رواية جثة الترعة الفصل الأول 1 بقلم محمود الأمين

 


رواية جثة الترعة الفصل الأول بقلم محمود الأمين 


جري.مة النهارده بدأت بفضيحة.. في البداية كان فرح، والعريس والعروسة كانوا فرحانين جدًا؛ عشان الجواز كان عن حب، رغم اعتراض والد العروسة على العريس، إلا إنه بعد الضغط وافق، واتجوز منتصر وصابرين.

وبعد ما خلص الفرح وطلعوا الشقة، والناس بدأت تروح على بيوتها، الجيران بعد خمس دقايق بالظبط سمعوا صابرين وهي بتصرخ، وباب الشقة بيتفتح، ونزلت جريت على تحت، وخرج وراها منتصر وهو ماسك في إيده سكي.نة وعاوز يخلص عليها.

الناس اللي في الشارع كانت متفاجئة من المنظر، وحاولوا يهدوا منتصر اللي كان عاوز يق.تلها، ولما سألوه: إيه اللي حصل؟!.. كان ساكت خالص ومش بيتكلم، بس كان ظاهر على ملامحه الصدمة، وبعد ما هدي شوية قال إنه هو رايح على بيت أبوها ومشي.

بس لما وصل عند بيت أهلها، عرف إنها ما جتش عندهم، والكل كان بيسأله: في إيه؟ هو أنتوا لحقتوا تتخانقوا؟ ولكن منتصر كان ساكت ومش راضي يتكلم.. واتحرك هو والأستاذ فتحي، والد صابرين، على قسم الشرطة وعملوا محضر، بس لما الشرطة عرفت تفاصيل اللي حصل، سألوا منتصر عن سبب هروب زوجته منه ليلة الدخلة؟.. ولكن منتصر كان رافض يجاوب.

بس بعد 24 ساعة يوصل بلاغ لرجال الشرطة من بعض الأهالي على إنهم لقوا جث.ة لبنت في العشرينات مرمية في الترعة، وإن البنت دي تبقى صابرين بنت الأستاذ فتحي، العروسة اللي كان فرحها امبارح.

وطبعًا كل الشكوك بتروح في الزوج، وإن هو اللي ارتكب الجري.مة، ولكن التفاصيل بتكشف فضيحة كبيرة وسر محدش يعرفه عن صابرين فتحي، وده اللي وصلنا للقاتل.

....

جث.ة الترعة

الجزء الأول

بعد ظهور جث.ة صابرين، بدأ البحث الجنائي يعمل تحرياته عن صابرين وعيلتها وجوزها، في نفس الوقت اللي إحنا كنا بنفحص فيه الجث.ة اللي كانت لسه مطلعينها من الترعة، ولكن الطب الشرعي بيقول إن الجث.ة اتعرضت لطعن بسكي.نة في ضهرها وكذا مرة، وده اللي سبب الوفاة، وبعدها رمى جثتها في الميه.

وساعتها الشهود حكوا على اللي حصل يوم الدخلة، إن صابرين نزلت من بيتها وكانت بتصرخ وهربت، ونزل وراها جوزها منتصر وكان ماسك في إيده سكي.نة وعاوز يخلص عليها، وبعد ما هدي شوية راح عند بيت أبوها وملقهاش.

ولما عرفنا المعلومة دي، تم استدعاء الأستاذ منتصر عشان نحقق معاه؛ عشان هو كده المتهم الرئيسي في الجري.مة، وفعلاً وصل الأستاذ منتصر عشان يبدأ التحقيق معاه.

وقال في التحقيقات إنه فعلًا نزل وجري وراها، وكان في إيده سكي.نة، ولكن لما قال السبب إحنا كنا مصدومين.

الأستاذ منتصر قال إن صابرين ما طلعتش بنت بنوت، وأنا كنت هخلص عليها عشان كده، بس لحد دلوقتي مش قادر أستوعب إن ممكن أب يعتدي على بنته.

لحظات من الصمت سادت بعد الجملة دي من الأستاذ منتصر، وده خلاني سألته:

_ حضرتك بتقول إيه؟!

= بقول الحقيقة، صابرين قالت إن اللي اعتدى عليها أكتر من مرة يبقى أبوها الأستاذ فتحي، وهو ده السبب اللي خلاني اتجنيت وكنت هخلص عليها. كانت بتحاول تبرر اللي حصل، بس تخيل لو أنت مكاني هتعمل إيه؟ بس أنا مش بقول إني ق.تلتها، أنا آخر مرة شوفتها لما نزلت من الشقة ليلة الدخلة، وقالت إنها رايحة بيت أبوها، وأنا روحت هناك ما لقيتهاش.

_ آه، بس أنت كنت هتق.تلها فعلًا لولا تدخل الناس، مش كده؟!

= أيوه، ساعة الشيطان اللي كنت فيها كانت هتخليني أق.تلها، بس لو رجعت دلوقتي مستعد أنسى كل حاجة.

= مفيش ميت بيرجع تاني يا منتصر.

...

طبعًا اللي قاله منتصر في التحقيقات ده كلام في غاية الخطورة، ولو حصل فعلًا تبقى فضيحة ووصمة عار للعيلة دي، بس قبل ما نستدعي والد المجني عليها الأستاذ فتحي، كان لازم الأول نشوف تحريات البحث الجنائي بتقول إيه؟!

للأسف، تحريات البحث الجنائي وقتها كانت بتأكد كلام الزوج منتصر.. التحريات كانت بتقول إن الأستاذ فتحي عنده 3 بنات: صابرين اللي اتق.تلت، ودي كانت أكبر واحدة في بناته، ونهى وسماح.

الأستاذ فتحي كان بيفرق في التعامل مع بناته، وعلى حسب التحريات اللي عندنا، إنه كان بيعامل صابرين معاملة وحشة، وبيفضل أخواتها الأصغر منها عليها، ودي حاجة العيلة كلها كانت بتلاحظها من زمان، بس ما حدش كان بيتكلم.

ده غير إن الأستاذ فتحي نفسه كان بيشتغل مدرس، وليه بقول كان؟ عشان هو اترفد من المدرسة اللي كان بيشتغل فيها بسبب فعل خادش لواحدة من الطالبات اللي في المدرسة، ورغم إن الموضوع وقتها كان محل شك، في ناس شهدت معاه وناس شهدت ضده، الوزارة قررت إنها ترفده عشان تريح دماغها من القيل والقال، خصوصًا من كلام السوشيال ميديا، واللي كانت قوية في الوقت ده.

واحد كان متهم في فعل زي ده، ودلوقتي جوز بنته بيقول إنه اكتشف إن مراته في ليلة الدخلة مش بنت بنوت، ومراته قالت إن اللي عامل فيها كده هو أبوها، الشخص أصلًا اللي عليه شبهات.

وطبعًا دي المعلومات اللي كان وصلها البحث الجنائي في الوقت القصير ده، ولكن لسه التحريات كانت شغالة، وأكيد كانوا هيوصلوا لمعلومات أكتر.

بس المعلومات دي لما وصلت للنيابة، طلعت أمر بالقبض على الأستاذ فتحي وتفتيش بيته والتحقيق معاه، وفعلاً اتحركنا عشان نقبض على الأستاذ فتحي.

وأول ما وصلنا بيته فتشناه كويس، ولقينا أشعة وتحاليل بتثبت إنه تعبان، وإنه عنده مرض نادر، ولكن مع الأشعة والتحاليل دي في ورقة أشبه بوصية، وطبعًا اتخدت وسط الحاجات اللي لقيناها في بيته.

ولكن الصدمة إننا لقينا سلاح الجري.مة وعليه دم في أوضة نومه، وكان ملفوف في قماشة.. الراجل لما شاف سلاح الجري.مة اتصدم، وقال إنه ميعرفش عنه أي حاجة، وساعتها قبضنا عليه واتحرك معانا على القسم عشان نبدأ تحقيق معاه ونعرف هو ق.تلها ليه وإزاي؟.. وعشان يرد كمان على اتهام الاعتداء على بنته صابرين!

الأستاذ فتحي في التحقيقات رفض يعترف بأي حاجة، وقال: إزاي بنتي وهعتدي عليها؟ ده تخريف، والواد ده اللي اسمه منتصر أكيد هو اللي عمل فيها كده، وعاوز يلبسني الجري.مة عشان ما كنتش موافق على الجوازة، وعارف إنه واد صايع، وكانت مش هترتاح معاه.

وأنكر كمان إنه يعرف أي حاجة عن سلاح الجري.مة اللي كان موجود في أوضة نومه وملفوف في قماشة.. بس لما رجعنا الورقة اللي اكتشفنا فعلًا إنها وصية، لقيناه كاتب كل ما يملك، واللي كان مبلغ كبير، لبناته نهى وسماح، ومش كاتب أي حاجة لصابرين.. ودي حاجة كان عليها علامات استفهام؟؟

ليه يحرم بنته الكبيرة من الميراث؟

....

الراجل اللي اسمه فتحي ده كان مريب ومخبي حاجات كتير، ولما اتسأل على النقطة دي كان ساكت ورافض يجاوب، وقال: أنا حر في مالي، أوزعه زي ما أنا عاوز.. وطبعًا الرد ده هو كان بيهرب بيه من الإجابة على السؤال.

بس في الوقت ده كان بيتم فحص تليفون الأستاذ فتحي من الرائد أسامة.. والصدمة إننا لقينا رسالة من صابرين يوم الجري.مة، والرسالة كانت كلها لوم على اللي عمله فيها.. وطبعًا ورينا الرسالة دي لفتحي، اللي كان مصمم على الإنكار وبيقول: أنا ما عملتش أي حاجة، ومش فاهم الرسالة دي معناها إيه؟!

المعمل الجنائي بيبلغنا إن ما فيش أي بصمات على السكي.نة، واضح إن القاتل مسح بصماته كويس.. ولكن في الوقت ده بيظهر شاهد وبيقول إنه شاف الجري.مة وعارف مين هو اللي ق.تل صابرين.

الشخص ده اسمه ياسر، وكان بيشتغل في الأرض اللي جنب الترعة اللي لقينا فيها الجث.ة.

وياسر ده قال إن هو بيشتغل في الأرض، شاف صابرين وهي بتجري، وفضلت واقفة في الزرع تبص يمين وشمال، وكانت خايفة من حاجة وشكلها معيطه. كنت لسه هقرب منها؛ لأني كنت بشبه عليها إذا كانت هي صابرين اللي كانت بتتجوز امبارح ولا لأ؟!

بس قبل ما أقرب، لقيت واحد لابس جلابية وكان حاطط شال على وشه، كتم نفسها وضربها بالسكي.نة في ضهرها، وبعدين رمى جثتها في الترعة وهرب.. بس وهو بيهرب، الشال اللي على وشه وقع، وعرفت أشوفه، والشخص ده يبقى..


تعليقات