رواية عنيدة في عصمة قاسي الفصل الاول
في نادي ليلي الساعة اتنين ونص بالليل قاعد تلات شباب واضح إنهم أصدقاء جدًا بيضحكوا مع بعض وبيتريقوا على صدقهم اللي دخلتها كانت النهارده
علي
أموت وأعرف الواد أياد بيعمل إيه دلوقتي
رد معاذ بضحك
وانت مالك يا عم شاغل بالك بالعريس ليه
ضحك التلاتة ورد حمزة بسخرية
حمزة
أنا عارف بيعمل إيه بس مش هقول لحد
اتفاجئ التلاتة بدخول أياد لابس بدلة رمادي ورافع الجاكت على كتفه أياد شاب وسيم جدًا عيونه زرقا وبشرته بيضا وشعره بني طويل قعد على كرسي وخد كاس شربه مرة واحدة وبان عليه الزهق
معاذ مستغرب
إنت جاي هنا تعمل إيه يا أياد وسايب عروستك
حمزة
إنت حمار يا ابني حد يسيب الصاروخ اللي إنت متجوزه ده
أياد بزهق
وأنا هعوز إيه منها ما إنتوا عارفين واخد منها اللي عاوزه من بدري وبصراحة حاسس إني اتدبست في الجوازة دي
علي بسخرية
ربنا يوعدني بتدبيسة زي دي يا قادر يا كريم
معاذ
بس اسكت إنت وانت يا أياد مالك مش دي مرام اللي كنت هتموت عليها حصل إيه
أياد بحيرة
مش عارف من ساعة ما سلمتني نفسها وأنا مقفول منها بس اتجوزتها علشان الفضايح اللي كانت هتحصل وخوفت على سمعتنا بس بجد مش قابلها معايا في بيت واحد
حمزة
يا ابني ده إنت ربنا وعدك بقمر حد يرفس النعمة وبعدين سلمتك نفسها بعد ولا قبل مش هتفرق عيش وانسي يابني وما تبقاش نكدي وكئيب كدا
أياد
مش عارف بس حاسس إنها مش هي دي البنت اللي كنت عاوزها أنا عاوز واحدة شخصيتها قوية وواثقة من نفسها مش أي كلمة تصدقها بالعربي كده كنت عاوز واحدة تطلع عين أهلي مش واحدة سلمتني نفسها قبل ما أتجوزها.
ــــــــــــــــــــــــــــــــــــــــــــــ
في نفس الوقت في مكان تاني عبارة عن مستشفى من أكبر مستشفيات القاهرة كانت الدكتورة عالية متوجهة للخروج من المستشفى بعد دوام اليوم
كانت جميلة رغم مظهرها البسيط ملامحها هادية بشرتها سمراء وعيونها عسلية ومحجبة وملابسها بسيطة وقفت فجأة لما سمعت صوت مازن صديقها في العمل بينادي عليها وهو جاي يجري وراها
مازن
عالية عالية دقيقة من فضلك
بصت له عالية بهدوء وقالت لما مازن وقف قدامها
عالية
لو سمحت يا دكتور اسمي الدكتورة عالية ومش مسموح غير بكده
مازن
تمام آسف يا دكتورة عالية
عالية
اعتذار مقبول ممكن أعرف حضرتك محتاج إيه
مازن اتردد للحظة قبل ما يقول
مازن
بصراحة نفس الموضوع اللي بقى لي شهر بطلبه منك بجد يا عالية أووبس قصدي دكتورة عالية أنا فعلًا معجب بيكي جدًا وأتمنى لو تديني فرصة أثبتلك ده
عالية بهدوء
دكتور مازن سابق وقولت لحضرتك إنت بالنسبة لي صديق محترم في مجال شغلي وللأسف مش هقدر صدقني أشوفك غير كده
مازن
طيب ممكن تديني فرصة على الأقل أتقدم لك ممكن نظرتك ليا تتغير مع الوقت
عالية
صدقني أنا صريحة معاك أكتر ما أنا صريحة مع نفسي ولو كان ده ممكن يحصل كان حصل من بدري صدقني. عن إذنك
سابته عالية وكملت طريقها بكل ثقة وهي مقتنعة إن اللي عملته هو الصح وقف مازن وتنهد بحزن وقلة حيلة وبعدين تمتم بغيظ
مازن
مش عارف شايفة نفسها على إيه دي ده لو كانت واحدة غيرها كانت باست إيدي وش وظهر إني بصيت لها والأغرب مش عارف عجبني فيها إيه دي
سكت للحظة وبعدين بص ناحية المكان اللي خرجت منه عالية وبعدين قال بزهق
مازن
بنت الذين دي عليها شخصية تهد جبل بصراحة ماشي يا ست عالية يا أنا يا إنتي لما نشوف آخرتها إيه معاكي
ــــــــــــــــــــــــــــــــــــــــ
الساعة تلاتة الفجر… اياد راجع على شقته هو وعروسته مرام.. اول ما دخل أوضة النوم وقف مصدوم لما شافها نايمة على السرير غرقانه في بقعة دم وسكين جنبها.. جري عليها
اياد
مراااام
حاول يفوقها ما فقتش بصلها بصدمة لما شاف ايدها اللي مجروحة.. جري يبسرعة وفتح الدولاب وخد اول فوطة قبلته ورجع جري ربط ايدها وشالها بسرعة وخرج بيها من الشقة.. وهو مذعور
اياد
يارب انا مش كنت ناقص مصايب والله حرام اللي بيحصل في ده
ــــــــــــــــــــــــــــــــ
في نفس الوقت كانت عاليه قاعدة في تاكسي اللي هيوصلها شقته اللي في سته اكتوبر.. فجاة سمعت صوت تليفونها بيرن فتحت شنطتها وخد التلفون بصت لشاشة وبعدين ردت
عاليه
ايوا يا وسام خير حصل حاجة ولا اي
جه صوت وسام الممرضة اللي شغاله مع عاليه من التليفون
وسام
حالة طوارئ ومحتاجين حضرتك ضروري يا دكتورة عاليه
عاليه بقلق
طيب شوفي الدكتور مازن لو لسة موجود يستلم الحالة على ما اوصل
وسام
الدكتور مازن خرج وتليفونة مقفول
عاليه لسواق
لو سمحت ارجع تاني معليش
السواق
امرك يا فندم بس كدا هتدفعي اجرة رايح جاي
عاليه
تمام ماشي بس بسرعة لو سمحت
عاليه لوسام في التليفون
خلاص يا وسام حاولوا تتصرفوا وانا مسافة السكة هكون عندك.
عاليه قفلت التليفون وهي متوترة وبتدعي ربنا توصل قبل فوات الأوان
ـــــــــــــــــــــــــــــــــــــــــــــــ
في المستشفى عالية دخلت بسرعة لاقت المستشفى مقلوبة واقف أياد عامل يزعق للتمرجيات والممرضات وقف معاه علي وحمزة ومعاذ
أياد
إنتوا يا بهايم حد يعمل حاجة مراتي بتموت جوه وإنتوا واقفين تتفرجوا زي البهايم
ردت عليه الممرضة وسام
وسام
يا فندم قولت لحضرتك أكتر من مرة كلمنا الدكتورة وهي زمانها على وصول
بصت عالية لأياد وبعدين قربت بهدوء من وسام وهي بتقول
عالية
في إيه يا وسام وفين المريضة
وسام بلهفة
دكتورة عالية الحمد لله اتفضلي يا فندم المريضة في أوضة الطوارئ
عالية كانت لسه هتتحرك مع وسام وقفها صوت أياد اللي بصلها من تحت لفوق باستعلاء وقرف
أياد
هي مين دي اللي أفندم إنتوا تجيبولي واحدة من الشارع تعالج مراتي
وسام بصت لعالية بتوتر وبعدين بصت لأياد عالية فضلت واقفة ثابتة
وسام
حضرتك فاهم غلط دي الدكتورة عالية رئيسة قسم الطوارئ وجرّاحة في المستشفى
عالية بهدوء
مافيش وقت للتفاهات دي يا وسام اتفضلي معايا وريني المريضة فين
وسام بتوتر
أمرك يا فندم اتفضلي
وسام جريت قدام عالية علشان توجهها لمكان مرام وقف أياد باصص ناحيتها بغيظ واتغاظ أكتر لما سمع تعليقات علي وحمزة ومعاذ
علي
حد سمع اللي سمعته ده حد شاف اللي شوفته ده
حمزة
ده اللي بيقولوا عليه في منتصف الجبهة بصراحة طلعت تافه يا أياد تعيش وتاخد غيرها
معاذ
لا لا لا يا أياد مالهاش حق بصراحة تقول عليك تافه بس بصراحة البت معاها حق بقى ده كلام تقوله اهي طلعت دكتورة رئيسة قسم الطوارئ وجرّاحة وإنت تافه يا تافه
معاذ وحمزة وعلي بصوا لبعض وكل واحد بيحاول يكتم ضحكته أما أياد فكان بيغلي من غضبه وهو بيتوعد لعالية على الموقف ده…
وبعد شوية عالية خرجت من العمليات وهي بتخلع الجوانتي اللي كله دم مكان إيد مرام بصت للشباب وهي بتتكلم بثقة
عالية
ممكن أعرف مين المسؤول عن الحالة اللي جوا دي
علي وحمزة ومعاذ شاوروا ناحية أياد اللي قال بغيظ
أياد
مراتي فيها حاجة
عالية
ممكن أعرف إيه سبب محاولة الانتحار دي
أياد
وإنتي مالك شوفي شغلك من سكات
عالية بهدوء
تمام أنا مضطرة أقدم محضر عن الحالة دي عن إذنكم
الشباب بصوا لبعض بصدمة عالية اتحركت علشان تمشي أياد مسكها من دراعها وهو بيقول بحدة
أياد
نعم يا روح أمك محضر إيه اللي هتقدميه إنتي عارفة لو حد شم خبر عن اللي حصل ده هعمل فيكي إيه
عالية سحبت دراعها بحدة وهي بتقول بتحذير
عالية
حضرتك بتتجاوز حدودك وأي تجاوز منك تاني هنادي على الأمن يرميك بره
حمزة وعلي ومعاذ وقفوا مذهولين وأول مرة بنت تتجاوز على أياد أما أياد بص لعالية بتحدي وهو بيقرب منها بغيظ
أياد
إنتي لسه ما تعرفيش مين أنا
عالية رجعت خطوة وردت بثقة
عالية
وما يلزمنيش في حاجة علشان أعرف مين حضرتك كل اللي أعرفه إن في محاولة انتحار ولازم يتبلغ عنها
عالية اتحركت علشان تمشي بس أياد منعها تاني ومسكها جامد من دراعها تاني
أياد
بنت إنتي شكلك عندك مشكلة في السمع وما سمعتيش اللي قولته كويس
عالية زقته بعيد عنها وقالت بعصبية ونادت وسام على صوتها
عالية
وسام اطلبي الأمن يجوا يرموا الحشرة دي من هنا
وسام بصت لأياد بخوف وفضلت واقفة مكانها عالية بصت لها بحدة وهي بتقول
عالية
سمعتي قلتلك إيه
وسام بتردد
حضرتك تعرفي مين ده
عالية بغضب
ومش عاوزة أعرف مين ونفذي اللي قلتلك عليه
وسام بخوف
ممكن تهدي علشان حضرتك مش عارفة مين ده
عالية
وهيكون مين يعني مجرد إنسان تافه مالوش تلاتين لازمة
أياد بصلها بحنق وغضب
أياد
وأنا هعرفك مين اللي مالوش تلاتين لازمة يا بت إنتي ده إنتي بتشتغلي عند أبويا يا حشرة
عالية بصت له باستغراب وبعدين بصت لوسام اللي قالت بخوف
وسام
حضرتك ده الأستاذ أياد ابن الدكتور عامر صاحب المستشفى دي
عالية اتفاجئت للحظة وبعدين بصت لأياد بقرف
عالية
مش معقول يكون التافه ده ابن الدكتور عامر
عالية سابتهم ومشيت وهي متعصبة من اللي أياد عمله وأياد بص ناحيتها بغيظ وبعدين بص لوسام بغضب
أياد
مين الحيوانة دي عاوز أعرف
وسام بخوف
دي الدكتورة عالية جديدة في المستشفى ما كملتش تلات شهور والدكتور عامر بيثق فيها جدًا وعينها رئيسة قسم الطوارئ وجراحة في فترة صغيرة بسبب شطارتها وجديتها في شغلها
حمزة
طالما فيها ثقة دكتور عامر يبقى الله يرحمك يا أياد هقرأ عليك الفاتحة قريب
علي بسخرية
شكل باب السما كان مفتوحلك يا أياد لما قولت نفسك في واحدة تطلع عينك اهي جات اللي هتطلع قلبك مش بس عينك
أياد بغيظ
تصدقوا إنكم أصحاب عرة شايفين يعني المصيبة اللي واقع فيها دي فيها حاجة تضحك
علي وحمزة ومعاذ بصوا لبعض بخجل وأياد سابهم ودخل علشان يشوف مرام
معاذ
شكلنا زودناها يا عم منك له
علي
إحنا نيلناها مش زودناها وبس.
حمزة
في رايكم اللي حصل ده لو وصل لعمي عامر ممكن يعمل اي في أياد المرة دي؟
التلاته بصوا لبعض بقلق وحيرة من اللي ممكن يحصل بعد كدا.
