رواية حب الصقر الفصل السابع
في اليوم التالي
ذهب صقر إلى الجامعة بكل هيبته، وطول قامته ووسامته اللي كانت بتخطف أنظار البنات، وغروره اللي كان واضح في خطواته.
اتجه نحو مكتب خالد، وسط همهمات الطلبة والموظفين عن الدكتور الجديد وقد إيه هو وسيم
قام خالد من مكانه بترحاب.
خالد: أهلًا أهلًا يا صقر باشا! نورت مكانك والله يا باشا، اتفضل اتفضل اقعد.
صقر: شكرًا يا دكتور خالد. إمتى المحاضرة بتاعتي؟
خالد بابتسامة: ميعادك مظبوط يا صقر باشا، المحاضرة دلوقتي حالًا.
ابتسم صقر واتجه نحو المدرج
عند البنات.
كانت حب ونادين ولارين بيتكلموا عن الدكتور أحمد اللي مشي بسبب ظروف خاصة، وإن دكتور جديد هيدرس لهم مادة المحاسبة.
لارين: لم نشوف مين الدكتور الجديد ده اللي الكل بيتكلم عن حلاوته! يا رب يطلع حلو وواقع في دبديبي.
ضحكت حب ونادين عليها.
نادين: مش هتبطلي تصرفاتك دي؟
حب: أبدًا! عمرها ما بتفكر غير في الرجالة وبس، مخها باظ من الأفلام. 😂
وفجأة.
دخل الدكتور الجديد إلى المدرج
ساد الصمت، وكل الطلبة التزموا أماكنهم
أما حب، فكانت مش واخدة بالها من الدكتور أصلًا، وكانت منشغلة بالموبايل
نظر صقر إليها من بعيد، وقال بصوت حازم
صقر: اتفضلوا كل واحد في مكانه، هنتعرف على بعض دلوقتي
رفعت حب رأسها، وفجأة اتسعت عيناها.
حب بصوت منخفض أحييه الصوت ده مش غريب عليا.
لسه نادين هتتكلم، قاطعها صقر
صقر: إنتِ يا أستاذة، اللي ماسكة الموبايل ومفيش احترام للدكتور اللي دخل خالص
بصت حب حواليها، ثم أشارت لنفسها.
حب: قصدك أنا؟
صقر: أيوه، إنتِ. اتفضلي قومي من مكانك
وقفت حب وهي بتبص له بعصبية
صقر: اتفضلي عرفيني اسمك إيه؟
حب بارتباك: حب.
ابتسم صقر بسخرية.
صقر: حب؟ حبك برص!هو في حد يقول اسمه كده؟
انفجر كل اللي في المدرج بالضحك عليها
نظرت حب للأرض من شدة الإحراج، بينما أكمل صقر ببرود
صقر: سكوت. اتفضلي قولي اسمك كامل يا بشمهندسة
نظرت له حب بعصبية وكانت على وشك البكاء من كسفتها وسط زملائها
حب: حب محمد حسام يا دكتور
صقر: تمام يا حب. اتفضلي، وتاني مرة ركزي مع الدكتور أول ما يدخل، عشان دي اسمها قلة ذوق
حب بغيظ: تمام يا دكتور.
صقر: عرفوني بنفسكم يا شباب.
وبدأت المحاضرة، لكن طول الوقت كانت نظرات حب وصقر لبعض مليانة تحدي وغيظ
نروح لمكان جديد
قصر الجارحي
كان فريد يجلس في مكتبه، ويتحدث بعصبية وشر.
فريد: لازم يموت! لازم! مش هيكوش على كل حاجة!
