رواية اخترت نفسي الفصل العاشر
أنا من محكمة الأسرة، ومعايا إعلان لحضرتك
أحمد فتح الباب، وبص له باستغراب.
أحمد:إعلان إيه؟
المحضر:
إخطار بالتسويه حضرتك.
أحمد انا مش فاهم حاجه من مين يا استاذ
من السيده هاجر عبدالله
احمد اخد الورقه منه بسرعه وقرأها و اتجنن اول ما قرأ كلمة خلع فى الورقه /
بنت ال** بقى بتخلعينى والله ما انا سايبك
رمى احمد الورقه وساب الراجل ومشى وابوه بينادى عليه ومردش عليه
قام ابو احمد ووقف مع المحضر
ابو احمد/ خير يا استاذ ورقة ايه دى ورينى
-اتفضل يا استاذ ياريت تخليه يحضر فى المعاد بعد اذنك
اخد ابو احمد الورقه وضرب كف بكف
ابو احمد/ شووفتى شوفتى مرات ابنك الى بتقوليلى خليها تريح النهارده عند اهلها شوفتى باعته ايه
ام احمد / خير بس يا ابو احمد كفا الله الشر
ابو احمد/ خير هيجى منين الخير طول ما البت دى مش لاقيه الى يلمها ولا يكسر عينها رافعه قضية خلع على ابنك ..ايوه عشان تمشى على حل شعرها وميبقاش ليها راجل يلمها
ام احمد/ لا هاجر متعملش كده ابدا اكيد فيه حاجه غلط
ابو احمد/ رنيلى على المحروس ابنك الى نايم فوق خليه ينزلى دلوقتى حالا خليه يلحق ابنك قبل ما يعمل حاجه ويجبهالى هنا انا الى هتصرف معاها يلاااا
ام احمد/ حاضر حاضر
راحت ترن على ابراهيم
♥️♥️♥️♥️♥️♥️♥️♥️♥️♥️♥️♥️
عند هاجر
كانت عماله تلف فى البيت رايحه جايه
ام هاجر/لا اله الا الله يا بنتى ما تقعدى
هاجر/ قلقانه يا ماما المحامى قال هيوصله انذار النهارده يا ترى هيعمل ايه ولا حمايا هيعمل ايه
ام هاجر/ استهدى بالله مش يمكن لما يعرف ان دى قعده للصلح يرجع لعقله ويحلها
هاجر/ يحل فيها ايه يا ماما هى مش هتنفع غير كده
ام هاجر/ ما يمكن يحس على دمه ويعرف انك خلاص مش عايزاه فيطلق من نفسه
هاجر/ احمد ..احمد والى وراه مش عايزنى اخد حاجه عايزنى اطلع بهدومى الى عليا ده يمكن يفرح اصلا بالخلع انى هسيبله كل حاجه وانا مش عايزه منه حاجه يا ماما حتى البنات مش عايزاه يصرف جنيه عليهم انا هشتغل وهضرف على بناتى
ام هاجر/ استهدى بالله يا بنتى يمكن ميبقاش فيها لاكده ولا كده
هاجر/ يوووه يا ماما بقى انا داخله اشوف البنات احسن
سابتها هاجر ومشيت
ام هاجر/ امال عايزانى اعمل ايه افرح بخراب بيتك وتسيبيه لواحده وواحد ميسووش
♥️♥️♥️♥️♥️♥️♥️♥️♥️♥️♥️♥️♥️♥️
عند ساره
كانت عماله تلف فى الشقه و مستنيه ابراهيم يطلع من عند اهله بعد ما ابوه رن عليه ونزله على ملا وشه
ساره/اعمل ايه انزل وراه ولا بلاش بابا هيزعقلى اكيد.. يا ترى بخصوص هاجر ..ياربى انا احسن ارن عليها
كانت لسه هترن على هاجر بس قاطعها دخول ابراهيم من الباب بسرعه
ابراهيم بسرعه/ تليفونى فين تليفونى فين بسرعه
ساره/ فى ايه يا ابراهيم ايه الى حصل
اخد التليفون و المحفظه وومفاتيح العربيه وجرى
ابراهيم/ رنى على هاجر قوليلها تمشى من البيت او تقفل على نفسها
ساره/ استنى هنا كلمنى فيه ايييه ....اكيد احمد المتخلف
اخدت تليفونها بسرعه ورنت على هاجر بس مردتش
ساره/ لا انا مش هستنى هنا لوحدى استناااانى
لبست عبايتها واخدت طرحه ونزلت وراه بسرعه قبل ما يمشى
♥️♥️♥️♥️♥️♥️♥️♥️♥️♥️♥️♥️♥️♥️♥️
عند ميار شافتهم نازلين ورا بعض ودخلت ترن على احمد بس مردش عليها
ميار/ مبيردش ليه ده ودول نازلين رايحين فين..اقطع دراعى ان ما كان فيها هاجر يكش يخلص عليها ونخلص
لبست ونزلت تحت لبيت العيله
كانت قاعده ام احمد وهى باين عليها القلق وعماله تدعى فى سرها
ميار/ فى ايه يا ماما خير
بصتلها حماتها ومردتش عليها وكملت وهى بتدعى
ميار/ الله في ايه يا ماما هم راحوا فين
سابتها حماتها ودخلت جوه
ميار/ مبتردش ليه دى هى نقصاها
شرييف واد يا شريف
شريف/نعم يا ماما
ميار/تعالى يا حبيبي اما اقولك انت صاحى من زمان
شريف/ ايوه صحيت الصبح مع جده
ميار/ طب قولى ايه الى حصل
شريف/ عم..
بصتله ميار قبل ما يكمل ويقول عمو
شريف/ قصدى بابا احمد نزل لجده وبعدين مشى علطول وجده قعد يزعق هنا مع عمو ابراهيم وبعدين مشيوا
ميار/ اممم يبقى الموضوع فيه العقربه زى ما قولت طب متعرفش كان بيزعق بيقول ايه
شريف/ كان بيقوله يروح ورا بابا احمد
كانت هتتكلم بس لفت نظرها الورقه الى كانت على السفره فقامت تجيبها واول ما شافتها عينيها لمعت
ميار/ هى دى بقى سبب المشكله ..بس لحظه ده خلع
طلعت تليفونها بسرعه ودورت على حالة الخلع ايه الى بيحصل فيها ورنت بسرعه على احمد بس مردش
ميار/ مبيردش ليه ده اكيد هيعمل حاجه متخلفه زيه ..رد
قعدت ترن عليه بس مفيش فايده شويه يرن وشويه مشغول
♥️♥️♥️♥️♥️♥️♥️♥️♥️♥️♥️♥️♥️♥️♥️
عند ساره
ساره بخوف/ ركز فى الطريق يا ابراهيم عشان ربنا يسترها
ابراهيم بغضب/ مبيردش عليا مبيردش
ساره/ ولا هى بترد انا خايفه
ابراهيم/ لا ان شاء الله ملحقش يوصل انا عارفه متهور
ساره/ انا خايفه ياخد البنات بالغصب منها ويضربها وهى ووالدتها ميقدروش عليه
ابراهيم/ انا قولت ياساره نروح بدرى على الاقل انا ابقى هناك عشان المهزله دى
ساره/ هى مكنتش تعرف هيوصل امتى دى لسه عامله توكيل
ابراهيم/ وانتى مقولتيش ليه وخبيتى عليا ليه عاجبك الموقف ده
ساره/ شد انت بس وان شاء الله ميحصلش حاجه ونلحقه
كمل ابراهيم وهو سايب تليفونه على التابلوه وكل شويه يرن
ساره/ابراهيم هو ينفع نتصل بحد من النجده احنا مش ضامنين اخوك وهو متعصب
ساره / ياره متوترنيش ان شاء الله مش هتوصل لكده متخافيش رنى عليها تااانى
♥️♥️♥️♥️♥️♥️♥️♥️♥️♥️♥️♥️♥️
فى نفس الحى بتاع هاجر
كان طالع شاب تلاتينى طويل بشرته قمحيه لعماره فى نفس الحى وواضح انه جاى يزور حد
طلع الدور التالت وخبط على الباب
فتح الباب وقابله بنت صغيره وفرحت اول ما شافته
-خالوووو
-حبيبة خالو ...وحشتينى يا قطه
-وانت كمان وحشتنى اوييي
ـايه ماما فين مستخبيه ولا ايه
-لا جوه ..مامااااا تعالى خالو هنا
ـاهلا اهلا وسهلا عاش من شافك يا زين بيه لسه فاكر ان فيه عندك اخت ده انا قربت انسى شكلك
زين/ بالهداوه علينا يا هدى باشا مش كده
ضحكت هدى وحضنته جامد
هدى/ وحشتنى يا واطى كل ده شغل
زين/ والله غصب عنى طالع عين امي فى النقله دى
هدي/ اه من عرفت انك جمبنا هنا بقالك اسبوع ولا عبرتنى ولا جيت يا بيه
زين/ ما خلاص بقى يا بت انا لسه شايفك امتى مش الشهر الى فات
هدى/ شهر يا مفترى وولاد اختك دول الى نسيوا شكلك
زين/ حقك فوق راسى ما انا جاى اخدهم لامك وخليكى انتى هنا مع نظمى فهمى بتاعك كده
هدى/اسكت متقولش عليه كده عقبال ما اشوفك مع رسميه هانم الى مش ناويه تيجى دى
زين/ اه ابتدينا بقى انتى امك مكلماكى قبل ما اجى صح
هدى بضحك/ صح
زين / اااه يبقى اتكل على الله انا
هدي /اقعد هنا رايح فين مفيش مراوح النهارده
زين/ الحقينى يا تقى امك هتحبسنى هنا
تقى/ وانا معاه..ا معاك الضابط تقى يا فنددم
ضحكوا عليها وكملوا كلام ومسايره
♥️♥️♥️♥️♥️♥️♥️♥️♥️♥️♥️♥️♥️♥️
عند هاااجر
هاجر/مامااا انا مش لاقيه تليفونى مش شوفتيه
ام هاجر/ لا يا بنتى اخر مره كان فى الاوضه على الشاحن
جت هاحر من جوه لوالدتها الى فى الصاله
هاجر/انا فاكره انى سبته فى الصاله ..نغممم انتى اخدتى التليفون
نغم/ لااا يا ماما انا معايا تليفون تيته
هاجر/ امال راح فين بس ان...
قاطعها صوت خبط على الباب جامد
ام هاجر/ استر يآرب مين الى هيكسر الباب ده
خافت هاجر ورجعت ورا
هاجر/ لااا متفتحيش يا ماما ده احمد.. هاتى التليفون بسرعه يا نغممم
جريت هاجر على الاوضه واخدت تليفون والدتها وكانت لسه هترن بس سمعت صوت كسر الباب
احمد/ هااااجر ...هاجر فييين
خرجت هاجر وهى خايفه
دخل احمد عليها ومسكها من شعرها بغل
احمد/ بقى انتى بتخلعينى انا ..انااااا انتى فاكره نفسك مين هااا انتى مين عشان تذلينى وتطلعى عليا سمعه ها عايزه الناس تتكلم عليا مش كده وانزلى انتى بقى عيطى وقولى للناس مظلومه وهو الى خانى واتجوز عليا وبيضربنى مش كده
صوتت هاجر من مسكة شعرها حاولت انها تتملص منه
هاجر/انت عايز منييي اييه سبنى فى حالى بقى حرام عليك انا كرهتك وكرهت حياتى يا اخى ارجع لمراتك وبيتك وسبنى فى حااالى
احمد/ ما انا هرجع فعلا..وانتى كمان هتىجعى معايا بس المره دى هترجعى وانتى اقل من اى حاجه موجوده فى البيت ومش هتخرجى منه الا على جثتي فاااهمه
قعدت هاجر تزقه بايديها وتضربها وهو زقها على الارض
فراحت والدتها وهجمت عليه بكل قوتها
ام هاجر/ انت عايز مننا ايييه والله لو ما مشيت لألم عليك الناس زقها احمد على الكنبه بايده وهى صرخت من وقعتها
احمد/ ابعدى انتى كمااان عن وشى
فراحت نغم واختها وحضنوا ستهم وهم خايفين
وكمل احمد وشد هاجر من على الارض وضربها على وشها
احمد/ الى انتى عايزاه مش هيحصل فااهمه وهتعيشى معايا غصب عنك والجزمه فوق راسك لا طلاق ولا خلع
صرخت هاجر بكل قوتها من قهرها
هاجر/ طلقنييي يا اخى وخلصنى انا مش عايزااااك
احمد/ انا كنت هطلقك وارميكى فى اى داهيه لان زهقت منك ومن نكدك بس انتى الى ابتديتى فاستحملى بقى حاولت والدتها تجرى لعند الباب وقعدت تصرخ فى العماره باعلى صوتها عشان حد يلحقها
ام هاجر/ الحقوناااااا يا ناااس حد يلحقنييييييي
راح احمد شدهاا من دراعها وقفل الباب بسرعه وكانت كانها ريشه فى ايده من قوتها الى اتحكم فيها غضبه وغله
احمد/ ايه يا حماتى عايزه تلمى الناس علينا كده ينفع برضه تلمى الناس على بنتك انتى فاكره الناس هتلحقك
بالعكس انتى بتسوديها اقل حاجه هعملها لما حد يجى راجل وبيربى مراته أصله عرف عنا حاجه مش تمام مش تحصل برضه ..بتحصل ولا انا عندى حل تانى بقى احلى من ده الناس ايحى تلاقيكم انتم كلكم ميت*ين دى احلى برضه صح
برقت ام هاجر وهى مش مصدقه الى بتسمعه
ام هاجر/ لااا انت اتجننت انت اتجننت انت ايه الى جرالك انت مكنتش كده تقتل مراتك وعيالك ...عشان ايييه
احمد/مش بنتك الى عايزه كده بنتك الى حنت على نفسها وعلى عيالها وجابتك انتى كمان فى الرجلين
قامت هاجر وهى بتعرج وبتعيط ومسكت ايده
هاجر/ سيبها ..سيبها انا هاجى معاك بطل جنان بقاا حرام عليك بناتك دول
مسكها احمد جامد وقال بصوت زى فحيح الافعى
احمد/ لا ده مش اوبشن يا حبيبتي ده غصب عنك ان شاء الله اجرجرك من شعرك قدام الناس ويبقى حد يتكلم
صرخت هاحر بوجع من مسكته ليها وجريت نغم حضنوا رجليها من خوفهم من ابوهم الى اول مره يشوفوه بالشكل ده
فشدها احمد من دراعها جامد وفتح الباب وكان طالع بره الشقه وبناتها بيعيطوا وماشيين وراها
وامها بتزعق وهى بتعيط ومسكاهم وماشيه وراهم
ام هاجر بصريخ /منك لله يا احمد واخد بنتى فين يا جاحد يا قليل الاصل منك لله
كان لسه هيخرج بره الشقه بس....
زين /رايح فين يا شبح
