رواية عروس البحر الفصل العاشر 10 بقلم نون لاشين

ثلاث أسابيع في برلين.

الحياة بقت روتين.

صباحاً آدم بيوصل إلين المستشفى للكيماوي.. بعد الظهر بيرجع الشقة.. بالليل بيقعد مع ملك اللي تعبانة من الحمل.

إلين بعد الجلسة التالتة بدأت تفقد شعرها.

صباح يوم عادي.. إلين كانت قاعدة قدام المراية .. مشطت شعرها.. ولقت خصلة كبيرة في المشط.

سكتت.. بصت على الخصلة.. وبعدين بصت على المراية.

عيونها دمعت 

آدم خبط الباب.

آدم: "ماما.. جاهزة؟"

إلين فتحت الباب.

إلين بابتسامة: "جاهزة يا حبيبي."

آدم بص ليها.. لاحظ إن عيونها حمرا 

آدم: "يلا بينا.. الدكتور شولتز مستنينا."

في الطريق للمستشفى.

آدم كان بيسوق وإلين جنبه.

آدم : " ماما إنتي أقوى ست في الدنيا ."

إلين حطت إيدها على إيده: "لأ يا حبيبي.. أنا ست خايفة زي أي ست.. بس عندي سبب أعيش عشانه.. عايزة أشوف حفيدي."

آدم ما ردش.. بس عينه دمعت وهو بيبص على الطريق

في الشقة.

ملك كانت قاعدة على الكنبة بتاكل بسكويت مالح.

الغثيان بقى جزء من يومها.. كل صباح بتصحى بتجري على الحمام.. وبعدين تقعد تعبانة لحد الظهر.

زياد دخل المطبخ وهو لابس جاكيت تقيل.

زياد: "يا جماعة البرد في برلين ده مش طبيعي.. أنا جاي من إسكندرية.. عندنا شمس.. عندنا بحر.. هنا في إيه؟ ضباب وبرد واكتئاب."

ملك بضحكة : "اتعود يا زياد.. إحنا هنا لحد ما إلين تخلص علاج."

زياد قعد جنبها: "إنتي عاملة إيه النهاردة؟ الغثيان خف؟"

ملك: "شوية.. بس الدكتور قال إن الشهر التالت أصعب شوية.. وبعدين هتحسن."

زياد: "طب عايزة تكلى حاجة؟ أنا عملت اكل.. يعني حاولت أعمل اكل.. طلع طعمه غريب بس ممكن يتاكل."

ملك بضحكة: "زياد.. إنت مش عارف تطبخ."

زياد بجدية: "أنا اعرف أعمل ساندوتش.. وده كفاية في برلين.. لأن الأكل هنا طعمه زي الكرتون."

.........

آدم رجع من المستشفى مع إلين.

إلين كانت تعبانة أوي بعد الجلسة.. وشها شاحب وعيونها مرهقة.

آدم ساعدها تقعد على السرير في أوضتها.

آدم: "ماما.. نامي شوية.. الأكل هيجيلك هنا."

إلين بابتسامة ضعيفة: "شكراً يا حبيبي.. تعبتك معايا."

آدم باس جبينها: "إنتي مش بتتاعبى حد يا ماما.. إنتي بتقاتلي.. وأنا فخور بيكي."

إلين: "روح شوف ملك.. هي كمان محتاجاك.. الحمل مش سهل."

آدم: "أنا هروح لها دلوقتي.. إنتي ارتاحي."

آدم خرج من الأوضة وقفل الباب 

.

وقف في الممر لحظة.. حط إيده على وشه.. وخد نفس عميق.

التعب كان واضح عليه.. عيون مرهقة.. لحية خفيفة ما حلقهاش من يومين.. هدوم مكرمشة.

زياد شافه من بعيد.

زياد : "آدم.. إنت كويس؟"

آدم بص لزياد: "أنا تعبان يا زياد.. بس مش عايز حد يحس."

زياد قرب منه: "أنا مش أي حد.. أنا صاحبك.. قولي."

آدم بصوت واطي: "ماما تعبانه.. وملك تعبانة من الحمل.. وأنا مش عارف أكون جنبهم الاتنين في نفس الوقت.. حاسس إني مقصر في كل حاجة."

زياد حط إيده على كتفه: "يا آدم.. إنت مش مقصر.. إنت بتعمل أكتر من أي حد ممكن يعمله.. بس إنت إنسان مش آلة.. لازم ترتاح شوية."

آدم: "امتى أرتاح يا زياد؟ ماما بتتعالج.. ملك حامل.. سعاد ورشدي لسه في المحاكم.. 

زياد : "أنا هنا يا آدم.. سيب لي شوية من الحمل.. أنا هخلي بالي من ملك لما تروح المستشفى.. وأنت ركز مع ماما.. إحنا فريق مش إنت لوحدك."

آدم بص لزياد : "مش عارف كنت هعمل إيه من غيرك."

زياد بابتسامة: "هتعمل إيه من غيري؟ هتموت من الجوع.. لأنك مش عارف تطبخ حتى بيضة."

آدم ضحك..  

آدم دخل أوضته.. لقى ملك نايمة على جنبها وإيدها على بطنها.

قعد جنبها  وبدأ يلعب في شعرها.

ملك فتحت عينها .

ملك بصوت نعسان: "رجعت إمتى؟"

آدم: "من ساعة.. إنتي نمتي بدري."

ملك: "التعب غلبني.. الغثيان النهاردة كان وحش."

آدم حط إيده على بطنها: "الدكتور قال إيه؟"

ملك: "قال إن كل حاجة طبيعية.. وإن البيبي بصحة كويسة.. بس أنا لازم آكل أكتر وأرتاح أكتر.

ملك بابتسامة: "خليك مع ماما.. هي أحق بيك دلوقتي."

آدم بص ليها بعيون مليانة حب: "إنتو الاتنين أحق بيا.. وأنا عايز أكون جنبكم."

ملك حطت إيده على خده: "آدم.. إنت بتتعب نفسك أوي.. عايزاك ترتاح شوية."

آدم: "أنا بارتاح لما أكون جنبك."

ملك ابتسمت: "طب تعال نام جنبي..."

آدم قعد جنبها وحضنها 

إيده على بطنها.. وشه في شعرها.

آدم همس: "ملك.. البيبي بيتحرك؟"

ملك بابتسامة: "لسه بدري يا آدم.. هو لسه صغير.. بس الدكتور قال إن خلال أسبوعين هحس بحركته."

آدم باس بطنها: "أنا مستني اللحظة دي.. عايز أحس بيه وهو بيتحرك."

ملك حطت إيدها على إيده.

ملك بصوت واطي: "آدم.. أنا خايفة."

آدم بقلق: "من إيه؟"

ملك: "خايفة من الولادة.. خايفة من المسؤولية.. خايفة إني ما أكونش أم كويسة."

آدم دارها ناحيته وبص في عينها.

آدم : "ملك.. إنتي هتكوني أحلى أم في الدنيا.. 

ملك دمعت.

ملك: "بس أنا ما عنديش نموذج.. ما عنديش أم اتعلمت منها."

آدم مسك وشها: "عندك ست الحسن.. وعندك أنا.. وعندنا بعض.. هنكون عيلة حقيقية يا ملك.. مش عيلة مكسورة."

ملك ضمته بقوة.

ملك : "بحبك يا آدم."

آدم بسها على شفايفها بوسة طويلة.

آدم : "وأنا بحبك.. وبحب اللي جوه بطنك اللى مغلبك ده."

إيده راحت على كتفها بحنان.. وبدأ يقبلها ببطء.. على رقبتها.. على كتفها.

آدم همس: "ممكن؟"

ملك بحب: "ممكن."

آدم كان حريص.. كل حركة بطيئة.. كل لمسة ناعمة.. كأنه خايف يكسر حاجة.

آدم بصوت واطي: "شكراً يا ملك."

ملك بابتسامة: "على إيه؟"

آدم: "على إنك بتخليني أحس إني راجل بجد.. ."

ملك غمضت عينها في حضنه: "إنت احسن راجل فى الدنيا .. 

صباح اليوم التاني.

زياد كان في المطبخ بيحاول يعمل شاي.

إلين خرجت من أوضتها.. لابسة طاقية قطنية على راسها.

زياد بص لها لحظة.. وفهم فوراً.

زياد بهدوء: "صباح الخير يا إلين."

إلين بابتسامة: "صباح النور يا زياد.. الطاقية دي حلوة؟"

زياد بابتسامة حقيقية: "حلوة أوي .. ."

إلين قعدت على الكرسي: "آدم حلق لي شعري إمبارح بالليل.. كان بيعيط وهو بيحلق.. وأنا كنت بضحك.. الموقف كان غريب."

زياد دمعه نزل: "يا الين.. إنتي بطلة."

إلين: "لأ يا زياد.. أنا بس أم عايزة تعيش عشان تشوف حفيدها.. دى مش بطولة.. ده غريزة."

زياد حط كباية الشاي قدامها.

زياد: "إنتي هتعيشي . وهتشوفي الحفيد.. وهتلعبي معاه.. وهتحكي له حكايات قبل النوم."

إلين بابتسامة: "ياريت يا حبيبي.

.........

بعد الظهر.

آدم كان في أوضته بيكلم المحامي في القاهرة.

المحامي: "يا أستاذ آدم.. التحقيقات مع رشدي خلصت.. والراجل اعترف بكل حاجة."

آدم : "اعترف بإيه بالظبط؟"

المحامي: "اعترف إنه هو اللي خطط لموضوع التزوير من الأول.. إنه هو اللي ضغط على سعاد إنها تدعي إنها أم ملك.. وإنه هو اللي زوّر عقد الشراكة مع كريم."

آدم: "وطب ست الحسن؟"

المحامي سكت لحظة.

المحامي: "الموضوع ده أصعب شوية يا أستاذ آدم.. التحاليل اللي عملناها لست الحسن أكدت إن عندها تسمم مزمن.. بس المادة اللي كانت بتتسمم بيها مادة بطيئة المفعول.. يعني مش جرعة واحدة.. ده تراكم على مدار شهور."

آدم بغيظ: "يعني سعاد كانت بتسممها ببطء."

المحامي: "الادلة بتشير لكده.. سعاد كانت بتحط كميات صغيرة من مادة سامة في الأكل.. والهدف كان إن ست الحسن تموت بشكل طبيعي ومحدش يشك."

آدم حط إيده على دماغه

المحامي: "الخبر الكويس إن .. الدكاترة  بدأوا علاج.. والدكتور قال إن حالتها بتتحسن."

المحامي: "حاجة تانية يا أستاذ آدم.. المحكمة حددت جلسة محاكمة سعاد ورشدي بعد شهر.. ومطلوب حضورك 

آدم: "انت احضر.. أنا مش قادر أسيب برلين دلوقتي."

المحامي: "تمام.. أنا هتولى كل حاجة."

آدم قفل الموبايل وقعد يفكر.

ملك دخلت الأوضة وشافته مكشر.

ملك: "في إيه؟"

آدم بص لها: "ست الحسن كويسه.. بس العلاج هيكون طويل."

ملك قعدت جنبه: "الحمد لله إنها كويسة.. ده أهم حاجة."

ملك حطت إيدها على إيده

آدم إنتي دايماً بتعرفي تقولي الكلام الصح."

ملك بابتسامة شغلي إني أخليك عاقل."

آدم ضحك: "وأنا شغلي إني أخليك مبسوطة."

ملك: "أنا مبسوطة يا آدم.. 

مساءً.

الكل كان قاعد 

إلين بالطاقية القطنية.. ملك ببيجامة واسعة.. آدم بتيشيرت.. و زياد بجاكيت وهو جوه الشقة.

آدم بصله: "زياد.. إنت لابس جاكيت جوه الشقة ليه؟"

زياد بجدية: "البرد يا عم.. برلين دي ثلاجة.. أنا جسمي مش متعود على الجو ده."

إلين بضحكة: "زياد يا حبيبي.. التدفئة شغالة."

زياد: "التدفئة شغالة بس مش كفاية .. أنا محتاج شمس إسكندرية."

ملك بضحكة: "إحنا كلنا وحشتنا إسكندرية يا زياد."

زياد: ".. أنا وحشني البحر.. وحشني الكورنيش.. وحشني الفول بتاع عم حسن.. وحشني الساندوتشات اللي بتتاكل واقف."

آدم بابتسامة: "هنرجع قريب يا زياد.. أول ما ماما تخلص المرحلة الأولى من العلاج."

إلين بصت لآدم: "آدم.. أنا عايزة أقولكم حاجة."

الكل سكت.

إلين بابتسامة: "الدكتور شولتز قال لي النهاردة إن استجابتي للعلاج من أحسن الحالات اللي شافها.. وإن لو الأمور فضلت كده.. ممكن أتعافى في أربع شهور بدل ست."

آدم قام من الكرسي.

آدم بفرحة: "بجد يا ماما؟!"

إلين بدموع فرحة: "بجد يا حبيبي.. الدكتور قال إن جسمي بيحارب بقوة.. وأنا عارفة ليه.. لأن عندي سبب حقيقي أعيش عشانه."

بصت على بطن ملك.

ملك عيطت من الفرحة.

زياد نط من الكرسي.

زياد بصرخة: "ياااااه! يارب! الحمد لله!"

آدم حضن أمه بقوة.

آدم : "ماما.. هتتعافي.. وهتشوفي حفيدك.. وهنعيش كلنا مع بعض."

إلين بدموع: "إن شاء الله يا حبيبي.. إن

بالليل.

آدم وملك كانو في البلكونة.. برلين بالليل كانت هادية وباردة.

آدم لف بطانية حوالين ملك وضمها من ورا.

آدم همس: "ملك.. النهاردة كان أحلى يوم في برلين."

ملك: "ليه؟"

آدم: "لإن ماما هتتعافى.. وست الحسن كمان كويسه ولإن البيبي كويس.. ولإن إنتي جنبي."

ملك حطت إيدها على إيده: "آدم.. أنا حاسة بحركة."

آدم اتجمد.

آدم بصدمة: "إيه؟!"

ملك بابتسامة: "البيبي.. حسيت بحركة خفيفة في بطني.. أول مرة."

آدم حط إيده بسرعة على بطنها.

آدم بصوت مرتعش: "فين؟ فين؟"

ملك بضحكة: "استنى.. ممكن ما يتحركش دلوقتي."

آدم حط وشه على بطنها: "يا حبيبي .. اتحرك تاني.. بابا عايز يحس بيك."

بعد شوية.. حركة خفيفة.

آدم حس بيها.

آدم عيط.. عيط بصوت عالي.

آدم : "اتحرك.. ملك.. البيبي اتحرك.. أنا حست بيه."

ملك بكت معاه.

ملك: "أنا قولتلك.. حبة الأرز كبرت."

آدم : "حبة الأرز دي بقت حبة بطيخ.. وبحبها أكتر من كل حاجة في الدنيا."

ملك ضحكت 

آدم قام وبص في عينها.

آدم بصوت جاد: "ملك.. هخليكي أسعد ست في الدنيا.. إنتي والبيبي."

ملك حطت وشها على صدره: "أنا فعلاً أسعد ست يا آدم."

الهوا البارد كان حواليهم.. بس هما كانو دافيين.

دافيين بحب حقيقي.. مش تمثيل.. مش مصالح.. حب حقيقي اتولد من أصعب الظروف.

زياد بيكلم نفسه: "أنا اللي جوازتهم.. وأنا اللي هبقى خال.. وأنا اللي هعلم البيبي يلعب كورة.. أنا الخال الأسطوري.. ومحدش هيقدر ينكر ده."

وبعدين راح المطبخ يعمل كوباية شاي.

زياد بيكلم نفسه: " الشاي بتاع برلين ده طعمه وحش.. يا ريتني في اسكندريه 

الفصل الحادي عشر من هنا