رواية قمر اسود الفصل السابع
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
برقت حنان وقالت
ازاي يعني وانتي قدام مني اهو ولسة عايشة
هند
ومين قال اني عايشة
حنان اترعبت وقامت وقفت لكنها وقعت وبصت حنان لرجلها لقتها بتتحرق و رجل هند بترجع لطبيعتها صرخت حنان وهي شايفة جسمها كله بيتحرق من جوة وكأن النار قايدة في جسمها وقصاد منها هند بتخف وبترجع تقف علي رجليها وبتبص لها بشر مخيف وقربت هند من حنان وايدها بتتحول لايد حيوان وحوافرها بدات تتغرز في رقبتها المحروقة والوجع كان لا يحتمل و هنا تسمع حنان صوت انثي ما قدرتش في الاول تحدد دة صوت مين من كمية الوجع اللي كانت حاسة بي لكنها سمعتها بتقول وبمتتهي الحدة
الكل خضع قدام مني بقوة السحر الناري للبرج الناري انا المرض والعلاج انا السحر والهلاك انا اللي بايدي بداية الشر ونهاية العذاب ابعد عنها
يا قمر اسود يا ملك جن الكواكب والمجرات واخضع زي اللي قبل منك ما خضعوا وكون ليا خادم اكون بيك رحيمة اخضع
وفضلت تكرر اخضع اكتر من مرة وبعدها سمعت حنان صوت خبيث بيقول
عايزا تحرقيني علشان برجع جسمك زي الاول وبكتب لك حياة جديدة ب جسم حنان
هنا بقي حنان قذرت تمير صوت اللي بتتكلم اللي كانت هند وقالت
مش عايزا ارجع زي ما كنت كفاية اللي حصل انا خلاص توبت ورجعت عن السكة دي سكة الشر ولازم اخلص منك يا قمر اسود
وصرخ قمر اسود وبدا جسم حنان يرجع زي الاول وجسم هند بيتحرق من جديد ورغم الوجع اللي حاسة بي هند الا انها فضلت تقول باعلي صوت عندها اخضع اخضع لغاية ما جسم حنان رجع زي الاول وهند كانت عند شباك الاوضة اللي قدرت توصله وفتحته علشان يدخل منه ضوء الفمر اللي يشبه ضوء الشمس في قونه ووقعت هند علي الارض لان رجليها ما كنتش قادرة تشيلها وحنان قامت من علي الارض مش مصدقة اللي حصل وفضلت تبص لجسمها وتفحص كل حتة في وحتي الجرج اللي كان في رقيتها لقته اختفي وهنا سمعت هند بتقول
ما تخفيش مش هيقدر يقرب منك تاني ونهايته هتكون مع نهايتي هو علشان كدة مش عايزني اموت لانه ربط مصيرة ب مصيري علشان يمتلك قوتي
راحت حنان ناحية هند وحاولت تقومها ورغم ان دة كان بالنسبة ل هند مصحوب بوجع مخيف لكنها استحملت وحنان قدرت ترجعها للسرير ووصلتها تاني بالاجهزة والمحاليل بصت لها هند وقالت
الليلة دي مع نهايتها هتكون اصعب ليلة عدت عليكي
حنان
انا لغاية دلوقتي مش مصدقة كل اللي حصل وبيحصل وحاسة اني بحلم بكابوس
هند
لما انتي بس بتسمعي حكايتي وحاسة بكدة اومال انا اقول اية بعد ما ايويا رماني وانا طفلة بنت كام يوم علي الرصيف وسابني قصاد كلب سعران كان هينهش لحمي ومش هتتخيلي مين اللي لحقني وبدل ما كان هينهش لحمي انا نهش لحمها هي
استغربت حنان وقالت
هي ،،،،،،،
ونرجع تاني ل هند والكلب بيتسعد علشان يغرز انيابة في جسمة لكن هنا توصل دلال وتسحب هند من قدام الكلب لدرجة ان الكلب بدأ يزوم عليها وعضها هي في ايدها صرخت دلال وحطت هند اللي كانت علي ايدها التانية علي الارض ومسكت حجر من علي الرصيف وضربت الكلب في راسة ضربه خلت الكلب يسحب في لحم ايدها اكتر لكنها اتوجعت وطلعت كل وجعها دة في ضربة تانية اقوي من الضربة الاولي الكلب دماغة بدات تجيب دم ودلال ضربتة الضربة التالته اللي بعديها الكلب ساب ايد دلال وجري بعيد عنها وهو بيصدر صوت الوجع ودلال بصت ل ايدها المصابة واللي كانت بتجيب دم لكنها كتمتها في الجلبية اللي كانت لابسها وشالت هند ومشيت بيها وهي بتبص لها وتقول
اعمل العمل اللي بي اخلص منك الاقي نفسي لازم احميكي
واتوجعت دلال قوي وبصت ل ايدها تاني اللي فيها مكان العضة لكن هنا يظهر وراء منها الخيال الاسود الجني قمر اسود وبص لها بعيونه الحمراء وقال
رماها علشان يخلص منها
دلال بصت له بفزع وهو لسة بيقول
بس كون انك قدرتي توصلي ليها ف انتي ليكي عندي مكافاة روحي بيها وربيها وكل يوم ليكي مني ذهب كوكب القمر واللي رمي هند في الشارع عقابة نار جهنم
دلال
اربيها ازاي بس واقول ل جوزي اية
قمر اسود
ما حدش من النهاردة هيشوفها او يسمعها غيرك انتي علشان ما حدش يقدر ياذيها او عني يخفيها ودة لغاية ما تبلغ وتكون ملكي
و بص لفوق والقمر يطمس والليل يفرض احكامة لكام ثانية وبعدها ينزل من القمر ثوب قماش اسود غطي هند وصرخت الطفلة وبصت دلال ل قمر اسود وقالت
اية اللي حصل
قمر اسود
من النهاردة انتي بس اللي تقدري تشوفيها لانها بقت مننا مش منكم ول اخر مرة بحذرك حياتها قصاد حياتك انتي وعيلتك
واختفي قمر ودلال فضلت باصة ل هند وهي مرعوبه منها لان شكلها اتغير هند بدات تخرج من صورة البشر وتبقي في صورة الجن ودانها طويلة وظوفرها بقت حوافر ل حيوان صورة مرعبه لكن دلال فضلت شايلها ومشيت بيها وتهديد الجني قمر ليها خلاها تخاف انها بس ترفض اللي يقولو،،،
في نفس وقت رجوع دلال ل بيتها كان الجني قمر في صورة الخيال الاسود بيدخل ل ورشة عزام واي بقعة يجي عليها خيال قمر النار تمسك فيها وفضل يمشي في الورشة كلها وحرقها بكل البضاعة اللي فيها ،،،،
وترجع دلال ل شقتها علشان تلاقي جوزها سيد قصاد منها في الصاله بيبص لها وبيقول
كنتي فين في ساعة متاخرة زي دي
خبت هند اللي علي ذرعها لكنها افتكرت كلام قمر فحطتها علي الركنة وسيد راح ناحيتها ومسك ذراعها وقال
انطقي كنتي فين
لكن في نفس الوقت يسمعوا صوت هرج ومرج في الشارع وناس بتقول
ورشة الاسطي عزام بتولع
وناس بتنادي علي عزام ينزل يلحق ورشته سمع سيد كدة اتصدم وبص ل دلال وقال
اشوف المصيبة اللي فيها اخويا وبعدين احاسبك
ونزل جري من الشقة ودلال شالت هند وقالت
اوديكي فين دلوقتي
افتكرت الاوضة اللي فيها الكراكيب واللي مقفوله بقفل فقالت
دة احسن مكان اخبيها في
وراحت حطت هند في الاوضة وقفلت عليها وخرجت لقت بنتها قصاد باب الاوضة اتخضت وقالت
انتي بتعملي اية هنا
البنت
قومت اشرب لقيت نور الاوضة منور قولت اشوف مين في الاوضة
دلال
طيب روحي كملي نومك
وقفلت دلال الاوضة من برة بالقفل وراحت اوضتها وقررت تغير هدومها وتفتح الدولاب فتلاقي في اخر رف حاجة بتلمع لمعة غريبة رغم انها تحت الهدوم راحت للشئ اللي بيلمع دة وشالت الهدوم اللي فوق منه علشان تلاقي كيلو ذهب ومش اي ذهب دة ذهب لي لمعة غير لمعة ذهب الارض لمعة
ما حدش من اهل الارض شاف زيها مسكة الذهب وبصت له بذهول و قالت
دة اكيد من الجن وعدني وصدق وشكلي هشوف العز والهنا كله بسببك يا بنت خديجة ،،،،،،،
ومن قصاد ورشة عزام كانت المطافي موجودة وكل ما تحاول تطفئ النار كانت النار تقوم اكتر والكل مستغرب ازاي الحريقة دي قامت في الورشة وهي مقفول وعزام واقف قصاد شقي عمره وكل حاجة يمتلكها وهو حزين وبيقول
لا حول ولا قوة الا بالله
وجنب منه سيد وبيقول
ربنا يعوض عليك يا اخويا
بص له عزام وهو بيهز دماغة وبيقول
دة ذنب بنتي اللي انا رمتها في الشارع
سيد استغرب وقال
انت رميت بنتك في الشارع ازاي جالك قلب تعمل كدة
عزام
علشان حاسس ان في شئ غلط وان دي مش بنتي
سيد
كان في ميت طريقة تتاكد بيها ان كانت بنتك
ولا لا
عزام
بنت اية اللي تتولد بعد امها اختفت ب كام يوم ولو هي بنتي فين خديجة
سيد
مهما كان اللي حصل مش صح انك ترمي لحمك في الشارع
عزام
انا غلطان ولازم اصلح غلطتي
واستعد عزام للانصراف فقال سيد
رايح فين بس
عزام
هروح اجيب بنتي من مكان ما سيبتها هي مش بعيدة عن هنا
وحري عزام قاصد الشارع اللي رمي في بنته ،،،،،،
وتاني يوم الصبح تنزل دلال الصاغة وتروح بالذهب ل اكبر محل صاغة في الشارع وتقف قصاد صاحب المحل وتقول
عايزا ابيع دة
مسك صاحب المحل الذهب وبص له باستغراب شديد وقال
جبتي منين الذهب دة
دلال
مش شغلك ليك سكة في ولا اشوف غيرك
صاحب المحل
غيري مين دة انا اكبر جواهرجي في السوق كله وما حدش هيقدر يدفع لك ثمن الذهب دة الا انا
دلال بطمع شديد
ودة يعمل كام
صاحب المحل
40 الف ج بسعر النهاردة
دلال
هزها شوية
صاحب المحل بص تاني للذهب اللي لمعته رهيبة وقال
علشان خاطر الذهب دة ما فيش زية في السوق كله هزودك كمان 5 الاف
دلال
وانا موافقة ايدك علي الفلوس
فتح صاحب المحل الخزنه حط الذهب
وطلع 45 الف ج
مسكت دلال الفلوس في ايدها وهي فرحانه اوي لكن فرحتها ماتت لما سمعت صوت خديجة بتقول
تعرفي انك اضحك عليكي
اترعشت دلال وبصت ناحية خديجة اللي لقتها لسة حامل برقت دلال وقالت
انا بحلم صح
خديجة قربت منها ومع كل خطوة منها بيزيد رعب دلال وحطت خديحة ايدها علي بطن دلال وقالت
لا انتي حامل وانا اللي عملت لك عمل ب اربعين نية مافيش منه خلاص عمل مربوط بالكواكب والغرض منه الخراب والجنان يا دلال ياللي معاكي البنون وانا ما امتلكش الا المال وحلال عليكي ذهب الكواكب
وخرجت خديجة برة المحل والغريبة انها ما بقتش حامل وبعد ما خديجة مشيت خطوتين واديت ل دلال ظهرها وقفت ولفت وبصت لها وقالت
صحيح ما فيش حاجة اسمها قمر اسود ولا برج ناري ولا كل اللي شوفتي دة و كلها شهر وتولدي واللي في بطنك هتكون باسمي جوزي وهنسميها هند عزام
ومشيت خديجة تاني وبصت دلال ل بطنها لقت بطنها كبيرة وفعلا حامل فضلت كامل ثانية تبص
ل بطنها مش مصدقة اللي شايفا ولا مصدقة اللي اتقال و فجاة ،،،،،،،،،،،،
