رواية ومن الحب ماقتل الفصل التاسع
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبة
بسم الله توكلت علي الله. وهو رب العرش العظيم
من تحت العمارة اللي عايش فيها عاصي يقف تاكسي وينزل من التاكسي بسرعه عز صاحبه ويطلع السلالم باقصي سرعه لغاية ما وصل شقه عاصي وقف قدام باب الشقه وبدا يخبط علي الباب خبطات سريعه مثل دقات قلبه المفزوعه وفضل يخبط لغاية ما فتح عاصي وقال بحدة اول ما شافه
في ايه عمال تخبط ليه كدة
عز وهو يلتقط انفاسه بالعافيه يقول
مصيبه مصيبه
عاصي اللي بان عليه القلق
في ايه
عز دخل الشقه ورمي جسمة علي اقرب كرسي قابله وقال
عماد قبض علي منير
عاصي بعصبيه
بتقول ايه
عز
قبض عليه بعد ما التحريات اثبتت انه كان اخر واحد عند جنزير قبل ما يتقتل
عاصي
يادي الليله السوده اللي زي وشك
عز
بس اللي عرفته ان منير لغايه دلوقتي ماسك نفسه ومش عايز يقول اي حاجه
عاصي
منير لو مسك نفسه النهاردة هايقول كل حاجه بكرة عماد مش سهل ومش هايسيب منير غير لما يقوله علي كل حاجه
عز
طيب والعمل.
عاصي حط ايدة علي دماغه وقال
انا مش عارف عماله تتعقد ليه وتضيق عليه. لانا عارف اخلص من صابر وفلوسه اللي عايزها مني . ولا اخلص من عماد اللي مش عايز يشلني من دماغه
عز
لا فكر كدة كويس عشان احنا لازم نخلص من الموضوع ده بدل ما نروح في داهيه
سكت عاصي وبدا يفكر وشيطانه دله يعمل اية فابتسم ابتسامة صفراء وقال ل عز
حضرلي شريحه من اياهم اللي من غير اسم واتصل بعبير اخت عماد وقولها، ،،،،،،،
ومن جوة اوضة عبير اللي كانت نايمة علي سريرها وقت ما رن موبيلها وبصت علي الشاشه شافت رقم غريب بصت عبير للرقم بدهشه وقالت
الو. مين معايا
رد عز وهو مغير صوته
انا واحد عاصي ضحك عليه زي ما عايز يضحك عليكي
عبير باهتمام
انت مين
عز
انا موظف في الشهر العقاري اسمي عبيد. جالي عاصي من يومين وطلب مني اني اعمل له توكيل رسمي يحق لي التصرف في املاك وداد وبنتها شمس وفعلا عملت له التوكيل ومضيت وداد وشمس علي التوكيل وجه النهاردة وباع كل املاك وداد وشمس وقبض 70 مليون. جنيه من مستثمر عربي انا اللي جيبه لي. ولما بقوله علي نصيبي ضربني وقالي انسي انك شوفتني ولما هددته باني هاقول لك. بانه ناوي يضحك عليكي ويخل بالاتفاق اللي تم بينك وبينه في الكليه قالي اخبط دماغك انت وعبير في أطخن حيطه وانا مش عارف اعمل ايه جيبت رقمك من علي موبيله من غير مايعرف وقولت اتصل بيكي يمكن انتي تعرفي توقفي وتاخدي منه حقي وحقك في الفلوس دي
عبير بعصبيه
ابن الكلب. وهو فين دلوقتي
عز
في شقته بيجهز نفسه وطالع علي المطار.
عبير
مش هايلحق يروح في حته. ولا هايلحق يتمتع بفلوسي. اديني عنوان شقته بسرعه ، ،،،،،
ومن جوة شقه عاصي اللي كان قاعد جنب عز كان عاصي باصص ل عز وبيضحك وهو بيدي عنوان الشقة ل عبير وخلصت المكالمة وطلع الشريحة من الموبيل ورماها بعد ما كسرها وبص عز ل عاصي وقال
اديني عملت اللي انت عايزا. فهمني بقي ناوي تعمل ايه
عاصي
اتفرجت علي فيلم البحث عن فضيحه
عز باستغراب
فيلم ايه بس. انت بتهزر
عاصي
لا خالص. عبير هاتيجي هنا تطلع تلاقيني مستنيها واول ما تخش الشقه تخرج موبيلك وتصور احلي فضيحه لاخت الباشا عماد وهي في حضني
عز بدهشه
ازاي ده وهي هاتسيبك. تعمل فيها اللي انت عايزه دي لو صرخت هاتلم سكان العمارة كلهم علينا
عاصي
اللي بتصرخ دي عشان تصرخ لازم تكون في وعيبها انما عبير هاتكون مبسوطه وعامله دماغ قراقيش
وضحك عاصي وخرج من جيبه كيس مخدرات من اللي بيسبب الهلوسه اللي ريحته بس لو دخلت مناخير اي حد تخلي في حاله من عدم الاتزان وكانه سكران. ورش كميه من المخدرات دي علي المقبض الموجود في باب الشقه و ساب باب الشقه مفتوح وقال لعز
اول ما هي تيجي وتلاقي باب الشقه مفتوح هتمسك المقبض بتاع الباب بايديها وتزق الباب عشان تدخل وكيس المخدرات دة هافضي في طبق و هايكون متعلق في المروحه دي وهاكون انا مطفي النور هدوس هي علي اول كوبس عشان تولع النور لكنها هاتشغل المروحه علي اسرع حاجه وتطير البودرة بتاعت المخدرات في وشها طبعا هاتمسح وشها بايديها وهنا تشم البودرة وتدخل من مناخيرها لي دماغها عدل وبعدها بخمس دقايق هاتكون واحدة تانيه خالص هاتكون مسطوله وجاهزا لاي حاجه ممكن تعملها
عز
يا ابن الشياطين. ده كيس كوكتيل من اياهم
وبص عز لكيس المخدرات اللي عاصي حطه في طبق مسطح وعلقه قدام المروحه
وجهزت المصيدة لاستقبال الفريسه وجت عبير واللي خطط له عاصي حصل من غير اي غلطه وداخت عبير من ريحة المخدر وبدات تلف الشقة كلها تدور علي عاصي لكن وهي مسطوله ووصلت للاوضة اللي فيها عاصي وبصت له ودماغها بقيت مش مظبوطة ولسة هتتكلم خدها عاصي في حضنه واتصورت عبير في وضع مخل بالاداب وهي في احضان عاصي، ،،،،
وبعدها بيوم راح عاصي لمديرية الامن وسال علي مكتب عماد ودخل المكتب من غير اي استأذان وبشكل مستفز بص له عماد والعسكري عمال يحاول منع عاصي من الدخول لكن عاصي بص للعسكري وقال
يا عم سيبني ده الباشا عماد قريبي
عماد
انت جاي لي برجلك لغايه هنا.
عاصي
ياباشا انا عايزك في موضوع خطير موضوع يخص عبير اختك
وقف عماد وخرج من وراء مكتبه و راح ناحيه عاصي بمنتهي الغضب ومسكه من لايقه القميص و قال
انت مالك ومال اختي يا وسخ
عاصي ببرود
طيب هاينفع اتكلم كدة قدام العسكري ولا نتكلم علي انفراد احسن
بص عماد للعسكري وقال
سيبه واخرج انت
وخرج العسكري و عاصي طلع فلاشة من جيبة و اداها ل عماد وقال
خد اتفرج علي الفلاشه دي وبعد كدة نتكلم
عماد بص للفلاشة وقال
فيها اية الفلاشة دي
عاصي
فيلم جديد هيكسر الدنيا اسمه العذراء والعاصي
عماد ماكنش فاهم لكن عاصي قال
اتفرج بس وقولي رايك
وخد عماد الفلاشه من عاصي وهو قلقان وحس ان الموضوع يخص عبير اخته لكنه كذب احساسة وراح ناحية اللاب بتاعه وحط الفلاشة في اللاب
الفلاشه وشاف الفضيحة اتعصب ونزل شاشة اللاب وهجم علي عاصي وبدا يضرب في بمنتهي القوة وعاصي اللي بوقه ومناخيرة بيجيبو دم قال
اهدئه يا باشا عشان لو انا ما خرجتش من هنا. الفيديو دة انت عارف هايكون علي اني موقع والشباب تعبانه
عماد ايدة كانت في الهواء ونازل بلكمة تكسر اسنان عاصي لكن ايدة اتشلت في مكانها وعاصي قال
الله ينور عليك واي كلام في سكة انك تتهمني باغتصاب اختك ف دة هيكون في الاونطة اختك بشهادة البواب بتاع العمارة هي اللي جت لغاية عندي ودخلت الشقة من غير صوت وخرجت من غير صوت
عماد بعد عن عاصي لانه عارف ان واطي زي دة ممكن يفضح اخته وشاف عاصي هدوء عماد فقال
ايوة كدة اعقل. واللي انت عايز تعرفه هاعرفهولك. انا اللي قتلت جنزير والواد منير مالهوش ذنب فالبذوق كدة منير يروح وانا اروح واعتبر الفيديو ده ماتصورش. اشطه. فكر بقي وقلبها في دماغك ومستني ردك. اسيبك انا بقي
لكن قبل ما عاصي يسيب المكتب ويخرج راح ناحية الفلاشة اللي في اللاب توب وخدها وهو بيقول
اصل الفلاشة عليها فيرس اخاف علي جهازك
وسحب منديل من علبه علي مكتب عماد وبدا يمسح الدم اللي نازل منه وقبل ما يخرج عماد مسك ايدة اللي فيها الفلاشة وقال
انا شغلتي امسح الفيرس
وخد الفلاشة من ايد عاصي وعاصي قال
مع ان الفلاشة دي تعز عليه لكن مش خسارة فيك
وخرج من المكتب وعماد باصص له وهو زي المشلول مش عارف يعمل اية ،،،،،،
ومن جوة اوضة عبير اللي كانت تعبانه بسبب المخدر اللي دخل جسمها ونايمة علي سريرها وقصاد منها الدكتور شوقي وهو عم عماد وعماد بيحبه جدا لدرجه انه مخباش عنه اللي حصل والفيديو اللي شافه. وكانت عبير منهارة تماما وبتعيط وعماد ماسك نفسه ومش عايز يكسر عضمها بس هيضرب فيها اية وهي مش قادرة تقف علي رجليها وفضل ماسك نفسه قصاد شيطانه اللي بيقول له اقتلها والدكتور شوقي خلص كشف وخد عماد علي جنب وقال
لازم تعرف ان اختك خدت جرعه من مخدر كانت هي السبب في حاله اللاوعي اللي كانت فيها وتحليل الدم اثبت دة
عماد والنار تحرق قلبه
وبالنسبه لحاله الاغتصاب اللي اتعرضت ليها
شوقي
الحمد لله هي لسه انسه لان كان باين ان الكلب اللي كان بيعمل كدة ماكنش مركز الا في انه يصورها وبس
عماد
طيب الحمد لله
شوقي وهو بيحط ايدة علي كتف عماد ويقول
عايزك تبقي هادي اللي عرفته من اختك انها انضحك عليها واختك اعصابها منهارة ومش هاتستحمل اي رد فعل منك
عماد بهدوء يسبق العاصفه
انا عارف اختي كويس وعارف ان الحيوان ده عمل كدة فيها عشان يساومني لكن انا مش هاسيبه
شوقي
وانا عارف انك هاتعرف تجيب حق اختك بس بالعقل. انا هامشي دلوقتي عشان ميعاد العيادة وهابقي افوت عليكم تاني بعد العيادة.
وسابه شوقي ومشي ولسة عماد بيتحرك علشان يوصله قال له شوقي
خليك جنب اختك
ومشي الدكتور شوقي وعماد راح وقف قصاد عبير وقال
لولا اني ربنا مديني صبر كان زماني قتلتك ودفنتك بدم بارد
عبير كانت بتعيط بحرقة فسكت وقلبه اتقطع عليها وقعد قدام منها وقال
لكن انتي اختي ولازم اكون في ظهرك وقت محنتك. بس عشان اقدر اعيش واقدر ابص في عينيكي وابص لنفسي في المرايا لازم تقولي ايه اللي بينك وبين الكلب اللي اسمه عاصي يخليكي تروحي له بيته برجليك
عبير باستسلام رهيب
هاقول لك علي كل حاجه
وتحكي عبير لعماد كل تفاصيل اتفاقها مع عاصي. وانها طلبت منه انه يلعب علي شمس ويتجوزها ويخليها تقلب علي امها وتطردها برة الفيلا ويخليها تعمل له توكيل رسمي يحق له يبيع كل املاكها وهو ياخد 20% من قيمه الثروة وعبير تاخد الباقي وحكيت له هي ليه راحت الشقه وبعد ان انتهت عبير قال عماد
برافو. رايحه تحطي ايدك في ايد مجرم عشان الغل والكرة اللي في قلبك من ناحيه شمس وامها عملت ايه شمس عشان تكريها.
عبير
كفايه انها بنت وداد
عماد
وعملت لك ايه وداد. هي اللي قتلت امك
عبير
مش هي بس اكيد اللي حصل لي امي كان باتفاقها مع بابا
والا ليه وفقت اننا نتكب باسمها
عماد
هي ماكنتش موافقه ابوكي هددها بانه هايقتلها لو اعترضت وهي خافت علي روحها. وبعدين بقي تعالي نتكلم بصراحه انتي بتعملي ده كله عشان خاطر الفلوس اللي رجعت لصاحبها. حلو بقي اللي حصل لك هايبقي شكلك ايه لما الكلب اللي اسمه عاصي ينزل الفيديو علي النت وتبقي فضيحه هاتنفعك الفلوس اللي انتي بتحاربي عشانها
ويقف عماد منفعلا ويكمل قائلا
الفلوس اللي مش من حقك هاتشتري ليك شرف غير شرفك اللي اتهان ارجعي لعقلك وحكمي قلبك انتي غلطي وربنا عاقبك
وحس عماد انه كان قاسي بزيادة علي اخته فخدها في حضنه وهي عيطت اوي وبحرقة وقالت وهي مستخبيئة في
عماد لازم تجيب حقي
عماد
باذن الله. ويالا بقي نامي عشان ترتاحي
ويقف ويستعد للخروج من الاوضة فقالت له عبير
عماد.
بص وهي كملت وقالت
هو أنا لسه بنت
عماد
لسه. ويالا نامي عشان ترتاحي،،،،،،
وقبل ليله من فرح عاصي وشمس تقف شمس جوة اوضتها وكانت بتقيس فستان الفرح وهي فرحانه جدا ومش مصدقه نفسها فتدخل عليها وداد وتبص لها وتقول
برضو عملتي اللي في دماغك واشتريتي فستان الفرح
شمس
اظن احنا اتكلمنا كتير في الموضوع ده وانا قولت لك مش موافقه علي الجوازة ممكن ماتحضريش الفرح
وداد
مش هايبقي في فرح من اساسه عشان حد يحضرة
شمس
ومين بقي اللي قال كدة
وداد
انا. وانا قولت لك هاقتله ولا انك تكوني مراته
شمس
ليه. عايزا تحرميني من اكتر انسان حبني في الدنيا دي
وداد وهي تمسكها من كتفها وتهز فيها
يا بنتي فوقي البني ادم ده خسيس وواطي. فوقي عشان خاطر ربنا ماتغلطيش نفس الغلطه بتاعتي وتغرك المناظر والكلام المعسول
شمس
كل كلامك ده مش هايغير حاجه. انا كبرت وعارفه مصلحتي كويس ولو انا فعلا بنتك اللي بتحبيها بلاش تبوظي فرحتي ،،،،،،،
وبعدها بيوم ومن جوة قاعه أفراح كبيرة في احدي فنادق الخمس نجوم يتم كتب كتاب عاصي علي شمس ويتزوجا الاثنين وسط فرحه عارمه من اهالي العروسين وفرحه
لا توصف لشمس وامها تبص لها وهي في الكوشه وجنبها عاصي وتتمني لو تخلص عليه ولكن الغريب ان عماد جه الفرح ومعه عبير وانصدم عاصي لما شافهم لان حضور عماد وعبير اخر حاجه متوقعه. والاغرب انا عبير وعماد راحو ناحيه العروسين في الكوشه وعبير مدت ايدها وسلمت علي عاصي وعاصي بيسلم عليها وهو مش مرتاح وعبير تقول له
مبروك
عاصي
الله يبارك فيكي
وعماد يسلم علي عاصي وعاصي مش مصدق اللي بيحصل والتوتر باين عليه وتسلم عبير علي شمس وشمس تبص لها بضيق وتقف عبير وراء العروسين وتبص لعماد وتقول له بصوت كفحيح الثعابين
صورني صورة للذكري مع احلي عروسين
ويقف عماد قدام منها وطلع الموبيل وصورهم
جاهزا
عبير
جاهزا
وتخرج مشرط من اللي يستخدمه الدكاترة في العمليات والمعروف عن المشرط انه حاد جدا ويشوف عاصي المشرط في ايد عبير وعبير رايحة بالمشرط ناحيه رقبه عاصي علشان تذبحة ويمد عاصي ايدة علشان يمنع عبير ولكن ايد عبير كانت اسرع ودخل المشرط في رقبه عاصي، ،،،،،،،،،،
