رواية اسميتها جميلة الفصل الثامن 8 بقلم جنات محمود

   


رواية اسميتها جميلة الفصل الثامن بقلم جنات محمود


واقفه بتكلم فى التليفون لقيت كلب بيجرى بسرعه عليا ..أتخضيت ورجعت بضهرى لورا بخوف وجريت والكلب بيجرى ورايا.  لعند ما أتكعبلت ووقعت فى الأرض وهو وقف جنبى وصوتو كان عالى أوى وكنت هعيط..
جه صاحبو ووقعت جنبى ومد إيدو ليا 
حضرتك كويسه أنا بعتذر جداً منك .. رفضت أمسك إيدو لأنى مبسلمش على رجاله ووقفت بصعوبه وأنا ماسكه ضهرى بتعب.. 
وأول ما سفت صاحبو قولت بصدمه.

أنتَ!
إنتِ!

وكان يوسف ..أيوا هو نفسو يوسف..
أنتَ بتعمل إيه هنا هو انا كل ما أروح فى حته هلاقيك فى وشى!
ما أنا اكيد مش براقبك يعنى دى زفته صدفه وبصراحه أوحش صدفه حصلتلى.
أنتَ قليل الذوق..
 ما أنتِ اللى بدئتى وبعدين أنا عايش هنا أنتِ اللى بتعملى إيه هنا..

أنا عايشه هنا ..
سألنى بستغراب بقالك قد إيه..
جاوبتو وأنا ببص للكلب بخوف ، يعنى بقالى أربع ساعات ،خمسه كده..

ضحك بصوت عالى جداً وأعتقد من خلال الأخبار اللى على النت عنو دى أول مره يضحك بجد كده من ساعه وفات رحمه...
قال بصعوبه من بين ضحكو .. أربع أو خمس ساعات.وضحك تانى.. لا لا ده أنتِ بقالك عُمر بقى عايشه هنا.. ضحكت على كلامو. 

بتضحك على إيه أنا بجد.جايه من شويه أول يوم ليا النهارده فى البيت هنا قاعده مع وحده صحبتى ومعرفش خالص بجد إن أنتَ ساكن هنا..

ده أنا ساكن فى البيت اللى قدامك ده وشاور على بيتو وكان البيت اللى قدام بيتنا.. 
مش معقول القاهره كلها فضيت وملقتش غير البيت ده وجيت أقعد فيه.. 

معلش بقى أستحملى أصلاً كلها كام أسبوع بالكتير وارجع تركيه أبقى أقعدى براحتك بقى محشد هيزعجك 

_ أنتَ مش زاعجنى خالص هتزعجنى ليه يعنى .. أنا بس علشان الدكتور محمد ميفهمنيش غلط إنى قاصده الحوار أو حاجه.. 
بص للكلب بتاعه وبعدين قال.. 
لا لا متقلقيش بابا متفهم وهو مش قلقان منك لأنو لو شاكك فيكى واحد فى الميه مكنش عرض عليكِ تشتغلى معانا فى المستشفى يعنى..
واه صحيح فكرى بجد تشتغلى فيها.. مش هتلاقى فرصه أحسن من كده..
مش تناكه خالص والله بس دى فرصه بيحلم بيها كتير . ومبتجيش غير مره واحده فى العمر..

_طب وأنتَ ليه مش هتستقر هنا وتشتغل فيها كده طلاما هيا فرصه ومبتتكررش فى العمر...

_ ااه اصل.. هو بس.. عن أذنك .. أنا مضطر أمشى.. ومشى..
معرفش ليه أتوتر كده بس حسيت إنو الموضوع ليه علاقه بخطيبتو فمحبيتش أتدخل أكتر من كده.. 

رجعت رنيت على مصطفى تانى لأنو قفل لما وقعت ومرديتش عليه رن كتير بس انا اصلا ديماً بعمل التليفون صامت فامسمعتش..

كلمتو ودخلت نمت منغير ما أكل أي حاجه نمت وانا مقرره إنى هستغل الفرصه فعلاً وهتشغل فى مستشفى بدران..
صحيت تانى يوم صليت لبست هدومى لفيت حجابى ..وخرجت بدون فطار برضو.. بصراحه أنا مهمله خالص فى أكلى ولو محدش فكرنى بيه مش هاكل..

روحت المستشفى وطلبت اشوف الدكتور محمد وأستقبلنى فى مكتبه وقولتلو إنو موفقه.

_ طيب يا دكتور ساره هتبدئى شغل من دلوقتى ..هتكونى مع الدكتور عبد الرحمن فى نفس الفريق هتشتغلو سوا وهو هيفهمك كل حاجه.تمام؟
_ تمام يادكتور شكراً لحضرتك..
وكمان شكراً على الهديه اللى بعتهالى من ٩ سنين.. بجد فرقت معايا..شكراً .
إنتِ زى يوسف عندى ومكنتش أتمنى خالص لو عندى بنت يحصل فيها كده .. أهم حاجه بس يا بنتى. متكونيش شايله أي زعل ناحيه يوسف.. إنتِ أكيد شفتى اللى خصلو.. هو عاش فتره صعبه أوى.. وأنا جبتك تشتغلى معانا هنا لأنى واثق فيكى وفى شطارتك.. ولو عُزتى اي حاجه فى اي وقت أنا تحت أمرك..

وقفت من مكانى .وشكرته.
شكراً لحضرتك يا دكتور ومتقلقش الماضى فات خلاص 
واتطمن.. أنا مؤمنه ان اللى حصل ده كان قضاء وقدر يوسف كان سبب بس مش أكتر.  عن أذنك.. 
خرجت قابلت الدكتور عبد الرحمن وفهمنى كل حاجه كان فيه عمليه ودخلت معاه كأشراف بس مشتغلتش فيها ..

خرجنا من العمليه ساعدت فى شويه حاجات خفيفه لأن العمليه بجد كان صعبه. فضلت ٧ ساعات.. ٧ ساعات وقفين على رجلنا عشان العمليه تنجح وننقذ حياه شخص والحمد لله العمليه نجحت ومنتظرين النتيجه

غسلت إيدى كويس وخرجت كده فى طُرقه المستشفى لقيتنى دايخه ..دوخه رهيبه حاسه إنى هيغمى عليا.. بقالى يوم واكتر مأكلتش حاجه خالص بجد بدون مبالغه ولا أي حاجه..
عبد الرحمن حاول يكلمنى وينادى عليا وفجأه وقعت على الأرض فاقده الوعى...

صحيت بصيت حوليا لقيت فيه محلول متعلق ليا.. وفيه ستاره فاصله بين سريرى وسريى شخص قصادى بيتخانق مع حد..

عبد الرحمن بقولك أنا كويس ومفيش حاجه شويه دوخه عادى يعنى علشان بس مهمل فى الاكل الفتره دى هظبط أكلى وهبقى حلو يلا شيل الكانولا دى. 

_ بقولك إيه يايوسف متتعبنيش أكتر من كده إيه هستنى لما تقطع من طولك زى دكتور ساره لا يا حبيبى يفتح الله انا لما صدقتك رجعت لينا تانى مش هحلك.. 

_ضحكت بتعب عليهم شكل يوسف تعبان هو كمان. لقيت الستاره بتتفتح وانا كنت مغمضه عينى اصلا ..
_ أهيه الدكتور ساره وقعت بعد ما طلعنا من أوضه العمليات عندها أنيميا شديده وشكلها مبتاكلش برضو حصلها هبوط حاد ولازم تقعد النهارده فى المستشفى مع المتابعه و العلاج وطبعاً تهتم بأكلها. 
_ سمعت يوسف بيقول..

طب شوفها كده لتكون ماتت مش دى جميلة؟..
_جميلة مين؟

_ قولتلك أسمى ساره مش زفته جميله مبحبش الأسم ده بجد بيفكرنى بيك..
فتحت عينى وبصيت ليه كان قاعد على السرير الى قصادى وبيفصل ما بينا الستاره اللى عبد الرحمن شالها اصلاً

سألنا بإستغراب .إيه ده أنتو تعرفو بعض؟!
_لا
_لا.
طيب يا شباب أهدو ده مجرد سؤال يعنى .
بصيت للمحلول.. باقى قد إيه يا دكتور عايزه أخرج..
لا هو الحقيقه إنتو الاتنين مشرفينا هنا النهارده وهحط أمن على الباب علشان محدش يخرج منكو غير لما تكملو علاجكو عن إذنكو..

_ بصيت ليوسف..
لاحول ولا قوه إلا بالله هو إيه اللى وصلو لكده.؟!

_ أصلو صاحبى بقالو ٢٤ سنه 
_ااه علشان كده.
سكتنا شويه .. لقيتو بيسألنى.. 
إنتِ كويسه؟!

_ أممم ، وأنتَ.. 
_ كويس.. أو معرفش بصراحه..
حاسس إنى.. عايز أبعد..
_ أكتر من كده؟! بقالك سنتين أعتقد وأنتَ بعيد عن الكل..

_ مش كفايه، صدقينى هو مش كفايه على شخص غالى عليكى أوى كده..
_ فعلاً معاك حق.. أنا بقالى ممكن 7 سنين أو أكتر ومش قادره أنسى.. فقدان شخص عزيز عليك فهلاً مؤلم..

_ لقيتو قعد على السرير وبص ليا..

أنا آسف... آسف لأنى كنت السبب فى إنى أمنعك تودعيها حتى ولو لأخر مره..

_قعدت قصادو على سريرى ..

_ صدقنى أنا أقتنعت أنك ملكش ذنب بجد.. أنتَ بس كنت مجرد سبب صغير.. لكن ده نصيب ربنا أراد كده وأنا راضيه بقضاء ربنا.. زمان لما كنت فى تالته ثانوى بعد الحادثه مباشرةً كنت بكرهك أوى.  أوى بجد.. وبعد كده بقيت بكبر كل يوم عن اللى قبلو ..تفكيرى بيكبر معايا ..ولقيت إنى..  كنت غلطانه  أنتَ ملكش ذنب فعلاً وعادى بقى يا دكترو أنتَ قدامى أهو ومش متدايقه خلاص تعايشت مع الموقف..

_ متشكر لتفهمك بجد .. شكراً جداً ليكى أنا كل الفتره الى فاتت دى وأنا بالى مشغول بصراحه تكونى مش مسمحانى أو كده لكن شكراً ليكى طمنتى قلبى..

_ الشكر الله يا دكتور..

بس لو عملتلى خدمه هبقى صافى يا لبن على الأخر يعنى

سألنى بستغراب. إيه هيا

تشيل ليا الكانولا دى لأنى عايزه أروح بجد مش قادره..

وأنا كمان خلاص أنا هشيلها ليكى.وأنتِ كمان تشيليها ليا.. 
_موافقه.
قام وجر الحامل اللى متعلق فيه المحلول نحيتى عشان مش هيوصل من سرير لسرير وبدء براحه خالص يشيل الكانولا الموضوع كان صعب شويه لأنو مركب وحده وشويه شويه شالها الحمد لله..
_ يلا دروك.

حاولت أشيلها ليه بحظر إنى أتجنب التلامس برضو طبعاً لا حياء فى العلم خصوصاً لو مضطرين لكن برضو الأنسان حياء.. 
شلتها ليه بسرعه .. وأخدت حاجتى وخرجنا بسرعه والحمد لله محدش شافنا وخصوصاً عبد الرحمن..

وقف قدام عربيتو.. تعالى أوصلك معايا أحنا جيران يعنى والوقت أتاخر عليكى. مينفعش ترجعى لوحدك كده.. بصيت للساعه وكانت ١١ بليل.. أزاى الوقت جرى بسرعه كده. 
فكرت شويه والمسافه أصلا مش كبيره أوى بين المسشتفى والبيت فوافقت لأن أنا بصراحه بخاف أركب أوبر لوحدى فى وقت متأخر كده.. وأحنا مروحين قابلنا عربيه كده بتاعه شباب فاتحين فيها بيبيعو سندوتشات جنبرى مقلى تحفهةة. وقف يوسف بص ليهم وأبتسم كده أستغربتو بجد أفتكرتو أتهبل .. لكن ثوانِ ولقيت ولد منهم قرب من بسرعه..

دكترو يوسف ده بجد انتَ بعد الغيبه دى كلها مش مصدق نفسى والله.
نزل يوسف من العربيه وحضنو وسلم عليه.. 
شكلهم كده صحاب.. 
سمعت الولد بيقول .. مين دى معرفه.. كان قصدو عليا..
قالو ، أه دى دكتوره زميلتى فى المستشفى وجيران وكده.. 
عاوزك بقى تعمل طلبى اللى باخدو كل مره.. 

وزى ما رحمه ما بتقول..
رد عليه الولد بزعل عليها..

" خليه سبايسى يا سيف"
_ شاطر يا سيف يلا بقى وأعمل حساب الدكتور جميلة معايا بس خليه بارد بلاش سبايسى..

ركب العربيه تانى بس حسيته حزين شويه كده فا قولتله..

على فكره أنا كمان بحبو سبايسى..

بصلى بإستغراب وضحك .. بجد!
_ أيوا والله تعرف انا باكل الفلفل الحراق ده كده لوحدو. بحب الحراق جداً علشان كده ديماً ضغطى واطى.

ضحك . ما أنتِ متكتريش من اللى يضرك برضو..

_ بس أنتَ مستأذنتنيش برضو هاكل ولا لا طلبت كده من نفسك

_ يعنى هو أنتِ لو كنت كلتى كنتِ وقعتى فى المستشفى.. أسكتى أسكتى الحال من بعضو.

_ أحم إيه الأحراج ده عندك حق..
بس معلش أنا هدفع حسابى لنفسى معلش مينفعش تدفعلى
_ ليه يعنى أنا هدفعلك كام يعنى مش كتير.. بصى خلاص أبقى أعزمينى على قهوه فى يوم تانى لو أنتِ مُصرره.

_ خلاص أتفقنا.

_ جاب الأكل ونزلنا كلنا على العربيه.. وبجد كنت جعانه أوى والأكل كان تحفه..

الأكل جميل أوى يا  يوسف..

_بجد عجبك ؟ 
_ امم حلو أوى أنا شكلى هعتمد المكان ده بجد..

_ أنا ديماً من أيام ثانوى وأنا باجى هنا على طول أكلهم نضيف وهما بجد شباب يستاهلو الدعم ده .

ايوا بجد رينا يباركلهم فى شغلهم.

خلصنا أكل وروحنا ..وأنا أكلت من هنا ونمت على طول.

_ جميلة.. جميلة.. فوقى يلا وصلنا..

بصيت ليه وبعدين بصيت حوليا.. هو أنا نمت؟

_ لا أبداً أنتِ بس عمضتى عينك يادوب نص ساعه..

_ يتتريق أنا بجد مبيكفنيش نوم.. نزلت من العربيه .. يلا سلام يا دكتور شكراً على الأكل وعلى التوصيله بجد شكراً ليك..
_ العفو.

روحت صليت ونمت مكانى حتى مرديتش على مصطفى لما رن ..

صحيت تانى يوم جهزت ورحت المستشفى .وأول ما وصلت لقيت يوسف واقف بيبصلى أستغربت هو واقف كده ليه لقيت قدامه عبد الرحمن وجنبو الدكتور محمد!
يوسف شاورلى ألف وأرجع وكنت لسه هروح لقيت الدكتور محمد بيقول..

_دكتور ساره تعالى هنا لو سمحتى..

_ يحزنى أنا هترفد ولا إيه.
وقفت جنب يوسف..

_ والله يا دكتور هو الى شال الكانولا الاول وبعدين انا شلتهالو أصل قله ذوق يعنى لما يشلهالى وأنا لا يعنى مينفعش ولاإي..

يوسف حط إيدو على راسو يبقى عكيت..
لقيت الدكتور محمد بيقول..

يعنى صحبتها اللى ساكنه معاها متعبتش فجأه وكان لازم ترجع البيت وانتَ وصلتها علشان الوقت اتأخر
_ بابا حضرتك فا..

_ أسكت مش عايز أسمع ولا كلمه بتضحكو على نفسكو بتستهونو بصحتكو وأنتو أصلاً دكاتره بتعالجو الناس وأنتو أول ناس مبتعملش بيه

أتفضلو على شغلكو وهنكمل كلامنا فى البيت يا يوسف..

مشى وعبد الرحمن رراه وهو بيبصلنا بشماته. يوسف شاورلو بإيده وكأنه بيقول صبرك عليا..
وبعدين بص ليا .
_ أنا مالى إيه عرفنى إنك كداب يعنى..

مرت الأيام وعدت وللأسف حصل اللى مكنتش بتمنى إنو يحصل خالص للأسف.. أتعلقت بيوسف..

غصب عنى والله أخرج فى الجنينه الأقيه بيجرى مع الكلب بتاعه ويلاعب فيه .. يروحنى معاه لما نتأخر فى المستشفى نروح عربيه الجمبرى وناكل سوا.. بقالى ٣ شهور فى القاهره وكل يوم أقابلو واكون معاه..

أي بنت مكانى أكيد هتتعلق بشخص زى كده ..حنون بيحب بجد . جنتل وأبن ناس زي ما بيقولو وفيه صفات تانيه كتير أوى..
_ جميلة ..جميلة . نعم فيه حاجه.. يابنتى بكملك بقالى شويه وأنتِ سرحانه أنتِ كويسه.
اه أنا بس.. مكملتش كلامى سمعت صوت مكنتش متوقعه أسمعه أو كنت رافضه..

ساره..

بصيت بسرعه وبصدمه لقيتو... مصطفى..

_ مصطفى!!.
_ أيوا إيه معجبتكيش المفاجأه؟
_ لا..أنا... أنا بس أتفاجأت..

_ مين ده يا جميلة؟!.

_ أستغرب مصطفى.، جميلة؟! جميلة مين؟!

أعرفكو ببعض ..
بصيت ليوسف بحزن..
الدكتور يوسف يا مصطفى زميلى فى الشغل..

_ وده الدكتور مصطفى يا يوسف..

خطيبى!


شكرا لزيارتكم عالم روايات سكيرهوم

تعليقات