رواية خيال سليم الفصل الأول 1 بقلم منة خلف

 


رواية خيال سليم الفصل الأول بقلم منة خلف 


سليم.....بس انا شوفته وهو بيمشي على الحيطة يا ماما 

حبيبة بصدمة .....اكيد بيتهيألك يا سليم يا حبيبي 

سليم ...المرادي انا متأكد انه مش بيتهيألي 

 لا إله إلا الله 

************************************

تعالوا بقا نحكي من الأول

حبيبة .....ابنك محتاج وجودك يا خالد ...مينفعش غيابك المستمر دا 

خالد ببرود ....طيب وانا بعمل كدا عشان مين ....مش عشانه وعشانك 

**حبيبة بضحكة باهتة 

حبيبة....عشاني ...دا انا نسيت اني متجوزة بسببك ...مشاعري ماتت من كتر الإهمال

**خالد وهو مصدوم من كلامها 

خالد .....ايه اللي بتقوليه دا ....امال انا روحت فين 

حبيبة ...مستغرب كلامي ....دا اللي انا شيلاه جوايا وبحاول احافظ على بيتي والملم اللي فاضل منه عشان ابني 

خالد ....ليه محسساني اني مهاجر ما انا معاكم اهو ...وبعدين ليه مكبرة الموضوع كدا 

***حبيبة وهي حاسة بنزيف قلبها .....وإنه ديمًا بيقلل من مشاعرها .....ولكن قررت انها المرادي مش هتسكت 

حبيبة......اسأل نفسك كدا انت تعرف ايه عن سليم ؟؟!.....اقولك انا ...ولا حاجة ....ايه لزمة انك موجود بجسدك ولكن قلبك وعقلك وروحك مش معانا

خالد ...بصي انا مش فاضي دلوقتي...لما ارجع بالليل نبقا نتكلم 

***حبيبة وهي بتقف قصاده 

حبيبة.....المرادي مفيش هروب ...هنتكلم يعني هنتكلم ...انا وابنك اهم من اي شغل ومن أي حاجة 

خالد ...في ايه يا حبيبة قلبتيها دراما ليه 

حبيبة....دراما!!!.....هو انت بجد مش حاسس ان الموضوع كبير ويستاهل انك تتكلم 

خالد ...لا انتِ اللي مكبرة الموضوع.....انا وراجع هجيب شكولاتة لسليم وخلاص هصالحه 

حبيبة بحزن ....ترجع ....اه اللي هو الساعة اتنين بالليل ....لما يكون ابنك في سابع نومة ....انت عارف كام مرة سليم استناك على العشا وانت بتبقا عطيه معاد ومبتجيش وبينام على السفرة من غير أكل......عارف كام مرة وعدته انك هتفسحه وتقضي الاجازة معاه ....وتيجي تنام وتقوله تعبان تتعوض المرة الجاية ومبتحصلش .....كام مرة كان ييجي يوريك درجاته المرتفعة ...وتكسر بخاطره وتقوله مش فاضي يا سليم...او برافو يا حبيبي بس معلش سيبني لاني مشغول ......مشغول ورا مشغول ورا مشغول ......احنا فين من حياتك وشغلك

خالد ...يااااه ...انا وحش اوي كدا في نظرك ...وانتِ مبتفكريش فيا ...كام مرة بطبق بالايام في الشغل عشان اعرف اعيشكم عيشة كويسة .....كام مرة حرمت نفسي من الخروج والصحاب زي اي راجل عادي 

حبيبة....محدش طلب منك كدا ....ابنك ليه حق عليك ....دا الرسول صلى الله عليه وسلم قال:
«أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ؛ فَالإِمَامُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْ رَعِيَّتِهِ، وَالْمَرْأَةُ رَاعِيَةٌ عَلَى أَهْلِ بَيْتِ زَوْجِهَا وَوَلَدِهِ وَهِيَ مَسْئولَةٌ عَنْهُمْ، وَعَبْدُ الرَّجُلِ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلَا فَكُلُّكُمْ رَاعٍ وَكُلُّكُمْ مَسْئُولٌ عَنْ رعيَّتِهِ»......يعني انت هتتحاسب علينا ...فين دورك كأب في حياة ابنك ...دا حتى لما جه النهاردة زعلان وكان عايز يكلمك ...زعقتله 

خالد ...لأني كنت في إجتماع اون لاين وهو كان عمال يزن ...قولتله هكلمك بعدين هي الدنيا هطير 

حبيبة....ايه كمية البرود اللي انت فيه دا .....ابنك كان جاي بيعيط لانه جاله استدعاء ولي أمر.....العيال بتعايره هناك بسببك .....كلهم بيقولوا ابوك فين ....وبسببك اتخانق مع ولد هناك وجاله استعداء ولي أمر...وانت حتى مردتش تسمعه

خالد.....وهو بيضرب الولد ...هو دا اسلوب دا ....سليم الغلطان المفروض يتعلم يسيطر على غضبه 

حبيبة.....اممممم.....طيب تقدر تقولي هيتعلم دا منين ....وانت اقل حاجة بتتعصب عليها ...اقل نقاش بتهرب وبتمشي .....هيتعلم منين وانت ابوه مش بتعمل دا ....وكمان بتحكم على ابنك انه غلطان من قبل ما تسمعه

خالد ....خلاص يا حبيبة ايه النكد دا ....لما اجي بالليل ابقا اصالحكم...بس انا ورايا اجتماع مهم دلوقتي مش فاضي خلاص 

***حبيبة وهي حاسة بخيبة امل وإنه عمره ما هيتغير .....وهي بتتكلم وايديها بترجف 

حبيبة......طلقني يا خالد

خالد وهو مش مستوعب اللي هي بتقوله .....ايه اللي بتقوليه دا يا حبيبة ....ليه بتكبري الموضوع اوي كدا 

حبيبة وهي جسمها كله بيترعش ......الموضوع في أصله كبير...بس انت اللي مش واخد بالك

خالد بصدمة ....بسهولة نطقتيها كدا 

***حبيبة وهي بتغمض عيونها بألم 

حبيبة......لو سمحت يا خالد .....طلقني 

خالد ....ايه اللي بتقوليه دا ...انتِ واعية لكلامك ...دا كله عشان ايه 

حبيبة بوجع ....عشان لنا معرفتش اختار ....معرفتش اختار أب لابني اللي مظلوم دا ولا زوج ليا يفهمني ويحتويني 

خالد ...صدقيني انا هصلح كل شئ

حبيبة......كل مرة بتقول نفس الكلام....بقت أسطوانة محفوظة ....بس خلاص انا كنت كل مرة بقول عشان البيت ميخربش ....لكن اللي مكنتش حابة اتقبله انه اصلًا خربان

خالد وهو بيمسك ايديها .....خلاص ...حقك عليا ...صدقيني انا مقدرش اعيش من غيركم 

حبيبة وهي بتسحب ايديها ....انت كداىكدا عايش من غيرنا ....طلقني يا خالد ...ويا ريت يبقا بالمعروف عشان مخلعكش 

خالد ...هي وصلت للدرجادي يا حبيبة .....هنوقف قصاد بعض في المحاكم 

حبيبة.....وانا عشان لسة عاملة حساب للعشرة بقولك اهو طلقني 

خالد بخيبة امل ..وهو شايف انه خلاص خسرها ...وهو عارف ان حبيبة مبتصممش على كدا غير لما بيكون فاض بيها 

خالد بوجع وهو بيضغط على ايده...انتِ طالق يا حبيبة 

***وهنا حبيبة حست ان اخيرَا عرفت تتنفس 

حبيبة....انا هلم هدومي وهاخد سليم واروح بيتنا ...ويا ريت تبعتلي الورقة في أسرع وقت 

خالد.....طيب وسليم 

حبيبة......اول ما تعوذ تشوفه تعالى ..انا مش همنعك

***خالد حس ان حطيان البيت بتضيق عليه ...أخد بعضه وخرج ....وحبيت قالت في نفسها 

حبيبة ...خليك ديمًا هربان ....ولما تفوق هيكون كل حاجة ضاعت ...وأولهم اهو احنا 

لا إله إلا أنت سبحانك إني كنت من الظالمين 

***************************************************************************

***وطلعت حبيبة ...لمت هدومها...وحاجتها الخاصة بيها ...وسابت اي حاجة هو جابهالها ...وسابت كل صورهم سوى ....ودخلت اوضة سليم ..لقيته لسة بيعيط 

حبيبة بحزن ...سليم يا حبيبي انت لسة بتعيط 

سليم وهو بيشهق ....انا مخاصم بابا يا ماما والمرادي مش هصالحه 

حبيبة....لا يا سليم لا ....بابا بيحبك ...وبعدين كل دا عياط انت عايز دموعك تخلص ولا ايه 

سليم وهو بيمسح عيونه بكف ايده الصغيرة .....بس انا من بدري بعيط ومخلصوش يا ماما 

حبيبة.....طيب كفايا بقا عشان عيونك تعبت 

سليم....هو بابا مشي 

حبيبة وهي بتغير الموضوع.....استنى متخدنيش في الكلام .....انا عملالك مفاجأة 

سليم وهو بيبص بتركيز ...بجد ...ايه هي 

حبيبة....هنروح عند جدو ...وكمان هخليك تبات هناك ...وتلعب ما ياسين ومالك ...ايه رأيك 

سليم بفرحة ...بجد يا ماما 

حبيبة...طبعًا ...بس يلا بقا يا بطل قوم ساعدني نلم هدومك ونحطها في الشنطة عشان منتأخرش 

سليم ...طبعًا ...يلا بينا

اللهم اني مسني الضر وانت أرحم الراحمين 

**********************************************************

**في بيت الجد الكبير ممدوح.....الباب خبط 

ممدوح وهو بيقرأ كتابه ....شوفي يا خديجة مين جاي في الساعة دي 

خديجة ...عيوني يا جح 

***فتحت خديجة الباب 

خديجة ...ايه دا ....حبيبة ....وانا اقول البيت نور منين 

حبيبة .....دا نورك يا ديجا 

خديجة...تعالوا تعالوا ....الحج لسة منمش 

سليم ...معقول الساعة 12 وجدو صاحي 

***خديجة وهي بتلعب في شعره ......اه شكله كان حاسس انكم جايين 

سليم بفرحة ...طيب هو ياسين ومالك لسة هما كمان صاحيين 

حبيبة...تلقيهم ناموا من بدري يا سليم ....تلعب معاهم الصبح ان شاء الله

سليم اتقمص وسكت 

خديجة بضحك ....اول ما تفتح عيونك الصبح هيبقوا قدامك ...بس تعالى سلم على جدو ...دا هيفرح اوي انكم جيتوا 

***في مكتب الحج ممدوح 

خديجة....بص المفاجأة يا حج 

ممدوح وهو بيوقف من الفرحة ......حبيبة 

***حبيبة جريت عليه وحضنته 

حبيبة بدموع....وحشتني أوي يا بابا 

ممدوح ...وحشتني برضو يا بكاشة بقالي سنتين مشوفتكيش 

حبيبة وهي بتمسح دموعها ....غصب عني يا بابا وانت عارف 

ممدوح....تعالى يا سليم ...وحشتني يا واد 

سليم وهو بيبوس ايد جدو .....وانت كمان اوي اوي يا جدو ....تعرف اننا هنبات هنا كتير 

ممدوح باستغراب....معقول .....هو في ايه يا حبيبة....ايه الشنط دي مش عوايدك تجيبي هدوم وانتِ جاية

حبيبة.....هو فين ماما يا بابا 

ممدوح ....ما انتِ عارفة ....امك بتأذن العشا وبتنام ....بس انتِ مجوبتنيش يا بنتي 

خديجة فهمت انها بتتهرب من السؤال......طيب انا هاخد سليم ينام مع مالك وياسين فوق .....وهخلي سناء تجهز اوضتك يا حبيبة ...وعلى فكرة حسام اخوكي زمانه راجع دلوقتي.....هيفرح اوي اول ما يلاقيكي ...تعالى ياسليم معايا فوق 

***بعد ما مشيت خديجة 

ممدوح ....ادينا بقينا لوحدنا......في ايه يا بنتي وقعتي قلبي 

حبيبة.....سلامتك يا حج ...بس انا مش عايزة اتكلم دلوقتي 

ممدوح........خالد حصله حاجة 

حبيبة....لا هو بخير الحمد لله 

ممدوح ......طيب هو زعلك ولا ايه ...اول مرة تيجي بالليل كدا يا بنتي 

حبيبة وهي بتتنهد ....اطلقنا يا حج

*** الحج ممدوح بحكمة 

ممدوح .....مين الغلطان 

حبيبة....والله هو 

ممدوح......من غير ما تحلفي....انا واثق فيكِ يا حبيبة ...وعارف انك طول ما خدتي الخطوة دي ...يبقا الموضوع كبير ....وانا مش هضغط عليكِ .....اول ما تكوني حابة تتكلمي ....هسمعك ...روحي ارتاحي من سفرك دلوقتي 

****حبيبة حضنته وكأنها بترمي كل حملها عليه 

ممدوح وهو بيطبطب على ضهرها بحنية ...روحي يا بنتي ارتاحي ..ربنا يريح قلبك

اللهم اني مغلوب فانتصر 

*************************************************************************

***وفعلًا طلعت حبيبة اوضتها ....واول ما دخلت الاوضة حست انها رجعت طفلة تاني ....تتحامى في سندها اللي عمره ما خذلها باباها 

.....وهنا حبيبة قررت انها تبعد عن أي تفكير في طليقها ...او حتى شعور بالذنب ....وقررت انها تنام 

*** تاني يوم 

سليم ...اصحي يا ماما اصحي 

**حبيبة وهي بتفرك في عنيها بنعاس 

حبيبة...في ايه يا سليم يا حبيبي....اطلع العب وسيبني نايمة 

سليم.....يا ماما انتِ نمتي كتير ...وكمان تيتا جهزت الغدا 

حبيبة...غدا ...هو احنا لسة فطرنا 

سليم....احنا اكلنا وانتِ مردتيش تصحي ...دلوقتي الساعة ٢ 

حبيبة وهي بتمسح على وشها ......ياااه دا أنا نمت كتير اوي

سليم...اوي اوي يا ماما ...انتِ نمتي قد كدا 

**وهو بيمثل بايده حجم النوم 

حبيبة بإبتسامة دافية.....طيب انزل انت وانا جابة اهو 

سليم...بس اوعي تتأخري 

حبيبة وهي بتلعب في شعره ....عيوني 

***ودخلت حبيبة تتوضى ....وصلت ولبست بجامة مريحة ونزلت 

اللهم اني لما أنزلت أليَّ من خيرٍ فقير 

*********************************************************************

حسام بشقاوة ...طل القمر طل ....دلوعة بابا جات اهي 

خديجة ....اه هي هتيجي وتخودكم مني ولا ايه 

حبيبة بضحك ....وانا اقدر برضو يا ديجا 

سهيلة وهي بتحضنها.....مقولتليش ليه بس يا حبيبة انك جاية....كنت استنيتك وعملتلك الاكل اللي بتحبيه 

حبيبة وهي باصة على السفرة....اكتر من كدا يا ماما ...لا لا....كدا أخد على الدلع ودا مش لصالحكم 

ممدوح ....يستي انتِ بس ادلعي وملكيش دعوة

سهيلة ...امال الواد خالد مجاش معاكم ليه ...دا واحشني خالص 

سليم ....واحشني انا كمان يا نانا

سهيلة بضحك ...واحشك ازاي وهو عايش معاك ...ولا هو اليوم اللي بعدت فيه عن باباك وحشك 

سليم بحزن ....عايش معايا ...بس مش بشوفه 

حبيبة وهي بتحاول تلم الموضوع......طيب يلا روح اغسل ايدك يا سليم ونادي مالك وياسين عشان تاكلوا

سهيلة باستغراب......ايه معنى كلام سليم يا حبيبة

حبيبة...مفيش يا ماما ....هو بس كان مشغول شوية من ساعة ما استلم منصبه الجديد في الشغل وهو مشغول خالص .....عشان كدا سليم زعلان وواخد على خاطره

سهيلة ...وشغله منعه انه ييجي يسلم علينا .

حبيبة بتنهيد .....هو مش هييجي يا ماما 

ممدوح ...خلاص كفايا نكد وتعالوا كلوا 

حبيبة....مش فاهمة يا ممدوح .....نكد ايه ...ويعني ايه مش هييجي .

***حسام كان بيبص لخديجة وهما مش فاهمين حاجة

حبيبة وهي بتضم ايديها ....يعني مبقاش في خالد تاني يا ماما 

سهيلة ....ايه ...ليه بتقولي كدا.....هو كويس 

حبيبة...هو كويس ....بس انا اللي مش كويسة ...وخلاص انفصلنا 

سهيلة ...يلهوي ...اتطلقتي يا حبيبة 

ممدوح ...اهدي يا سهيلة ...ووطي صوتك عشان الولاد جايين

سهيلة ...اوطي صوتي ايه ...بتقولك اطلقتك 

حسام... اهدي يا ماما سليم فوق ووممكن ينزل فأي لحظة 

خديجة ...انا هروح اشوفهم 

***وغمزت لحسام ييجي وراها 

حسام ....ايه في ايه 

خديجة....سيبهم يتكلموا براحتهم متبقاش حشري 

حسام...حشري!!!....دي اختي 

خديجة...ولو ...دا موضوع حساس 

حسام....طيب يا ستي منكم نستفيد ...بس لازم ابقا جنبها

خديجة ...بعدين ابقا اتكلم معاها لوحدها ...الجو مشحون دلوقتي 

حسام ...خلاص ماشي 

**عندهم تحت 

سهيلة .....وانا اقول مش متعودة تيجي بالليل وتباتي....من غير ما يوصلكم ...وليه اطلقتوا

حبيبة.....اتغير اوي يا ماما .....كان قبل ما يوصل للمنصب دا كان بيشتغل ليل نهار ...وانا اقول زي بعضه ..معذور 

سهيلة ...وهو بيعمل كدا ليه مش عشانكم 

حبيبة...طيب وبعد ما وصل ...بقا برضوا مشغول اكتر من الأول 

سهيلة ...غصب عنه مش عشان يثبت نفسه 

حبيبة...طيب وانا ...انا فين ....ابننا فين ..حياتنا فين من حساباته 

سهيلة ....غصب عنه 

ممدوح بيتابع الكلام ....وهو حزين على بنته 

حبيبة...طيب بابا عمره ما انشغل عنا او عنك ليه .....مكنش بيسيب فرصة إلا ويستغلها عشان يقعد معانا......هو حتى مبيحاولش ....دا كأنه نسي انه متجوز

***ولسة سهيلة هتتكلم 

ممدوح بمقاطعة.....خلاص يا سهيلة .....هي عندها حق ...اللي حصل حصل ....وهو لو عامل حساب لخاطرها هيحاول يراضيها


تعليقات