رواية دكتورة سليل والشيخ الفصل العاشر 10 بقلم مجهول

 


رواية دكتورة سليل والشيخ الفصل العاشر بقلم مجهول



سليل/ تقارير فحوصاتك واحب اكلك انه هاي التقارير انت مسويها قبل 3 سنوات واكيد هسه صارت تطورات بحالتك
سجاد بصدمه/ وانني وين شفتي التقارير
سليل/ هنا ع الارض شفتهم
سجاد/ انتي جايه تدورين باغراضي
سليل/ لا سجاد لا جايه انقذك
سجاد/ سليل بره (بصياح) بررررررره
سليل/ اهدئ اهدئ اني طالعه
سجاد بصياح/ يلااااااااااا

طلعت سليل

سجاد
تمددت ع الجربايه وراسي راح ينفجر من الوجع ياربي شنو يلي صار ليش صار اكو شي بداخلي يكلي سوي العمليه ياربي شنو القصه يارب ساعدني ودليني ع الطريق الصحيح جنت دا افكر وما ادري شون نمت

سليل
رحت على غرفتي تمددت ياربي اني ليش هيج خايفه على سجاد ليش دا افكر بي هوايه شعليه منه اني اصلا راح احاول ويا بس هذا الاسبوع وبعدها اذا رفض ارجع لبغداد شعندي كاعده هنانه اووف ياربي ساعدني كمت نزلت و رحت لغرفة بيبي
بيبي/ تعالي بعد امج خلي راسج بحضني افركلج ايا ادري بي ديوجعج
تمددت سليل
سليل/ بيبي تعبانه تعبانه كلش
الجده/ يمه شبيج مريضه
سليل/ اي بيبي اي مريضه مرض التفكير تعبت واني احس ما الي سند ما الي احد
الجده/ بيبي احنا وياج سجاد وحسن اخوانج اعتبريهم سندج
سليل/ بيبي ماراح يدومون الي هم راح يجي يوم ويعوفوني
الجده/ يمه لا تفكرين هوايه غمضي عينج وارتاحي
سليل/ بيبي كلما اغمض عيني اتذكر انه اني وحيده لا ام لا اب لا اخ لا سند بيبي الحياة كلش قاسيه
الجده/ يمه انسي كلشي غمضي عينج واني راح اقرالج ايات حتى ترتاحين يمه انتي الگضيت عمري ادور عليج يحترك كلبي من اشوفج تعبانه
سليل باستغراب/ بيبي شون گضيتي عمرج تدورين عليه مافهمت قصدج
الجده بتوتر /ها يعني قصدي انه انتي بنت حلال وتديرين بالج علينا مو كل همج فلوس
سليل/ بيبي الفلوس تروح وتجي بس الناس الزينه من تروح بعد ما تجي

ام حسن/ نهر يمه خلصتي
نهر/ اي عمه ضل بس غرفة حسن لانه غرفة سجاد الدكتوره رتبتها
ام حسن/ اي لعد صعدي نضفي غرفة حسن انتي
نهر بتوتر/ ها مو هو نايم شون
ام حسن/ عادي رتبيها وخلي تضل بس الجربايه من يكعد اني ارتبها
نهر/ ها اي اي حاضر
حسن
صعدت حتى انام بس ما كدرت ضليت متمدد وبيدي الفون شويه وخابرني مدير المستشفى انطاني اسعد خبر ممكن اسمعه بحياتي ردت ابشر سليل بس خليتها للعصر حتى الكل هم يسمع الخير الحلو ضليت متمدد بغرفتي وسمعت صوت احد ديصعد غمضت عيني وسويت نفسي نايم فاتت نهر عرفتها من عطرها ضليت مسوي نفسي نايم وهيه فاتت للغرفه وبدت ترتب بيها وتحجي ويه نفسها

نهر/ هسه اني اشتاقيتلك وصارلي شهرين مشفتك وانت من اول يوم تجي تضربني ليش ليش لهل درجه انت حيوان اوورف لا انت مو حيوان اني حيوانه لانه حبيتك يمكن انت تعتبرني اختك او بنت عمك بس اني اعتبرك حبيبي اووف ربي حسن اعتذر مني انت الغلطت اي اي اني هم راح اعتذر لانه حجيت وياك هيج اووف شبسرعه كملت الغرفه ما حسيت بيها احسن شي اطلع من الغرفه قبل ما يحس حسن مناقصني عركه ثانيه ويا

حسن
طلعت نهر واني دااضحك على كلامها حلوو يا نهر طلعتي تحبني زيين كلششش زين راح العب لعبتي واخليج تغارين احركج ع البطيئ وبعدها اخطبج بس اصبريلي

ام حسن/ يمه رشا صار الغده صيحيهم
رشا/ حاضر ماما
تجمع الكل ع الغده
سليل/ عمه سويت الدجاج مثل ما كتلج للشيخ
ام حسن/ اي يمه وما خليت اي بهارات مثل ما كلتي
سليل/ كلش زين عمه نسيت اكلج شربتي دوه الضغط مالتج
ام حسن/ ياااا بعد عمتج والله نسيت
سليل/ عمه هاي اخر مره اذا نسيتي مره ثانيه راح ازعل وياج يله اروح اجيبه واجي
راحت سليل
الجده/ انشالله يا ام حسن الله يرزقج چنه مثل غزاله
ام حسن/ ايي والله عمه ياريت وين اكو مثلها
اجت سليل
سليل/ عمه هذا دوه الضغط مالتج وهذا دوه السكر مالت بيبي
الجده / تعالي غزاله كعدي يمي
سليل
شفت ماكو مكان غير يم بيبي وبصفها سجاد يعني اذا كعدت راح يصير من جهه سجاد ومن جهه بيبي انجبرت اروح واكعد يمهم
الجد/ ها دكتوره مرتاحه هنانه
سليل/ اي جدو كلش مرتاحه تسلم
رشا/ سلوله شكرا كلش لانه لخصتي كل الماده
سليل/ وشما تحتاجين تعاليلي
نهر/ سوس شكرا لانه ساعدتيني بتنضيف البيت
سليل/ العفو هذا واجبي وانشالله باجر اني انضفه كله
حسن/ حبيبتي سلول عندي الج خبر يموووت
الجده/ ولك محيسن حبيبتي شنهي عيب ولك عيب
حسن/ بيبي اني وهيه عادي بيننا ميانه مو صح سليل
نهر/ احم احم
حسن بخبث/ اشربي مي بنت عمي
نهر/ ما اريد شكرا ابن عمي
سليل
اباوع الكل يسوالف ويضحك بس سجاد احسه بغير عالم بس يباوع ع الاكل ماياكل احتاريت شسويله 
سليل بهمس/ ممكن بعد ما نخلص الاكل نروح اني وياك
سجاد بهمس/ وين
سليل بهمس/ على مكان بي هوه
سجاد بهمس/ مخنوكه
سليل بهمس/ لا بس انت مخنوك
سجاد باوع ل سليل
رشا/ هاااا صارلكم ساعه تتهامسون وتالي واحد يباوع للثاني دا احسكم مسلسل هندي
سليل وسجاد كل واحد التفت لجهه
خلصو الكل الاكل وكاعدين يسولفون
حسن/ سليل اوكفي على حيلج
سليل باستغراب/ شنو
الكل باوع ل حسن
حسن/ هسه اوكفي واسمعي كلامي
سليل بقلة حيله/ امري ل الله وكفت
وكفت سليل ووكف كدامها حسن
سليل/ راح تضل تباوعلي احجي
حسن وهو يباوع ل سليل
حسن/ اول مره انتبه انتي هيج حلوه
نهر/ احم اااااحم
سجاد/ حسن شبيك ابني شبيك
حسن/ هههه اشاقه وياكم والله
سليل/ اووو حسن فضني شتريد مني
حسن/ سليل انيييي ويااااااج
سليل/ اييييي؟
حسن بفرح/ راح نسافر لامريكا
سليل بصدمه وفرح/ اختارونا اني وياك
حسن بفرح/ ايييي
سليل بصدمه وفرح/ مستحيل حسن مدا اصدك يعني اني وانت واخيرا صارت اووف الحمدلله ربي
حسن/ سليل طاير من الفرح
سليل/ واني اكثر بس يمته شون وليش ما توقعت دكتور احمد راح يعوفها
حسن بضوجه/ دكتور صخمان هم راح يولي ويانا
سليل/ لتضوج حسون اتذكر انه اني وياك سوا بتعبنا وهو مجرد واسطه وصلته النا
حسن/ بعد 20 يوم نروح والاقامه و التكاليف كلها على الدوله
سليل/ حسن فرحانه مدا اصدك واخيرا يعني تعبنا ما راح هيج
حسن/ اييي سليل ايي واخيرا
الجده/ انشالله دوم اشوف الفرحه على وجوهكم وربي لا يحرمنا ضحكتكم
الكل/ امين
الجده/ الف مبروك انشالله تصلكم هداياكم
سليل/ لا جدو تسلم لا تتعب نفسك
حسن/ اني اريد السياره يلي نزلت البارحه
ابو حسن / الف مبروك ولك محيسن صير مثل الدكتوره شوف شون هاديه
حسن/ ههه بويه حتى انت صرت تسميني محيسن
ام حسن/الف الف مبروك انشالله اشوفكم باعلى المراتب
حسن. سليل/ الله يابرك بيج
رشا/ سلوووول مبرووووك حبيبتي انشالله يوم الاشوفج بي عروس
سليل بخجل/ ها اي احم امم انشالله
نهر/ مبروك حبيبتي سلول مبروك ابن عميي
حسن/ الله يبارك بيج بنت عمي
سليل/ تسلمين يا عمري الله يبارك بيج
حسن/ سجاد شنو ما ناوي تبارك لاخوك ولدكتورتك
سجاد ببرود/ مبروك
وطلع سجاد
سليل/ من رخصتكم عادي اروح احجي ويا شويه
الكل/ اخذي راحتج
سليل
طلعت بره للحديقه شفته يدخن رحت كعدت يمه
سليل/ انت ليش دتعاقب نفسك هيج
سجاد/ انتي مثلهم بعمرج ماراح تفهميني
سليل/ انت دارس علم نفس؟
سجاد/ هذا اكثر شي الاطباء يدرسو مو؟
سليل/ اي
سجاد/ لا مادارس ليش
سليل/ تدري اني درست لغة العيون
سجاد/ صدك وشنو يلي دتقري بعيوني
سليل/ خوف حزن تشتت توتر خساره حب ودموع
سجاد/ هههه دموع صدك تحجين
سليل/ انت عفتهم كلهم وركزت على هاي اي دموع اي ليش يعني انت حجر ماكو شخص ما يبجي
سجاد/ سليل تره انت دتحطين ملح ع الجره وتكولين اداويك
سليل/ انت تحبها لدرجة انه سويت كلشي حتى تخليها تكرهك مو
سجاد/ سدي الموضوع
سليل/ اي برحتك يله كوم بدل ملابسك لانه عندك فصل بعد نص ساعه
سجاد/ احسج مديرة اعمالي مو دكتورتي
سليل/ اني بنتك والا نسيت
سجاد ببتسامه/ هه اي صح ولانه انتي بنتي اني ما احب ازعلج شتريدين
سليل/ سجاد العمليه اريد اسويها قبل ما اسافر لامريكا
سجاد/ سليل هم هذا الموضوع لا انسي
سليل/ بس اسمعني خليني اسويلك الفحوصات هنانه بالبيت واتناقش وياك وانت قرر
سجاد/ عوفيني افكر
ملاك/ باااابي
سجاد/ تعال ياروح سجاد تعال
ملاك/ بابي الدكتوره تحبني اكثر من ماما
سجاد/ شون يعني
ملاك/ يعني هيه توكلني وتبدل ملابسي وتساعدني بالدراسه اني كلش احبها
سجاد/ وهيه هم تحبج مو دكتوره
سليل/ اكييد اني اصلا اموت عليها
ملاك/ بابي ومامي صار اسمكم
سليل بتوتر/ اي حبيبتي يلي تريدون شي يله من رخصتكم
سجاد/ لحضه روحي بابا ملاك احجي شويه ويه الدكتوره ونجي
ملاك/ حاضر بابا
راحت ملاك
سجاد/ سليل اذا بيوم اجو اهل امج شنو راح تكون ردة فعلج
سليل/ شجابهم ببالك
سجاد/ جاوبي عاد
سليل/ راح اكللهم ليش عفتوني وهسه يله اجيتو
سجاد/ وراح تسمعين ردهم لو لا
سليل/ راح اخذ الامور بهداوه واسمع كلشي بس ليش سالت
سجاد/ تخيلي اني اكون ابن خالج
سليل/ هههه حلوه النكته يله كوم بدل ملابسك راح اصعد ارتاح من رخصك
سجاد/الله وياج


تعليقات