رواية اسميتها جميلة الفصل التاسع 9 بقلم جنات محمود

  


رواية اسميتها جميلة الفصل التاسع والاخير بقلم جنات محمود


أعرفكو ببعض ..
بصيت ليوسف بحزن..
الدكتور يوسف يا مصصفى زميلى فى الشغل..

_ وده الدكتور مصطفى يا يوسف..

خطيبى!

يوسف أتصدم وبص ليا بإستغراب وبعدين بص على إيدى.. بس أنتِ مش لابسه دبله!.

_ اه ما هو أصل أحنا لسه معملناش الخطوبه يعنى بس قرينا فاتحه والخطوبه قريب..

_اه.. الف مبروك.. عن أذنكو..

مشيت وأنا حاسس إن قلبى مقبوض معرفش ليه بس متوقعتش أبداً إنها تكون مخطوبه.. حاسس إنى..حاسس إنى أتعلقت بيها..وده غلط..حاسس إنى كده بخون رحمه.

كويس إنها طلعت مخطوبه.. وأنا مالى أصلاً ..اووف 

_ بصيت عليه وهو ماشى وبعدين مصطفى سألنى..
مالك؟ مش مبسوطه إنك شفتينى يعنى؟!..
ومين يوسف ده أصل عمرك ما قعدتى مع حد غريب وخصوصاً لو راجل يعنى..

_ هو مش غريب قولتلك زميلى فى الشغل معايا فى التيم يعنى كل الوقت بنقضيه مع بعض فى الشغل يعنى بس.. ومين قال لك إنى زعلانه أنا بس يعنى الصدمه عشان متوقعتش إنك تيجى.. وعرفت مكان شغلى أزاى؟.

_ ما أنا معايا الGpe من التليفون هو اللى عرفنى مكانك واصلا قبل كده قولتيلى على اسم المستشفى..

_ اه طيب هاخد أذن من الدكتور إنى أروح وهاجى نمشى سوا..
_ هاجى معاكى

دخلنا المستشفى ورحت مكتب الدكتور محمد كان قاعد معاه
 عبد الرحمن واول ماشفنى..

_ أهيه الدكتور ساره أومال فين يوسف كان قاعد معاكى؟
_ هو بس مشى معرفش راح فين بصراحه .. دكتور محمد أنا كنت جايه أستأذنك بس أمشى لان جالى ضيف وكده متقلقش مفيش عمليات ليا دلوقتى والدكتور عماد وعبد الرحمن ويوسف هنا هيسدو مكانى يعنى لو حضرتك مش ممانع..

_ لا طبعاً يا دكتور ساره أتفضلى بس مين الأستاذ مش تعرفينا؟.
اه ده دكتور مصطفى ...خطيبى..

أوبااا ألبس يا يوسف.. الجمله دى خرجت من عبدالرحمن بسرعه لما سمع كلامى بصينالو بإستغراب.. فقال بتوتر..

أصل كده الدكتور ساره هتمشى وهو اللى هيدخل مكانها عمليات فا علشان كده يعنى.. اااه عن أذنكو أنا بقى هاروح أصلى العصر..

_قولتلو بإستغراب.. بس العصر لسه مأذنش؟

_ أيوا ما لما أتوضى  وااا أهيئ نفسى كده للصلاه ومش عارف إيه عن أذنكو.  وخرج..

خرجنا أنا ومصطفى من المستشفى بعد ما أخدت حاجتى .
_ ها يلا هنروح فين؟
قولتلو .. أنتَ تعرف حاجه هنا أصلاً؟ أو جيت القاهره قبل كده ..

_ الحقيقه لا بس هنستكشف سوا يلا..
خرجنا ورحنا مطعم أتغدينا وأتمشينا شويه وأكلنا أيس كريم وحاجات خفيفه كده.. بس..فيه حاجه.. أنا مش مبسوطه وأنا معاه...

هل ده اللى حسيت بيه لما أتعلقت بيوسف ولا ده كان قبل كده أحنا قريين فاتحه بقالنا سنه وديماً بأجل فتره الخطوبه.. هو لما طلب إننا نرتبط ونتجوز بصراحه أنا مكنتش موافقه أعجاب بيه أو حب ..لا.. وافقت عشان مكنتش اعرف غيرو.. كنت خايفه من الجواز كلو وإن يكون زي بابا كده.. فوافقت على مصطفى عشان كنت عارفه أخلاقو عامله ازاى ولأنو كان مناسب ليا فى الفتره دى..
طب ودلوقتى .مبقاش مناسب؟ ..لا دلوقتى أنا اتعلقت بشخص تانى وطلاما ده حصل يبقى أنا فعلاً مكنتش بكن لمصطفى أي مشاعر..

وبعدين يوسف بيحب رحمه حتى لما ماتت لسه بيحبها هتقبلى على نفسك يا ساره تاخدى واحد بيحب واحده تانيه وانتِ عارفه كده.. ده لو أتجوزتيه اصلا يوم من الايام.. احنا قريبين من بعض الفتره اللى فاتت اه.. بس عادى هو معتبرنا زمايل فى الشغل أو بالنسبالو ممكن صحاب..مع أن مفيش صحوبيه بين راجل وست.. أنا غلطت لما سمحت ان حد يتعدى حدودو معايا واهو دى نتيجه غلطى... كلام كتير فى دماغى عكس بعضو معرفش ليه حل.  يارب ساعدنى..

_ ساره.. ساره.. يابنتى ..
_ نعم يا يوسف؟.

الجمله دى خرجت منى لمصطفى بالغلط.. تعبيرات وشو أتغيرت فجأه وبان عليه الغضب.

_ يوسف!! يوسف مين؟.
إنتِ بقيتى بتتلخبطى فى أسمى كمان.. وسرحانه ومش معايا خالص.. هو فيه ايه يا ساره ..وكمان الفتره الى فاتت مكلماتك ليا قلت قولت مش مشكله هيا صح علشان حرام ومينفعش . لكن أعتقد الحرام ده مبنش غير عندى ممكن أفهم فيه إيه
_ لا ممكن أنا أفهم أنتَ بتتكلم معايا كده ليه..

ماهو من تصرفاتك.. وفى الاخر تقوليلى يا يوسف عارفه يعنى أيه تتلخبطى فى اسمى وتقوليلى يا يوسف..

_ عادى يعنى قولتلك مع بعض فى الشعل علطول فا طبيعى أتلخبط..

_ طيب مديتى فتره اقامتك هنا ليه مش المفروض كنت هتقعدى كام يوه كام اسبوع ياستى شهر.. دلوقتى انتِ بقالك ٣ شهور ممكن أعرف ده كلو ليه

_ لا هو انا اللى ممكن أعرف انتَ اللى بتعمل ده كلو ليه. أنا مش مضطره على فكره أشرحلك ده كلو أنا حُره يا يو.. يا مصطفى..

_ ااه يوسف.. تمام يا ساره..كدا الحكايه وضحت أوى..
يلا علشان أروحك..

_ مصطفى لو سمحت ممكن بس تس..
_ يلا.. وقف تاكسى وركب قدام وخلانى أشرحلو المكان اللى ساكنه فيه ووصلنا نزلت من العربيه وهو مشى معرفش هيروح فين أصلاً

دخلت البيت وأنا مهمومه خالص.. ملك كانت بتكلمنى ومرديتش عليها..
دخلت أوضتى غيرت هدومى وصليت وقعدت على سجاده الصلاه أبكى وأشتكى لربنا.. أنا ظلمت مصطفى معايا ..بس مينفعش أكمل فى علاقه زى كده لأجل إنى حاسه بجميل منو ليا .. مش هتجوزو وأكمل معاه حياتى علشان بس هو الشخص اللى كان واقف جنبى فى السنين دى كلها ..مش سبب كافى وخصوصاً لما حسيت بمشاعر لحد تانى.. 
هل أتجاهل المشاعر دى بقى وأظلمو معايا أكيد لا.. حرام مصطفى ميستاهلش كده خالص..

خرجت فى البلكونه أشم هوا وأفكر .. لقيت يوسف داخل البيت بالعربيه.. دخلت بسرعه جداً جوا قبل ما يشوفنى.. أزاى هقدر أتخطى واحد وهو قدامى طول الوقت فى البيت والشغل وفى كل حته..
صحبتى ملك دخلت وسألتنى مالك وأناكنت محتاجه فعلاً أحكى لشخص يمكن يفهمنى ويلاقيلى حل..

_ بصى يا ساره مينفعش تتجوزى حد لأجل بس أنو وقف جنبك فى محنتك..أو أخد بالو منك شويه.. لا.. الجواز ده لازم يكون فيه على الأقل قبول من الطرفين، أو أعجاب.. مش عشان هو بس بيحبك زى ما بتقولى أو معجب بيكى يبقى توافقى عليه لا.. أنتِ مبتحبيهوش .. لانك لو بتحبى حد  بجد مهما دخل شخص تانى حياتك مستحيل تحبيه على اللى بتحبيه.. إلا بقى لو انتِ بتتسلى وأنتِ مش كده.. حرام تظلمى مصطفى معاكى.. 
يمكن تكونى تقبلتيه او استلطفتيه علشان بس لقتيه خلوق ومحترم ومش زي بباكى سورى يعنى..

_ لا عادى أنا فكرت نفس التفكير برضو..

_ لأن ده الصح يا حبيبتى.. لازم تنهى مع مصطفى فى أقرب وقت خصوصاً أنو جه هنا علشانك أحسمى قرارك فى اسرع وقت وياريت لو تردى عليه بكرا بقرارك أياً كان إيه هو. وخرجت..

صليت صلاه أستخاره ونمت...

***

يوسف:.كنت قاعد فى الجنينه بببص على نور أوضتها اللى أتقفل. معنى كده إنها نامت

أفتكرت كلام عبد الرحمن ليا فى المستشفى..

ااه شفت خطيب الدكتوره جميلة..أقصد ساره..طلعت مخطوبه..

_ أه أيوا شفتو جه وأحنا قاعدين فى الأستراحه..

_ طيب ..و..إيه ردت فعلك؟
_ عادى يعنى يا عبد الرحمن إيه المفروض أعمل إيه يعنى اتحزم وأرقصلو يعنى ولا إيه وأنا مالى
_ خلاص يسطا أهدى كده شكلك فعلاً الموضوع عادى بالنسبالك ومش متدايق خالص..

_ عايزنى أعمل إيه يعنى.. أقولك إن ده أتحرك من تانى من بعد رحمه.. ولا أقولك إن أخدت تانى قلم فى حياتى بعد قلم موت رحمه قدام عينى.. ولا أقولك إنّى خنتها وحبيت أو أتعلقت بغيرها؟!.

_ بس أنتَ مخنتهاش ياصحبى.. رحمه عمرها خلص فى الدنيا وربنا شاء بعد السنين دى كلها إنها متكونش ليك.. أنتَ كده مخنتهاش خالص يا صبحى ..أنتَ أنسان طبيعى ده.. وخبط على قلبى..
إنو يتعلق بحد تانى.. حرام عليك تربط نفسك بحد مش معانا فى الدنيا.. عيش حياتك متعترضش على إراده ربنا..

شوف يا أخى بعد السنين دى كلها ليك مع رحمه وربنا شاء إنكو متتجوزوش وتروح للى خلقها...، مش يمكن ساره دى نصيبك ..دى زوجتك اللى ربنا كتبها ليك وعلى أسمك

حتى ولو هيا خلاص مخطوبه.. عايز إيه دلوقتى منى سبنى فى حالى.. كل اللى حبيتهم راحو منى. 

بس لو ليك نصيب فيها هتكون ليك يا يوسف..
كل اللى عايزو منك أنك متشيلش نفسك فوق طاقتها..
وعيش حياتك كلنا فانيين محدش فينا مخلد .. وربما يرحم رحمه وجميع أموتنا...

مشى مصطفى وأنا فضلت أفكر فى كلامو. أنا اه منساش رحمه لأنها مكنتش مجرد شخص فى حياتى.. بس برضو مينفعش أفضل موقف حياتى بعد موتها.. عبد الرحمن معاه حق.. بس خلاص اللى القلب دق ليها بعد السنين دى كلها.. للأسف فى حد سبقنى وأخدها

" تانى يوم".
صحيت لبست هدومى وأنا واخده قرارى..

كلمت مصطفى لقيتو مروحش وكان قاعد فى فندق .طلبت منو ييجى الييت علشان عايزاه فى موضوع مهم ومعرفتوش إيه هو..

بعدها بكام ساعه كده جه..

قعدنا فى الجنينه عشان مينفعش يدخل جوا لأن ملك مشيت واصلا لو كانت موجوده مينفعش برضو.. المهم قعد قدامى مخليتهوش يتكلم ولا كلمه عشان مضعفش أكتر من كده...

مصطفى أنا.. أنا .. لا يا ساره خلينى أنا الأول أتكلم..

متعتذريش على اللى حصل.. أحنا فعلاً أستعجلنا فى إننا نرتبط.. أنا أعجبت بيكى وبشخصيتك وربنا يعلم كنت صادق قد إيه.
بس أنا مش هقدر أجبر قلبك على إنو يحبنى.. للأسف ده مش بإيدى عشان كده أنا برفع عنك الحرج وبقولك خلينا جيران وعشره عمر أحسن علشان منخسرش بعض..

_ قلبى وقف من الصدمه.. هيا دى تدابير ربنا فعلاً .. سبحان الله ربنا بس اللى يعلم أنا كنت شايله هم الموضوع ده قد إيه ..هو اللى رفض إننا نكمل!.

_ بحترم قرارك جداً وبشكرك عليه..بس بتمنى مخسركش كأخ ليا زى ما كنت طول الفتره اللى فاتت.

_ أكيد أنا موجود فى أي وقت تحتاجينى.. وربنا يكتبلك السعاده مع الشخص المناسب ليكى.. ووقف.. 
هستأذن أنا بقى عشان ألحق أروح لحسن ولاء عامله ميتم فى البيت.. 
هتبات برا البيت يحبيبى.. واحشنى يا حبيبى ..البيت وحش من غيرك يا حبيبى ..زى ما يكون مهاجر المكسيك..

ضحكت على كلامو وعينى دمعت من الزعل..

شكراً ليك بجد يا مصطفى على كل حاجه، عمرى ما هنسالك أي حاجه حلو عملتها علشانى فى يوم.. ومهما قولت وعملت مش هوفيك حقك..

_ بصراحه فيه طريقه.. لما تجوزى أبنى لبنتك وقتها هنبقى أتصفينا.. ضحكت بصوت عالى شويه على كلامو بجد مقدرتش أبطل ضحك ..هو كده قلبو طيب علطول.  ويابخت مراتو المستقبليه بيه

مشى مصطفى وده كلو كان يوسف واقف فى جنينته وشافنى وانا بضحك طبعاً هو فاكرنا دلوقتى فى أجمل لحظات حياتنا.. ميعرفش إننا بننفصل..

مشى مصطفى وركب الاوبر. شورتلو بإيدى بسلام ليه وهو عملى سلام ورجع مصطفى أسكندريه وهو شايل هم كبير من على قلبى..

رجعت الجنينه تانى لقيت يوسف واقف بيبص ليا ومبيتحركش.. ضحكتلو فاأستغرب..وضحك على ضحكتى.

_ أقسم بالله يا مصطفى لو مبعدتش أبنك بعيد عن بنتى والله لخلى شط الأسكندريه كلو يتفرج عليه وهو متعلق هنا..

خلص يوسف كلامو ومصطفى ومراتو قاعدين جنبى ويوسف شايل عمر أبن مصطفى وهو متدايق لانو عمال يعاكس فى أهلّه بنتى

_ يووه طب ما يعاكس فيها براحتو ماهيا هتبقى مراتو يإذن الله. 

_ والله ومين قال كده بقى إن شاء الله؟!

_ أنا وساره أتفقنا على كده من حوالى ٨ سنين أو اكتر

بصيت لمصطفى وضحكت على كلامو.


تعليقات