رواية الثلاثيني الملتحي الفصل العاشر بقلم عذراء آل شمس
بنتر مو انته كتلي ما الج دخل بيه
وانتي تعرفين سبب زواجنا
بصياح شبيج تنترين احترمي
نفسج وديري بالج ع لسانج لا اكصه
محترمه نفسج ومحترمتك بس انته ما محترمني
ليش مامحترمج ليش شمسويلج
شو عايشه ابيت زوجج معززه
مكرمه مامخلين بعازه اي شي
وما مطالب بحقوقي الزوجيه
لان الدكتور كال تتأذه رجلها خاف
تتحرك اثناء العلاقه الحميميه
واكول خطيه خاف تتأذى
وج اخاف عليج من نسمه الهوى
شنو يعني تعيرني بمرضي
لج بابا منو معيرج بمرضج بس دا اذكرج
بس خلي شي ابالج ما دام هذا اسلوبج وماعندج اي احترام زواجنا راح يبقى هيج ع ورق وبس
اتعاركنا وانتهت عركتنا بطلعه انمار من الغرفه
واجاني الصبح وطلعنا من الفندق رحنا للامام زرنا واتريكنا بمطعم ورجعنا لبغداد لبيتنا طول الطريق ساكت مانطق ولا كلمه واني هم هيج
اول ما وصلنا للبيت لبس ملابسه العسكريه
وطلع
بقيت وحدي اتصلت برفل واجتي
عليه كالت ترى اليوم موعد العلاج
الطبيعي كتلها تعبانه احجزي باجر
نروح بقيت اني وياها سوالف
وضحك رغم ضايجه بس
من اجت رفل غيري نفسيتي
شوي ومشى اليوم عادي
مشت الايام يوم نفس الي قبله
انمار صارله ٣ اسابيع من التحق
ابد مااتصل ولا سأل
اصلا واني هم ما سأل عنه اجت يمي
وهج عده مرات ونتونس اني وياها ورفل
و رسلان عزمنا ع غدا
وطلعنا نتغدا بمطعم اني و وهج و رفل
و رسلان تغدينا ومن بعدها
وهج طلبت من رسلان
يودينا نزور موسى ابن جعفر (عليه السلام)
ورحنا للكاظميه حتى نزور وزرنا
وافترينا بالسوك
وخطيه رسلان ابتلش بيه
و ودانا للمطعم اتعشينا
واكلنا موطات اتونسنا كولش
وبالرجعه اتصل انمار برسلان
ورسلان كله طالعين وحسيته رزل رسلان
لانه يكلي ماصار شي ليش الغلط يا اخي
قابل طالعات ويه غريب شنو ما
تإمن اذا ويايه ماصار شي لا تخاف
ورجعنا اني ورفل رفل راحت لغرفتها
بدلت واجتي عليه ساعدتني حتى
اسبح وبدلت واتمددت ع سريري
تعبانه كولش واسمع صوت طكه الباب
باب المطبخ
وخطوات اعرف هاي خطوات انمار من يمشي بالبصطال صوته معروف
واجا طب لغرفتي جان الباب مفتوح
بزيه العسكري والنجمه والنسر ع جتفه
ووجهه مبين متعوب
وعيونه تحتها سواد بس رغم هذا
البيريه اللابسه لايكتله وضايفتله جماليه
طب مخنزر ومبين علي صاير اعصاب
بدون سلام
يي ست رند تطبين وتطلعين بكيفج
اني طرطور عندج
لااا مو هيج بسسسس
اششش ولا كلمه
ولج انتي ماكو احد بعينج ماتكولين
عندي رجال ليش ماتحترمين بس
فهميني اني شنو حاسبتني
مرمطون عندج لو حايط لا اجا ولا راج
احجي بتوتر خفت من صياحه
ششبيك ليش هيج تصيح
وليش مااحترمك شمسويه
اني حتى هيج تكول
شلون تطلعين وما تكوليلي
شلوووون فهميني
انته لا خابرت ولا سألت عني
واني ماطلعت ويه احد
غريب طلعت ويه اخوك واختك ورفل
لو حتى طالعه ويه اخويه
لازم تكولين راح اطلع
رحتي للعلاج الطبيعي عده مرات ماكلتيلي
ومشيتها الج كلت مريضه ورايحه تتعالج
بس اتصل ساعه ب١١ بليل ع حرس
يكلولي ست رند طالعه من ال١٢
الظهر وليهسه مجايه
ليش يابه وين موليه
وخليتيني الوب واتصل بيج ماتجاوبين
بروح امي ناسيه موبايلي بالبيت
يحجي بتوعد وتهديد
شوفي لج تحترمين نفسج
وتحترمين زوجج
لا اراويج وجهي الثاني
واخليج تكرهين عيشتج بهل دنيا
ليش تهدد شمسويه قابل طالعه ويه صاحبي
لزمني من شعري ويصك ع سنونه
اذبحج واكطعج واذب لحمج للجلاب اذا سويتيها
اااااي عوفني شعري راح يتكطع
عافني وراح واني ضليت ابجي
كولش اتحسرت ع عيشتي وياه
مااعرف شوكت نمت من كثر البجي
كعدت الصبح راسي يوجعني
وبلاعيمي توجعني
كولش متكأبه وضايجه
بقيت بغرفتي ما طلعت
بس من رفل تكلي انمار خارج البيت
اطلع من غرفتي وهوة هم ما اجاني بعد
______________________________
واجا كعد بصفي وخله ايده ع حنجي ورفع راسي ترى حبيتج
خجلت ونصيت وخرت ايده من حنجي
ليش هالخجل ترى والله احبج
وبقى يتغزل بيه وكولش فرحت بيومها
رجعني للبيت وبقينا ٥ اشهر ع تواصل
وكل فترة نلتقي بمكان عام بس
جان كولش متحفظ بعلاقتنا
مايقبل اكول لصديقاتي عن علاقتي
يتدخل بكولشي طبه وطلعه وبلبسي ومكياجي وووووو
ومايريد اهله يدرون ومرات امي تدز عليه
واروح لبيتهم اساعدها ومن يشوفني عبالك
ولا يعرفني حسيته يستنكف مني
ويخاف اهله يدرون بعلاقتنا
بديت اقطع علاقتي بي بالتدريج
شوي شوي
بالبدايه قللت المكالمات والرسائل
ويدزلي كم رساله يله اجاوبه
وارفض من يريد يشوفني
صار يتذمر ويعاتبني لان احجي وياه قليل
واتحجج بالدوام والدراسه
مرة جنت كاعده بالجامعه واجاني زميل
بنفس مرحلتنا وطلب المحاضرة
لان ماحضر المحاضرة السابقه
واجاني رسلان للجامعه وشافنا كاعدين
منو هذا الدثو الكاعدة يمه
رسلاااان هاي شبيك
ليش تغلط احترم نفسك لك
وضربه رسلان بوكس ووكعه
وجرني وطلعني من الجامعه
سحلني سحل عبالك خروف
ويسحل بي ويصيح ويعيط
والجامعه كلها شافتني
واتوسل بي عوفني اني امشي وياك
لا تصيح بس اسكت فضحتني بالجامعه
وهوة ولا يمه بس يصيح
واني اكول شبيها متغيرة عليه
ليش دائما متجاوبني
اثاريج عندج حب جديد
ليش بشنو قصرت وياج
عايفج رايح لغيرج خاينج
شبيج خانسه جاووووووبيني
كااافي تصيح فضحتني بالجامعه
شيكولون عليه
اصعدي بالسيارة
ما اصعد عوفني
بصوت عالي وصيحه
اصعدددددي لا انهيج من الوجود
شوف اللبس والمكياج عبالك عروس مو طالبه
خفت وصعدت بالسيارة
وصلنا لعمارة وجواها محلات عقار وماركت وصيدليه وكذا
ليش جايبني هنااا
انزلي لا ابتلي بيج
ما انزل الا تكلي ليش اجينا هناااا جبتج حتى اعقد عليج
شنووووو
شكرا لزيارتكم عالم روايات سكيرهوم
