رواية عروس البحر الفصل الاول 1 بقلم نون لاشين

كانت بتجري في شوارع الإسكندرية وقلبها بينبض بسرعة، الموبايل في إيدها وصوت جدتها لسه بيرن في ودانها.

"تعالى بسرعة يا ملك.. في راجل هنا بيقول إن البيت مش بتاعنا."

الجملة دي كانت كفاية إن الدنيا تدور بيها.

البيت ده هو كل حاجة ليها، هو المكان اللي اتربت فيه بعد ما أبوها سافر وأمها اتجوزت غيره، هو الحضن اللي ضمهها لما كانت بتعيط في الليالي الباردة، هو ريحة البحر اللي بتدخل من الشباك كل صباح.

ازاي حد يقدر يقول إن البيت ده مش بتاعهم؟

وصلت للباب وهي بتلهث، لقت جدتها "ست الحسن" قاعدة على الكنبة وعيونها حمرا من العياط.

ملك بخوف: "يا ستي! في ايه؟ مين الراجل ده؟ فين هو؟"

ست الحسن بدموع: "راح يا حبيبتي.. بس ساب ورق .. 

ورق بيقول إن البيت ده كان ملك لجده وإن جدك باعه له من سنين."

ملك بصدمة: "ايه؟! جدنا مات من عشرين سنة والبيت ده ورث لينا منه! ازاي حد يقدر ياخده؟"

ست الحسن بصوت مرتعش: "انا مش عارفة يا حبيبتي.. بس الورق ده شكله رسمي.. وفيه ختم المحكمة."

ملك وهي بتشد على الورقة: "مستحيل.. مستحيل اسيب بيتنا يا ستي. هروح لآخر الدنيا بس ما حدش هيطلعنا من هنا."

ست الحسن بحزن: "الراجل قال إن حفيده هو اللي جاي من اليونان عشان ياخد البيت.. اسمه آدم."

ملك بغيظ: "آدم مين ده! هروح له بكرة الصبح وهعرفه إن البيت ده خط أحمر."

.........

في مكان تاني.

على كورنيش الإسكندرية، عربية سوداء فارهة بتوقف قدام فندق كبير.

آدم نزل من العربية ووشه مفيش عليه أي تعبير، عيونه زرقا باردة ولبسه رسمي وأنيق بشكل مبالغ فيه.

زياد نزل وراه وهو بيضحك وبياكل ساندوتش فلافل.

زياد بفرحة: "ياااه ! أخيراً رجعنا إسكندرية! ريحة البحر دي عاملة زي المخدر والله! بص على الكورنيش بقى.. بص على الموج!"

آدم ببرود: "زياد.. احنا جايين شغل. عايز أخلص موضوع البيت ده في أسرع وقت وأرجع أثينا. بلاش الهزار ده."

زياد بتنهيدة: "يا عم انت بقالك عشر سنين بره مصر، مش وحشتك البلد؟ مش عايز تتفسح شوية؟ نروح ناكل سمك على البحر؟ نروح نتمشى في محطة الرمل؟"

آدم بنبرة حادة: "زياد. أنا مش سايح. أنا جاي أسترد حق جدي. البيت ده اتاخد منه بالظلم وإحنا هنرجعه. خلاص."

زياد بصوت واطي: "بس يا آدم.. في ناس ساكنة في البيت ده من سنين.. ست كبيرة وبنت صغيرة.. مش هينفع نطلعهم كده في الشارع."

آدم بص عليه بنظرة حادة: "القانون قانون يا زياد. وأنا مش جمعية خيرية."

زياد سكت وهو من جواه حاسس إن الموضوع ده هيبقى أصعب مما آدم متخيل.

.........

رن موبايل آدم.

داليا بتدلع: "آدام حبيبي.. إمتى هترجع أثينا؟ أنا وحيدة من غيرك ومش قادرة أنام."

آدم بضيق: "داليا، قولتلك الموضوع اللى بينا خلص.  ومش هرجع. بلاش اتصالات تاني."

داليا بصوت متصنع: "بس أنا بحبك يا آدم.. ومستعدة أسيب كل حاجة عشانك."

آدم بعصبية: "وأنا مش عايزك تسيبي حاجة عشاني. إحنا اتفقنا إن العلاقة دي انتهت. مع السلامة."

قفل التليفون ووشه مفيش عليه أي تأثر.

زياد بضحك: "مسكينة داليا.. البنت دي مجنونة فيك يا عم."

آدم ببرود: "الجنون ده مش مشكلتي. يلا ندخل الفندق، بكرة الصبح عايز أروح مكتب المحامي."

.........

في بيت ملك.

ملك كانت قاعدة في أوضتها بتبص على البحر من الشباك، ودموعها نازلة بصمت.

البيت ده مش مجرد حيطان وسقف.. ده كل ذكرياتها.

هنا كانت بتذاكر وهي صغيرة على الترابيزة الخشب. هنا كانت جدتها بتغني لها أغاني أم كلثوم بالليل. هنا كانت بتسمع صوت الموج وهو بيكسر على الصخور.

موبايلها رن.

سلمى بقلق: "ملك؟! إنتي فين؟ كلمتك من ساعتين ومش بتردي! إيه اللي حصل؟"

ملك بعياط: "يا سلمى.. حد عايز ياخد بيتنا."

سلمى بذعر: "ايه؟! إزاي؟ مين؟"

ملك بصوت مكسور: "راجل جاي من اليونان بيقول إن جده هو صاحب البيت الأصلي وإن جدنا باعه له. وعنده ورق رسمي."

سلمى: "يا نهار أبيض! طب إنتي هتعملي إيه؟"

ملك بصرامة: "هروح له بكرة. هروح لشركته وهواجهه. مش هسيب بيتنا يا سلمى مهما حصل."

سلمى بقلق: "بس إنتي هتروحي لوحدك؟ ده ممكن يكون خطير!"

ملك: "مفيش حد غيري يا سلمى. ستي كبيرة ومفيش حد تاني."

سلمى: "طب خديني معاك."

ملك: "لأ، متقلقيش. أنا هعرف أتصرف."

قفلت الموبايل وغمضت عينيها، ودعت ربنا من قلبها إن بكرة يكون فيه حل.

.........

صباح يوم جديد.

ملك لبست أحسن حاجة عندها وشدت شعرها ورا وراحت على العنوان اللي كان مكتوب على الورق.

شركة "راشد للشحن والتجارة" - أكبر شركة في الإسكندرية.

وقفت قدام المبنى الضخم وهي بتبلع ريقها من التوتر، بس دخلت بخطوات ثابتة.

وصلت للريسبشن.

ملك بثقة: "لو سمحت، عايزة أقابل الأستاذ آدم راشد."

موظفةالريسبشن ببرود: "عندك معاد؟"

ملك: "لأ، بس الموضوع مهم جداً وبيخصه شخصياً."

الريسبشن: "الأستاذ آدم مش بيستقبل حد من غير معاد."

ملك بإصرار: "قولي له إن بنت ست الحسن جاية عشان بيت جده. وهيفهم."

موظفه الريسبشن بصت لها باستغراب ورفعت التليفون.

بعد دقيقتين.

الريسبشن بدهشة: "اتفضلي.. الدور التالت، أوضة رقم 301."

ملك طلعت وهي قلبها بيدق.

فتحت الباب ولقت آدم قاعد على كرسيه ورا مكتب ضخم، بيبص في ملفات ومش رافع عينه.

آدم ببرود: "إنتي اللي بتقولي إنك بنت ست الحسن؟"

ملك بصلابة: "أيوه. وأنا جاية أقولك إن البيت ده بيتنا ومش هنطلع منه."

آدم رفع عينه لأول مرة وبص لها.

لحظة غريبة.. عيونه الزرقا الباردة قابلت عيونها البنية القوية، 

 آدم اتمالك نفسه بسرعة.

آدم بسخرية: "بيتكم؟ الورق اللي معايا بيقول غير كده. جدك باع البيت لجدي قبل ما يموت من 25 سنة، والورق ده موثق في المحكمة."

ملك بغضب: "جدنا ما باعش حاجة! ده كان شريك جدك في التجارة وكانوا قرايب! الورق ده مزور!"

آدم وقف ووشه اتغير: "إنتي بتقولي إن ورقي مزور؟ إنتي عارفة إن الكلام ده ممكن يوديك في داهية؟"

ملك وهي بتقرب منه خطوة: "وأنت عارف إنك بتطلع ست كبيرة في السن من بيتها اللي عاشت فيه عمرها كله؟ عارف إنك بتدمر حياة ناس مالهاش ذنب؟"

آدم بص عليها من فوق وقال بهدوء مخيف: "أنا مش بدمر حياة حد. أنا باسترد حقي. ولو عايزة تروحي المحكمة، اتفضلي. بس النتيجة هتكون واحدة.. البيت بيتي."

ملك بعيون مليانة دموع وغيظ: "إنت إنسان مفيش عندك قلب."

آدم ببرود: "والقلب مش بيحل مشاكل قانونية يا آنسة. مع السلامة."

ملك دارت وخرجت وهي بتشد على إيدها من الغيظ، ودمعة واحدة نزلت على خدها بس مسحتها بسرعة.

آدم بص على الباب بعد ما قفل، وحس بشعور غريب في صدره.. شعور مزعج حاول يتجاهله فوراً.

.........

في أوضة زياد.

زياد كان بيتكلم في التليفون مع حد وبيضحك.

زياد: "إيه؟! بجد؟ آه يا عم ده خبر جامد أوي! إمتى؟ بكرة؟ تمام أنا هجهز كل حاجة!"

قفل التليفون وجري على أوضة آدم.

زياد وهو بيدخل من غير ما يستأذن: "آدم! آدم! عندي خبر هيجننك!"

آدم بعصبية: "زياد.. كم مرة قلتلك تستأذن قبل ما تدخل؟"

زياد بفرحة: "سيبك من ده دلوقتي! جدتك أمينة جاية من أسوان بكرة!"

آدم بصدمة: "ايه؟! جدتي؟ جاية ليه؟ أنا مكلمتهاش!"

زياد بتوتر بسيط: "آه.. هي كلمتني أنا.. قلت لها إنك في إسكندرية وهي فرحت أوي وقالت إنها عايزة تشوفك قبل ما تموت."

آدم بغيظ: "زياد! إنت ليه بتكلم جدتي من ورايا؟"

زياد: "يا عم الست دي وحشتك وعمرها ما شافتك من عشر سنين! بعدين هي عايزة تتأكد إنك لسه ما اتجوزتش عشان تجوزلك بنت خالتك نادية."

آدم بعصبية: "نادية؟! أنا قلتلك مليون مرة إني مش هتجوز نادية ومش هتجوز حد! 

حياتي الشخصية مش شغل حد!"

زياد بيحاول يهديه: "طيب اهدي.. بس المشكلة إن جدتك مش جاية لوحدها.. جاية معاها نادية."

آدم حط إيده على وشه: "يا نهار أسود."

زياد بابتسامة خبيثة: "بس أنا عندي فكرة تنجيك من نادية ومن جدتك في نفس الوقت."

آدم بريبة: "إيه الفكرة؟"

زياد: "نقول لجدتك إنك خاطب أصلاً."

آدم بجنون: "خاطب مين يا زياد؟! أنا مش خاطب حد!"

زياد بتفكير: "آه.. بس لو جدتك لقتك مخطوب لبنت حلوة ومحترمة، هتنسى موضوع نادية خالص وهترجع أسوان مبسوطة."

آدم: "وبنت منين يا عبقري؟"

زياد سكت لحظة وبعدين ابتسم ابتسامة واسعة.

زياد: "البنت اللي جات لك الصبح في المكتب.. ملك."

آدم بصدمة: "إنت اتجننت رسمياً."

زياد بسرعة: "اسمعني بس! البنت دي محتاجة حاجة وإنت محتاج حاجة. هي عايزة تحافظ على بيتها وإنت عايز جدتك تسيبك في حالك. نقترح عليها جواز صوري لمدة أسبوع.. جدتك تيجي تشوفكم، تفرح، وتمشي، وبعدين إنت تسبها وهي تاخد البيت."

آدم سكت.. الفكرة مجنونة بس فيها منطق غريب.

آدم بتفكير: "هي مش هتوافق."

زياد بابتسامة: "سيبها عليا."

.........

في بيت ملك.

ملك كانت قاعدة مع جدتها بتطمنها.

ست الحسن: "يا حبيبتي، الراجل ده مش هيقدر ياخد البيت مننا صح؟"

ملك وهي بتخبى خوفها: "طبعاً يا ستي. متقلقيش. أنا هحل الموضوع ده."

الباب خبط.

ملك فتحت ولقت زياد واقف قدامها بابتسامة عريضة.

زياد: "أهلاً! أنا زياد.. صاحب آدم."

ملك بريبة: "عايز إيه؟"

زياد: "ممكن نتكلم خمس دقايق؟ الموضوع بيخص البيت."

ملك سكتت لحظة وبعدين قالت: "اتفضل."

زياد قعد وحكالها الفكرة كلها.

ملك بصدمة: "جواز صوري؟! إنت بتكلمني بجد؟"

زياد بجدية: "بجد يا ملك. أنا عارف الفكرة مجنونة، بس فكري فيها.. آدم عايز يرضي جدته عشان تسيبه في حاله، وإنتي عايزة تحافظي على البيت. الجواز ده هيكون على ورق بس، أسبوع بالكتير، وبعدين تطلقوا وكل واحد ياخد اللي عايزه."

ملك بتردد: "وليه أصدق إن آدم هيفي بوعده؟"

زياد: "لأن أنا الضامن. وأنا أعرف آدم من طفولتنا، لما بيدي كلمة بيموت عليها."

ملك سكتت تفكر.. صورة جدتها وهي بتعيط جت قدام عينيها.. صورة البيت وهو بيتهدم.. صورة الشارع اللي هتنام فيه هي وستها.

ملك بدموع: "موافقة.. بس بشرط."

زياد بفرحة: "ايه؟"

ملك بصلابة: "البيت يتسجل باسمي قبل الجواز، مش بعده."

زياد ابتسم: "تم."

.........

في مكتب آدم.

آدم كان قاعد بيبص على البحر من شباك مكتبه، ودماغه مشغولة بعيون البنت اللي وقفت قدامه الصبح بكل شجاعة.

الباب خبط ودخل زياد.

زياد بفرحة: "خلاص يا عم! البنت وافقت!"

آدم بدهشة: "وافقت فعلاً؟"

زياد: "أيوه بس بشرط إن البيت يتسجل باسمها قبل الجواز."

آدم سكت لحظة وبعدين قال بهدوء: "موافق."

زياد بصدمة: "بجد؟! من غير خناق؟"

آدم ببرود: "أنا عايز أنهي الموضوع ده بسرعة قبل ما جدتي توصل. يلا جهز كل حاجة."

زياد خرج وهو بيكلم نفسه: "ربنا يستر.. أنا حاسس إن الجواز ده مش هيطلع صوري زي ما إحنا فاكرين."

.........

صباح يوم الجواز.

ملك كانت واقفة قدام المراية بفستان أبيض بسيط، عيونها مليانة دموع بس وشها قوي.

جدتها كانت قاعدة على السرير بتدعي.

ست الحسن بدموع: "يا رب احمي بنتي يا رب.. يا رب يكون ده حل مش مشكلة جديدة."

ملك قربت منها وبستها: "متقلقيش يا ستي. كل حاجة هتبقى كويسة."

في نفس الوقت، في أوضة آدم في الفندق.

آدم كان بيلبس البدلة ووشه مفيش عليه أي تعبير.

زياد دخل وهو لابس بدلة أنيقة.

زياد بضحك: "يا عريس! مبسوط؟"

آدم ببرود: "زياد.. لو قلت كلمة واحدة تاني هرميك من الشباك."

زياد بضحك: "تمام تمام.. بس بصراحة إنت طالع حلو أوي في البدلة دي."

آدم بص عليه بنظرة قاتلة.

زياد: "خلاص سكت.. يلا بينا المأذون مستني."

.........

في فيلا  على البحر، المأذون كان قاعد والكل حاضر.

ملك دخلت وقلبها بيدق، أول ما عيونها قابلت عيون آدم، حسّت برعشة غريبة في جسمها كله.

آدم بص عليها.. ولحظة.. لحظة واحدة بس.. حس إن الهوا اتسحب من الأوضة.

البنت اللي كانت واقفة قدامه في المكتب بكل عصبية، دلوقتي واقفة قدامه بفستان أبيض وعيونها مليانة خوف وشجاعة في نفس الوقت.

المأذون: "بتقبلي يا آنسة ملك؟"

ملك بصت على آدم، وبصت على جدتها، وبلعت ريقها.

ملك بصوت هادي: "اقبل."

المأذون: "بتقبل يا أستاذ آدم؟"

آدم سكت ثانية.. بص في عيون ملك.. وحس بشعور غريب مش فاهمه.

آدم بصوت منخفض: "اقبل."

الكل زغرّد.. وزياد كان بيضحك من ورا وهو بيكلم نفسه.

زياد في سره: "يا رب ما أكون عملت مصيبة."

آدم بص على ملك وهي بتوقع على العقد، وحس لأول مرة من سنين إن فيه حاجة في صدره اتحركت.

بس رفض يعترف حتى لنفسه.

.........

بعد ما خلص الجواز.

آدم قرب من ملك وهمس في ودانها : "اتفاقي معاكي واضح.. أسبوع وبس. جدتي تمشي وإنتي تاخدي البيت ونطلق. متحاوليش تفهمي الموضوع غلط."

ملك بصت له في عينيه وقالت بصوت أقوى منه: "متقلقيش يا أستاذ آدم.. أنا مش مهتمة بيك ولا بجوازك. أنا بس عايزة بيتي. خلينا نخلص التمثيلية دي بسرعة ونرتاح."

آدم استغرب من ردها.. كان متوقع إنها تتوتر أو تتكسف، بس هي كانت أقوى منه.

ابتسم ابتسامة صغيرة من غير ما تحس ومشى.

زياد شاف الابتسامة دي وعينه وسعت.

زياد في سره: "آه.. أنا عارف الابتسامة دي كويس.. ده وقع في الفخ وهو مش حاسس."

.........

الفصل الثاني من هنا