رواية الذكر مشمش الفصل الثامن بقلم منة خلف
***عدا اليوم على أبطالنا...بدون أحداث جديدة تذكر
...تاني يوم.....نزلت فجر الشغل ...عشان تصالح شهد وكدا
ميساء ....اممم ...يعني نزلتي الصيدلية ...ايه كنتِ بتطلعي علينا ولا ايه
**ورغم ان شهد زعلانة ...ولكنها مقدرتش متدافعش على فجر
شهد....يا ريت تخلي مناخيرك في وشك ومتدخليش
لاروز ...انتِ مش شايفاها شكلها تعبان ازاي ما تراعي شوية
ميساء ...بطلوا سهوكة ...يعني هي اللي عليها ضغوطات ...واحنا عليها مكسرات
نهى ....عيب كدا يا ميساء ....اهدي شوية ...واللي غايب اكيد كان عذره معاه
***فجر مكنش عندها طاقة تتكلم ..ولكن لما شافت شهد بتبوصلها كدا
شهد بهمس ...اوعي تضعفي يا بت ...اديها فوق دماغها
فجر ...هنا فرحت ...واخيرًا شهد بتتكلم معاها ...وبصت كدا لميساء
فجر...بصي بقا يا ميموس.....انا كنت ناوية متكلمش خالص ...ولا احتك بيكي ....ولكن شكلك لو محشرتيش مناخيرك في حياة الناس ...تموتي ...فاهدي كدا ليطقلك عرق
ميساء ...ماشي يا عم الفيلسوفة......يلا ياختي انتِ وهي النهاردة هنسيب الشيفت للست الفيلسوفة فجر ...والمحامية بتاعتها
فجر ...مع السلامة والقلب داعي عليكِ .....اقصد اعيلك يعني ...متفهمنيش صح
***وهنا ميساء ...كانت بتشيط حرفيًا وشها قلب طماطم
نهى ...ربنا معاكم يا بنات
لاروز ....نشوفكم بالليل يا سكاكر
*****************************************
***بعد ما مشيوا
شهد ....بس برافوا عليكِ ...عملتي كرامتها أسفلت....بس بصي مش معنى كدا اننا اتصالحنا ..اه متستغليش الظروف
فجر بضحك ....قلبك ابيض يا شوشو
شهد ...لا لا مش هضعف
فجر بتبصلها ببراءة.....يعني هتفضلي زعلانة مني
شهد ...متبصليش كدا ....يووووه خلاص سامحتك بس بشرط
فجر ...عيوني
شهد ....تيجي خطوبتي
***بان على فجر انها مش موافقة
شهد ..متقلبيش وشك كدا ...ازاي قلبك جايبك انك تسيبيني في يوم زي دا
فجر ...ما انتِ عارفة انه غصب عني
شهد ...مهما كان ...دا انتِ اختي يا فجر
فجر ...عشان خاطرك هحاول
شهد ...لا هتيجي وانا مش باخد رأيك
فجر بضحك ...طيب حاضر هاجي
شهد بفرحة ...ايوا كدا اضحكي ...وحشتني ضحكتك يا مزتي
***ووسط كلامهم بقا وكدا ...ايوا ايوا اللي في دماغكم ...جه عمر وخالد
خالد وهو ساند عمر ....هاتوا حاجة نفوقه بسرعة
فجر بخضة ....ماله حصله ايه
خالد...مرة واحدة طب ساكت كدا
شهد بشك....والله...امممم..
***فغمزت لفجر ...هاتيلي حقنة كدا
....ففط عمر ...لا حقن ايه انا بقيت فل
خالد ...احنا بس كنا عايزين حاجة مسكرة
عمر ....كدا انت بتغلط يسطا حاجة حلوة ومصنع الحلويات نفسه هنا
***وقال ايه الواد شقي ...وغمز لفجر ...حركات مراهقين بصحيح....احنا عندنا مرارة واحدة ...فيلا نكمل قبل ما تنفجر****
فجر بصتله من فوق لتحت ...دا استهبال بقا ....على فكرة دا محل اكل عيش ...ممكن اعرف ايه اللي جابكم
خالد ...انا جاي لشوف خطيبتي عشان وحشاني
عمر ....وانا جاي محرم
شهد ...طيب يلا بقا عشان منطردش بسببكم
عمر ...شايف خطيبتك اهي ..بتطردك
خالد....يا وجع قلبي وجراحه
شهد ...مس وقت صعبنيات ...هو انتوا ايه موركمش حاجة
عمر ...ورانا ...بس جينا نطمن عليكم ونروح نكمل شغلنا
شهد ....اظن اطمنتوا ...يلا سلام والقلب دعيلكم
خالد....اختك طلعت معندهاش مشاعر...هو دا وراثة ولا ايه
***فجر ضحكت
عمر ....طيب ما انتِ. بتعرفي تضحكي اهو ...امال ليه الوش الخشب اللي مصدرهولي على طول دا
***فجر بصتله من فوق لتحت ومردتش عليه
خالد ...يا كسفتك يا بوب
عمر ...من الواضح اننا بنتهان هنا
خالد ...اممم ..وكمان غير مرحب بينا
عمر ...يبقا نمشي بكرمتنا احسن
***خالد بهمس ...الكرامة بتبكي في الزاويا يا صاحبي
عمر ...طيب قدامي ..مش هتبقى انت وهما عليا
************************************************
***بعد ما مشيوا
شهد بخبث .....الولا عمر دا صعبان عليا بجد .
فجر ...اممم ...ميصعبش عليكِ غالي يا اختي
شهد ...طيب ما تجربي ...انتِ هتخسري حاجة ..الواد طالب القرب يا جميل
***وغمزتلها
فجر ...مش عارفة انتِ واخوكي عندكم مرض في عنيكم ولا ايه ..كل كلمة معاها غمزة
شهد بضحك....دي جينات اش فهمك انتِ ....وبعدين أنا أول مرة أشوف عمر بيتصرف زي العيل الصغير كدا ....الواد واقع من الدور السابع...جربي تديله فرصة
فجر ....اجرب في ايه بالظبط ....في قلبي ....هو فار تجارب .....دا قلبي ...ومشاعري....انا مش بحب اغامر في حاجة انا مش عارفة اذا كانت صادقة وهتنجح....ولا هي تعب وفرهدة على الفاضي ...ولما اجي اغامر واضحي ...اكيد مش هضحي بقلبي
شهد ...ايه الكلام الكبير دا ....ليه محسساني اني عمر نسونجي
فجر بضحك ...ما هو فعلًا كدا ...انتِ ناسية انك كنتِ بتحكيلي عن كل مصايبه ولا ايه ...ملفات حضرة الرائد كلها معايا
شهد ...بس بس ...دا لو عرف اني كنت بحكيلك...وانك عندك تروما منه بسببي ...هيعملني مقشة
فجر ...وهو يعني أنا هروح اقوله يا شهد
شهد ...بس على فكرة بقا انتِ ظالمة الولا ...دا مسح كل أرقام البنات عشانك ....لا وكمان صورهم ...وانتِ قلبك حجر
فجر ...لا والله....كمية التضحية فعلًا
شهد بضحك ...صدقيني عمر اتغير عشان نفسه ...وكمان عشانك ....الواد قلبه وقع فعلًا المرادي بجد
فجر ....ايه الدليل ...قوليلي ...هو بس عشان الممنوع ديمًا مرغوب ...عشان بس يرضي كبريائه
شهد ...لو فعلًا زي ما بتقولي ...مكنش فضل مخبي انه بيحبك...مكنش عاند نفسه ...مكنش اعترف لما خلاص مقدرش يخبي....مكنش طلب يتجوزك وتبقي ام لعياله
فجر ...لسة يا شهد مش عارفة اطمن....سيبيني اتأكد انا بنفسي ...الحب لوحده ميبنيش بيت ...الحب دا سقف ...محتاج امان ...وثقة ...وتفاهم ..وصراحة ...عشان يبقا بيت
شهد ..عندك حق ...انا مش هضغط عليكِ....عشان زي ما هو اخويا ...انتِ صديقة عمري...واختي اللي امي مجبتهاش
فجر بإبتسامة.....انا متأكدة من دا
*********************************************
***نروح عند سماح....وهي بتكلم رشا في الفون
سماح ...يعني الولا عمر تاب
رشا ...اه الولا البنت اكلت بعقله حلاوة ....دا بقا الليل كله يحفظ شعر ...عشان هي بتحبه
سماح ....اهي هي دي اللي هتعلمه الأدب
رشا ...عندك حق انا فرحانة فيه ...بتعلمه الأدب...تصدقي انه غير رقم فونه ...عشان ميرجعش يكلم اي بنت ...وعملهم كلهم بلوك
سماح ...لا انا عايزة اتعرف عليها البنت دي
رشا ....مسيرك تعرفيها ....اللي مزعلني انها عرفت تربيه ...وانا أمه معرفتش احكم عليه
سماح ...القلب ما يهوى يختي ...ما بنتك مربية خالد ابني....بنات الزمن دول مش ساهلين
رشا ....فين ايام الحج ...من بصة بس بنخاف ونعيط
سماح ...يختي الزمان اختلف ...والبنات دلوقتي متعلمة ...والتكنولوجيا والانترنت خلوهم عندهم وعي .....ميتخافش عليهم
رشا ...بس انا فرحانة في الولا عمر....لا وكمان بطل سهر ...وابتدأ يبقا ملتزم ...يعني فرحانة فيه وفرحانة ليه في نفس الوقت
سماح ..ربنا يجعلها من نصيبه وتكون الأولى والأخيرة
***************************************************
****وعدت الايام....وكل يوم عمر يتلزق ..ويتلكك ...مرة عايز برشام صداع ....مرة بيسأل على شهد ....مرة رجليه اتلوت ...مرة صابعه الصغير شكه دبوس ....اهو اي بتنجان وخلاص
***والنهارده ذكرى ميلاد فجر
عمر ...يعني ازاي صحبتها ومتعرفيش اجبلها ايه
شهد ...بص انا اتاخرت على الشغل ...عايزة أروح بدري عشان الحق ارجع اجهز واروح عيد ميلادها ...فالنهاية اليوم مليان فمتصدعنيش
عمر ...انتِ بتتنكي عليا يا بتاعة انتِ ...يا بت دا انتِ هتطلقي من تاني يوم يا بتاعت الاندومي انتِ
شهد ...عشان خاطر قرة عيني ....هتعلم اطبخ
عمر ...قرة عينك هيطفش من بوزك ...دا انتِ عاملة زي الفيل ابو زلومة
شهد ...ليه يخويا فكرني هعامله زي ما بعاملك ولا ايه ....دا انت غلبان
عمر ...غوري يا بت مش عايز منك حاجة جتك داهية
شهد ...احسن اوعى كدا
***فضل عمر يفكر يجبلها اي يجبلها اي ...عايز يجيب حاجة تفضل ذكرى كل ما تشوفها تفتكره....وفي نفس الوقت تاخدها معاها بيتهم الجديد.....لأن خلاص فاضل يومين وتمشي
عمر ....بس لقيتها
شكرا لزيارتكم عالم روايات سكيرهوم
