رواية حكاية لم ينهيها الفراق الفصل الاول
شاهين بصوت مبحوح: شروق... بالله عليكي ما تمشيش رايدك تعرفي
إيه اللي حصل من يوم ما افترقنا رايدك تعرفي كيف عشت السنين دي كلها وإنتِ بعيدة عني؟
شروق بوجع: هسوي إيه بحديتك يا شاهين؟ هترجّع لي عمري اللي ضاع؟ هترجّع لي الليالي اللي كنت بنام فيها وأنا ببكي من القهر؟ إنت مش خابر أنا شفت إيه بعدك!🥹
شاهين:
خابر إني ما أعرفش كل اللي عشتيه وده أكتر شيء كاسرني. كنت فاكر إنك هتعيشي بخير وإن الأيام هتداويكي لكن ما كنتش أعرف إن الدنيا هتكون قاسية عليكي للدرجة دي.
شروق: الدنيا؟! لا يا شاهين مش الدنيا اللي كسرتني... الناس اللي ائتمنتهم على حالي هما اللي كسروني اتجوزت راجل ما عرفش يعني إيه يصون مراته ولا يعني إيه يخاف ربنا فيها خان العهد وخان العِشرة وخلاني أندم على يوم اللي دخلت فيه داره انا اتجوزته غصب عني
و كنت بدخل أوضتي وأقفل الباب عليّا وأبكي لحد ما عيني توجعني وأسأل حالي؟!💔 هو أنا سويت إيه عشان أعيش كل ده؟!
شاهين قبض إيده بقوة وظهر الغضب في عينيه لكنه حاول يهدأ عشان ما يزيدش وجعها.
شاهين: يا وجع قلبي عليكي يا شروق... يا ريتني كنت عرفت يا ريتني كنت قدرت أوصل لك وأطمن إنك بخير.
شروق: ما تقولش يا ريت! كلمة يا ريت ما بتداويش جرح ولا بترجّع عمر. أنا كنت رايدة راجل أخاف عليه ويخاف عليّا راجل لما الدنيا تضيق بيا ألاقيه سندي مش واحد أعيش وياه وأنا خايفة من بكرة. كنت رايدة دار صغيرة فيها راحة وستر وصوت حد يسألني كل يوم مالك يا شروق؟ زعلانة من إيه؟ لكن حتى الحلم البسيط ده ما عرفتش أعيشه.
شاهين بصوت مرتعش: وأنا كنت رايدك إنتِ يا شروق والله ما رايد من الدنيا غيرك بس أنا غلطت وبعدت وافتكرت إن العمر طويل وإن الفرص ما بتخلصش ولما فوقت لحالي لقيتني خسرتك وخسرت وياكي أحلى حاجة كانت في حياتي.
رفعت شروق عينيها ليه وتأملت شعره اللي غرس فيه الشيب وملامحه التي أنهكها المرض وقالت: إنت كمان اتغيرت يا شاهين... شعرك شاب ووشك تعب وأنا ما كنتش جنبك. كان نفسي أكون جنبك لما تعبت كان نفسي أكون اللي تخاف عليك وتقول لك خَلّي بالك من حالك مش أقف قدامك دلوق وأنا مش خابره حتى من حقي أسألك إنت عامل إيه ولا لأ انا مش من حقي المسك انا مش خبره اقول لك ايه.
شاهين: إنتِ من حقك تسألي عني ومن حقك تزعلي مني ومن حقك حتى ما تسامحينيش بس ما تحرميش نفسك من إنك تعيشي يا شروق إنتِ اتوجعتي كفاية وأنا مش رايد أكون وجع جديد في حياتك.
شروق وهي تبكي: طب وأنا أسوي إيه بقلبي اللي لسه بيدق لما أسمع صوتك؟ اسوي إيه في حبي ليك اللي ما عرفش يموت رغم كل اللي حصل؟ أنا كرهت خلاص حياتي وما كنتش رايداها قلت له مع عيالي هم اللي مصبريني على الدنيا كنت بدعي ربنا يعوّضني عن كل اللي شفته... ما كنتش أعرف إن العوض هيقف قدامي بالشيب والتعب ده كله وإن قلبي هيوجعني عليك بالشكل ده.
ما قدرش شاهين يمنع دموعه تنزل ومد ايديه علشان يمسح لها دموعها وبعد كده حس ان مش من حقه لانها محرمه عليه: ما تبكيش يا شروق بالله عليكي ما تبكيش. أنا مش مستحمل أشوف دموعك خصوصًا وأنا خابر إني كنت سبب في وجعك في يوم من الأيام.
شروق: طب قرّب يا شاهين... قرّب خليني أشوفك مليح أنا قضيت سنين أتمنى اللحظة دي ولما ربنا جمعني بيك لقيتني خايفة ألمس إيدك خايفة أصدق إنك قدامي بجد وخايفة أصحى بكرة وأكتشف إن كل ده كان حلم.
قترب شاهين ببطء ووقف قدامها وهو عارف ان ما ينفعش يلمسها وقال:
أنا قدامك يا شروق... والله أنا قدامك ومش هضغط عليكي في حاجة. بس لو لسه في قلبك مكان ليا ادعي ربنا يكتب لنا الخير ولو لينا نصيب نبدأ من جديد هاجي لك من الباب وأطلبك بالحلال وأعاهد ربنا قبل ما أعاهدك إني أصونك وأخاف عليكي بس تخلصي من موضوعك وهكون وياك لاخر العمر يا حبيبه القلب.
شروق: أنا مش رايدة وعود يا شاهين... أنا رايدة أمان. رايدة أصحى من النوم وما أخافش من بكرة رايدة أحس إن فيه حد اختارني بإرادته ومش هيتخلّى عني لما الدنيا تتعبني أنا تعبت من إني أكون قوية طول الوقت.
شاهين بصوت مكسور: خلاص يا شروق... ما تبقيش قوية قدامي. ابكي لو رايدة تبكي واحكي لو رايدة تحكي وأنا هسمعك. مش هطلب منك تنسي ولا هطلب منك تسامحي بسرعة أنا رايدك بس تدي لحالك فرصة ترتاح وربنا يكتب لنا اللي فيه الخير.
وبعد كده شروق ما قدرتش تمسك نفسها وطلعت تجري ومشيت شاهين قال في نفسه:
مضيتِ وبقيتُ أحملُ من عينيكِ عمرًا لا ينتهي وبقيتُ أنا الرجلَ الذي أضاعَ أجملَ ما لديه ثم قضى عمره يبحث عنه.
يا شروق كيف أشرحُ لقلبكِ أنني لم أنسَكِ يومًا وأنني كلما حاولتُ أن أبدأ من جديد وجدتُ روحي تعود إليكِ؟
لقد شابَ شعري وأتعب المرضُ جسدي ومضت أعوامٌ لم أستطع استعادتها لكنّ قلبي ظلّ عند آخر لحظةٍ افترقنا فيها كأنّ الزمنَ مرَّ على العالم كلّه ونسي أن يمرَّ عليه.
كنتُ أحلمُ أن أكبرَ بجواركِ وان ترى شيبتي تغرز راسي وانتي تضحكين وانتي صغيرة وانا الكبير كنت اتمنى أن أعود إلى داري فأجدكِ تنتظرينني فأشكو إليكِ تعبَ يومي وأطمئنُّ لأنكِ هنا.
لكنّني عدتُ من آخر الدنيا لأراكِ فاكتشفتُ أن المسافاتِ لم تكن بين بلدين بل بين عمرٍ تمنّيتُه معكِ وعمرٍ عشتُه بعيدًا عنكِ.
آهٍ يا شروق...
ما أقسى أن يصل الإنسانُ أخيرًا إلى مَن أحبّ بعد أن يفقد السنواتِ التي كان يستطيع أن يمنحها له!
وما أقسى أن تكون المرأةُ التي تمنّيتَ أن تقضي معها عمركَ أمام عينيك ثم تعجزَ عن سؤالها: هل ما زال في قلبكِ مكانٌ لي؟
لم أعد أخشى الموتَ كما كنتُ أخشاه إنما أخشى أن ينتهي عمري قبل أن أراكِ سعيدةً وأن أرحلَ وأنتِ تظنّين أنني نسيتكِ يومًا.
ثم رفع عينيه إلى السماء وقال بصوتٍ خافت:
يا ربّ إن لم تكن شروق من نصيبي فلا تجعلني سببًا في وجعها مرةً أخرى وإن كان لي معها بقيةُ عمر فلا تمنحني إياها إلا وأنا رجلٌ يستحقّ قلبها.
فأنا لا أريد أن أستعيد فتاةً أحبّتني يومًا بل أتمنّى أن أحظى بفرصةٍ واحدة لأكون الرجل الذي كان ينبغي أن أكونه منذ البداية.
ثم نظر إلى الطريق الذي اختفت فيه وأردف بحسرة:
لقد تأخّرتُ يا شروق... حتى إنّ قلبي الذي ظلّ ينتظركِ اثني عشر عامًا لم يعد يعرف هل يفرح لأنّه رآكِ أم يبكي لأنّه لم يعد يملك من العمر ما يكفي ليعوّضكِ عن غيابه.
فلاش بيك قبل 12 سنه؟!💔
