رواية مشاعر مؤقتة الفصل الأول بقلم مجهول
هي ارملة عشرينيه تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة.
جمانة يمة اكعدي صارت ب ٦ يلة تلحكين العالم تريد
الخبز من الصبح
جمانة : اي ماما كعدت اني اسمي جمانة خالد ارملة
وعمري ٢٣ تزوجت عمري ١٩ ورى سنتين انتحر زوجي
لاسباب بعدين تعرفوهة ورى وفاة زوجي رجعت وية
وية امي بابا متوفي من جنت صغيرة تمرض ومات
اتذكرة مثل الطيف جان عمري ٤ سنوات من توفى
اني كملت سادس علمي وكعدت لان حالتنة ضعيفة
ومنكدر لمصاريف الكلية امي جانت تخبز وتخيط للعالم
حتى تعيشنة اني الوحيدة لاهلي بابا جان متزوج قبل
امي وعندة منهة ٥ ولد و٣ بنات بس ماعرفهم
ولاشايفتهم يكرهون ماما لان بأعتبار نزلت ضرة على
امهم والي عرفتة انو امهم توفت كرايب عدنة خير
من الله عمام وخوال بس كلمن ملتهي بحياتة ومحد
مفكر بينة بس بالمناسبات نشوفهم وامي هم متحب
تختلط بيهم تكول كلهم مو خوش ناس ومصلحجية
من قبل لااتزوج اني جنت اعين امي بالخبز والخياط
علمتني من اني وطفلة على شغل البيت والخبز والطبخ
لان ماعدهة غيري ورى مترملت كمت اني اخبز واخيط
لان امي كبرت وتعبت من الشغل رجليهة بعد متعينهة
وصار عدهة اشكال امراض من القهر علية ورى مترملت
لان جان حلمهة تزوجني واستقر ويصير عدهة احفاد
بس القدر رجعني عليهة اني شكلي مقبول شعري اسود
طويل عيوني وسط ولونهن جوزي خشمي وسط حلكي
صغير ووجهي دائري وبيضة وطولي ١٦٠ الناس تكول
حلوة بس اني اشوف شكلي عادي ومقبول عندي
جيرانة
تغريد مرية ارملة عمرهة ٤٣ وهي صديقتي ودائما
وياية
وتساعدني وهي ساعدتني وسوتلي راتب ارامل هي
جارة واخت عزيزة علية حيل
حياتي متعبة وشاقة اكعد من الصبح ب ٥ او ب ٦ اخبز
وراهة انظف البيت واطبخ الغدا واكعد اخيط اضل
علمكينة للمغرب اسوي عشى وهم ارجع اخيط لل١٢
يلة انام تغريد ترزل بية وتكلي راح تعمين ويصير
عندج فقرات بس اني مضطرة لان يرادلنة مصرف
مسواك وعلاج امي علطول اخذهة للطبيب وعلاجهة
غالي يكسر الضهر كل هذا شغلي وراتبي وكوة ملحكة
ونوبات اتدين من تغريد من ماعندي ماكدر اقصر بحق
امي لان هي تعبت علية هواية وفنت شبابهة ومرضت
تتزوج وكعدت علية حتى تربيني وهي الوحيدة الي
ضلت من اهلي وين انطي وجهي اذا صارلهة شي
جنت دخبز وطبت تغريد
تغريد : ها شلونج اليوم اشتميت ريحة الخبز وجيت
جمانة : هلا بيج اكعدي اكلي
تغريد : اي طبعا اكل قابل يرادلي عزيمة بس اجيب
دبس وراشي من جوة
جمانة : طبت للمطبخ صبت دبس وراشي وكعدت تاكل
تغريد : ولج مو راح يروح شبابج وجمالج من ورى
الخبز
مو جبتلج عريس وكرايبي وارمل ماعندة احد ليش
مرضيتي جان عيشج ملكة
جمانة : وامي شلون اعوفهة مدا تشوفيهة كوة تكوم
وتكعد ماكدر اتزوج واعوفهة
تغريد : والله مادري شكلج بس من تكبرين بعد متجيج
قسمة زينة هسة انتي شابة والف من يتمناج بس من
تكبرين بعد محد يكلبج
جمانة : واني راضية بحياتي قابل شحصلت من زواجي
ذاك حتى اتزوج انوب واورط روحي
تغريد : ضلت بكيفج بس حبيت انصحج صدك جنت
اريد اشوفج فصال شفتة عالنت وعجبني كلت اشوفج
تكدرين تخيطي
جمانة : كامت وكفت بصفي وشوفتني الموديل كلعادة
موديل مفتح مال وحدة معرسة جديد اي اكدر اخيطة
ادللي
تغريد : ماشي لعد اليوم العصر اجيبلج القماش والكروة
جمانة : ياكروة يمعودة صدك تحجين مابيناتنة
هالحجي
تغريد : لا انتي على باب الله واذا متاخذين كروة
اوديهة
لغير خياطة اني عندي راتب رجلي الله يرحمة مكفيني
وزايد الحمد لله
جمانة : ماشي براحتج كعدنة نسولف وللضهر راحت
واني غسلت الحوش ونظفت البيت وطبخت الغدا
ابتسام : يمة جمانة جيبيلي لكمة داكل رجلية موتتني
من الوجع اريد اخذ علاجي
جمانة : اي يمة هسة بس يتهدى التمن واصب طلعت
رشيت الحديقة بين ميتهدى التمن بيتنة صغير بس
حلو
بنائة قديم وبي حديقة صغيرة هذا البيت بابا اشتراه
لماما وسجلة بأسمهة حتى متتبهذل وراه كأنوا كلبة
جان
حاس راح يتركهة ويروح كملت الحديقة وطبيت
صبيت غدا تغدينة ونطيتهة علاجهة ومددت وهي تون
من الوجع يوم اخذج للطبيب
ابتسام : لايمة بس نصرف فلوس والوجع مجاي يخف
جمانة : نشوف غير طبيب واوديج عليه قابل لعد
اعوفج
تتوجعين
ابتسام : يمة هو العمر وكضى المن هلمصرف قابل اريد
اصغر لو اكبر
جمانة : لتحجين هيج ماما واني وين اروح منو الي
حطيت راسي على صدرهة واشهك وابجي
ابتسام : ولج يمة لتزرفين كلبي هاي سنة الحياة ناس
تنولد وناس تموت قابل نريد نخلد يابنيتي
جمانة : كافي يوم ماريد اسمع هلحجي العصر اخذج
للطبيب وماريد نقاش
ابتسام : يمة منيلج فلوس
جمانة : عندي يوم لعد من الصبح لليل اشتغل المن غير
حتى ماشوفج متوجعة
ابتسام : من اجيتي للدنيا حيل ضجت لان ضرتي اول
خلفتهة ولد بس ابوج الله يرحمة كلي وشبيهن البنات
حبيبات امهن وابوهن واذا تربن صح يسون الف رجال
واليوم بنيتي اني فرحانة لان اجيتي انتي لو جايبة
ولد جان مداراني مثلج الله يرضى عليج يايمة
جمانة : ضليت كاعدة وافركلهة لحد محسيتهة غفت
كمت كعدت عالمكينة وضليت اخيط لحد مأذن العصر
كمت صليت وكعدت امي وبدلتلهة حتى اخذهة
للطبيب طبعا امي مابيهة تمشي هواية اشتريتلهة
كرسي متحرك حتى من نطلع متتعب
دكيت على تغريد تروح ويانة لان اني مااندل وحدي
وهي متكول لا تحب تطلع للسوك وتتكشخ وتشتري
حياتهة كلهة مشتراه حتى الاكل اغلب المرات توصي
من برى قليل تطبخ دزتلي رسالة اطلعي اني بالباب
طلعنة واجرنة تكسي من راس الشارع
نزلنة بالسوك سألنة واحد من ذولة الي يدلون
ودلانة على طبيب مال عظام دخلنة لكينة هواية ناس
دفعت كشفية وكعدت اباوع عالناس كلمن مرضة
شكل حمدت الله وشكرتة صدك الي يشوف هموم
الناس ومرضهم يهون علي همة ضلينة ننتضر للمغرب
يلة دخلونة وكلعادة اشعة وتحاليل
واني اباوع بالجزدان خلصت فلوس حتى مضل فلوس
للتكسي شسوي هسة يارب
تغريد : لتشيلين هم اني شايلة فلوس
جمانة : والله ماعرف شلون اشكرج على وكفاتج
ويانة
تغريد : انجبي انتي اختي الصغيرة مابينة شكر
طلعت التحاليل والاشعة اخذناهن للطبيب
شافهن وكال العضم مال الركبتين سايف ولازم نحط
بلاتين
جمانة : احس واحد ضربني على راسي شنو بلاتين
ياربي شو باقي الاطباء مكالوا هيج لعد
الطبيب : يريدون ينطوكم امل مزيف ويضلون
يسحبون
فلوس منكم كشفيات وعلاج ماكو علاج ممكن يعالج
حالة والدتج لازم نحط بلاتين
جمانة : زين ماما تتحمل هيج عملية
الطبيب : نسويلهة فحوصات ونشوف
جمانة : شكد تكلف
الطبيب :؛؛؛؛؛؛؛؛ ملايين
جمانة : شنو بس اني ماعندي هيج امكانية ميرهم
نسويهة بالحكومي
يتبع،،،،،،،،،،،
رواية مشاعر مؤقتة بارت ٢
الدكتور : لا هيج عمليات لازم على حسابج تسويهن
واني عندي مستشفى اهلي خاص بية هاي عملية
حساسة ومو اي طبيب تنجح عندة انصحج لتخاطرين
جمانة : زين متكدر تدليني على دكتور
يسويلهيا بالحكومي ماعندي والله
امكانية اني ارملة واشتغل خبازة
الدكتور : والله يابنتي ماكدر اساعدج
بهيج شي وكتلج هاي عملية مكلفة ميسووهة
بالحكومي
جمانة : زين دكتور عليك بداعة مصاب الحسين
قللنة السعر ماكدر على هيج مبلغ اني
الدكتور : اني متعاطف وياج بنتي بس ماكدر
وياريت هسة تطلعين لان المراجعين برى
دينتضرون دورهم
جمانة : طلعت واني نفسي مكسورة اول
مرة بحياتي اكره وضعي وفقري جنت راضية
بالقليل ومتحملة وصابرة بس من شفت امي
تتوجع واني مابيدي شي وماكدر اساعدهة
كرهت نفسي وكرهت حياتي
تغريد : شبيج جمانة كولي يالله كلشي
الة حل ربج ميكطع باحد
جمانة : جاوبتهة بقلة حيلة ونعم بالله
رجعنة للبيت نومت امي عالسرير مالتهة
ورحت سبحت ضليت ابجي جوة الدوش
من جنت طفلة ليهسة اني عايشة بحرمان
ومو مثل الناس بس الي جان مصبرني انو
امي بخير وساندتني واني اليوم واكفة عاجزة
انو اساعدهة طلعت من الحمام ورحت سويت
عشى وصبيت الية ولامي وكعدنة ناكل
ابتسام : شبيج يمة ليش هيج مهمومة
جمانة : لا ماكو شي حبيبتي انتي اكلي
حتى تاخذين علاجج
ابتسام : يمة ادري بيج شايلة همي بس
اني كبرت وهو هذا الانسان من يكبر
تطلع عيوبة واني تعبت بحياتي
بالخبز والخياطة بس حتى ماشوفج
مهمومة لو ناقصج شي امي العملية
تكلف هواية وانتي متكدرين لهيج مبلغ
خليني علمسكنات لما الله ياخذ امانتة
جمانة : ذبيت الخاشوكة من ايدي ودموعي
نزلت رحت حضنتهة وابجي بحضنهة لا ماما
ماعوفج تتوجعين بس اصبري فترة لحد ما ادبرهن
ابتسام : يمة منين تدبرين هيج مبلغ
جمانة : الله كريم ماما الله ميكطع بعبدة
واني دوم اساعد الفقرة رغم وضعي
اكيد الله مراح ينساني
ابتسام : الله يرضى عليج يمة
جمانة : رحت غسلت المواعين واني اباوع
عالبيت ماعندي حتى شي ينباع كلة اثاث
قديم ومحد بحالة شسوي ياربي
تغريد : جنت كاعدة ودك التلفون انوار صديقتي
انوار : ها ولج شو متسألين من شلتي من يمنة
قلت اتصالاتج شنو البعيد عن العين بعيد عن الكلب
تغريد : لا مو هيج بس التهيت والله
انوار : اي شلونج اخبارج
تغريد : الحمد لله انتي شلونج
انوار : والله ماشية بين الصالون والبيت
تغريد : بعدج على سوالفج
انوار : ياسوالف قصدج هن هواية سوالفي ههههه
تغريد : تعرفين قصدي ولج بعدج يومية متزوجة
ومتطلكة
انوار : اي شسوي لعد قابل اتغير
تغريد : ايا طايحة الحظ
انوار : وانتي متزوجتي
تغريد : لا قابل مااستحي واتزوج بهيج عمر
انوار : العمر مجرد رقم بعدين هواية نسوان
اكبر منج ومتزوجات
تغريد : مالي شغل بالعالم بعدين اني كرهت الزواج
من اهلي زوجوني واني طفلة لواحد شايب
وحرموني من طفولتي ومن انو اكون ام ويصير
عندي اطفال الله يسامحهم
انوار : اوي تغريد شذكرج بهلسوالف صدك
نسيتيني اني اتصلت عليج اريد منج شغلة
تغريد : وهي
انوار : ماعندج بنية شابة منا منا
تغريد : شتسوين بيهة
انوار : اهو تغريد دجاوبي بلاول ماعندج
تغريد : لا ماعندي بس من صدك شتسوين بيهة
انوار : واحد زبون عندي يريد بنية شابة
تغريد : زبون شنو ولج انتي شتشتغلين بالظبط
انوار : شبيج ولج وين راح بالج يريدهة للزواج
تغريد : لعد شنو زبون
انوار : مو اني ادور بنات الهم والي نسبة
تغريد : منو همة ولج
انوار : اوي تغريد تحقيق هو ناس اعرفهم
طاكين قسم تجار وقسم عسكريين اشكال
تغريد : شنو طبيعة الزواج
انوار : شتقصدين
تغريد : تعرفين قصدي لتثولين روحج
انوار : زواجات مؤقتة بس مهر سيد
وكلهن ارامل ومطلقات وبحاجة فلوس
او بحاجة رجال بحياتهن
تغريد : انتي من كل عقلج هيج تسوين
شنو ذنبهن هيج تستغلوهن
انوار : واني شعلية شنو خاطفتهن كلهن نسوان
كبار ويعرفن يتصرفن وهن موافقات على الشروط
تغريد : جاوبتهة بتردد ااااشششكد ينطوهن
فلوس مقابل هذا الزواج
انوار : شنو كمتي تفكرين تتزوجين ههههه
ترى محد يكلبج يدورون شابات
تغريد : انجبي حيوانة وجاوبي عالسؤال
انوار : مو سوى والله حسب البنية شكد
تريد مهر وحسب جمالهة وشكلهة
تغريد : متأكدة هلسالفة مو حرام
انوار : اي طبعا مو حرام هو عقد سيد
وشهود بي بس بالسر وفترة معينة
تغريد : هي اكو بنية جيرانة ومحتاجة
كلش بهالفترة بس مااضن توافق على هيج شي
انوار : حلوة هي شكد عمرهة
تغريد : عمرهة٢٣واي حلوة كلش
انوار : ماشي حاجيهة ورديلي خبر
تغريد : سدتة واني ضليت افكر معقولة
جمانة ترضى بهيج شي شفت الساعة بل 9
كلت خل اروحلهة واحاجيهة
جمانة : جنت كاعدة دخيط واندك الباب
رحت حطيت شال على راسي وكلت منووو
تغريد : اني جمانة افتحيلي الباب
جمانة : فتحتة وطبت سلمت علية وفاتت
للهول كعدت عالقنفة
تغريد : ها شلون صارت عمة ابتسام
جمانة : اخذت علاجهة ونامت اسويلج جاي
لو تشربين شربت
تغريد : لا اكعدي ماريد شي جيت احاجيج
بشغلة
جمانة : شنية الشغلة وليش هيج متوترة
تغريد : باعي جمانة مهما كان اللي راح اكولة
ماريدة يأثر على علاقتنة تدرين بية شكد احبج
جمانة : شبيج تغريد شنو هاذا الحجي
تغريد : جمانة من الاخير اني لكيتلج طريقة
تحصلين بيهة فلوس حتى تسوين
عملية لامج
جمانة : اي ياالله لعد ليش هيج مرتبكة
تغريد : مو يجوز الطريقة متعجبج
جمانة : شتقصدين خما شي غلط او حرام
تغريد : لا مو غلط جمانة ولا حرام
جمانة : لعد شبيج هيج خايفة تحجين
تغريد : اليوم صديقتي خابرتني وكالت اكو
رجال يريد بنية للزواج تكدرين بفلوس
المهر تسوين عملية لعمة ابتسام
جمانة : بس اني مااريد اتزوج مو كتلج قبل
تغريد : هذا مو زواج عادي جمانة مؤقت
جمانة : جنت اسمع حجيهة ومستغربة وضعهة
بس من كالت زواج مؤقت احس الدم صعد
براسي وعصبت حيل
تغريد : شبيج جمانة هيج تعصبتي
جمانة : اذا اني ساكتة فلخاطر وكفاتج وياية
اما تواصل لهلدرجة ماارضى اشايفتني
وارضى بهيج شي شنو تخبلت
تغريد : اني بس قصدت اساعدج واذا مرضيتي
بكيفج ضلت يمج بس هو زواج بعقد وشهود
يعني مابي شي حرام
جمانة : لا حرام تغريد لتضحكين على روحج
هاي سوالف ناس سخيفة تتسلى ببنات العالم
بحجة زواج هذا العمل ميرضى بي الله
تغريد : انسي كل اللي كلتة جمانة واعتبريني
محجيت شي مادامج رافضة هسة اردلهة خبر
وميكون خاطرج الة طيب
جمانة : اسفة لان عصبت عليج تغريد بس
الموضوع مستفز ومهين الية
تغريد : اسفة مرة ثانية تصبحين على خير
جمانة : وانتي من اهلة راحت واني حطيت راسي
بيج رجلية وابجي واشهك معقولة وصل بية
الحال هيج شكد راح تهيني الدنيا بعد
ياالهي ارحمني وفرج كربي ياالله
مسحت دموعي وكعدت عالمكينة اخيط
مكدرت شمرت القماش وكمت
افتر بالحوش واباوع علاشجار
وكلساع تنزل دموعي وامسحهة
لحد منعست دخلت اريد انام سمعت امي تون
رحت لغرفتهة وفتحت الضوة ها يمة شبيج
ابتسام : يمة رجلية توجعني
جمانة : رحت جبتلهة عصارة مال دهن
من علاجهة وكعدت افركلهة
واني منعسة كلش كوة فاتحة عيوني
شفتهة رجعت نامت رحت بسرعة لغرفتي
اول محطيت راسي علمخدة غفيت من التعب
