رواية خيال سليم الفصل الثاني بقلم منة خلف
***عدا تلت ايام .....وخالد جه يقابل الحج ممدوح
**باب اوضة حبيبة خبط
حبيبة وهي بتسرح شعر سليم ..... اتفضل
حسام ...احم ...عايز اقولك حاجة مهمة
دخلت خديجة بفرحة .....لا هقول انا
حبيبة......ايه في ايه
خديجة وهي بتسد بوق حسام ......جوزك تحت
سليم بفرحة وهو بيفلت من مامته وبيجري.....بابا
حبيبة ببرود هي ذات نفسه مستغرباه......مش فارقة
حسام .....دا بجد .....دا خالد يا حبيبة ...حبيبك
حبيبة ...وايه لزمة الحب من غير اهتمام
خديجة ...للدرجادي
حبيبة ....هو قتل حبي
حسام ....افتكريله حاجة كويسة
حبيبة بدموع بتحاول تخفيها ......نفسي ولكنه اتبدل من ساعة ما اتجوزنا ولا كأنه حبيبي خالد
خديجة ...يمكن غصب انه بسبب المسئولية ...والمصاريف
حبيبة.....اللي بيحب مبتشغلهوش الدنيا عن حبيبه
حسام وهو بيطبطب على كتفها ......طيب البسي هو عايز يتكلم معاكِ
***وشد خديجة وطلعوا
لا إله إلا أنت سبحانك إني كنت من الظالمين
********************************************************************************
***وفعلًا لبست حبيبة ونزلت ....واول ما دخلت مكتب باباها لقيته قاعد وسليم في حضنه
حبيبة ...السلام عليكم
ممدوح ...وعليكم السلام ورحمة الله وبركاته.....تعالي يا حبيبة خالد عايز يتكلم معاكِ
حبيبة ...معدتش فيه كلام
خالد ...على الاقل اديني فرصة ...انا سايب شغلي وكل حالي وجاي اهو عشانك
حبيبة وهي بتضحك بتريقة ....حتى وانت جاي تصالحني اللي شاغلك شغلك وزعلان انك سايبه
ممدوح ...طيب هسيبكم تتكلموا شوية
***وهو وخارج بص لحبيبة بمعنى اطمني ...واخد سليم
سليم ...متمشيش يا بابا ...عايز اقعد معاك
ممدوح ..اهو قاعد يا حبيبي متخفش
خالد ...هونت عليكِ تسيبي البيت
حبيبة ...وانت افتكرت بعد تلت ايام
خالد ....حبيت اسيبك تهدي
حبيبة ...للدرجادي بقيت بعيد عني ...ومن امتى بحب اقعد لوحدي او انك تسيبني لدماغي احنا وزعلانين .....مش بقولك بقيت غريب
خالد وهو بيحاول يمسك ايديها .....متقوليش كدا ...بس انا كمان كنت محتاج اهدى
حبيبة..وهي بتسحب ايديها منه.......اظن اننا خلصنا كلام في الموضوع دا ....انا عيزة ورقة طلاقي توصلي ...من غير مشاكل ...مش عايزة أقف قدام ابو ابني في محاكم
خالد بإبتسامة كلها وجع .....كويس انك لسة فاكرة اني ابو ابنك
حبيبة.....لو سمحت يا خالد ...انا بحترمك واتمنى ننفصل بكل هدوء
خالد ...مقدرش ....انا لما قولت انك طالق ....حسيت قلبي انخلع من مكانه ...حبيبة انا مقدرش اعيش من غيركم البيت من غيركم وحش اوي
حبيبة...هو انت بترجع البيت دا ..وحتى لو رجعت بتبقى نايم ومش عايز نفس ...ادينا سيبنا البيت
خالد ....من امتى بقيتي قاسية كدا
حبيبة...من ساعة ما بقيت لوحدي ....من ساعة ما نسيت اني متجوزة
خالد .....اللي يريحك يا حبيبة ...وقام طلع
ممدوح ....ايت يا ابني
خالد بوجع ...هبعتلها ورقة طلاقها يا عمي ...بس عايزك تقولها اني والله لسة بحبها
***ومشي ...وسليم فضل يعيط ان باباه مشي
مالك ....متزعلش يا سليم شكل باباك مضايق عشان كدا مشي
سليم .....بس هو وحشني اوي
ياسين حضن سليم .....معلش اكيد هييجي تاني
**جات خديجة وهي قلبها بيتقطع على الولد الصغير اللي مظلوم بينهم
خديجة....ايه رأيكم تساعدوني نعمل كب كيك
سليم بفرحة ....بجد
خديجة ....اه يلا بينا
**الاولاد في صوت واحد ...هييييييي
اللهم إنك عفو كريم تحب العفو فاعف عنا
*****************************************************************
***وعدا اسبوع ...وخالد نفذ كلامه وبعتلها ورقة طلاقها وهي استلمتها ومضت ...وبعدها عملت قهوة وقعدت في البلكونة
سهيلة ....يا برودك يا شيخة ...اطلقتي وقاعدة ولا كأنه حاجة حصلت
حبيبة....عايزاني اعمل ايه
سهيلة....انتِ ايه يا بت ...ايه حالة اللا مبالاه دي .....مش صعبان عليكِ ابنك
حبيبة...هو أنا عملت كدا غير عشان ابني
سهيلة .....انتِ الكلام معاكِ منوش فايدة يا شيخة
**وقامت مشيت ...وممدوح كان جاي على الصوت
سهيلة......شوف بنتك اللي هتنقطني دي
ممدوح بعد ما مشيت سهيلة ......متزعلش من امك ...هي بس زعلانة عليكِ
حبيبة.....عادي .....مبقتش ازعل خلاص
ممدوح ......طيب انتِ حاسة بأيه دلوقتي......مرتاحة ؟؟؟
حبيبة....مش عارفة يا بابا
***ممدوح فضل بصصلها.....وهو عارف انها من جواها بتتقطع على فراق حبيبها ...ولكنها بتكابر
ممدوح....مش دا اللي انتِ عايزاه
حبيبة....اه
ممدوح بإبتسامة.....ربنا يريح قلبك يا حبيبة
****دخل حسام عليهم
حسام بمناغشة....لا بقا كل ما ابقى عايز اتكلم مع اختي الاقيكم قاعدين
ممدوح بضحك ...ما تتكلم حد مانعك
حسام .....انت ابو المفهومية يا حج يا عسل انت
ممدوح وهو بيقوم ...ماشي يعم اديني ماشي
قعد حسام وهو بصللها
حبيبة ...بصصلي ليه كدا انت كمان ....قول اللي جواك
حسام ...انا جاي اسمع الدوشة اللي جواكي ....فضفضي
حبيبة وهي بتكتم دموعها......محدش هيحس باللي انا حساه
حسام ....انا حاسس يا حبيبة....دا أنا اخوكي اللي بفهمك بنظرة ....انتِ لسة بتحبي جوزك ...بس موجوعة منه ....وهو كمان بيبحبك
حبيبة .....وايه فايدة الحب من غير امان يا حسام
حسام ....انتم الاتنين غلطانين...وانتوا الاتنين بتكابروا ...والمشكلة ان محدش فيكم شايف غير غلط التاني ...انتِ تعرفي ان طول الاسبوع اللي فات هو منزلش الشغل
حبيبة ببرود عكس العاصفة اللي جواها .....ميهمنيش
حسام بنظرة خبث.....طيب عيني في عينك كدا
***حبيبة وهي بتقوم .....يووووه.....بقا يا حسام انا قايمة خالص
***وطلع حبيبة اوضتها
حسام ...ربنا يهديكم وتفوقوا قبل ما تخسروا بعض خالص
اللهم ردنا إليك ردًا جميلًا
*************************************************************************
***وعدا على طلاقها خمس شهور ....خالد بقا ينزل الشغل ولكنه فقد روحه وضحكته ....بقا يروح يشوف ابنه في الحضانة .....بقا كأنه جسد من غير روح .....وحبيبة كمان قررت تنزل تشتغل .....وتبدأ حياتها عشان تخرج من الملل اللي هي فيه .....وباباها كان مهاودها ....عشان يخرجها من الحالة اللي هي فيها ....وفي يوم وهي راجعة بعربيتها من الشغل وكانت مستعجلة وبتتكلم في الفون لأن سليم رجع من الحضانة وهو تعبان
العربية عطلت في شارع غريب
حبيبة ...طيب اقفلي يا ماما .....شكلي توهت ولا ايه وانا مش واخدة بالي
سهيلة ...طيب ابعتلك عم عثمان بالعربية
حبيبة....انا مش عارفة انا فين ....انا هتصرف يا ماما سلام
***ونزلت حبيبة تدور على اي حد يساعدها ....ولكن الشارع كان هادي بشكل غريب خوفها
حبيبة ....اي الشارع دا ......فين البني آدمين
***وفجأة حبيبة في بيت خطف نظرها .....شكله حلو اوي ....وملفت كدا ....وهي متنحة كدا سمعت صوت وراها
عاصم ...للدرجادي بيتي جميل
حبيبة بخضة وهي بتلفله.....ايه دا ....قول احم دول دستور ...انتوا بيطلعوا امتى
عاصم وهو بيلعب في شعره ...طيب يا ستي احم ...دستور ...وبعدين انتِ اللي واقفة قصاد بيتي
***حبيبة هنا كانت متنحة ....هو الواد دا طالع من رواية ولا ايه ....شياكة وحلاوة ولبس فخم ...لا لا أرى اني اذوب
عاصم......ايه روحتي فين
حبيبة فاقت على نفسها بإحراج ....احم بصراحة....أصله حلو اوي
عاصم بغمز.....هو في حلو هنا غيرك
حبيبة ....افندم
عاصم ......اقصد ...تسلمي دي عيونك
حبيبة...وبعدين
عاصم بضحك .....صدقيني مقصدش
حبيبة....طيب بما انك شكلك شهم كدا .....انا عربيتي عطلانة
عاصم بضحك ....اولًا دا من ذوقك ...ثانيًا دا طمع من اولها
حبيبة ...ما انا مش لاقية هنا غيرك ...وبصراحة بستغل الفرصة
عاصم ....انتِ تستغلي زي ما انتِ عايزة
حبيبة.....وبعدين بقا خلاص مش عايزة حاجة
عاصم .....خلاص بهزر بهزر ...ايه مبتهزريش
حبيبة بتكشير....لا مبهزرش
عاصم ...خلاص عشان أنا طيب هساعدك ....فين العربية
حبيبة....اهي ..بس هو انت ميكانيكي
عاصم ...تعالي بس ملكيش دعوة
***وفتح عاصم العربية ...ومخدش خمس دقايق وكانت اشتغلت
حبيبة....الله أكبر.....ايه دا انت ساحر بقا
عاصم وهو بيعمل لياقة القميص ......مبحبش اتكلم عن نفسي
حبيبة بضحك ...تسلم جدًا ...عن إذنك بقا
عاصم ....طيب استني ...مستعجلة ليه
حبيبة...معلش ابني تعبان وعايزة الحق اجبله دكتور
عاصم.....طيب ما انا دكتور أطفال وممكن اساعدك
حبيبة ....بجد
عاصم ....اه بس استني اجيب شنطتي واجي معاكِ
***حبيبة لنفسها بعد ما مشي ....يعني دكتور ...وحلو ...وكمان صلح العربية ....لا لا دا خارق دا ولا ايه
عاصم ....لا مش خارق
حبيبة بخضة ....يعم ابقا ادي إشارة....وبعدين استنى هنا انت سمعتني ازاي انا كنت بتكلم جوايا
عاصم ...الواضح انك انتِ اللي تعبانة مش ابنك ...دا صوتك كان واضح اوي
حبيبة ....للدرجادي....معلش شكلي محدش بالي
*** وركبت حبيبة العربية وهو معاها وراحوا على البيت
استغفر الله العظيم الذي لا إله إلا هو الحي القيوم وأتوب إليه
********************************************************************
***وصلوا البيت ...واللي كانت مستغرباه انها وصلت في وقت قياسي بسبب انه عداها من طريق مختصر
حبيبة ...تصدق انت شخص لقطة
عاصم ...عارف عارف
حبيبة...تبًا لتواضعك يا فتى
*** دخلوا البيت
سهيلة ....اخيرًا جيتي ...الواد هيموت من السخنية ....بس مين اللي معاكي دا
عاصم بابتسامة بشوشة .....انا دكتور عاصم دكتور الأطفال
سهيلة ....اتفضل يا ابني ...هو فوق
سهيلة بهمس .....بسم الله ما شاء الله....الواد قمر يا بت يا حبيبة
حبيبة...طيب اسكتي وتعالي نشوفه
خديجة وهي حاضنة سليم ...مين حضرتك
عاصم ...انا الدكتور
خديجة.....اه اتفضل اهو
سليم ....مين انت
عاصم ....انا الدكتور يا حبيبي
سليم ...لا انت مش دكتور ...ابعد عني
**دخلت حبيبة
حبيبة....عيب كدا يا سليم
**عاصم ...عطاله حقنة ....وسليم نام
عاصم .....عادي ...هوومن السخونية بيهلوس ...انا عطيته حقنة تنومه وكمان هتنزل الخرارة بسرعة ان شاء الله....ويا ريت تجبيله الدوا دا من الصيدلية ....والف سلامة عليه
حبيبة....معلش يا دكتور تعبتك معايا اوي النهاردة
عاصم.... ولا تعب ولا حاجة ...دا واجبي
سهيلة....لا لا بعد ما عملت كل دا مع حبيبة بنتي تمشي كدا .....هو احنا بخلاء ولا ايه ....مينفعش تمشي كدا لازم تشرب حاجة ...وبعدين أنا عاملة كيكة
عاصم ...اذا كان في كيكة ...فيبقا موافق
حبيبة...معلش يا خديجة خليكِ مع سليم ....اتفضل يا دكتور تحت
ممدوح.....ازي سليم دلوقتي يا بنتي
عاصم ....هيبقا زي الفل ان شاء يا حج
حبيبة.....البركة في الدكتور يا بابا
ممدوح ابتسمله.....تسلم يا ابني
****المشكلة ان ممدوح كان قلبه ناغزه......حاسس بحاجة غريبة ...ومش مرتاح للدكتور دا ....وهو مش عارف ايه سبب الشعور دا
شكرا لزيارتكم عالم روايات سكيرهوم
