رواية لا أمان لك الفصل التاسع 9 بقلم ورود الخالدي

امنية:::

ماما تحجي واني دموعي يجرن مستغربة ليس متصدك بيه يعني ماما ثقتها بيه عاليه ..ليش تصدك بحجي يعمر الجذاب الله ينتقم منه واني كلما احجي تكولي سدي حلكج وخاصمه الموضوع تريده يعقد عليه اليوم ..بقيت اتوسل بيه وافرفح وهيه لا يمها دموعي وحلفاني لدرجة اتصلت بعمي واسمعها تحجي وياه بعد مسلمت عليه:

ابو اطياف جايين ع امنية ناس يخطبوها واليوم همه يمك..

وسكتت بعدين كالت:

لا مو غربه ..عيال نازك ..يردوها لابنهم الجبير 

وهم سكتت يمكن عمو مقابل لان يعرف يعمر اي يربي بلكي عمي يرفض وميقبل الموضوع من الاساس ..بس سمعت ماما رجعت كالتلة:

اي ادري بيك تعرفه وسائل عنه بس الولد مو مثل قبل الحمد لله بطل كولشي ويريد يتزوج ويستقر مو ترفض العالم ووتفشلني اني من اجن النسوان خطبن كيفت ووافقت .. وسكتت:بعدين كالت:

يا ابو طيبه طبعا اوافق بتي موزغيره فاتت بال٢٩المن مبقيتها بلازواج شو بناتك زعاطيط وزوجتهن..وهسه بتك طيبة هم وافقت رغم عمرها ١٧سنه..هااا..اي. اي هيه موافقه..وتعرف كولشي عن الولد من يجوك اطيها خلي البنيه تشوف قسمتها وتستقر..ويمكن يجيبوك وياهم للعقد لان الولد جاهز. ويريد يعقد بسرعة..هااا....اي..اي مشكور متقصر..

وحجو شويه بالموضوع بعدين سدت التليفون ردت احجي مخلتني رجعت اتصلت مره ثانيه:

اسمع ولك ..تره خابرت عمها وكتله الجماعة جاييك..تاخذ ابوك وعمامك وتروح هسه تخطبها من عمها..هاااا..ما ادري دبر حالك هذا موشغلي اليوم تعقد على بتي لا اتصرف تصرف تندم عليه انت واهلك:...

وسدته بوجهه

كعدت يمها وبست ايدها نتلت ايدها مني وتكولي:

هسه جايه تبوسين بالادين مافكرتي بيه من اطيتي نفسج اله ..ولج الذبح بيج قليل..

يوم والله احرك نفسي اذا تتهميني ومتصدكين بيه كتلج مبيه شي وهذا يجذب وكل الي دتسوي من صالحة..هو يريد..يتزوجني كاتل..نفسه حتى اقبل بيه واني رفضته والله وروح بابا!!

اذا كاتل نفسه ليش متوافقين حبابه واذا كلامج صح ..تبيضين وجهج ووجهي وتتزوجي وبالعرس تبين الحقيقة!

يوم والله لو انتي مصدكةبيه بدون هالتهمه السودة جان مهتميت جان كلت امي تريد تطمن عليه وتزوجني بس من تتهميني والله اسوي شي بنفسي!

ماشي مصدكتج ..بس بعد ما اكدر اتراجع حجيت ويه عمج والولد رايح يخطب..بعدين تعالي ولج ..يعمر يامخبلة ترفضه..شبيه الولد شو شغله يذب ذهب وعنده معرض سيارات ..لاهناك ولاهنا وجيبه مليان ورق..ومعيش اهله ملوك ..واذا ع ماضيه وين اكو شاب ماعنده ماضي ..حتى ابوج من اخذته جان لاعب لعب بشبابه..سدي حلكج وخلي الموضوع يمشي ولتفشليني كدام عمج ومرت عمج!!..بعدين اذا هو ذابح نفسه عليج ورايدج لدرجة يجذب..هالجذبه..ويبلي نفسه هالبلوة موبعيدة اذا رفضنا باجر عكبه يسولف للناس جذبة اكبر منها ويكول امها لزمتنه سوه..ويشوه سمعتج..اكثر ..

يوم اذا تعرفيه هالشكل شلون تذبيني هالذبه اله..

مذابتج اكولج اذا قافل ورايدج ..لتزيحين نعمتج بيدج هذا اذا حجيج فعلا صدوك وماكو شي بيناتكم!!

والله ماكو شي!!

لعد قبلي بنصيبج وسكتي

يعمر:::

طلعت من بيتهم واحس كل الي خططتله راح يصير وراح تصير الي هالعنودية الوكحة ام راس اليابس...كبل رحت ع ابويه بدون مقدمات

يابه كوم بدل وروح وياي ..خابرت عمامي وراح يجون؟؟

ياستار شكو اروح وياك ومخابر عمامك..

اريد اروح اخطب..

تخطب!!؟

اي اخطب..امنية اخت نازك!

تحجي صدك انت..؟؟

اي والله اليوم اخطبها ..واعقد عليها بعد موافقتك طبعا..

اي بابا بس شو فاجئتني ..اكيد اكيف اخطبلك بس اشوفك مستعجل وملكوف!

يابه خصم الحجي صارلي سنه احبها..واريدها ومن حجيت ويه امها ووافقت بعد ما اكدر اصبر..

شو امك مجابتلي طاري..

يابه حتى امي متدري عود من نرجع اسولفلها..

لا غلط تروحلها وتسولف وياها وذاك الوكت الله كريم..

بعده يسولف خابرت امي وفتحت سبيكر:

الووو..يمه انتي موذابحة نفسج ترديني اعرس..

اي وليدي شلون ما اريدك تعرس..

خلص ..راح اخطب امنيه اخت نازك شكلتي!!

يااا..ولك هيجي تحجيها بالتليفون غير نكعد ونسولف:

يوم ..راح اخذ ابويه واروح لخاطر الله ..لحد يأخرني ..

وليدي غير يرحن نسوان يخطبن شلون تاخذ ابوك وتروح

معليج بهاي مال النسوان..شكلتي تقبلين امنية تصير مرتي!!

ياريت..يمه بس غير نحجي ويه امهاووياها هي هاي الاصول..

هاي هيه مادامج موافقه..

سديته وحجيت ويه ابويه

ها..يابه خوسمعت امي مكيفه

اي وليدي غير يرحن امك وخالاتك لبيت الابنيه وياخذن موافقتها.

يابه موافقه اكولك احبها وتحبني وامها صار عدها علم وكالت روح لعمها واخطب..وتعال اعقدها..

هيج عقد بهالسرعة!!

يابه والله ..تعبتني انت موتريد تفرح بيه خلي اعقد اليوم والعرس على كيفه!

لك شبيك مستعجل متكلي:

احبها يابه وحلفت الها الصبح بالقرآن وكتلها اليوم اعقد عليج تريدني اطلع زعطوط كدامها!!

بكيفك بابا..بس تره هاي لاصايره ولادايره..

يله يابه كوم بدل خلي نروح نجيب عمها ونجي..

تجيب عمها شلون شنو تروح تخطب واجيبه شلون ترهم!!

ترهم يابه بس كوم بدل..

واخذت ابويه وعمامي للديوانيه..ومن خطبناوعمها نطانا ...والظاهر امها مفهمته يجي ويانا طبعا عمها ..رجال ادمي وخير ...معنده ولد لهذا من جبته وياي جاب نسيبه رجل بته الجبيرة ويا..واجينا لبيت اهل امنيه..وطلعت عيني يله تم العقد ..مصدكت امنية وافقت وكالت للسيد نعم وانت وكيلي اويلي هاي النعم ..تسوه عندي كنوز الدنيا....كلها..اخيرا صارت مرتي وكولشي وراها يهون ..وطبعا من خلص العقد ..ورجعت للبيت امي ضلت تعاتب بيه لان من رجعت عافت مريم يم نازك بالمستشفى لان ام امنية التهت ويانا بالعقد الى ان صار المغرب رجعت الهم للبيت ...اخذت عمها ونسيبهم وامها للمستشفى هم باركو لنازك وامها بقت يمها....من طلعنا توقعت عمها ..يضل بس كال راجع للديوانيه وصلته للكراج ودفعت فلوس التكسي وراح..وبطريق  الرجعة افكر ..هسه امنيه شخبارها بعد متزوجتني وهيه الممنونه لان من عقدت مفتت جوه بحكم عمها ونسيبهم بقو وياي بالاستقبال ..ومنها وطلعت اخذت ابويه ومنقذ وصفوان  للبيت وعمامي راحو بسياراتهم..لبيوتهم....اي هسه امنية وحدها بالبيت..مرتي وحدها..خلي اروح ..عليها ما اتحمل الفضول الي بداخلي يقره مليون اريد اشوف شنو رد فعلها من تشوف يعمر الي رفضته ..خلال ٢٤ساعة صار رجلها وصارت حلاله..وهم رجعت للمستشفى رجعت مريم لبيتنا وكلت اروح..للحب مالتي واحتمال ما اجيبها لهلي ابات يمها بعد صارت مرتي..اي يعمر الخدود صارن الك محد يمنعك منهن بعد..واللشه المربربه اليوم بحضنك حلالك ..بعد..لكيت بابهم مقفوله..كلت احتمال قافلة الباب الخارجي لان وحدها ..زين اذا ادك الباب متسمعني..خابرت امها كتلها..

دزيلي..رقمها

دزتلي رقمها..اتصلت مره مرتين تلاثة مردت..اي..معدلة..مترد ع الرقم الغريب..دزيتلها رساله..

اني يعمر ردي..

دكيت شالت التليفون..

الووو

الوات..مرتي الحلوة!!

شتريد يعمر!

شريد جاي عليج طلعي..فتحيلي الباب..مشتول ابابكم..

شعندك جاي لبيتنا!!

شعندي جاي ..غير جاي على خدودج!!

لا بالله..

اي والله ..يله فتحي الباب ..بردان..بره..خليني..بحضنج خلي ادفه..

روح لاهلك حباب..يريد يدفه الاخ!!!!

لج فتحي الباب ليش تخليني اجيت من السياج وافوتلج حتى اذا قافله باب الصاله ..هم اكسره وافوت!!

بس اني مو بالبيت.!!

مو بالبيت شنو!

اي والله خابرت خاله وخالتي وبلسم جني عليه ورحت ابات يمهم..!

خرررب تحجين صدك؟؟

اي والله..لا عبالك عقدت ومكيف وحققت الي ابالك..شوف كلبي مورم عليك..وكل دمعه بجيتها بسببك اطلعها عليك زقوم اصبر عليه...

من كالت زقوم..خربت ضحك..

هههههه..اويلي شكد طيب الزقوم حيل احبه!!

يعمر راح اسده وبعد لتتصل ..كتلك مراح تتهنه بالعقد..ولا راح اسمحلك تاخذ مني لاحق ولا باطل ويجوز ..اقنع ماما بيوم بشهر افسخ هالعقد..ونتطلك؟؟

هههههه...متلحكين تقنعين احد اليوم سبت الخميس الجاي انتي عروستي..

الخميس الجاي شنو بكيفك؟؟

اي بكيفي اني جاهز مجهز..وكلما تعاندين استعجل اكثر هسه بس تزودين كلمة اقدم عرسنه واخلي باجر..مو الخميس

انت شبيك تخبلت شنو باجر!!

اي تخبلت بفضلج غير!!..الخميس اخذج...والله..والله..والله

يعمر!!

تعرفين يعمر كولش زين..الي يريدة يسويه وكتلج الخميس انتي بحضيني..رضيتي لو لا؟!

يعني كولشي بالغصب؛!

من تصيرين الي ...وعد مني راح تندمين ع كلمة غصب وراح تتمنين لو ممضيعة دقيقة وحده من عمرج بعيده عني!

مفهمت..

مضل شي..ايام قليلة وتفهمين..يعمر..وتعرفين انتي شنو بالنسبة اله..

سمعت صوتها حسيت بيها بجت ضجت حيل :

امنية لتبجين معندي مانع هسه اجي لبيت خالتج واخذج..لغرفتي..وتدرين..اسويها

ماشي..مراح..ابجي..

وسدته

رجعت للبيت واتفقت ويه اهلي كدامهم من السبت للخميس يجهزون لعرسي صح كامو يحجون..شكو مستعجل واحنا ممجهزين امورنا والبنيه هم تريد تجهز نفسها بس مفاد حجيهم ..كتلهم معليكم غرفتي اني التهي بيها وارتبها...وعرسي احجز قاعة للزفة...وابقى ليلتين بالفندق..ما اريد عرس بالبيت ودوخة راس مثل عرس ..صفوان هلكنا من التعب بيه...وطلعت روحي يله قنعتهم الصبح خابرت امها طبعا امها ردت عليه ..وسدته بسرعة بعدين رجعت خابرتني..

يعمر يمه ..صح عقدت بتي بس كلبي ممرود مرد بنيتي شبعت بجي ما اتحمل هالكد اعذبها خطية خليني احجيلها واكلها متفقه وياك حتى كلبها يبرد..تكولي مهامني شي بس هامني انتي شاكة باخلاقي وممصدكة بيه...خطية بنيتي متستاهل هيجي اسوي بيها..

لا..لا موهسه هو اسبوع زمان واخذها واني اسولف الها كولشي!!

خاله بتي نتسل سل منا لما  تاخذها..بتي متتحمل احد يشك بخلاقها..واني ما اتحمل اشوفها تفرفح البارحة بالليل خالتها خابرتني تكلي شنو..بتج مجبوره ع الزواج شو الليل كله تبجي..

خرررب ..اريد اشوفها اريد احجي وياها..اني لتحجين انتي اي شي هسه..

متقبل تكول راح اضل يم خالتي منا لما اطلعين من المستشفى واني ما اعرف شوكت اطلعنا الدكتوره..

هذا مو حجي مريم راح ادزها تبقى يم نازك وانتي رجعي لبيتج..بعدين ..راح ادز فلوس اتجهزيها..مترهم تضلين بالمستشفى..

وفعلا دزيت مريم..وامها رجعت للبيت وبلشت اجهز شغلات لعرسها بس المشكلة ..مو هنا المشكله لكيتها دازتلي رساله تكولي تريد تتزوجني الخميس لتجي عليه ما اتحمل اسمع كلمة منك عوفوني بحالي منا للعرس المصخم..وامها هم كل ما تخابرني تكولي بتي شبعانه قهر من وره هالتهمه التهمناها بيها..وطلعت روحي منا لما اجه يوم الاربعاء..فوكاها تكولي بتي متريد حنه..خرب يومها متريد تفرح بحنه بس امها قنعتها لازم تسوي..حنه حتى لو بسيطه ..

امنية::

اسبوع العقد خلصته بس قهر كلما اصفن ابجي والله مهامني لايعمر ولا مصيري الي ارتبط ويا كل الي هامني ماما شلون صدكت انه اني بتها المربيتها ممكن اغلط..وحتى من اصرت ع الحنه قبلت واني مغثوثة وكلبي معصور..عصر ليش اني هيج حظي صبرت ..كل هالسنين وتاليها قسمتي تجي بتهمه...بس ارجع واكول مو صوج ماما اني مبيه خير المفروض من اول يوم احجي كولشي لماما واخليها بالصورة اي من اول يوم  ومن اول موقف صار بيني وبين يعمر لازم اسولف..لا مي البنية الشريفه متضم شي على امها ومتسكت على احد ..يتمادى وياها وتخليه ..يتفرعن عليها الى ان..توصل بيها المواصيل لهنا..ابجي واعض اصابعي ندم ليش سكتت عليه ليش محجيت لماما كولشي من الاول ليش خليت نفسي ..بمحل شك وتهمه اني بريئة منها..مو مشكله اتزوجه ليعمر ومستعده اتحمل حياتي وياه ومستعده احاول بكل طاقتي اصلحة وما اخلي يمشي بطريق غلط..بس كولشي ولا تضل ماما شايله عني هالفكرة الغلط..بيوم الحنه اخذتني للصالون هم بدله ومكياج..وتسريحة وعزمت جوارينا واقاربنا وكل شويه تكولي ابتسمي لتكلبين خلقتج ع الناس وبيني فرحانة مو وجهج مكدر واضطر ابتسم جذب ..بالليل اجه يعمر..من راحو كولهم كعد يمي ..وهي هم كاعده يمنا

امنية شنو السالفة..يعني هالكد زواجج مني مكدرج..ليش ..تخربين فرحتي،

هاي يافرحة..الي بنيتها ع الجذب يافرحة يعمر احجي يله كول لماما اني مبيه شي وحجيك كوله جذب كولها ماكو بيني وبينك شي..راح اموت من القهر ..اني..وانت ولا ع بالك..تكولي احبج..ليش هيج تسوي بيه..ليش..!!

هوباوع ع ماما 

جتي كعدت يمنا وكالت:

ادري بيج مبيج شي بنيتي والله ادري بس شسوي غير هذا رجلج الشيطان قنعني بهالفلم حتى ترضين بيه..

مسحت دموعي..

هذا يافلم

هو كلي احبها ومترضى بيه ساعديني واني هم اريد افرح بيج وانطيج لواحد يحبج ومشتريج..

مشالها عقلي....راسا كمت :

يعني شنو تتفقين ويا عليه وتشبعوني كل هالقهر!

اسم الله عليج من القهر يمه باجر عرسج وان شالله متشوفين بس الفرح ..

من حركه كلبي التفتت على يعمر لكيته مبتسم ..ولا على باله...

اشوف بس الفرح ويه هذا الشيطان الجذاب يوم..

ولج يمه يحبج ذابح روحة عليج!!

اووف ياحركة كلبي ..ولا هامه بعدله شويه وينفجر من الضحك واني حركة كلبي فول..

هااا..يحبني هسه اعلمه شلون يحبني..وذابح روحة..

جريت ايده بسرعة والكطة عضةمن زنده يمكن شلعتلي قطعة لحم منه ..هو كال:

اخ..اخ..ايدي..ايدي ولج..ايدي..انشلعت..

هديته وكتله..

يله حبني زين واذبح روحك عليه..

ماما تضحك:

..يمه شوكاحتها..شلعت لحمة من ايده..

كام بس شنو يتوجع وميت من الضحك..لزم..ايدي وكال :

من رخصتك عمتي..اي مو صرتي عمتي هسه....فد خمس دقايق على انفراد ويه مرتي..

لزم ايدي..

ما احجي وياك..

لج دتعالي مو اخذت رخصه من امج..

اخذني للاستقبال ..راد يسد الباب

لتسدها احجي شعندك

عمي ما اسدها هاي شلون عروسة تاكل اوادم

احجي شعندك

جرني من..ايدي وحضني ع كيفه ردت ادفعه حجة باذني:

اسف..والله..اسف مو قصدي اخليج بهالحاله ..ولا يهون عليه ابجيج.لحظة وحدة..امنية احبج لدرجة مستعد ..لو انتي بجهنم افوت واخذج...من يوم..الي شفتج بعرس صفوان من يوم ذاك سوء التفاهم وانتي عايشه بكلبي وبروحي اعرف خايفه من عيشتج ..وياي ومامأمنه..بيه بس وحق حبج العايش بدمي والي خلاني اصير يعمر ثاني ميشوف بالدنيا غير بس عيونج..بعمري مراح امشي بطريق غلط..والايام  راح تثبتلج صحة كلامي

وخرني شويه وباسني بكصتي 

يعمر..شلون اصدك بوعدك وانت جذبت هالجذبه حتى تحصلني!!

انتي كلتيها حتى احصلج..وحصلتج وممستعد اي شي بهالدنيا يكدر حياتي الي انتي راح تخليها جنه الي والي اني راح اخليج ملكة بجنتي..

لا يعمر ..ما اكدر اصدك انت مو امان جذاب وشيطان واني لتشوفني ..لسان ..تره ..اذا تصدمني  باي تصرف غلط...بعد هذا وعدك ما ابقه وياك دقيقة

عمت عيني اذا ..اخلف وعد لواخلي عيونج يشوفن دمعه ندم لان تزوجتيني

الله كريم....البي صالح  الله يقدمه الي..

هسه شنو ابوس..هالشفه..لو اعض الخدود..؟؟

لك شنو تبوس 

امنية اموتج اذا تكوليلي  لك..شنو لك اشتغل عندج اني..

معليه تشتغل متشتغل يله روح لاهلك!

لا اليوم ابات عدكم..

ردته يروح كلت

ماما..ما..

مكملت بسرعةباسني ع شفتي بس ع كيفه ..وحضني وكلي ..

شيجيب باجر..شيصبرني..خلي ابات عدكم..

ماما..ماما..

جتي ماما.

شبيكم..هم عضيتيه للولد؟؟!!!

يريد يبات عدنا الاخ.

شلون ترهم..هاي..يله روح لاهلك..نام وتغطه..ومن..يصير الصبح تعال..

اهوووو خلوني ابات عدكم..شيصير..يعني!!

عمه روح لاهلك باجر عرسك شنو ابات عدكم..

يعني اطردوني..

خربت ضحك ..عليه.. ماما كالت:

اي نطردك..عمه روح لاهلك..وتعال الصبح صير عاقل

باوعلي شافني..مبتسمه ..حتى مستحه من ماما كلي:

اي ضحكي شكو عليج...اني اعلمج باجر..

الفصل العاشر من هنا 

شكرا لزيارتكم عالم روايات سكيرهوم