رواية قمر اسود الفصل الثامن
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وخرجت خديجة برة المحل والغريبة انها ما بقتش حامل وبعد ما خديجة مشيت خطوتين واديت ل دلال ظهرها وقفت ولفت وبصت لها وقالت
صحيح ما فيش حاجة اسمها قمر اسود ولا برج ناري ولا كل اللي شوفتي دة و كلها شهر وتولدي واللي في بطنك هتكون باسمي جوزي وهنسميها هند عزام
ومشيت خديجة تاني وبصت دلال ل بطنها لقت بطنها كبيرة وفعلا حامل فضلت كامل ثانية تبص
ل بطنها مش مصدقة اللي شايفا ولا مصدقة اللي اتقال و فجاة تلاقي صاحب المحل قدام منها وبيقول
مالك يا مدام قاعدة لية كدة هي الفلوس فيها حاجة غلط
بصت له دلال وقالت
هو انا حامل
استغرب صاحب المحل وبص ل بطنها وقال
اية السؤال الغريب دة ما بطنك كبيرة قدام منك اهه
دلال وهي هتموت من الرعب
انا دخلت لك المحل وانا حامل
صاحب المحل باستغراب اكتر واكتر
هو في اية انتي تعبانه
دلال بعصبية
رد عليه ومن غير اي اسئلة انا دخلت هنا وانا حامل
صاحب المحل
اة كنتي حامل
دلال
طيب انت شوفت اللي كانت واقفة بتتكلم معايا
صاحب المحل
اللي كانت لسة معاكي اة شوفتها
دلال
وسمعت هي قالت لي اية
صاحب المحل
ما خدتش بالي الصراحة لاني كان معايا زبونه تانية
هو انتي مالك هي الست دي قالت لك اية عصبك كدة
دلال بصت له وماردتش وخرجت من المحل ومشيت في الشارع زي المجنونه مش قادرة تصدق لكنها خبطت في واحد بصت له وقالت
انا اسف،،،،،،،،
وقبل ما تكمل اعتذرها سكتت لان اللي خبطت في كان خليل الدجال بصت له اوي وهو قال
مش تخلي بالك يا بنتي
ومشي مسكته من ظهرها وهي بتقول
اية اتفقت معها علي جناني
لف لها لقت نفسها قصاد جسم بشر لكن بوش قطة سوداء بعيون حمراء اتفزعت والجسم البشري دة جلدة بيتشق بالطول وبيخرج من تحت اللحم قطط كتير سوداء وكلها بتجري في الشارع وبسرعة صرخت دلال ووقعت علي الارض ولقت بوقها بيتفتح علي الاخر وبيدخل جوة منها القطط قطة وراء قطة صرخت وهنا تغمض عيونها من شدة الخوف والفزع وتفتحها تلاقي ايد ست عجوزه بتهزها وبتقول
مالك يا بنتي انتي كويسة
بصت دلال حوالين منها لقت اكتر من حد كان قريب منها وقت ما وقعت في الشارع بيطمئن عليها وما فيش اي اثر للقطط السوداء فقالت
انا كويسة
وقامت ومشيت ،،،،،،،،،
وترجع دلال للشارع اللي هي ساكنة في وتعدي علي ورشة عزام وتلاقي عزام واقف في الورشة وشغال اتصدمت وفضلت واقفة وباصة للورشة اللي عديت عليها الصبح وهي محروقة لذرجة ان عزام لاحظ وقفتها قصاد الورشة وقال
في حاجة يا دلال
دلال بصت له وما ردتش ومشيت عزام جري وراء منها ووقف قصادها وقال
مالك
دلال وهي مرعوبه
امباراح بالليل ورشتك ولعت والنهاردة الصبح ترجع زي ما كانت
وبصت دلال ل بطنها وكملت وقالت
ومش بس كدة انا كمان بقيت حامل
عزام قرب منها وقال
طيب ما انتي حامل مني ودة كان بالاتفاق بيني وبينك وبين خديجة
دلال بعصبية
انت مجنون صح
عزام
ما تلمي لسانك يا دلال انتي واخدة ثمن اللي في بطنك دي وهتكون بنتي وبنت خديجة
دلال باستغراب شديد
انت بتقول اية
عزام بعصبية لكن بصوت واطي
مالك البت كبرت في بطنك وطمعتي فيها ما تظبطي دة انتي واخدة مني 100 الف ج في مقابل انك تحملي مني
دلال
بس اخرس مش طايقة اسمع صوتك
ومشيت دلال وراحت باسرع ما فيها لشقتها وفتحت باب الاوضة اللي سابت فيها الطفلة هند وبصت لقت هند مكان ما سابتها بصت لها وقعدت قدام منها وشالتها بين ايدها وقالت
انا مش مجنونه وكل اللي شافته عينية حصل انتي اللي هتكوني ملك قمر اسود
وهنا تقف بنتها وراء منها وتقول
ماما انتي بتكلمي نفسك
بصت دلال ل بنتها وقالت بعصبية
انتي واقفة عندك بتعملي اية غوري علي اوضتك
جريت البنت علي اوضتها ودلال بصت تاني ل هند وقالت بعصبية
انت ياللي اسمك قمر اظهر حالا وفهمني اية اللي بيحصل لي والا نهاية هند هتكون علي ايدية
ومسكت بايد هون نحاس قديمة كانت وسط الكراكيب اللي في الاوضة ورفعتها فوق دماغ هند ك تهديد واضح و صريح بتحطيم راس هند وصرخت وقالت
اظهر
هنا تحس بايد جت من ورها ومسكت ايدها اتفزعت وبصت وراء منها لقت سيد بيقول لها
دلال انتي ماسكة ايد الهون دي لية وبتكلمي مين
بصت ل سيد وقالت
اخرج يا سيد وسابني في حالي ومالكش دعوي بيا
سيد
اخرج ازاي بس وانتي في الحاله دي
دلال بعصبية
قولت لك اخرج يا سيد وسابني في حالي
سيد وهو بيحاول يقومها
طيب قومي معايا قومي
دلال حاولت تزقة بعيد عنها وهي بتقول
قولت لك سابني
لكنه قومها بالعافية وهو بيقول
قولت لك قومي
استغربت اللي بيعملة سيد لكنها قامت معه وهي خايفة من نظرات عيونه المخيفة ومن طريقة كلامة اللي ترعب وخرجوا من الاوضة وسيد فضل يسحبها من ايدها ل غاية وراح بيها ناحية باب الشقة وهي بتقول
انت ساحبني ورايح بيا فين
سيد
مش عايزا تعرفي الحقيقية هعرفك ،،،،،،
ومن جوة شقة علي المحارة في بيت تحت الانشاء يقعد سيد قصاد تلاته مربوطين ومتكمم بوقهم وكانو بالترتيب عزام وخديجة ودلال وكان بيبص لهم وبيقول بشر مخيف
سكة الشر اللي انتم مشيتو فيها كان لازم يكون اخرتها الطريق اللي احنا وصلنا لي دة لكن لكل بداية نهاية و النهاردة نهاية الحكاية
وراح سيد ناحية عزام ومسكة من شعره بمنتهي القوة وقال
سؤال وعايز له اجابه انا عمري في يوم كنت حابب ليك غير الخير
وبص في عيونه ورد سيد علي نفسه وقال
لا بتفكر في اية
وضربه بالقلم وكمل سيد وقال وهو بيمسك شعر خديجة
يبقي لية تسمع كلام الشيطانة دي
وضرب خديجة بالقلم وبعدها راح ل دلال ومسك شعرها وقال
وانتي كلبة فلوس وعلشان الفلوس بعتيني ليهم اتفقتي معاهم عليه صح واجرتي الرحم بتاعك مش كدة
وضربها بالقلم ورجع قعد علي كرسي قصاد منهم وبص لهم وقال
انتو الثلاثة جيتو عليه اوي وكان لازم اجي عليكم اوي اصل الجزاء من جنس العمل
وهنا يسمع صوت خبط علي باب الشقة دي بص للباب وقال
تفتكروا اللي بيخبط دة جاي يلحقكم ولا جاي يكمل عليكم
بصوا الثلاثة للباب والرعب مالي عيونهم واتمنوا يكون اللي جاي في ايدة الخلاص من سيد اللي كان قصاد الباب وبيفتحة علشان يدخل خليل الدجال اللي بص لهم وقال
ازيكم يا عالم يا وسخة
وبص بالتحديد للشيخ عزام وقال
انا مش عارف انت شيخ ازاي لا واية كان كل همك ازاي تخلص مني وتبلغ عني البوليس علشان يقبض عليه شوفت بقي انك راجل مش تمام
سيد
جهزت الحاجة
خليل كان معه شنطة علي ذراعه نزلها قدام منه وقال
كل حاجة جاهزة بس هي تولد
سيد
ولدها انت ما هو مش هيفرق كتير البنت تنزل ميته ولا عايشة
خليل
انا علشان دلال ليها غلاوة عندي مخصوص فانا هخليها تولد علي ايد الشياطين اللي ساكنة تحت الارض وحلال عليهم البنت
سيد
مش خسارة فيها
خليل فتح شنطتة وطلع منها شمع اسود شكلة غريب وراح بالشمع دة ناحية دلال اللي مسك هدومها من عند منطقة الرحم وقطعها علشان بطنها تبان وحط الشمع بالمقلوب فوق بطنها وبدا يقرا طلاسم وتعوايذ مرعبه لدرجة ان الشمع بدا يخترق الجلد وكانه سكين حاد ودلال بتتوجع وهو بيسحب الشمع الغرقان بدم دلال وبينفخ في بانفاسة الخبيثة فيولع الشمع من فوق فيرص الشمع فوق بطن دلال علي شكل نجمة داوود وبدا يوصل بين الشمع وبعضه بدم دلال وحط ايدة وسط نجمة داوود وبدات مراسم شيطانية وشعر بيخرج من بطن دلال ومع صرخات دلال يحصل اللي يخلي المراسم دي تنتهي وهو ان،،،،،،،،،،،،،،
