رواية قلبي ليس ملكك الفصل الاول 1 بقلم فاطمه خالد


 رواية قلبي ليس ملكك الفصل الاول


_يعني اي يعني هوا ماله بيا ملوش الحق إنه يتدخل في حياتي اصلاا

_أنا معرفش بيقول كدا لى يبنتي والله

_ الشخص دا ولا أخويا ولا قريبي حتى من بعيد عشان مثلاا يبقى شايل همي هو ماله بجد إيه العالم الغريبة دي؟!

_مش عارفة والله يابنتي سيبك منه ومتشغليش بالك بيه

_بجد عالم فاضية ومتخ لفة وهوا كائن غب ي

انا ليل عندي ٢٥سنة في معهد تمريض واللي بتكلم عنه دا ابن الجيران اسمه سليم عنده ٢٧ سنة، متخرج من كلية هندسة وشغال في شركة خاصة بيه، وماما ومامته صحاب اوى أتقدملي تلت مرات قبل كدا بس انا كنت برفض؛ بسبب اني كنت صغيرة لما كان بيجيلي أنه يطلب إيدي يعني، وبعد آخر مرة بس هوا فضل في دماغه إني لازم أتجوز وكل مايشوف حد مناسب يقول لماما عليه، مش فاهمه هوا ماله بجد نكمل..

#فاطمة_خالد

_قعدت مع نفسي كنت حاسة إني عاوزة أعيط اوي.. لى كل الناس بتدّخل في حياتي.. محدش له إنه يقولي اعمل اي ومعملش اي.. بس انا قررت مش هشغل دماغي بكلام حد وانا كدا كدا في دماغي إني اهتم بنفسي وبصحتي وط ظ في كلام الناس...قومت جهزت عشان انزل كان ميعاد الجيم وانا عالسلم شوفته..

_إزيك ي ليل عامله اي

_مردتش عليه ولبست الهاند فري وتجاهلته لو كنت رديت عليه كنت هتخانق معاه اصلاا كائن سم ج

_لعبت وخلصت وبعدين روحت وخدت الشاور بتاعي وطلعت في البلكونة اقرأ الكتاب اللي جبته جديد اسمه (علاقات خطرة) ومشغلة موسيقى روسيني والجو كان برد اوى وكنت مندمجة في الجو والقراية لقيت مسدج جيالي على الواتس

_مرديتيش عليا لى انا وبكلمك انتي ونازلة

_رديت عليه: مخدتش بالي

_علفكرة دي قلة زوق منك انتي سمعتي بس عملتي نفسك مش واخدة بالك

_ارد مردش إنت مالك بيا؟!

_لا مالي عشان انتي زي أختي هيه طنط قالتلك على الكلام اللي قولته ليها..انتي اتدايقتي صح؟

_لا عشان كدا كدا ميخصكش وبعدين انت مش اخويا ولا حاجة تمام ومش من حقك تفكرلي في حياتي ؟!

_ليل انا كنت بحبك ومازلت.. بس انتي اللي كنتي رفضاني فقولت يمكن انا منفعلكيش يمكن في غيري أحسن؛ عشان أنا بتمنالك الخير

_أولًا ي أستاذ ي محترم مينفعش تقولي الكلام دا ترضى حد يكلم أختك كدا!!

وتاني حاجة أنا قولتهالك من الأول إنت ميخصكش إنك تفكرلي في حياتي وأنا الوحيدة اللي من حقي أخد قراراتي بنفسي.. مش مستنيه نصيحة من حضرتك..وبعد إذنك بقا متبعتليش تاني وهعمل بلوك

_أغلقت هاتفها وشعرت بالإرتياح قليلًا بالإنفجار به وعادت لكتابها الذي شعرت أنه مثير للإهتمام وظلت تقرأ حتى شعرت بالنعاس فذهبت لفراشها لتنام...أما على الجانب الآخر..

_أنا ي ليل تعملي معايا كدا طب والله منا حالِك وهوريكي مين هوا سليم...

في اليوم التالي إستيقظت ليل وصلت وقرأت وردها من القرآن وبعدها ظلت ترتب البيت.. وتناولت وجبة الإفطار مع والديها.. ثم تجهزت للنزول إلى الجيم.. وبعدما إنتهت من تمريناتها وفي أثناء عودتها للمنزل ..وجدت أن صديقتها نسرين ترن عليها..

_إي يبنتي مش بنشوفك لى وبطلتي تيجي الشغل

_معلش ي نسرين بس قولت اريح شوية وخدت أجازة يومين

_طب أى هترجعي إمته...بكلم ليل.. عاوزها؟!... ثواني... ليل أستاذ عمرو عاوز يكلمك

_تمام

_عاملة إي ي ليل..أظن كفاية كدا أجازة عاوزك تيجيلي على مكتبي بعد ساعة

_تمام ي أستاذ عمرو

أغلقت معهم وهى تقول.. أنا غلطانة إني سايبة التليفون مفتوح ليكو اصلاا الواحد ميعرفش يريحله يومين!! (هى تعمل ممرضة في مستشفى منذ أن تخرجت حيث أنها لم تجد عمل يناسب مجالها)...رجعت ليل لتبدل ملابسها لتذهب للعمل بعدما أخبرت والديها..

وصلت ليل للمستشفى وذهبت لمكتب مديرها فورًا..

_السلام عليكم..حضرتك كنت عاوزني

_وعليكم السلام ورحمه الله وبركاته.. اه ي ليل أقعدي..بصي في مريضة لسة عاملة عملية ومحتاجة رعاية طبية وهيه رافضة إنها تفضل في المستشفى فهنضطر إننا نبعت معاها ممرضة واللي هوا إنتي..

_تمام بس أهلي مش هيوافقوا و..

_قاطعها مينفعش اشوف غيرك إنتي أكفأ واحدة هنا وكمان دارسة علم نفس فبتعرفي تحسني من نفسية المريض والنفسية أهم من العلاج بالنسبة للمريض.. ودا بسبب إنها عندها شلل نصفي فحالتها النفسية وحشة جداا وانتي عارفة بقا رد فعل أي حد لما يلاقي نفسه فجأة كدا مش قادر يمشي بيبقى إزاى فعشان كدا إخترتك

_طيب هيبقى وقت شغلي إزاى؟

_هتقيمي معاها طبعاا وهمه هيجهزولك اوضة عندهم.. ولو عاوزة تشوفي اهلك هتروحي اجازة نص يوم وترجعي كل أسبوع وانتي هتفضلي عندهم تلت شهور لغاية ماتبدأ تتحسن، ولو لسة محتاجة وقت ممكن نطول المدة بعدين

_تمام هقول لأهلي وارد على حضرتك

_أنا كلمت والدك ووافق بما إننا على معرفة.. وهوا عارف إني مش هوديكي لأي حد.. فوافق غير كدا إن أهل المريضة والدك يعرفهم كويس أوي..

لم تهتم ليل من هم كل ما كانت تفكر به كيف ستقضي هذه المدة بعيدة عن أهلها..

_خلاص تمام هروح عشان أجهز شنطتي

_تمام وهمه هيبعتولك عربية تبعهم

_اوكى تمام

تسريع للأحداث..

كانت ليل في غرفتها بعد أن رأت مدام نوال وتفحصت حالتها وأعطتها دوائها وقامت لها ببعض التمارين وتحدثت معها قليلًا وكانت مدام نوال أحبتها كثيرًا بسبب مزاحها وإلتمست بها طيبتها وخفة روحها ثم تركتها ترتاح...

جاءتها رسالة على الواتس آب محتواها..

_فاكرة إنك لما تعمليلي بلوك مش هعرف أكلمك بس انا هسيبك براحتك دلوقتي بس هتشوفي وش تاني...


تعليقات