلة انها مش بترد على مكلماتي
عمر ....البس هوديكي ليها ....عشان أنا قلبي مش مرتاح وحاسس بنغزة
****وفعلًا شهد لبست ونزلت مع عمر ...وعمر وصلها ومرديش يركب ...لانه عارف انه ممكن يضايقها اكتر
**عند فجر ...رن جرس الباب ..ومكنش حد موجود في البيت غيرها
فجر ....مين
شهد ...الحج اسماعيل
***فتحت فجر الباب بلهفة
فجر ...شوشو ...وحشاني اوي ...اوي بجد
شهد ....بذمتك انا وحشاكي ....دا انتِ حتى مكلفتيش نفسك تردي عليا
فجر ...سيبك من العتاب دلوقتي ....تعالى في حضن اخوك يا فواز
شهد بضحك...وحشتيني يا كتكوتي
***وهنا لولي فضلت تنو نو
فجر ...وجيبتي لولي معاكي كمان
شهد ...هي اللي شبطت فيا اول ما عرفت اني جياكي ...كانت وحشها مشمش باين
فجر وهي كاتمة دموعها .....مشمش ..مات يا شهد
شهد بصدمة....امتى دا ....وازاي
فجر ..جاتله حمة شديدة...ومات ...هو دا سبب اني مبردش ولا بكلم حد
***وهنا لولي....فضلت تعيط بنونوة
نو نو ...مات وهو زعلان مني ...دا حتى ملحقتش احكيله على عمر
***وفضلت شهد تواسيها على فراق مشمش
شهد ....طيب اقولك حاجة تفرحك
فجر ...يا ريت ..قولي
***وحكتلها شهد انها قرأت فتحتها على خالد
فجر ...بجد الف الف مبروك...كان نفسي اكون جنبك بجد ...بس غصب عني
شهد...تتعوض ان شاء الله...كدا كدا الخطوبة بعد شهرين ...وهنكتب الكتاب بالمرة
فجر ...احم ..ما هو ...انا مش هقدر احضر
شهد ...بتهزري ...دا كله عشان عمر ...لا انا ماليش دعوة ...دا أنا صحبتك الوحيدة
فجر ...لا مش عشان كدا
شهد ...امال عشان ايه
فجر ...احنا هنسافر
شهد بصدمة....ااااييييييي
فجر ...اهدي هفهمك
شهد... تفهميني ايه ...وهتروحي فين ان شاء الله..والكلية والشغل
فجر ....هنقل كل حاجة.....بابا اترقى من فرع اسكندرية ...للفرع اللي في القاهرة ...مش هنبعد اوي يعني
شهد .....هو انتِ بتهزري صح ...قولي انك بتهزري
فجر ...للأسف لا
شهد ...وانا
فجر ...غصب عني يا شهد ...وبعدين كدا احسن
شهد ....احسن انك هتبعدي ......طيب وانتِ كنتِ هتمشي من غير ما تسلمي عليا
فجر ....مقدرش طبعًا ...دا أنا كنت اموت
شهد ...انتِ كدا اللي بتموتيني ...انا عايزة اعرف انتِ بتهربي من ايه
فجر ...انا مش بهرب ...انا بشتري راحتي
شهد ...اممم راحتك ...وانتِ هتمشي امتى ان شاء الله
فجر ..احم بعد شهر
شهد ...يعني كمان هتسيبيني في اهم يوم في عمري
فجر ...غصب عني صدقيني
شهد ...وايه اللي يمنعك انك تيجي ...حتى لو مسافرة ...انتِ مش هتبعدي اوي يعني...على قولك ولا ايه
فجر ...مش عايزة اشوف عمر....ولا حتى احتك بيه
شهد ....ليه دا كله ....دا حتى هو باين عليه بيحبك
فجر .....اخوكي مغرور ...هو مش بيحبني ...اخوكي عايز يمتلكني ...دا كله عشان أنا مش عطياه فرصة
شهد ...متظلمهوش وتحكمي عليه ..وعلى قلبه
فجر ....دا اللي ظاهرلي من تصرفاته ....اخوكي لو ضمن وجودي ...هيتخلى عني في اول محطة
شهد ....على العموم لو انتِ محضرتيش خطوبتي ...هتبقي ولا صحبتي ولا اعرفك
فجر ..انتِ ليه مش فهماني
شهد ....انا الوحيدة اللي فهماكي ...وعن إذنك بقا ...اصل عمر اللي انتِ بتكرهيه دا ...هو اللي جايبني عشان قلقان عليكِ ....ومرديش يطلع معايا ...عشان بس متديقيش ....سلام يا صديقة عمري
***نزلت شهد وهي كاتمة دموعها بالعافية ...ولولي بتملس على ايديها تواسيها
عمر.....مال وشك مقلوب كدا ليه
شهد ...مفيش ...يلا نروح
عمر ...فهميني ...فجر مالها ...في حاجة ولا ايه
شهد ....فجر هتسافر ....هتسافر وتسيبني يا عمر
عمر بصدمة ....مستحيل اتخلى عنها ...او اسيبها تمشي ....مش بعد ما قلبي لقي مكانه ....هتوه تاني
شهد ...وانت في ايدك ايه تعمله
عمر ...هعمل كتير اوي عشانها ....هي تستاهل اني اتعب عشانها ....وزي ما كنت السبب انها عايزة تمشي ....انا برضو هبقى السبب انها تفضل
شهد...اللي مزعلني ان كل ما كان عمو يبقا عايز يسافر ....كانت ترفض وتخليه ميسفرش ولا حتى ينقلها ....لكن دلوقتي هي موافقة انها تمشي
عمر بحزن ...دا كله بسببي
******ووووووو....
شكرا لزيارتكم عالم روايات سكيرهوم
